مفاهيم ذهنية ...... اشلون؟؟؟!!

[sunshinq8]

سلام اشلونكم ابلات
المفاهيم الذهينية شنو اهيه بالضبط المشرفة حاطتها لي حق اللاصفي
انا بقولكم اللي ابالي و قولولي اذا صح ولا لا بس ياليت ما اطولون بالرد علي عشان درسي
المفاهيم الذهنية مثل :
مفهوم داخل-خارج
مفهوم امام- خلف
مفهوم ثقيل-خفيف
مفهوم كبير-صغير
مفهوم طويل-قصير
مفهوم يمين -يسار
مفهوم فوق-تحت
جذي يعني ؟؟؟
انزين منو عندها افكار اشلون اسويه هاللاصفي شنو ادخل منه يعني عن الخبره ولا شكل عام متوهقه حدي

 

[sunshinq8]

رد : مفاهيم ذهنية ...... اشلون؟؟؟!!

اب
اب
اب
اب
ابلات همتكم بالموضوع ضروري

 

[sunshinq8]

رد : مفاهيم ذهنية ...... اشلون؟؟؟!!

اللي داشين 10 ولا وحده علقت علي شي اشدعوه محد يعرف مفاهيم اللي كاتبتها من قبل ؟؟؟؟؟!!!!!!!:eh_s(12):
انزين ماكو وحده كانت الابله اللي معاها قدمت ولا اكو وحده سمعت بشي ولا فكره ولا معلومه ولا شي
اشدعوه كلمة ولو جبر خاطر :bbbiu:

 

[سفيرة المحبة 88]

رد : مفاهيم ذهنية ...... اشلون؟؟؟!!

صح المفاهيم

بس ما عندي فكرة حق اللاصفي توني طاازجه

رفع لعيوونج

 

[sunshinq8]

رد : مفاهيم ذهنية ...... اشلون؟؟؟!!

مشكوره حبيبتي ويعطيج العافيه علي الرفع كافي انج تحجيتي مو مثل اللي يدشون ويطمشون
كلج ذوق عالرد والله كريم

 

[3so0ola]

هلا حبيبتي

درس المفاهييييم رووووووووووعه اذا سويتيه لا صفي

وبالنسبة اذا لازم بالخبرة او لا يعتمد على مشرفاتج انا قبل كان عادي مو الا بالخبرة بس الحين عندهم لازم بالخبرة

وطريقته كالعادة منبه تدخلين من خلاله على المفاهيم

حلو اذا دشيتي بقصه خيالية و ذكري المفاهيم فيها واااايد

وعقب ما تخلصين ناقشي الاطفال شنو الكلمة اللي تكررت وايد ؟

مثلا كبير وصغير

بعدها بلشي مسابقات عن الكبير والصغير

نوعي مرة عالداتا مرة عالبروجكتر مرة مسابقة محسوسة وختميها مسابقة جماعية بين فريقين

بعدين وزعي الاطفال على مجاميع ووزعي اوراق عمل تخدم مفهوم كبير وصغير

مثل حول وصل ركب ...الخ

وشغلي موسيقى هادية وخلي الاطفال يشتغلون

وسلامتج

 

[sunshinq8]

رد : مفاهيم ذهنية ...... اشلون؟؟؟!!

يعطيج العافيه جبيبتي فدييييتج صج عسوله والله :rerrerek:
يعطيج الف عافيه يارب مشكوره
بس ودي احط مفهوم داخل وخارج و هم عن النمط و هم في شي ان صورة احط فيها اغراض تنتمي للصورة وماتنتمي للبيئه او الصورة بس ما اعرف اسم المفهوم هذا عدل بس اتوقع حلو يصير ولا بس مفهوم واحد اتحجه عنه ؟؟؟
حلوة الاركان او المجاميع اللي قلتيها مشكوره ياقلبي

 

[عهود الحب]

رد : مفاهيم ذهنية ...... اشلون؟؟؟!!

حبيبتي سن شاين
المفاهيم الي تتكلمين عنهم اسمها مفاهيم رياضية
اما ذهنية شي ثاني
يمكن تقصد العاب ذهنية
استفسري من مشرفتج اكثر
ولج العين قبل الحاجب

 

[lolowawa1234]

صح مفاهيمج
وحلوو تختارين مثلا كبير وصغير

والالعااااب وااااايد بس ربطيه بالخبره مثلا صوره بيتين والفرق بينهم كبير وصغير
أنا أنصحج بالنهايه تسوين جوله بالروضه وأهم يلاحظون الأشياء الصغيره والكبيره مثل الشبابيك الأبواب الغرف الخ....
الدرس بيكون حلوو بس ابتكري بالألعااب

 

[hotchocolatee]

للاسف انا نقسج بس دخلت الموضوع عشان اعرف شلون يمكن يطقني الدهر واقدمه

 

[sunshinq8]

رد : مفاهيم ذهنية ...... اشلون؟؟؟!!

مشكورين حبايبي كلكم
عهووووووووود حبيبتي اشلون مفاهيم رياضيه؟؟
مشرفتنا ما تعطي ويه ابد واذا سالتها عن شي تعمد تقولي شي غلط و ادش علي عشان تنقدني حاطه علي حطه الله يهديها ويسامحها سالتها وقالتلي ماتعرفين شنو الفرق قلتلها لا ما اعرف الفرق قالتلي مشكلتج انتي ابله و لازم تعرفين ولا عطتني ولا كلمة زيادة ماعليه الله فوقها و انتي ياعهود ان شاء الله ماتقصرين ولا ابلاتنا اللي اهني يقصرون ان شاء الله والله يعلم ان ما عندي احد يقولي وحته الابله اللي معاي يوم اداوم وعشره غايبه واذا داومت ما تعرف شي كلش مع انها قبلي متوظفه الله كريم
بليز عهود طلبتج حبيبتي انتي و باجي الابلات لا هنتوا
شنو المفاهيم الرياضيه ؟؟
واللي اعرفه ان المفاهيم اللغوية يعني عن الكلمة صح ولا لا؟؟ معاها العدد ولا لا؟؟؟
عيل شنو المفاهيم الذهنية ؟؟ يعني مثل داخل و خارج ينتمي ولا ينتمي


بليز ساعدوني متوهقه و درسي باجر متوهقه حدي

 

[عهود الحب]

رد : مفاهيم ذهنية ...... اشلون؟؟؟!!

ابشري
انا عندي الدليل بشوفه وارد لج الخبر الحين
و مشرفتج لو فاهمة ما سوت جذي
بس عشان تغطي على غبائها حطت الغلط فيج
و هذا ردها معناته انها تتهرب منج لأنها اصلا مو عارفة الصح وين

 

[عهود الحب]

رد : مفاهيم ذهنية ...... اشلون؟؟؟!!

جيكت الحين عالدليل
بس انا دليلي مستوى 1 مو مستوى 2

واتوقع نفس الشي
المهم

كل خبرة لها مفاهيم لغوية = كلمات
و مفاهيم رياضية = التصنيف وفق خاصية واحدة
الطول = طويل و قصير
الحجم = كبير و صغير
الزمن = صباحا و مساء
المكان = داخل خارج- فوق تحت - امام خلف


هذي خبرة روضتي

بعدين تجي الخبرات التربوية
و لكل خبرة
مفاهيم اساسية و مفاهيم فرعية و الاهتمامات والميول و المهارات و العادات و الاتجاهات والقيم


عرفتي





بعدها تجي اهداف الخبرة





لكن لا يوجد شيء اسمه مفاهيم ذهنية



في شي اسمه العاب ذهنية مسابقات ذهنية اسئلة ذكاء

لكن مفاهيم ذهنية مااااااافي


مشرفتج باختصار جدا ً ذكية
عرفتي شلون !


الحل : تسوين الدرس و اذا سألوج شنو عنه قولي مفهوم رياضي
لاتجيبين طاري مفاهيم ذهنية لأنه هالكلمة خطأ
واذا انا كلامي خطأ يا ريت الخوات يعدلون عليه ويساعدونج
عشان محد ينتقدج والله يعينج على هيك مشرفة

 

[راقية باخلاقي]

http://www.youtube.com/watch?v=ZqLs__f1bk0

تفضلى قصه العلاقات المكانية

 

[doweha]

رد : مفاهيم ذهنية ...... اشلون؟؟؟!!

يعطيج الف عافيه راقيه باخلاقي الله اوفقج

 

[lolowawa1234]

السنه اللي فاتت كنت يديده وحضرت عند معلمه تدرس11سنه
المعلمه ممتازه وغلطت بالدرس والمشرفه صححتلها الغلط
وكل ماروح المشرفه ألاقي مدرسه تسألهاا بشغله مو عارفتهاا او ناسيتهاا ونفس الشي بأغلب الرياض
للأسف مشرفتج غير تربويه بردها والمفروض انهاا تشرف عليج وتقودج للطريق الصحيح

الخلاصه:مشرفتج مو عارفه شنو مفاهيم ذهنيه
وآنا تشيكت بالدليل وبالنت أكو مفاهيم رياضيه ولغويه فقط