شلونكمِ حبايبيِ :eh_s(22):
اليوم موضوعي بيكون عن مفضلاتي لشهر ( فبراير )
مفضلاتي مو بالضرورة تعني اني حبيت هالشي وايد و بظل اشتريه دايما / مفضلاتي اهوا شي يمكن علقت عليه هالشهر و استخدمته بشكل شبه يومي
بحكمِ اني كنت مشغولة هالشهر بالجامعهِ ، حتى ما عطوني عطله مثل الناس :eh_s(2):
فـ ما جربت وايد أشياءِ ، لكن في اشياء معلقه عليها من جم شهر و ظلت بـ مفضلاتي و في أشياء يديدة
أتمنى تستمتعون و تستفيدون :eh_s(7):
اول شي اهوا البي بي كريم من ذا بودي شوب و درجتي 02 و تكلمت عنه في هالموضوع
The Body Shop BB Cream - review
JqCCIcQ~~60_35.JPG)
ثاني منتج حبيته وايد وايد اهوا بلاشر ريفلون 20 - tawny peach و تكلمت عنه بهالموضوع
Top 4 -DrugStore Blushs مفضلاتي للبلاشر
ثالث منتج اهوا كونسيلر و هايلايت من ريميل / صراحه اغرمت بهالشي الجميل :eh_s(22):
اهوا كلش ما اعتبره كونسيلر و ما يناسب الي عندها هالات واضحه ، بس تقدرين اذا عندج هالات تستعملين كونسيلر قبله ، اهوا الحلو فيه انه ينور المنطقه بس بشكل ناعم مو مثل اي هايلايتر قوي ، يعني هذا اقدر اقول انه يناسب النهار و شي يومي و حتى لوك ( نو ميكب ) .. و درجتي 030 اغمج مني بشوي بس هم تنورلي عيني و تأثيرها حلو
رابع مفضلاتي اهيا ماسكرا لانكوم ، المسكرا قبل كل شي في عيب وايد يأثر عليها و اهيا انها تنشف خلال ثلاث اسابيع بس ، بس هم حلوة وايد و هذا الي يخليني ارد اشتريها
احب طولها و كثافتها ، وايد تناسب النهار و المناسبات بنفس الوقت :rerrerek:
خامس شي الي حبيته وايد هالشهر اهوا حمرة ايسادورا ، هالحمرة اقول انها شبيهة حمر ماك بلا منازع ، عيبها بس الثبات ما يطول معاج ، بس كريمية وايد و درجاتها تينن
الدرجة 124 و مثل ما قلت / وايد اشبهها بحمر ماك من كثر ما اهيه تينن
,و سادس مفضلاتي هالشهر اهوا من ماك الماركة العزيزة :eh_s(22):
نوعا ما وقفت منتجات ماك لأني من زمان ما مريتهم , و انا عموما ما استخدم شي اذا مر عليه 3 شهور أو أكثر بس يتني هدية و اهيه ( nail polish )
اسمه snop و اعتقد انه لمتد ادشن ، بس وايد ناعم و انا احب هالدرجات
آخر شي بمفضلاتي اهيه حمرة كلارنس ، انا عمري ما حبيت الحمرة الوردية الي فيها لمعه ، بس هذه غير ، فيها لمعه بس الي مو واضحه ، درجتها صعبه وايد ، وردي على لحمي ، ما شفت مثلها و حيل ترطب و ثباتها نوعا ما زين
درجتها 707 و بالصورة طالعه اغمج بس اهيه فاتحه
بالنهاية أتمنى أكون أفدتكم و لو بشي بسيط عن أي منتج ، و انشالله اذا عجبكم راح انزل مفضلاتي لمنتجات العناية بالبشرة لشهر فبراير
و بسسِ تسلمونِ على المتابعهِ :eh_s(7):
التعديل الأخير:
