مفسرة احلام كويتية جديدة

[قلب راشد]

للأسف وين النااس؟؟

عندي حلم

 

[خبيرة اعشاب]

رح اتطوع لتفسير بعض الاحلام لتخفيف الضغط على صاحبة الموضوع

لرفيجتى فسريه لى تكفين لانها محتارة حلمها ان شعرها متروس دود وكل ماتفرقه تلاقيه متروس دود وبعدين شافت ان راسها نابته فيه شجرة وجتها امها واشلعتها لها مع العلم ان امها توها متوفيه قبل اسبوعن

بالنسبه للدود في الشعر معناه فسق الزوج اذا كانت متزوجه فان كان زوجها صالحا فانه يغايرها بامراه اخرى و ان لم يكن كذلك فانه يصيبه منها غم و حزن ...
و الشجرة هي الرجل و حاله بقدر الشجرة ..و مممكن ان رح يصير خلاف او شجار بينها و بين زوجها و ينحل ان شاء الله

 

[خبيرة اعشاب]

رفيجتي حلمانه ان زهيوي قاعد يصعد على ايدها وهي قاعده تطقه

يدل على اوغاد الناس و شرارهم ...معناه ان في احد قاعد يتعرض لها و هي اتوخره عنها و ان شاء الله رح تنتصر عليه

 

[خبيرة اعشاب]

حياج الله معانااااااااا ... واتمنى تفيدينى وتفسرين هالحلم شنو الكنار بالحلم اذا احد عطاج ايااه !!!!!

تاويله على قدره يعني في شخص رح يعطيج شي حلو او تسمعين خبريه حلوة عن قريب

 

[خبيرة اعشاب]

انا تحلمت اليوم الله يسلمج بزوج خالتى واسمه بدر انه مات وزعلت عليه وايد وكنت ابجى بس بدون صوت وامى اهيه اللى قالتلى لما دق ابوى عليها وقلت حق أمى يالله يمكن هالشى يرجع ولدها من أمريكا بسرعه علشان امه ) شنو تفسيره امول

معناها طولت عمره ان شاء الله

 

[ضحـاوي]

فسرولي هالحلم بس عفيه لا تخرعوني ترا انا خوافه
بنتي متفوقه وطالعه الاولى على مرحلتها بالبتدائي ولله الحمد والشكروتكرمت بالحفله
وعقب الحفله باسبوع او اكثر تحلمت فيها لابسه النفنوف الي لابسته كانت بالحفله ومسويه نفس التسريحه ووافقه عند طرف باب وويها متضايق حيل وتعبان حيل وتعابيرها خايفه وفيها بجيه ,,,,,,,
وويها بالحلم لي الحين في بالي وكل ما طرا علي الحلم اخترع !!!!!

 

[قلب راشد]

اختي حلمانه ان بيتنا الدور اللي تحت ماجر وامي كل يوم عندهم

وبعدين قالت لنا امي تعالوا معاي عندهم بضاعة جواتي

ونزلنا وكلنا شرينا من البضاعه ما عدا اختي ما عجبها شي

 

[هااجر]

دايما اتحلم اني اسوق سيارة
شنو تفسير هالشي

ومرة حلمت ان زوجي تزوج علي

 

[خبيرة اعشاب]

يا الله بنات ...الظاهر اني بصير بدل خبيرة اعشاب === خبيرة احلام هههههه
و ان شاء الله ممكن افتح لكم قسم للاستشارات الزوجيه و العاطفيه هههههه


و الله يقدرني افسر الي عرفته من احلامكم ...الى ان تظهر صاحبة الموضوع


ياااا بسم الله

بنتي متفوقه وطالعه الاولى على مرحلتها بالبتدائي ولله الحمد والشكروتكرمت بالحفله
وعقب الحفله باسبوع او اكثر تحلمت فيها لابسه النفنوف الي لابسته كانت بالحفله ومسويه نفس التسريحه ووافقه عند طرف باب وويها متضايق حيل وتعبان حيل وتعابيرها خايفه وفيها بجيه ,,,,,,,
وويها بالحلم لي الحين في بالي وكل ما طرا علي الحلم اخترع !!!!!

معناه يا حبيبتي انج دايما مشغوله على بنتج و اتخافين عليها من اي شي عسى الله يخليها لج ..و عموما انج شفتيها متضايقه بالحلم و خايفه و هذا ان شاء الله دليل على الفرج و النجاة ..و ان شاء الله رح اتكون دايما من المتفوقات ...

 

[ضحـاوي]

الله يسمع منج انشالله ومشكورة ريحتي بالي الله يريح بالج انشالله دوووووووووم

 

[خبيرة اعشاب]

[quoteالله يسمع منج انشالله ومشكورة ريحتي بالي الله يريح بالج انشالله دوووووووووم
][/quote]

حياج الله حبوبه

 

[قلب راشد]

وحلمي خبييره بلييز ضروري

 

[خبيرة اعشاب]

اختي حلمانه ان بيتنا الدور اللي تحت ماجر وامي كل يوم عندهم

وبعدين قالت لنا امي تعالوا معاي عندهم بضاعة جواتي

ونزلنا وكلنا شرينا من البضاعه ما عدا اختي ما عجبها شي

الجواتي في الحلم معناها الزوج للمراه اذا كانت مو متزوجه و اذا كانت متزوجه فمعناه مال ....و ربما الحلم بشاره لقرب زواجك انتي و اخواتك

 

[you 2]

خبيرة والله أنا كل يوم ادش أنطرج شدعوة حلمي طوفتية ؟؟؟

 

[خبيرة اعشاب]

ريلي حلم فيني اني في غرفة امة وابوه قاعدة اصلي ويصعد وينزل وكل مايطل علي قاعدة اصلي شنو يعني

الاصل في رؤيه الصلاه في المنام انها محمودة دينا و دنيا ..و هي على 3 انواع
صلاة الفريضه تدل على قضاء دين او اداء امانه او اقامة فريضه من فرائض الله كالحج ..الخ
اما صلاه السنه فتدل على طهارة صاحبها و صبره على المكاره و شفقته على خلق الله و على انه يكرمهم و يحسن اليهم
اما صلاه التطوع فتعني زوال الهموم ان شاء الله

 

[خبيرة اعشاب]

حياج الله معانااااااااا ... واتمنى تفيدينى وتفسرين هالحلم شنو الكنار بالحلم اذا احد عطاج ايااه !!!!!

الكنار هو مال ..و ربما مال اجنبي اي عمله اجنبيه مو كويتيه
و سلامتج

 

[خبيرة اعشاب]

جزاج الله خير
حلمت ان اضافر يدي الاثنين طوال ووسخه
ممكن تفسريلي الحلم

الافه في الاظافر تدل على ضعف المقدرة و فساد في الدين و الامور و كل اضفر يدل على صلاه مكتوبه و معني الصخ في الاظافر هو عدم اداء الصلاة في وقتها المحدد او على شكل غير صحيح

 

[خبيرة اعشاب]

حلمت : إن قاعدة أمشي حافي وقعدت ادور جوتيي وأنتي بكرامة (الحذاء ) ولقيتة بغرفة إهي نعال مفتوحة لونها برتقالي وكانت صعبة لما دخلتها وضايقتني وبعدها لبستها عدل ووقفت بس حسيت إني مومرتاحا معاها وفصختها .

شوفي عموما بالحلم الجواتي للمراة زوج اذا كانت مو متزوجه و انج لبستيها فمعناها الاتفاق على مشروع زواج بس انج تضايقتي معناها دين و ضيقه اي هم من ناحيه المال ...و بعد ما لبستيها عدل ووقفتي معناها :
1- ان مشيتي فيها مسافه : السفر عن طريق البر
2- لبستيهم و ما مشيتي : فهو اتمام مشروع الزواج

و نزعها معناه مفارقه او يعرض لك امر يمنعك من السفر على كره منك يعني انتي تبين اتسافرن بس يصير لج شي يمنعج من السفر هذا

اليوم إلي وراه على طول حلمت : إني دشيت مكان يبيعون أحذية محطوطين مثل سلة وبعدين لقيت حذاء جوتي عجبني وقريت المقاس مقاسي فردة ولو أدور الثانية ألقاها بس إلي معاي ثنتين وحدة على يميني والثانية على يساري قالولي في أحلى منة خل نروح وأنا عاجبني حيل وأبية طلعت معاهم وانا خاطري في بس بعدين طلعت وانا أفكر إني أرجع لة .

هم بعد الاحذيه معناها زوج ..يعني انتي شايفه شخص و تبينه كزوج لج بس الشخص هذا يعرف حريم غيرج و كلهم يبونه ...و التفسير حسب لون الجوتي .

 

[خبيرة اعشاب]

حياج الله حبيبتي
انا عندي حلم ودي اتفسرينه اذا قدرتي

حلمت اني شاريه لحم ورايحه بيت يدتي
ونزلت من السياره ونسيته يم السياره
ويوم صعدت تذكرته
ويوم رديتله وله الاقي قطاوه قاعدين ياكلونه !


افيدونا بما افادكم الله ^_^

اللحوم فاوجاع و اسقام و ابتياعها مصيبه ..فاما القطط التي تاكلها فاناس يغتابون الشخص الذي اشترى اللحم ...

و ان كان اللحم لحم ابل فهو مال يصيبه من عدو قوي ضخم
و اما لحم البقر فيدل على تعب لانه بطئ الانهضام ..

 

[خبيرة اعشاب]

ملحوظة


بنات اول شي الموضوع مو لي و انا بس تطوعت لتفسير بعض الاحلام الى ان تظهر صاحبة الموضوع

للتفسير اعتمد على بعض كتب تفسير الاحلام و على كتاب ابن سيرين و بعض المواقع في الانترنت

ما استقبل طلبات تفسير على الخاص رجاءا

بعض الاحلام ما اعرف تفسيرها فاخليها ....رجاءا اعذروني

عدم الكذب في الرؤيا فقد صح ان النبي صلى الله عليه و سلم قال : ( من كذب في حلمه كلف يوم القيامة عقد شعيرة ) رواه مسلم

و السلام