مقهووووورررررة وابغى رأيكم ..

[miss nina]

هلا بنات . ..الشكوى لله ..ودي افضفض عن هالآدمي اللي عشت معاه أكثر من عشر سنوات صاير مرررررررررررة ماينطاااااااق ...انا واولادي طفشنا من تصرفاااته ..يراقب تصرفاتي متى قعدت ومتى أنام وكم مرة أكلم في التلفون ..مزااجه دايما متعكر ومو طاايق اي كلمة مني ..ان لبست وكشخت وصرت عروسة وان قعدت بثياب الشغل في البيت مايهتم ..وفوق كل هذا يتضايق لمن يشوفني قاعدة اسولف بالوااتساب ويقول كله سخااافة وكلام فاضي وهو مقاابل التلفزيون أو نااايم أو طالع من البيت ..ومايعجبه شي ..تراااني خلااااص مو قااادرة اتحمله ...على فكرة هو متقاااعد ولا هو راضي يسوي أي شي يعني مقابلني 24 ساعة في البيت ..:eh_s(2): حاولت بس مامنه فايدة يبغاني طول الوقت اشتغل وأكرف في البيت من الغسيل للطباخ للترتيب والتنظيف ..زين ماقلت شي بس حتى في الليل بقعد استريح اشرب شاي او قهوة واسولف مع صاحباتي بيموووت قهر ...:rgewrg: بلييييييييييييز شوفو حل مع هالآدمي مو قااااادرة اتحمل اكثر من كده​

 

[نونه المنكوشه]

ياعمري الله يعينج ريلج نفس خالي الله يهديه عسر ومايبي يشوف مرته قاعده وله مرتاحه انتي تجنبيه وقوليله تراني مومكينه انسانه اتعب ولي طاقه الحل انه يشوفله مشروع وله شي يشغل نفسه في لانه طول مااهوه فاضي بعل قلبج والله يسهل امورج حبي

 

[Pinky -cat]

حياتي الحين انتي ياييه تقولين هالكلام عقب كل هالسنين عقب ما راح عمرج وياه شنو الفايدة ماكو حل خلاص ، الحين
مافي شي راح تستفيدنه وكلامج هاذا بيكون عبارة عن تنفيس غضب وفضفضة وبس ، مالج غير الصبر اللي عشتي عليه
سنين طافت والمفروض تكونين تعودتي خلاص ومو شي يديد عليج طريقته وتعامله وياج .

انسي اللي راح والعوض والخير بعيالج وانشالة ربج بيعوض بالخير انشاله.

 

[توتة UAE]

الله يصبرج حبيبتي الحين عقب هالسنين وعندكم عيال الأحسن لج وعيالج
انج تصبرين وتدعين ربج يسعدج ف حياتج وترتاحين ويرزقج الخير 3>

شي ناس يزوجون عيالهم على مبدأ زوجوه وبيعقل . . حرام والله
أهل الريل بعد بيتحاسبون عاد لو يفكرون إذا ناس تقدموا حق بناتهم
والريال مب زين بس يقولون عادي لاه باجر بيتزوجها وبييب عيال عقب
بيعقل . . بيحسون وبيفهمون

وحتى شي بنات تعرف أخلاق ريلها وخلاص اكتشفت هو كيف لكن
تكمل وياه !!!! على أساس بيتغير وبيحس فيج . . وفالنهاية تحمل و
تبتلش عقب تي تقول بنات ريلي جذي وجذي !

مادري هالناس متى بيفهمون

 

[دانة_ دبي]

ريلج عنده مشكلة وحدة و هو انه متقاعد بس

حاولي تشغلينه بأمور البيت و خليه يدور له ع شغلة يترزق منها

ع فكرة كل المتفاعدين نفس ريلج

 

[sh_mashael]

شوفي بلاوي غيرج بتصغر بلوتج

أصلاً بتحمدين ربج على اللي عندج


حاولي ماتسولفين مع رفيجاتج إلا لما يكون نايم أو طالع

و لما يكون موجود صيري نحله ههه

بعد شتسووين


و اختاري الوقت المناسب و ناقشيه انه يسويله تجاره او مشروع عشان يقضي وقته فيه

بالتوفيق

 

[Patcholli]

ماعندج سالفه الصراحه ..!!
ماله داعي تسولفين بالتلفون واهو عندج
انا وحده لي دش ريلي البيت اصكر كلشي بيدي واقعد اجابله
هذيل الرياييل معقوله عقب 10 سنين ماعرفتي حق ريلج ؟؟؟؟
حبيبتي نصيحه ترى الريال بهالعمر وخصوصا بعد التقاعد يزهق
لاتخلين وقت الفراغ يلهيه باشياء ثانيه
جابلي ريلج وتفرغيله
مولازم يعلق ولا لازم يمدح شكلج اهم شي انتي عارفه وواثقه من روحج ومو مقصره معاه بشكلج ولا باهتمامج
ان قعد طالع تلفزيون قعدي يمه وطالعي
وان نام لزقي فيه ونامي على صدره على لو مافيج النوم
لاتخلينه وتهملينه وتشتكين منه هاذا ريلج ابو عيالج عيب عقب هالعشره اتين تتشكين منه
المفروض تستانسين انه مهتم فيج حتى لو مصخها اخسن من اللي من يتقاعد يطق تذكرته ويروح يعيش بتايلند وغيرها من الدول ويدور الوصاخه ..
ديري بالج على ريلج وبيتج ولاتفكرين بالتلفونات والواتساب ريلج اهم من هالسخافات .. وباين انه متظايق اذا طلع سوي كلشي خاطرج فيه واذا دش البيت سخري نفسج حقه بروحه ولاتحسسينه انج لاهيه ويا ارفيجاتج وخوات وغيره

 

[امـ خــزامـى]

^^

فهمتيها غلط

هو مايبيها تقاابله يبيها تكررررررررررررررررف

عموما حبيبتي انت ماعليك منه سوي الليي عليك واذا قالك قومي اشتغلي قولي انت قووم بعد

انا من عرفت نفسي اكرف ومافي بوظيفتي تقااعد مثلك

اللي موعاجبك قوم زينه انت فاضي

 

[طيبة83]

ريلج عنده مشكلة وحدة و هو انه متقاعد بس

حاولي تشغلينه بأمور البيت و خليه يدور له ع شغلة يترزق منها

ع فكرة كل المتفاعدين نفس ريلج

:ggdw:

انتي حاولي تلهينه خليه يخلص شغل البيت برع مثلا يدفع الفواتير اييب اغراض البيت اي شي اهم شي ان يحس ان عنده التزامات

 

[Shinexo]

آلمتقآعدين جذي :\

بعدين على آي آسآس آنتي تشتغلين وهو ينآم يطآلع تيفي و يطلع ؟

آذآ على آيآم آدم آلريآل يصيد وآلمرآ ترعى آلبيت

لي قعد آلريآل مآيصيد آلمرآ ليش تشتغل !!

كلهآ آلحيآه تعآون !! آلله يعينج عليه حآولي تكلمينه

بس قولي آلحمدلله آن مآيطقج ولآ مغربلج ويآ آلحريم

تحون مصيبتج عن غيرج حبوبه

 

[مذهلة2013]

حبيبتي مثل ماقالو حاولي تسولفين وياه
ترا والله خصوصا بالتقاعد الرياييل معظمهم يتغيرون والله

ربي يهديه ويسخره لج يارب

 

[في قلب البحرين]

بقول لج يختي ترى بعض الرياييل اينون من التقاعد
صج والله يتغيرررر 180 درجه ويصير لايطاااااااااااااق

اهوه اكثر الحالات انتشارا يا جي مثل ريلج
او يصيدهم نوع الاكتئاب والعزله والضيقه لان يحس روحه بلا فايده بعدما كان ايروح وايي ويصرف على البيت مو الكل طبعاااا جي بس في

الله يعينج وان شاءالله البنات يفيدونج بالحل ​

 

[ريمة القحطاني]

اشغلية بطلبات البيت خلية يروح يجيب مقاضي العشاء والفطور خلية يسوي رياضة او يدور شغلة عقار اويترزق علئ السيارة او يشيل طلاب مدارس او معلمات اقنعية يطلع

 

[أسرار الجمال]

هذا الي يتزوج وينطر التغيير وعلى بنا اصبر ويمكن يتعدل واهو لا راح يتعدل وما بعد الصبر الا المجرفة والقبر خلاص صيرتي عشر سنين وما تغير وما راح يتغير وباجر يمكن يبلش مراهقة العياييز بعد الله يعينج بس لا تتوقعين انه راح يتغير هالشي شيلي من راسج وفكري بحل ثاني

 

[ليدي بجد]

أهدي يا قلبي الحمد الله المشكله بس هذي ومعروف سببها الفراغ الي عايشه تدرين احس يمر بمرحله اكتئاب بسبب التقاعد خذيه على قد عقله وترتبي له بالمعقول واشتغلي بالمعقول لا تبالغين في يوم عشان ترضينه او تسكتينه او يسمح لك بطلعه مثلا. لانه بيتعود. خليك وسط في كل شي لا تجين على. نفسك عشان يكون في حيل تتحملين كلامه ومصيره يلاقي له شغله تشغله او تتعودين على فكره تطنيش كلامه. أنا أبوي تقاعد من هنا راح تزوج من هنا. شفتي أبوي ما عنده وقت للاكتئاب والكلام الفاضي هههههه. الله معك قلبي

 

[miss nina]

كلامكم على عيني وراااسي من فوووق والصراحة ماقصرتو..بس في بعضكم فهمو الموضوع غلط ..انا مو قاعدة أشتكي منه عقب كل هالسنين ..لأ أنا الحين في المشكلة اللي اعيشها عقب التقاعد ..صاااير يتدخل في كل شي ..وعلى قولة ..ماااعندج شي في البيت ..هذا يبغاله تنظيف ..وهذا يبغاله ترتيب ..زين ماقلنا شي ..بس أحيانا أكون مريضة ومو قااادرة اسوي شي ولا عندي شغالة تساعدني ..يعني يتدخل في كل شي ..واذا على المشاريع ..مو راااضي يعمل شي ..أشجعه ..لكن لاحياة لمن تنادي ...وانا ماتكلم وهو في البيت مع صاحباتي ..لكن في السهرة بعد العشا مااعندي شي ..اقعد على الواتساب وهو يتنرفز بزيااادة ..احترت معااه ..اذا دخلت انام بدري بالعناااد يقعد يسهر على التلفزيون ..اكلمه وادردش معاه ومو جاايب خبر .. ابغااااه ينشغل بأي شي وافتك ..مووو معقولة كله مجابلني في البيت ..حطو نفسكم مكاني قعدة الزوج صعبة في البيت ..الله يفرجها..​

 

[شطانه طفله]

مي خاله تحملي عشان يعالج والله يهديه يارب

 

[بدوني تتضايقون]

سايريه حبيبتي لين يفج اللي براسه لين مايكون بالبيت اخذي راحتج واستعملي الواتس ولين عرفتي وقت ردته سوي روحج تستغلين وحدج تعبانه ولا تغثين روحج دايما خلي الحياه حلوه وحتى لو انتي منقهره لا تبينين له شكله يبي يحرج علشان يسوي شي من غير شي فرااااقه لين جافج دايما تقولين ان شاء الله بيتملل بيدور له على شي ثاني

 

[عز الخويه]

نظام المتقاعدين شقي نفسج نصين جدامه وسوي اللي يبيه واذا راح سوي اللي تبينه ارتاحي وتكلمي فون صدقيني مشي حياتج وساايريه

 

[miss nina]

المشكلة انه حتى لو طلع أكون خلصت شغلي واحيانا فيه اشياء اتركها ليوم ثاني يعني ترتيب ملابس وغيرها لاني خلاااص اكون تعباانة وقاعدة أستريح وانا ماأحب اشتغل في الليل لانه من الطبيعي في الليل وقت راحة ..لااا هو يقعد ويتكلم على كل صغيرة وكبيرة في البيت وانا اسوي روحي ماأسمع او اقول ان شاء الله ..أبغاااه ينشغل في أي شي مووو رااااضي ..شكلي بسوي زي ماقلتو بس ادعوليي اني اقدر اتحمل لاني خلااااص تعبت ​