مقبلة عالزواج ؟ شوفوا نصايح امهات اليوم

[قطوووة]

جميل !

 

[انثى عاشقة]

الطبخ شكو اسوي روحي غشيمة !!
انا ما احب اكل المطاعم
ماكنت اعرف اطبخ
وصرت الحين فنانة ​

 

[أمي قرة عيني]

حلو الواحد يكون على طبيعته أحس النصايح نتيجة خبره وتجربة ومو شرط تجربة اللي تنصحني بتفيدني لأن ريلي غير عن ريلها !!!

هذه وجهة نظري

 

[أنهار الكويت]

بنااات والله فيه حمااايل ما ينعطون ويه ويكرفون الجنه

اوكي الوحده حلو انها تتعلم الطبخ لنفسها وزوجها وعيالها باجر

بس مو مجبوووره بخلق الله


واكيد كل زوج ماراح يقول لمرته لا تطبخين لاهلي اذا بالذات حطت قرار الطبخ

واللي يقهههههر ان عقب ماتيي الجنه يصيروووون (( احناااا ما ناااكل من الخدم ويييع ))

انزين الله يرحم يعني قبل لا ايي شلون كنتوا عايشييين !!! واللي يفششششل اكثر باول ايام عرسج تشوووفين بعيييينج الخدااامه تسوي كلشي


بس من تيي الجنه يصيييير الوضع شي ثااااني تصييير الخدااامه وييييع

وعلى قولة وحده من الخوات يحطون لج جدول


وحتى ليما تطبخين وتعطين من قلب والله والله يااااا ليت يبين بعييين الحمووووله بالاخيييير بالذاااات الحمواااات بس اهم السنعااات وراعياات البيوت وغيرهم رفلات ومعفنااات

واالمصيبه تشوفينهم جدام عينج عايشين الخدم

نفس وحده من حمواااتي والله عمرها 40 وانا اول ماتزوجت عمري19

واهي عندها بس3 يهاااال وحاطه خدامتييين ومره وحده منهم انحااااشت (ركزوا بس وحده )

شصااار فيها ضااااعت تيي عندنااا واعصااب حدها وكله تتحلطم انها ماكله خرااا ولا قادره تنسق وقتهاااا


يعني حدي حدي انصدمت وبنفس الوقت لها عين تعيب على خلق الله


والله عن نفسي كنت حامل وايي من الدواام (الكليه) وبالشهر السابع واطبخ لهم برمضان

هم سمعت كلمة تبرد الچبد والله مااااكووو لا ويذمووون بعد محد يسوي ومحد يسوي اللهم اسمع الكلاام الطيب من ريلي وحمويني( الرياييل)

اما الحريييم اللهم ياااكافي

باختصار مايبين بعيينهم

فحلاة الوحده تحط تعبها بس حق شقتها وريلها.

وبين فتره وفتره تسوي شغله بسبطه للحموله


نصيحتي للي مو متزوجه لااااا اطمعيييين الحموووله فيج

حتى لو كانوا زينين اكيد بيي يوم لو مره ماتسوين بعاتبون وبينسون ان اللي تسوينه فضل وطيب مو غصب واجبااار

يعني اذا تعودوااا مصييييييبه

 

[أنهار الكويت]

سوري نسيييييت نفسي وقلت قصة حياااتي

لوووووول


بس لان قلبي مترووووووسه

اي تذكرت المصيييبه عقب ماقمت اتفنن لهم بالطبااااخ حتى ذبااايح تعلمت من امي تخيلوووو يتلهم فتره خالتي وحمواااتي يزعلوون ويتشرهووون توقعووون ليييش !!!!!


يقولون ... " ماعمرنا شفناااج مسويه حلو العصاري وحركااات من هالسواااالف الحلوووه "


امااانه شفتواااا الطمع وييين وصل والله العظيم انهم يزعلون على هالشي واني مقصره بحقهم العصاااري ماسويلهم حلوووو

والمصيبه ان اسوي قهوه وجاي واطلب حلو وفطاااير بس الطيبين يبوني فل اوبشن


مادري طالبيني من مكتب وانا مادري!!!!


بس الحمدلله صحيييييت من اخباااالي وصرت اسوي اللي علي وبس غدا لا اكثر ولا اقل ولا اتعب عمري واتفنن

الصرااااحه مو كفوااا

 

[أنهار الكويت]

والمصييييبه يدروووون ان كنت بيت اهلي مدلـله وبنفسهم داشين بيتنا وشايفيني وضعي وعيشتي غييير غيييير غييير نهاااائي عنهم


بس الحب بالييييني بلوووووه انا وريلي تزوجنا عن حب


وعشاااان ريلي خليت امي تعلمني كلشي بفترة الملجه لان نوعه يحب الاهتماااام والدلع وصج فعلن اهو الوحيد اللي ماياكل من الخدم حتى خداماتهم قالولي هالشي

ويستااااهل بعد عمري اهوووو لوووووووول

 

[أنهار الكويت]

فاصله عليكم مافيني نوم وقاعده افضفض

تحملوووني هااا

 

[كـيـكة]

اممممم انا توني يديده ع الزواج

بس حسب خبرتي << احم احم

اذا ساكنه مع حمولة لا تتعلمين الطباخ و قولي لهم ما اعرف و اذا اضطريتي قولي لهم اعرف اسوي بس مقادير لشخصين عشان لا يطلبون منج


و اذا شقتج بروحج لا خليه يتعود ع اكل الخدامه و اذا تعود عليها انتي بعدين طلعي ابداعاتج بس مو كله عليج خلي الاساسي ع الخدامه

و اذا ماعندكم خدامه عوديه ياكل خفايف مو كله اطباق دسمه


ووووو السياره لا تخلين كل المشاوير عليج مره جذي و مره جذي قولي له اذا مشغول انا اروح بس اذا فاضي انت توديني


واااايد قرقت _shh_:

 

[كـيـكة]

انهار اخذي راحتج قلبو

الله يعينج

 

[ديانا سبنسر]

اشوف نصايح الامهات تغيرت من اللي يشوفونه ويسمعونه عن الريال والحمولة

 

[سوسو حبيبتى]

لوووول ما اعرف مو متزوجه بس بقول اللي اسمعه

وحده من رفيجاتي تقول لا تحسسين الريال انج تحبينه اكثر منه عشان لا يشوف نفسه عليج

واسرار اهلج وعايلتج لا تقولينها لريلج عشان يا سمح الله صار شي لا يعايرج

ولا تكشخين 24 ساعه عشان لا يزهق منج ويمل

وعاملي الريال جنه ياهل (( رفيجتي لم قالتلي جذي قمت ابجي من الضحك)) هههههه

هذه كانت نصايح رفيجاتي المتزوجات طموووشه ^^

اى عدل كلامها :rerrerek:

وامهات زمان لا يعلي على كلامهم

 

[قطوووة]

اييييييييييييه قلوووووووبكم مترووووووسة

 

[قطوووة]

اااااااااااب

 

[PuPa^^SWeeT]

لاا والله ما اعتقد انها نصايح لها فايدة



اول و تالي لازم تطبخين



بروحها سنة علاما ايي البيبي عااد اهني ياقلبي باتيبين خدامة



و على سالفة البيض و الشكر الحمدلله و الشكر شكووو على بيض مابي يتعود



عاد استانس اذا طبخت و ريلي كلى الصحن كله



و بالنسبة للسواقة يبين اذا عندج ليسن و سيارة


بعد شنو ماتعرفين اتسوقين



هذي نصايح تفاهات مو بمحلها و لا تغني و لا تفيد

 

[دلوعة فودي]

ياحبيبتي زوجك على ماتعوديه وولدك على ماتربيه

​

 

[كريستال]

مع اللي قبلي

الريايل تغيروا

راحو الطيبين

 

[Hello_kitty]

لاا والله ما اعتقد انها نصايح لها فايدة



اول و تالي لازم تطبخين



بروحها سنة علاما ايي البيبي عااد اهني ياقلبي باتيبين خدامة



و على سالفة البيض و الشكر الحمدلله و الشكر شكووو على بيض مابي يتعود



عاد استانس اذا طبخت و ريلي كلى الصحن كله



و بالنسبة للسواقة يبين اذا عندج ليسن و سيارة


بعد شنو ماتعرفين اتسوقين


هذي نصايح تفاهات مو بمحلها و لا تغني و لا تفيد

معاها حق شهالنصايح اللي مافيها خير ولا سنع..هذي مو نصايح خراب بيوت وفضايح!!

مثل ما الوحده تبي ريلها يعطيها ومايقصر عليها اهي بعد لازم تعطيه وماتقصر عليه

وطال الزمن ولا قصر يظل كل ريال يحب ياكل من ايد مرته ويفتخر فيها وبسنعها..واصلا

اللي ماتعرف تطبخ هذي اللي ينقد عليها ويسمونها رفله مو لازم تصير شيف بس عالأقل

تعرف تطبخ حق بيتها وريلها..وبالنسبه حق السواقه الريال السنع ولد الأصول ما يقصر مع مرته

وبيته ويقوم فيهم وبمشوايرهم بس هذا مو معناته نخلي الريال سايق تحت الطلب..الحمدلله

السياره عزوه وتغني المرأه وتقدر تقوم في بيتها واعيالها اذا احتاجوها مو تصير حالها حال
الكرسي بالبيت عاله ما تعرف تتصرف ولا تسوي شي ومعتمده عالريال بكل شي جنها بزر..

الحياة شراكه ومسؤليه بين اثنين كل واحد يقوم بدوره وواجبه..

الزواج مو معناته اتكاليه وارمي البيت بما حمل عالزوج واصير الدلوعه البيبي اللي ما تعرف شي ..
اهو ما يبي طفله يربيها..
يبي زوجه امراه ناضجه مسؤله تتحمل معاه مسؤليه البيت والعيال وتعينه بهالدنيا ولي غاب يقدر يعتمد عليها

 

[فرفورهـ]

اصصدمج بنصاايح وحده تقولها لي مره جبيره مو اصغيره بالابعين
تقولي صيري جريئه بالفراش ولبسي مشخلع وتدلعي ولاتستحين
هههههههههههههههههههههه
قلت لها رووووووووووووووووووووووحي زييييييييييييييييين خخخخخخخخخخخخخخخخخخخخخ

 

[قطوووة]

اااااااااااب

 

[قطوووة]

......