مقترح حل للمشكله الاسكانية

[nayswman]

السلام عليكم,,



اليوم ودي اوريكم احد الاماكن الممتازه لحل جزء كبير من المشكله الاسكانيه بالكويت





اول شي خلنا نشوف خريطة الكويت الحبيبة و شوفو معاي موقع المطار:




طبعا موقعه ممتاز لانه قريب من كل مناطق الكويت (العاصمة, الجهراء, والمناطق الجنوبيه)

يعني افضل مكان يكون لك بيت فيه.





مو هذا الموضوع .....



الموضوع ان لو هالمنطقه صارت سكنيه شكثر نقدر نحط فيها....



تفضلوا معاي نشوف







المنطقه تقريبا 80 كيلو متر مربع... شنو معنى هالشي؟



الحين راح ناخذ جنوب السره بكل مناطقها و بنفس مقياس الرسم (2.37 ميل) و نحطها بهالمنطقه... شوفو معاي








شفتو شلون؟؟ بس لحظه خل ناخذ القرين بجميع مناطقها (العدان و مبارك الكبير والقصور والقرين) لا و فوقهم بعد صباح السالم !

نحطهم و نشوف يبقى مكان ولا لا؟








وفوق هذا ... هم باقي مساحات فاضيه ....



ياجماعه ... حوالي 14 منطقة سكنيه !!! والمكان موجود لهم ...



شيلو هالمطار ودوه المقوع ودوه بوبيان او العبدلي أي مكان مو مهم ...



المهم خلونا نتنفس ... شيلو هالطلبات الاسكانيه ... و على طاري الطلبات الاسكانيه



اللي اعرفه ان الطلبات وصلت 70 الف طلب؟ في احد يقدر يتكرم و يعرف يطلع مجموع هالمناطق جم وحده سكنيه؟ ونشوف شكثر حلينا من المشكله؟





زين تدرون شنو الطامة الكبرى و المشكلة الاكبر؟



ان في مشروع ضخم لتوسعة المطار!!





زين المسؤولين في الحكومه و في الاسكان تعتقدون مافكرو بهالشي؟؟؟

انا اتمنى نوصل هالفكره لكل شخص قادر انه يساهم في تحقيقها



واذا صارت واللي يرحم والديكم ... دام اني صاحب الفكره ابي بيت راس و ارتداد بهالمنطقه



وتحياتي لكم جميعا و من هني لي هذاك الوقت ادفعوا ايجاراتكم بوقتها وخلكم خوش ناس


منقوووول:eh_s(15):

 

[nayswman]

بس آنا حبيت أرد عليه
الميزانيه إلي تتكفل بالهشغله تسمح بها الدوله ولا لأ
أتوقع مسأله نقل المطار مسأله مهي هينه
وسبب الميزانيه الهئله إلي بتخسرها الدوله
ما أدري حبيت أعرف رايكم
ياليت تتردون علي

 

[النبع الصافي]

الله يعيينا على الإسكان ومشاكل غلاء السعار !!!!

 

[nayswman]

مشكورة حبوبه على الرد
بس آنا طالبه ينقلون الموضوع ركن القضايا الإجتماعيه
أشوكم هناك

 

[jolie_q8]

تم نقله للقسم المختص

 

[سبائك]

فعلا المطار مكانه وايد قريب من المناطق السكنيه

والمفروض ينقل الي مكان أبعد

والصراحه تفاجات بمساحته ماتوقعته هالكبر!!!!!

 

[مرت ريلي]

اووف اوووف معلومة غريبة !

 

[supermarket]

اوكي اذا المطار ودوه العبدلي شكثر يبيلنا نطلع قبل رحلتنا علشان نوصل قبل ساعتين من الاقلاع

:080402ask_prv:

 

[ماما_عودا]

اساساً مطار الكويت عليه مخالفات لي الراس

والطيران الامريكي والبرازيلي مشتكين علينا لأن المطار قريب من مباني عاليه وهذا يشكل خطر على الطيرات

يعني اقتراحج مو حلوو الا رائع

وتصير زلقه بطيحه يعني منها نحل المخالفات ومنها نحل مشكله الاسكان

وبعدين مطارات العالم كلها بعيده عن المناطق السكنيه يعني ماراح يضرنا اذا كان الطريج انشالله فوق الساعه.. الناس ماراح تسافر كل يوم

 

[ريومة المزيونة]

أنتي بصراحة المفروض تشتغلين بالإسكان وخططي لنا على كيفج

يمكن تنحل هالمشكلة

 

[زيـنـه]

على الفائض اللي عند الدوله مو يقدرون ينقلون المطار و بس الا يسوون لنا مطارات و مستشفيات و مدارس و بنيه تحته نغلب فيها احسن الدول .. بس التخطيط و المخ النظيف مفقود .. و الايد الطويله اللي تاخذ اللي مو لها موجوده.

و الله كريم.

 

[أم جوري]

فكرة حلوة واذا على ميزانية الدولة ما شاء الله توزع مليارات منح وقروض لدول العالم ما تقصر عين عذاري

 

[coca^cola]

اهما شاطرين يشغلون كرافات بو عذاب و حيل بوق بخير بحرنا و تصدير للخارج اشكال و ارناق من هالخير و السمج و المردود يعيش ديره كامله و ماتقولونلي وينه ؟؟؟؟؟؟؟؟؟ من اين لك هذا ؟؟

باجر لاصارت منطقه حلوة مثل المطار قسموها بينهم و خذاها واحد من هالمتايح التنابل المكرشين و حكرها عنده جنه عايز عليه و يحرمنا احنا المساكين سنييييييييييين و تالي يفرزها و يبيع القسيمه ام 400 متر ب 200 الف

هذا الواقع المر