مفرزناتي لرمضــان بالصــوور حيآكم

[Dandona]

السلام عليكم ورحمة الله ..

مبارك عليكم الشهر وياربي يبلغنا وياكم رمضان ويعينا على صيـآمه وقيــآمه..


وبهالمنــاسبة طبعاً استنفر المطبــخ .. استعداد للشهر الفضيل .. والعزايم والغبقــات ..

والحمدالله خلصت مفرزناتي وهذي الصــور وحبيت اوريكم ايآهاا

7
7
7
7
7






بســم الله ماشاءالله ولاحول ولاقوة الا بالله​

(كبــة برغل)

(سمبوسة السبانخ)

(سبنق رول لحم+جبن+خضار)

(شاورما بالتوست والبقسماط)

(سمبوسة جبن+خضار)

(سمبوسة لحـم- العجينـة آنا مسويتها مع السبانخ بس غيرت الشكل خذيتها من وحدة بالمنتدى الله يجزاها خير عجينتها رووعه)

(أقراص البطاطا المقرمشة خذيتها من جورية الكويت)

هذي الطريقة ::

http://www.q8yat.net/showthread.php?p=1626740#post1626740

نسيت أصور لكم ورق العنب واقراص الشيش برك ..

:68_asmilies-com:

​

 

[ريان الحلوه]

ما شاء الله وعليج بالعافيه

 

[أم ريوف 1400]

ما شاء الله وعليج بالعافيه
ياليت رااااابط البطاطس

 

[Snow angel]

ماشاء الله تبارك الرحمن روعه

الله يعطيك الصحه والعافيه حبيبتي

 

[الحراير]

تسلم ايدج وعليكم بالعافيه

 

[طيرشلوا]

عليج بالف عافية

 

[جارة القمر]

مشكووووووووره




بس يمنع وضع الصور


بدون الطرق هذي من قوانين القسم



ومشكوووووووووووره

 

[$مريومه$]

ماشاء الله
تسلم ايدج وعليكم بالعافيه

 

[F.A]

ماشاء الله شغلج مرتب
عليج بالعافيه

 

[Dandona]

بنــــات هذي الطرق ..

السلام عليكم ورحمة الله ..

مبارك عليكم الشهر وياربي يبلغنا وياكم رمضان ويعينا على صيـآمه وقيــآمه..


وبهالمنــاسبة طبعاً استنفر المطبــخ .. استعداد للشهر الفضيل .. والعزايم والغبقــات ..

والحمدالله خلصت مفرزناتي وهذي الصــور وحبيت اوريكم ايآهاا

7
7
7
7
7






بســم الله ماشاءالله ولاحول ولاقوة الا بالله​

(كبــة برغل)

هذي يامحفوظات السلامه طريقة أمي الغاليه بكبة البرغل
والكل يمدحهاا

المقادير :
3 أكواب برغل أبيض ناعم ( لكل كُوب برغل يكون الضعف ماء )
6 أكواب ماء
رشة ملح
( طحين ) لتماسك البرغل

الحشوه :
لحم مفروم
بهارات
بقدونس
بصل وثوم + ملح

الطريقه :
نغلي الماء ونتأكد من مقدرا الملح ثم نضيف البرغل نفس طريقة العيش
عشان يتشرب البرغل الماي
نهدي النار ونغطي عليه .. الين مايستوي
يستغرق نص ساعه تقريبا
بهالفتره أكون محضره الحشوه أحمس اللحم لين ماتطلع الزفره وأضيف عليه البصل والثوم والبهارات وأقلبهم لين مايستوي..
اخر شي اضيف البقدونس , وبعدها اطفي عليه عشان يبرد
بعد مانخلص الحشو يكون البرغل استوا
احطه بصينيه عشان يبرد وبعد مايبرد ارش عليه مقدار كوب طحين واخلطه مع البرغل
وارش ماي عليه , وافركه عشان يختلط مع بعضه
لما تحسين عجينة البرغل صارت سهلة التشكيل نفرمها بمفرامة اللحم ويصير عندي خليط البرغل الجاهز للتكوير , أدهن الكف بزيت عشان مايلصق ويسهّل التشكيل
واخذ عجينه بحجم الكره وأكورها وأحط الحشوه داخلها وأسكرها ..
لين ماينتهي المقدار اللي عندي
وأصفها بصينيه مدهونه بزيت وأحطها بالفريزر لين ماتجمد بعدها أحفظها بأكياس وتكون زاهبه للقلي بزيت غزير وساخن ..
( ملاحظه )
اذا الزيت بارد أو ناقص راح تفّك ..
هالكبّه مانستغني عنها طول السنه ونسويها برمضان بكميات كبيّره توصل لـ 700 حبه
وعليكم بالعافيه

(سمبوسة السبانخ)

العجينّه
2 كوب طحين
2 ونص معلقة كبيره زيت
معلقه وسط ملح
1 ونص ملعقه كبيره طحين الأرز
نص كوب لبن أو ماء
تعجن جميع المقادير وتترك ترتاح لمدة نص ساعه
آنا ضاعفت المقادير عشان الكميات اللي عندي كبيره

الحشوه :
سبانخ
بهارات
مكعب ماجي
سماق
فلفل
بصل
زيت
نص كاسه ماي

.
.

نقصص السبانخ صغار ونشوح الزيت والبصل ونضيف عليه مكعب الماجي ونضيف السبانخ عليهم والسماق والبهارات والفلفل
ومدة الطهي ربع ساعه .. ويكون جاهز ..
وتحشينهم بالشكل اللي تبينه
وبالعافيه



(سبنق رول لحم+جبن+خضار)

عجينة السبنق رول الجاهزه
لاصق العجين : ( طحين وماي )
حشوة اللحم .. اهي نفسها حشوة الكبه
وبالنسبه للجبن ..جبنة المراعي المالحه وقليل من النعناع
الخضار .. الخضار المجمده أحمسهم مع زيت وبصل وأضيف عليهم مكعب ماجي الين مايستوي لمدة نص ساعه
وأحشي بعجينة السبنق رول واسكر عجينة السبنق رول بالعجينه اللاصقه وأفرزنه واقليه عند الحاجه
وبالعافيه

(شاورما بالتوست والبقسماط)

المقادير :
قطع دجاج مسلوق شرائح
بهارات
بقدونس
بصل
جبن قابل للدهن إي نوع
بيض
توست منزوع الاطراف
بقسماط

الطريقه :
نفتت الدجاجه المسلوقه شرائح رفيعه ونشوحهم بالزيت والبصل
ونضيف عليهم البهارات والنكهات اللي تحبينها ونضيف عليهم البقدونس
خلصنا من الحشو
نرق التوست المنزوع الأطراف .. وندهن شريحة وحده بجبنة قابله للدهن ونضيف حشوة الدجاج ونسكر التوست بالطبقه الثانيه بالشكل اللي تحبينه سواء مثلثات او مستطيل أو مربع
بعد مانسكرها نغطسه بالبيض وتالي البقسماط لين تنتهي الكميه عندج
ويفرزن


(سمبوسة جبن+خضار)

شرائح السمبوسه الجاهزه
سمبوسة الخضار ..
أهي نفسها الخضار اللي حشيت فيها السبنق رول
والجبن نفس الجبن اللي حشيت فيه
وسكرتها بالعجين اللاصق
(سمبوسة لحـم هي نفسها العجينه اللي أستخدمتها بالسبانخ- العجينـة آنا مسويتها مع السبانخ بس غيرت الشكل خذيتها من وحدة بالمنتدى الله يجزاها خير عجينتها رووعه)

(أقراص البطاطا المقرمشة خذيتها من جورية الكويت)

هذي الطريقة ::

http://www.q8yat.net/showthread.php?p=1626740#post1626740

نسيت أصور لكم ورق العنب واقراص الشيش برك ..

:68_asmilies-com:

​

 

[شيهانه]

يعطيك العافيه وكل عام وانتي بخبر

 

[Snow angel]

عجيييييب تبارك الرحمن

يسلمووووووو هاليدين ياقلبي

 

[l!ke A roSe]

مشكوووووووووووووووووووورة

 

[Dandona]

ريان الحلوه
الله يعافيّج عزيزتي
شكرا على الحضور

 

[Dandona]

أم ريوف 1400
الله يعافيج تسلمين ..
موجود الرابط حطيته الحين

 

[مساء مونترو]

يعطيج العافية..
مجهود رائع

 

[Dandona]

ماشاء الله تبارك الرحمن روعه

الله يعطيك الصحه والعافيه حبيبتي

..........

حياج الله ياالغاليه تسلمين :68_asmilies-com:

 

[Dandona]

تسلم ايدج وعليكم بالعافيه

الله يسلمج ويعافيج تسلمين على المرور:68_asmilies-com:

 

[Dandona]

عليج بالف عافية

الله يعافيج يا قلبى :68_asmilies-com:

 

[Dandona]

مشكووووووووره




بس يمنع وضع الصور


بدون الطرق هذي من قوانين القسم



ومشكوووووووووووره

يا هلا جارونه مشكوره على التوضيح والطرق كلها موجوده علشان الكل يستفيد:68_asmilies-com: