مقلوبه سمج زبيدي اممم دشي وشوفي في صور اكيد:)

[نعومي الحلوة]

السلام عليكم ورحمه الله وبركاته

شلونكم بنات؟؟:eh_s(17):

اليوم سويت مقلوبه سمج طلعت رووعه تره هذي مو من ضمن

الصور الي حطيتهم وقلت اعطي طريقتها لبنات منتدانا الحلوين:eh_s(22):

يلا نبدا بسم الله
المقادير..:

4 قطع زبيدي وسط

4 راس بصل كبير

2 حبه طماط

1حبه فلفل بارد اوحار حسب الرغبه اذا حار قصي بنص 5 علوب

قشر ليمون _بهارات_كركم_ مشكل _ فلفل اسود_ ليمون اسود

شوي كلش _ زيت على حسب الرغبه _ وعيش اكيد

_بهارات العيش _ دارسين جم حبه عدل _ هيل عدل_ مسمار_

بصله مقطعه اربعه _ ثوم مدقوق شوي _ ملح.

الطـــريــقة..:

اول شي احط على السمج طحين وملح واخليه ربع ساعه . بعدين

اغسله واخلي الماي ينزل منه احطه بمشخال واعصر عليه ليمونتين

واملحه واحط عليه هيل مطحون . اخر شي اخلط مشكل وكركم وفلفل

اسود وابهره واقليه واخليه على جنب.

ناخذ البصل ونقطعه شرايح كبار واحط عليه ربع قلاص زيت واقليه

شوي بس جم قلبه ابيه ابيض مو محموس واحط عليه طماط مقطع

قطع كبار بعد واحط الفلفل البارد انا حطيت حار طلع رووعه واحط

قشر الليمون واقلب واحط بهاراتي واقلب هذي الخلطه .

طبعا بهارات العيش الي ذكرناها احطها بجدر على النار الين ياخذ

الماي طعم البهارات وعشان طعم العيش يصير نفس المطبق بعد ما

ياخذ الطعم اشخل الماي واسلق فيه العيش اخذ السمج واحطه فوق

الخلطه. الي سويتها البيضه مو محموسه وايد وايب العيش الي

شخلته واحطه فوق الخلطه بعدين اشخل ربع قلاص زيت

من الي قليت منه السمج واصبه فوق العيش عشان طعم العيش

يصير امممم:eh_s(3): . وقت التقديم انجب العيش واشيل السمج على جنب

واحط الخلطه اول فوق العيش بعدين احط السمج .


وسلامتكم:eh_s(9):

اتمنى يكون عجبكم:eh_s(20): :eh_s(15):

 

[xxx]

 

[$& بنت السعوديه &$]

الله شكلها عجبيبه
يعطيك الف عافيه والله لا يحرمنا من طباختك الحلووه

 

[ام الملاعق]

يعطيج العافية شنهو نوع العيش اللى تستخدمينة

 

[جارة القمر]

يعطيج العافيييييييييييييييه حبيبتي

وجربت المقلوبه


صج عجيبه

 

[جكورة]

تسلــم إيديج....

والصورة شكلها لذيذه :eh_s(22):

 

[DooNy]

تسلم إيدج وإن شاءالله أجربها في القريب العاجل

 

[حبيبة أهلها]

يسلمووووووو عمتو على هالطبخة الحلوووووووة

 

[bnt q8 in usa]

تسلم ايدج هذي نسميها مطبق زبيدي يمكن تقصدين؟وبالايراني يسمونها تنداااااااازتسلم الايادي انشالله

 

[ضحكة الدنيا]

شكله يشهى تسلم ايدينج وبجربها ان شاء الله

 

[^^دموع الكويت^^]

:eh_s(15): :eh_s(15): :eh_s(15):

 

[نعومي الحلوة]

اشكركم من كل قلبي جميع من رد على طبختي وبالنسبة لاختي الي قالت انة مطبق زبيدي هذي مقلوبة زبيدي اما المطبق طريقته تختلف اوعدها انزل طريقة مطبق الزبيدي باسرع وقت واللة يعطيكم العافية على الردود الحلوة ياحلوين:eh_s(17): :eh_s(9):

 

[الملكيييية]

يسلمو

 

[جروح تبتسم]

ماشاءالله شكلها تينن
تسلم ايدج ولوسمحتي سوي مطبق
ودي اسويه

 

[jolie_q8]

ماشاءالله الطبخه شكلها خنييييييييينه

ولذيذه

تسلم ايدج وبانتظار باجي الطبخات

 

[نعومي الحلوة]

مشكورين علمرور انتوا تامرون امر بنزل المطبق وباجي الطبخات بسرع وقت:eh_s(8):

 

[ضحـاوي]

تسلم ايدج ,,,,,

 

[ام كرز]

وااااااااااااااااي ناقصه اجار ودقوس مقطع الطماط كبار وفيه فلفل

ودهن عداني من فوق على الخفيف

امبيه سعبلت

تسلم ايدج ياقلبي حده اينن

 

[بنت الحزن]

يسلمواااااااااااااااااااااااااااا

 

[أحلى البنات]

يعطيج العافيه نعومي