كيت كات
**عضـــوة شـــرف منتديات كويتيات**
- إنضم
- 7 نوفمبر 2006
- المشاركات
- 4,639
- مستوى التفاعل
- 0
- النقاط
- 0
المقادير:
كوب نخي (بليله)
كوبين عيش
كوبين بيديان مقلي مكعبات
كوب بطاط مقلي مكعبات
نص كوب فلفل بارد مقلي مكعبات
نص كوب زهرة مقلي
صلصة باربيكيو
اجار بيديان من ماركة الجمل مقدار ملعقتين كبار
ملح وبهارات
فلفل اخضر قرنين
بصل طوالي مقلي
صلصة البيتزا ملعقتين كبار
معجون طمام ملعقتين
لوز محمص
بصله وحدة مفرومة
كركم وملح للعيش
الطريقة:
نحمس البصل المفروم مع اللوز ونحط ملح وكركم وماي
بعدين العيش ونخليه يستوي 3 ارباع استوى
نييب مقلى كبييييييرة كبر البيت او لا كبر المطبخ (يعني استخف دمي)
ونحط كل المقالي مع النخي ونحط الصلصات ونخلط خفيييف علشان ماينمرد شي
ونقصر عليه ونخلي بو 5 دقايق
تالي نييب صحن الكيك بوقاعدة متحركة ونحط طبقة من العيش
ثم طبقة من الخلطة وبالاخير طبقة العيش ونسكر عدل مدل بالقصدير
وندخله الفرن ساعه الا ربع
نقلبه بصحن التقديم ونشيل القاعدة مالته ونزينه بالبصل والليمون والفلفل
بصراحة هالطبق من تاليفي وعجب ريلي حيل اصلن واهو يذوقه قال ابيه
مت من الضحك :شنو تبيه
مسكين قصده عجبني وابي تسويلي اياه مره اخرىىى
بالعافية على الوبكم
_03BA:المرفقات
-
مقلوبة-كيت-كات.jpg
