السلام عليكم يا بنات انا اختكم في الله عندي مشكلة وعاوزة رايكم فيها واتصرف فيها ازاي
انا وزوجي هنا في الكويت وزوجي مدير شركة وعنده زميله وصاحبه الروح بالروح معاه في الشركة ومراته صاحبتي من سنتين طبعا المستوى بينا التعليمي هيا شوية اقل والمادي كمان بس انا قلت البنت كويسة معايا والولاد بيلعبوا مع بعض وبنخرج باستمرار .
من فترة لقيت زوجي متغير عليها ومش حابب اني اروح عندهم البيت ولا اكلمها ولا حتى نخرج كلنا معاهم واساله عن السبب قالي مستوانا غير مستواهم ... بس انا مقتنعتش
لحد ما يوم بعثت الست لزوجي رسالة بتررجاه يكلمها وانها عاوزة تقرب منه وانها عاوزة تعمل له اي حاجة علشان يرضى عليها ... ووقتها لما شفت الرسالة انصدمت .
المهم حلفت زوجي لحد ما قالي انه لما كان مسافر من شهرين لوحده الست المحترمة بعثت له تقوله انها بتحبه ومستعدة تعمل اي حاجة علشان يكون معاها ... وكلام كتير مش مكان انه يتقال المهم عكت كتير في الكلام .. (الله يجير الناس من اللي امثالها)
المهم زوجي خاف يقول لزوجها علشان لو عرف ممكن يقتلها واتفقت انا وزوجي اني اقولها اني قرات الرسالة اللي انتي باعتاها الاخيرة والكلام ده عيب وفعلا قلتلها وجوزها عرف الموضوع وقلتلها انه متدخلش بيتي ولا تكلمني ولا عيالها يعرفوا عيالي وخلاص لحد كده .
طبعا هيا عملت فيلم على زوجها الاهبل وقالت له انه زي اخوها وهيا بعتت الرسالة ديه بحسن نية والاهبل صدقها .. وزوجها جاني البيت علشان يراضيني وانا مرضيتش ادخله البيت وقلتله انت وزوجي صحاب برة بيتي .
مش عارفة اعمل ايه زوجي مش عاوز يقول لزوجها لانه سال شيخ قاله استر عليها وانا مقهورة ومش عاوزة الموضوع يعدي كده وفي نفس الوقت مش عاوزة اعمل لها فضيحة لانه عندها بنتين..
اتصرف ازاي؟
انا وزوجي هنا في الكويت وزوجي مدير شركة وعنده زميله وصاحبه الروح بالروح معاه في الشركة ومراته صاحبتي من سنتين طبعا المستوى بينا التعليمي هيا شوية اقل والمادي كمان بس انا قلت البنت كويسة معايا والولاد بيلعبوا مع بعض وبنخرج باستمرار .
من فترة لقيت زوجي متغير عليها ومش حابب اني اروح عندهم البيت ولا اكلمها ولا حتى نخرج كلنا معاهم واساله عن السبب قالي مستوانا غير مستواهم ... بس انا مقتنعتش
لحد ما يوم بعثت الست لزوجي رسالة بتررجاه يكلمها وانها عاوزة تقرب منه وانها عاوزة تعمل له اي حاجة علشان يرضى عليها ... ووقتها لما شفت الرسالة انصدمت .
المهم حلفت زوجي لحد ما قالي انه لما كان مسافر من شهرين لوحده الست المحترمة بعثت له تقوله انها بتحبه ومستعدة تعمل اي حاجة علشان يكون معاها ... وكلام كتير مش مكان انه يتقال المهم عكت كتير في الكلام .. (الله يجير الناس من اللي امثالها)
المهم زوجي خاف يقول لزوجها علشان لو عرف ممكن يقتلها واتفقت انا وزوجي اني اقولها اني قرات الرسالة اللي انتي باعتاها الاخيرة والكلام ده عيب وفعلا قلتلها وجوزها عرف الموضوع وقلتلها انه متدخلش بيتي ولا تكلمني ولا عيالها يعرفوا عيالي وخلاص لحد كده .
طبعا هيا عملت فيلم على زوجها الاهبل وقالت له انه زي اخوها وهيا بعتت الرسالة ديه بحسن نية والاهبل صدقها .. وزوجها جاني البيت علشان يراضيني وانا مرضيتش ادخله البيت وقلتله انت وزوجي صحاب برة بيتي .
مش عارفة اعمل ايه زوجي مش عاوز يقول لزوجها لانه سال شيخ قاله استر عليها وانا مقهورة ومش عاوزة الموضوع يعدي كده وفي نفس الوقت مش عاوزة اعمل لها فضيحة لانه عندها بنتين..
اتصرف ازاي؟
