مقطع عوور قلبي ع الواتس اب اخرتها طلع جذب شلون عرفت ! تعالوا

[* بنت المطر *]

قوه حبيباتي انا عندي مشاكل بحياتي وصايره حيل حساسه ع اي موقف ابجي لووول

فمابالكم هالمشهد !!!

اب يشنق ابنه في جده عشان غير ميوله وشجع نادي ثاني غير اللي يشجعه ابوه !!

الولد فيه تقريبا 10 سنين الابو قاعد يصور جريمته ويطلب من بنته تجر الكرسي من تحت

اخوها عشان يموت والولد يتوسل ابوه لكن بدون فايده !

شوفوا المقطع الاول @@@


http://www.youtube.com/watch?v=OPyofOFSSX4


بجيت لين صفا راسي مانمت كله كوابيس واحاتي عيالي اسم الله عليهم ومستغربه وين امه

ياربي ابوه وحالتي حاله بس شي من داخلي ماصددق المقطع لان مومعقول يمكن يمكن

تصير ثانيه بس بدوله خليجيه ومسلمه !!

المهم من كثر ماافكر بالمقطع دخلت يوتيوب لان المقطع واصلني ع الوتس اب

رحت وقريت التعليقات ودخلت ع المقطع الثاني @@

عنوانه (( طفل يقلد صدام )) شوفوه نفس الولد ونفس التصوير واسمعوا صوته بعد


http://www.youtube.com/watch?v=XElLuz0HZzw


اول شي قلت الحمدالله الحمدالله انه موصج وثاني شي قلت حسبي الله ع اللي فبرك المقطع

جانه لعب بحسبتي وانا ماني ناقصه @@

نصيحه لاتصدقون اي شي يوصلكم ع الواتس اب والبي البي اغليه فبركه اف بركه



سلام


المايك لكم

 

[Lo0ol girl]

اهم شي !! تقبلي مروري حبيبتي

 

[Lo0ol girl]

اب اب

 

[حبوبة الأطفال]

شنو هالناس .. في أحد يتفاول على نفسه الموت وأهو أقرب من حبل الوريد
ما أقول إلا الله يهديهم

 

[نعم للتجاره]

ممكن اقولك شي بنت المطر
اذا انتي حساسه حيل وتبجين بسرعه
ارفعي هرمون السيروتونين بالمخ
راح يفيدج بحياتج...تدري شنو اهو
ابحثي عن الكلمه بقوقل وتعرفين معناها صح
وموفقه يارب

 

[نجمه البحر]

يا عيني ع الحسااسه

 

[BeNt PaRiS]

الله يهديهم ....

 

[خفايا البحر]

لاحول ولاقوة الابالله

 

[يارا توت]

انا مثلتس ماعندي تفاهم على طول ابتسي
بس الفرق اني مااصدق كل الي اشوفة
ويسلمو .... بنت المطر​

 

[MiṦs ♥ fĩẍ]

اي والله ما الومج مقطع يقطع القلب

الله يسامحهم شيستفيدون من الفبركة

 

[* بنت المطر *]

ممكن اقولك شي بنت المطر
اذا انتي حساسه حيل وتبجين بسرعه
ارفعي هرمون السيروتونين بالمخ
راح يفيدج بحياتج...تدري شنو اهو
ابحثي عن الكلمه بقوقل وتعرفين معناها صح
وموفقه يارب

من غير لاابحث ولاشي حبيبتي قصدج وضحيه بردج التنقز مااحبه اكتبي هنيه

شتقصدين واذا قصدج الشماته جان مارديتي احسن واكتفيتي بالتفرج

اي انسان عنده انسانيه !!! بيتاثر بالمقطع موبس انا حبيبتي

وحياج

 

[* بنت المطر *]

يا عيني ع الحسااسه

ليش انتي ماتحسين ! والا شالسالفه !!!

 

[* بنت المطر *]

ثانكس للمشاركه

 

[آتعــبني غـلآآك]

غبي هذا !! الواحد يتغشمر بس مو جذي

 

[قطوة@@]

قلبي عورني بالمقطعين

هذا لعب يعني @@

 

[* بنت المطر *]

ثانكس حبيباتي

 

[مس دلال]

يمامي المقطع الاول من جددددددد حسيت ببكي وقعدت ادعي ع الابو خخخخ

حتى الثاني صراحه يعور القلب شلون يخلون الولد يسوي كذا
يمكن يعيدها مره ثانيه ويكونون بعيد عنه ويموت لا سمح الله

 

[amani]

صح كلامج والواحد هالأيام ما يتحمل أي شي وخصوصا الي عندها عيال تصير حساسه وايد إذا المقطع فيه شي عن اليهال

 

[$رفـحـاويـه$]

لاحولا ولاقوة الابالله
هذا خبال مو لعب ربي يهديهم

 

[احترت انا فيها]

للأسف مادري شالحكمه من فبركة هالمقاطع !! تــــــدل على النفسية المريضة جدا لصاحبها اللي فبركها (سادي) الله لايبلينا . يعني شالحكمه من اني ابجي الناس على منظر طفل مشنوق؟؟؟!!!


وفوق جذي تعود البعض على مشاهدة الجريمة فيموت الاحساس شوي شوي خصوصا المراهقين .. مادري ليش ما حقوق الانسان تفرض على يوتيوب وغيره منع هالمقاطع الشنيعه ؟؟!!!!


تدرون لو في دولة غربية جان عاقبوا الشخص اللي اشرك الطفل معاه في تمثيل شي وحشي جذي ..