مقصررره وظالمه عيالي

[ماعاد اتحمل]

بناااااااااااات انا ام وربي اكرمني بالذرايه وللله الحمد

مشكلتي عصبيه علي اتفه الاشياء طق طرخ مجع شعر

خاصة بنتي العوده احس اني اكرها لازم اطق طراق واسبها

بعد ماشبع طق اتحسف واقول تووووووووووووبه من اصبح ارد لنفس الحاله

زوجي يقول انتي تعاملين عيالج جنهم حيونات يااناس موبيدي


حركين حييييييييييل ومااحب اطلهم براخاااف عليهم من البلاوي







ابي شنو اسوي علشان ابطل اطقهم

حاولت اعد للعشره واخذ نفس ماااااكو فايد

:eh_s(14):​

 

[توتاتوتا]

الله يعينش حاسه فيش بس لازم تحاولين تمسكين اعصابش
اول شي اهتمي بنفسيتش لو مو تعبانه نفسيا وجسديا ما تسوين كذا تخلصي من اي ضغوطات حرام هذول اطفال و شخصيتهم تنبني و كل شي بالتدريج ... حبة حبة و تغيرين ان شاء الله ... شوفي اكثر الاشياء الي تضايقش و دوري لها حلول ... تذكري ان الدنيا رايحه .... مافي شي مهم خربوا وصخوا ... عادي لا دققين ... لا تحطين حرت غيرش فيهم << اهم نقطة

ادعي ربي ان يحسن اخلاقش مثل ما حسن خلقتش و تذكري انها سنين و يكبرون ماراح تظربينهم لكن اثار الضرب راح تظل موجوده

و الله يخليكم لبعض

 

[توتاتوتا]

حل ثاني اذا حركين اشتري لهم ايبود و الله ارتحت عليه مره و تمنيت اني شاريته من زمان بالذات لما ماكان عندي خدامه و عيالي توم 3 و صغار جننوني فاخذي بنصيحتي

 

[ليدي بجد]

رد : مقصررره وظالمه عيالي

سوري اختي شنو تقصدين بالاي بود!!!!!!!!!!!!!

 

[روان_الكويت]

حاولي توقفين طق انا نفسج واضغط علا نفسي حيل مابي اطقهم مابي اذلهم اكره نفسي لي طقيتهم
واحس اني اظلمهم

اشتريلهم اي بود وايد اريح لعبه مثل البي اس بي بس مطوره
تحصلينها بيوريكا او الرحاب
شريت لبنتي وولدي الصغير سنتين ونص اي بود وولدي الكبير 8 سنين اي باد كلهم تش
صج سعره غالي وريلي رفض اشتري للصغير بس اصريت اشتري بيحتر من اخوانه وماراح يعطونه
العابه حلوه حتى انتي تلعبين فيها منزلين فيه اغاني طيور الجنه وكراميش غير الجيمز

 

[ورود خذلتها العاصفه]

والله حراااام حاولي تعاقبينهم مو طقينهم

بس صدقيني المشكله فيج انتي مو بعيالج

انتي عصبيه

 

[blondeya-pretty]

امبيييه حرررااام هاذي بنتج شنو اكرها !! تعوذي من ابليس وحاولي تمسكين نفسج ويمكن انتي نفسيتج تعبانة حاولي تسترخين شوي قعدي مع عيالج فهميهم سايسيهم انا جذي امي كانت تسوي معانا لما صغار كنا شياطين حيييل بعد عمري امي اكثر انسانة تعبت معانا
طقتنا زفتنا كل شي بس ماكو فايده الياهل يعاند ,, حاولي تسايسينهم ترى اليهال ينقص عليهم بسرعه اخذيهم بالحجي

 

[هيبة الطاووس]

رد : مقصررره وظالمه عيالي

حبيبتي عالجي نفسج ترا صح نفسيه هذي الأعصاب سافري بروحج غيري جو

 

[ماعاد اتحمل]

ايباد عندهم وخربوو واالابي س لعب وملل منه


وبنتي ماامسك نفسي ازفه كل شي اقوله لها خايسه غبيه موحلوه مونظيفه سببب

ولدي اااااخ مايفهم احس جبااان اقوله بعض المرات موريل يبط جبدي بس اتحسف شسوي لساني فالت مني

 

[ليدي بجد]

رد : مقصررره وظالمه عيالي

اهاااه قصدك اي بود ما غيره ... انا جربت ال واااي احسن جبتها لبنتي وانشغلت عن اختها كله كانت تطقها بس فتره وملت و الالعاب مو الحل الحل والمشكله فيك انتي
وانتي الله يهديك اشربي بابونج يهدي شوي وابعدي عن القهوه بذات تشد الاعصاب
اشربي حليب بكثره مع العسل يهدي ويرخي لان اكيد متوتوره
تاكدي انك تنامين كفايه لان قله النوم تسبب عصبيه
افصليهم يعني اذ احد قعد عندك الثاني داخل يلعب والا يشوف تلفزيوون
وما ادري اذا تذكرت شي اسويه بعد بقولك بس اذا حسيت اني معصبه واايد دخلت غرفتي وانسدحت على السرير وخليت الدرعا ترعى ...هههههههه مو اق من ساعه

 

[أوكسجين]

تدرين قريت موضوعج وطلعت بس قلبي عورني قلت لازم اكتب اللي بقلبي
اذا عاطفة الامومه مارحمتهم تبين كلامنا يأثر فيج وترحمينهم!!!

فكري بس شوي لو بيوم واحد فيهم صار فيهم شي من الطق الي تطقينهم شنو بيصير فيج وحته لو ماصار فيهم عيوب جسديه او اثار تدرين شنو الاثار النفسيه اللي بتصير فيهم عدوانيه وضعف بالشخصيه شلون تقولين حق ولدج مو ريال

لو مرت ابو تسوي بعيال ريلها جذي لمناها فما بالج ام يعني تطقينهم لي درجة ان ريلج يقول جنهم حيوانات >>> والله كسروا خاطري
ناس يتمنون ظفر الياهل وناس يرفسون النعمه
كلنا عندنا عيال وشياطيين وميننينا بس ماسوينا ربع اللي تسوينه

والله نصيحتي لازم تراجعين استشاري سلوك لانج مو طبيعيه وانشالله ربي يهديج ويحنن قلبج على عيالج

 

[انوثة من حرير]

رد : مقصررره وظالمه عيالي

ذا كنتي تاكلين مانع حمل شوفي يمكن اهو الي جايب لج العصبية تهاوشين بدون سبب غيريهم وان كنتي من نفسج تطقينهم بدون سبب ليش خليهم يلعبون شنو المشكلة خليهم يفضون طاقتهم بيتهم الحياة صدقيني هم حلاتها تابعي يوتبات د ابراهيم الخليفي راح تفيدج حلقة راحة البال والطفل المشاغب

 

[Dorur]

حرام عليج والله هذول عيالج
محتاجين حنان وحب طول اليوم
محتاجين مدح وتشجيع
محتاجين لمسة حنونة
وانتي طق وتمجع؟
انتي تتوقعين لما يكبرون بيحبونج ولا بيحنون عليج؟
لا تستغربين اذا بالمراهقة صاروا اهما يطقونج!! والله العظيم في عيال جذي!
ولا تستغربين اذا تزوجوا وكبروا بيسألون عنج
اتقي الله فيهم غيرج يتمنى العيال
لمهيم ومسحي عليهم بيدج اللي تطق خل يذوقون منها مسحة حنان
لغة اللمس عجيبة وتريح الطفل وتحسسه انه مقبول بين اهله
انتي قاعدة تعطينهم احساس انهم منبوذين وان وجودهم في حياتج (ذنب) و(عقبة) والمفروض بدال هذا تحسسينهم ان وجودهم (مصدر سعادة) لج ولابوهم
الكلام اللي كتبته مو من مخي من دورات مصطفى ابو السعد
عودي نفسج مافي شي ما اقدر امسك نفسي
تخيلي واحد منهم لالالا قدر الله يروح منج؟
شوفيهم واهم نايمين بتحنين عليهم
حاولي تنظفين لسانج من السب + ايدج من الطق -- شوي شوي وراقبي نفسج
لما تحسين انج خفيتي عن السب وقاعدة تمسكين نفسج من الطق
بتشوفين نفسيتهم ارتاحت وبيجون لج يسولفون لج ويمكن بعضهم يلمج او يبوسج لان يشوفونج هادية مو شبح جدامهم
المرحلة اللي وراها حاولي تعودين نفسج عاللم والتبوس قد ما تقدرين قبل النوم - الصبح - عقب الغدا -- شوي شوي لما تتعودين
وبعدين بدلي كلماتج السيئة بكلمات حلوة
مدحي مدحي مدحي
المدح ثاني اهم حاجة للطفل بعد الامان
انتي حارمتهم من حاجة الامان والمدح وغيره
اتقي الله فيهم والشي مو صعب

 

[opera]

كل اليهال حركيين وشياطين

واصلا الياهل اللي يقعد مكان واحد ومايتحرك ولا يسوي حركات هذا غييييييير طبيعي


بس هل معنى هذا نطق !!

انا مادري جم اعمار عيالج .. بس بنتج العوده وعليه اكسرت خاطري هذا بدل ما تسولفين معاها وتلعبين معاها و تشوفين اهتماماتها و تشاركينها جذي تسوين فيها

بدل ما تمجعين شعرها .. قعديها بحضنج و مشطيه ورتبيه

وبعدين بدل ما تسمعين العيال كلام مدح وتشجعين تقولين غبيه و خايسه و موحلوه ( ترا الكلمات هذي تنصقل فيهم وتصير فعلا بهالصفات)

وصدقيني اهم اكيد بيزيدون الشطانه كلما طقيتيهم و يعاندون اكثر


الحل بين ايدج محد يقدر يساعدج اذا انتي ماساعدتي نفسج

 

[noynoy]

مره ثانيه قبل لا تطقينهم حطي اب بالج انج قاعد تسببيلهم عقد نفسيه
الطق يخلي بعض اليهال يصيرون ساديين بالمستقبل
يعني الياهل يقول: انا احب امي، و امي تطقني، فانا احب الطق
و بالمستقبل لما يتزوج او تتزوج شوفي البلاوي اللي بيواجونها
انصحج انج تروحين طبيب نفسي تتعالجين باسرع وقت و تتعلمين تضبطين روحج
و انتي اذا رحتي ترا قاعد تساعدين نفسج اولا و بعدين عيالج
و كله ادعي انه الله يهديج
و انشالله الله يهديج

 

[أم لطووف]

حبيبة قلبي
أول شي ربي يعينج ويعطيج الصحه والعافيه ويقدرج على تربية عيالج التربية الصالحه..

ثاني شي إنتي أمهم محد فينا يحبهم و يخاف عليهم كثرج كافي إحساسج هذا بالذنب وإنتي بشر أول وتالي ولج طاقة تحمل..

شوفي قلبي إنتي أهم شي في السالفه كلــها
"نفسج"

إنتي ريحي بالج على الاااااااااخر
لانج إذا ارتحتي
عيالج بيرتاحون بع..
د
حاولي تبعدين نفسج عن أي شي ينرفزج ..
ولي حسيتي إنج بطقين أو تهاوشين..
طلعي حرتج بشي ثاني..

دخلي غرفتج وسكري عليج الباب..
نظفي البيت..
دشي سبحي..
حوسي بالمطبخ..
كسريلج صحن..
حوسي وفتري في البيت لين تتعبين..

أي شي بس يهديج وتطلعين العصبيه إلي فيج..
ووخري عن اليهال..
حتى لويصيحون ويصارخون
وخري عنهم..
لمن تهدين بعدين رجعيلهم..
بتلاقين نفسج "أحسن" ومزاجج تعدل وتتعاملين معاهم أحسن..وربي يخليهم لج ويخليج لهم ويطرح فيهم البركه ويذوقج برهم ونفعهم إن شاء الله..​

 

[الينبوعة]

الله يعينج الصراحة تربية الاولاد صعبة ويطفوش الواحد بس انتي هم ديري بالج ترا تنعكس عليج ما يطلع براسهم خير في المستقبل يصيرون معقدين حتى بدراستهم
اصبري شوي انا بعض مرات ابني من يعصبني استغفر ربي واقول ياربي صبرني علية هههههههه
مسكين لازم نثقف اولادنا على الحنان والكلام الذرب والحلو خلي يعشقج مو ينفر منج ​

 

[ام ناصر 2009]

البنات ماقصروا قالوا كل اللي بقوله
وانا مع اختي اوكسجين
اذا عاطفة الامومه مارحمتهم تبين كلامنا يأثر فيج وترحمينهم!!!

 

[" ام حمود "]

الله يهديج بس هذولي عيالج مو حيوانات عشان تطقينهم !!
وثاني شي شنو ماعندج عاطفه الامومه تبين احنا نقولج شنو تسوين
الله يهداج بس هذولي يهال حرام جذي اذا استمريتي والله راح يكرهونج وتتحسفين بعدين ..
زفيهم اذا سوو شي غلط اذا كلش كلش طقيهم ع ايدهم عشان لا يتعودون
وكل يهال حركيين .. شي طبيعي عادي ..

 

[مقمش لولو]

رد : مقصررره وظالمه عيالي

كرهتج

شنو تطقين طراق؟؟؟؟؟؟؟؟الرسول عليه افضل الصلاة والسلام منع طق الحيوانات على ويهم وانتى تطقين ظناج دخلى على عضوتين فقدوا بناتهم شوفى شلون يتمنون الظنى وانتى تطقينهم وين قلبج وشنو مالى خلق انتى اصلا مالج خلق نفسج
وين كنتى لما رحتى وحملتى ذاك اليوم ناسيه روحج والا لهيتى بالوناسه والمتعه والحين تمدين ايدج عليهم هاليهال الابرياء

ماراح اكثر لكن باجر لاكبروا مثل ماطقيتيهم راح يطقونج ويقولون مانقدر نتحمل كما تدين تدان((للأسف ماعندج قلب))