مقارنه بين أنواع مختلفه من القارئات الالكترونيه للكتب :) تجميعي

[LUXURY]

سكارلت
حبيبتي وين الخطوه اللي وقفتي عندها؟؟
شنو الشئ اللي ماعرفتيله؟؟

الحين انتي من لابتوبج تدشين الفورشيرد حلو؟؟ وتنزلين كتب pdf ماشي؟؟
وتخزنينهم بالايتونز مالج وتوصلين الايباد باللابتوب وتسوين سينك
هذا اللي سويتيه ومانفع؟؟


شوفي باعطيج طريقه ثانيه سويتها بالايفون مره وان شاء الله تضبط معاج بس صج مو ذاكره عدل ومن زمااااااااان بس باقولج
نزلي بالايباد ابليكيشن 4shared تلقينه بالستور مجاني
دشي عليه وسوي سيرج عالكتاب اللي تبينه ونزليه عندج راح تلقينه متخزن بس بالفورشيرد
طبعا عندج ابليكيشن ibook
فتحي الكتاب بتلقين تحت علامات وحده منهم اعتقد اذا موغلطانه على شكل سهم لا طقيتيها يطلعلج انج تفتحين الكتاب ببرنامج ثاني
اختاري برنامج ibook وبتلاقينه يفتح معاج هناك ويتخزن عندج بمكتبة الايبوك
جربيها وقوليلي

وعذريني اذا ناسيه شئ بس لان من زمااااااااااااااان مسويتها والحين ماعندي ايفون غيرت جهازي
جربي لان حرام تشترين كتب غاليه ماسويتي شي :\

 

[ScarletteO'Hara]

اي لولو الطريقة الاولى طبقتها و ما صار شي
و هم ريلي جرب لي الطريقة الثانية الي انتي ذكرتيها و هم ما صار
لا لا لا جد ابي حل

 

[LUXURY]

سكارلت الطريقه الثانيه الدقمه اللي تضغطين عليها اول شئ يفتحلج الملف بشكل كامل بعدين ردي ضغطي على هم دقمه طالعتلج تحت تقولج تفتحينه بالايبوك
اذا ماصار ودي الجهاز اي محل الكترونيات يعلمج عليه :\ ولا تشترين بالفلوس حرام

 

[ScarletteO'Hara]

خلاص برد اجرب الطريقة الثانية و امري لله
عشان و الله جد اسعار الكتب مو صج لو اطلب الكتب على الآمازون يطلعون علي بأرخص واااااايد
اجرب الطريقة و اعطيج خبر

 

[ScarletteO'Hara]

جربت الطريقة الثانية
بس ما نزلت الكتب من ال4shared ابليكيشن
نزلته من السايت و على الآيباد و نفع
نزلت لي كتابين و الوضع عال العال

 

[LUXURY]

زيييييييييييين مبروووووووووووووووك عقبال ما تترسين مكتبتج خخخخخخ

 

[ScarletteO'Hara]

و الله متحمسة اني اترس المكتبة خصوصا حق النفاس مالي خلق اشقل كتب تحت عند اهلي- انا ساكنة عندهم بس فوق بشقة منفصلة
بس تصدقين ما حصيت لي الا 3 كتب ما ادري شنو احط
لان في بعض الكتاب افضل كتبهم يكونون كتب فعلية بمكتبتي فمو كل شي بقراه على الآيباد
و اول كتاب ان شاء الله بقراه فيه Violets Of March حق البوك كلب
مو الكتاب الياي
و الا الي بعده
الي بعده
و انتي ان شاء الله راح تشاركينا فيه

 

[LUXURY]

sسكارلت
اهو شعور اييلج ان كل الكتب تقولين ابي هذا كتاب وهذا كتاب وهذا ما احس باقراه ايبوك
ياني هالشعور وللحين ماتغلبت عليه وللحين في صراع بين اختلاف نوعية الكتاب
بس عالاقل قمت اقرا فيه يامعوده
تره وايد كتب موجوده بس فكري عدل يطلعونلج ماعليج فجأه بتشوفين نفسج ترستيييييييه كتب نفس حالتي لوووووووول
اي ان شاء الله باقراه معاكم افا عليج متى مابغيتو تبدونه قولولي وابديه معاكم

 

[ScarletteO'Hara]

^^^^^
انا مشكلتي اني توني طالبة شكثر كتب من امازون عشان جذي متوهقة
بس عموما اليوم صاروا 4 كتب هههههه
حبة حبة بترس المكتبة اوريج

 

[هوية غريب]

شلونكم بنات .. مبارك عليكم الشهر

رحت الغانم وشفت جالكسي تاب .. شدعوة .. بأمازون بحدود 85 دينار .. وبالغانم 195 .. ليش هالبوق؟؟

في شغلة ثانية .. حسيت استعماله ما راح يكون سهل أو بمعنى آخر مو متعودة على قائمته وحسيت ان فيه خصائص أكثر من الغرض اللي بشتريه عشانه ..

بس الأحلى إني تمعنت في Kindle بأمازون وشفته وااااااايد أرخص .. سعره تقريباً 40 دينار .. وأعتقد انه فقط قارئ وهذا اللي انا أبيه .. بس عندي سؤال .. يقرا عربي؟؟ ولا بس انجليزي؟؟


بصراحة عجبني الكندل وناوية أشتريه إن شاء الله


سكارليت .. بالنسبة للآيباد نزلي عليه برنامج الـ ibook ووصليه بالكمبيوتر وفتحي الـ itunes وضيفي الكتب اللي تبينها وسوي تزامن synchronize وراح تنزل الكتب بالآيباد والقراءة فيه مريحة للعين لأن فيه تحكم بالإضاءة والخط وحجم الشاشة كبير

ويعطيكم العافية وبالأخص لكجري :s142:

 

[تفديني روحه]

ومنكم نستفيد اذا ما فيه كتب عربيه مافيش فايده