رد : مفهوم كبير وصغير
ماسية حبيبتي مايصير نقارن بين طفل و طفل نحرجهم
و هذا يحتسب نقد عليج
انا قدمت هالدرس وكان يهبل صراحة وكله مسابقات
المثير حطيت صورة باللابتوب بيوت متجاورة وطبعا بالأول كانوا مغطيين ويبين طرف البيت بس الين تكتمل الصورة
ويكون في بيتين يم بعض وبعدها اسألهم ماذا نشاهد بيوت . هل هي متشابهه نعم ولكن فيها شيء مختلف
بعدها يقولون انه بيت كبير وبيت صغير
ندخل على مسابقة عندي مجموعة صناديق ملونة كل طفل يحضر لي اللون الذي اطلبه
نستخرج منها مجموعة محسوسات مثال عرايس كتب وطبعا كل شي منه اثنين شي صغير شي كبير
هيا نقلد الطفل الصغير و نسوي حركة تكور حول نفسنا بعدها هيا نكبر معا و نوقف بالتدريج مع الاطفال كأنه شيء ينمو ويكبر
في عندي مجموعة اطواق كبيرة و صغيرة
نلعب ننط نطة داخل الطوق الكبير و ننط نطة للطوق الصغير
جذي يعني مجرد تحريك وتمييز للأحجام
ثم نذهب في رحلة للأركان
هناك ركن به سلة فيها ملعقه كبيرة من يستخرج لي ملعقة صغيرة من الركن و يطلعون لي ملعقة ونقارن بينهم
ركن به قصص كبيرة و قصص صغيرة من يستخرج لي و نشوف ونقارن
نرجع لأماكننا
عندي سلتين انادي طفلين يستخرجون لي من العلبة انت استخرج لي كرات صغيرة لونها اصفر
وانت استخرج لي كور كبيرة لونها احمر مثلا ً
وهكذا
اخر شي مسابقة جماعية و انتي حرة
مع العلم انه جذي الدرس كامل وكفيتي ووفيتي
اذا حابة تزيدين شي
حطي تطبيق ورقي صورة طفل صغير و طفل كبير ويحوطون حول الطفل الصغير
وسلامتج
