مكتباتنا .. صور تنطق شغفاً

[هوية غريب]

وأنا أتصفح المنتدى وأقرأ لهذه وتلك ..

أقول في نفسي .. ليتني أرى مكتباتهن ..

حجمها .. ترتيبها .. موقعها .. تصنيفها ..

لدي حلم قديم أن نتعرف على صور مكتباتنا ونعرضها .. فتزيدنا شغفاً وتعرفنا على ما خفي علينا من تصورات البعض لشكل المكتبة وكيفية ترتيبها أو تصنيفها

نحول عامي .. شرايكم؟؟ :eh_s(10):


غدير

 

[نبض الجود]

فكره آكثثثر من ررآآئعه ..
جد مررآت يصير فيني فضول آعرف ..
خصوصـآ المكتبآت الصغيره شلون نقدر نرتب الكتب فيهآ بطريقة نشوف فيهآ جميع الكتب ..


يعطيج العآفيه ..​

 

[Break Time]

فكرررررررررررررة ممتارزة

نتمنى التطبيق يمكن اغير واسوي لي مكتبة صراحه انا كتبي مو واجد وحاطتهم بدرج عادي مو مكتبة


مشكووووووووورة حياتي

 

[أنثى اليمامة]

اووف لو بصور كراتيني هههه بتضحكون .. للحين ما جبت مكتبه بصدد تحضير مكتبه .. بس هم بصور لكم كراتيني واوراقي وكتبي
​

 

[RowTow]

عاد آنا مكتبتي كبيره
تشغل جدار و نص تقريبا
بس بعدي ما نقلت كل كتبي فيها, جزء كبير منهم لا زال ببيت أهلي.

بس أصورها إن شاء الله :eh_s(22):

 

[وهج الحب]

السلام:
انا صورت الكبتات اللي مش المكتبات في بداية تسجيلي بالمنتدى وفي مواضيع سابقة...
انا قبل اتزوج كانت مكبتي كبيرة وتساع الكتب اللي عندي والباقي واقصد بهذه الكلمة الكتب القديمة اللي لا ارجع لها ابدا ...اخزنه بصناديق واضعة فوق البيت ...
وبعد زواجي ..
وبعد ان اصبحت اجمع الكتب من كل مكان ..
اصبح عندي كبت اخزن به كل الكتب التي لم اقرائها ..ومكانه عندي بغرفة خاصة للملابس بالطابق العلوي ..
اما الكتب اللي انتهيت منها انزلها بكبت صنعته بالحائط للكتب وهو متلئ جدا وكنت ارتب به الكتب بعناية لكن من افتحة اتفاجا بالخربطة لان هناك من ياتي للاستعارة وعندما يبحثون عن كتاب معين تتخربط الدنيا وهكذا ..
اما المكتبة الصغيرة التي بغرفتي فهي فقط لعشرين كتاب اختارهم بالقرعة للقراءة خلال الشهر فقط ...يعني متجددة وكل ما اخذ كتاب اضع بدل منه كتاب مما لم اقرائهم ..

وسوف اصوره ما قلت ان شاء الله غدا واضعة بالموضوع ...

 

[عادت ذكرياتي]

خووووووووووووش فكرة


عندي مكتبة خاصة صغيرونة وأكو مكتبة عامة لكل البيت يعني

 

[:: Diva ::]

عندي مكتبه الى قبل اسبوعين كان فيها 4 مكتبات بالطول
و لكن لاني اجهز الغرفه للبيبي اليدييد شلت 2 و حطيتهم في بيت اهلي
و خليت عندي 2 امممممممم يعني لما بصور راح اصور صورتين ثنتين و مو مرتبات للاسف
تشوهت مكتبتي

 

[هوية غريب]

صورت مكتبتي .. ترا مو كبيرة وايد .. لكني أشوفها كبيرة للتنوع اللي تضمه وأحبها بشدة

المكتبة اللي على اليمين مكتبتي .. واللي على اليسار ماخذتها أختي حاطة فيها مجلاتها .. ودي أسطي عليها بس ماني عارفة شلون :eh_s(10): .. توني قبل اسبوعين ناقلة مكتبي يم المكتبة فما عرفت أصور آخر رفين منها


هي عبارة عن 6 أرفف .. قسمتهم كالتالي:
الأول: (اللي فوق) كتب دينية ومجلات علمية
الثاني: كتب تطوير الذات وأعمال واقتصاد .. وعلى يمينهم كتب دار القرآن
الثالث: كتب علمية وطبية
الرابع: كتب دينية فقط (بالإضافة للرف الأول)
الخامس: كتب أدب عربي من لغة وروايات وشعر
السادس: كتب أدب إنجليزي وتاريخ وسير ذاتية

وهاذي صورة أخرى للمكتبة بعيداً عن مجلات اختي



وهذه صورة الرف الخامس قبل الأخير اللي ما قدرت أطلعه بالصورة الأولى (كتب الأدب العربي) =



وطبعاً المكتبة قالتلي بس اشتري غيري ما من مزيد .. قمت حطيت باجي الكتب على مكتبي



طبعاً هالمكتبة خاصة فيني وبغرفتي .. غير عن المكتبة اللي تعتبر لنا كلنا وفيها الكتب اللي كنا نشتريهم واحنا صغار وأمهات الكتب الدينية ..

أدري مملكتي صغيرة وربما عند بعضكم أضعاف أضعافها .. لكني أعشقها وفخورة فيها

 

[هوية غريب]

نبض الجود

الله يعافيج حبيبتي ..إذا عندج مكتبة ولو صغيرة صوريها لنا .. وإذا ما عندج صدقيني بمجرد وجودها يشجعج هالشي على القراءة أكثر وأكثر

 

[هوية غريب]

Break Time

حياج الله حبيبتي ..
انا اللي حببني بالقراءة من كنت صغيرة وجود مكتبة ضخمة في بيتنا ..
صدقيني حتى اليهال بيروحون ويردون عليها ويتشوقون يعرفون شنو هالكتب المرصصة يم بعض

 

[هوية غريب]

أنثى اليمامة

​

شوقتيني أشوف كراتينج :jbdwjbd:

انتي مكتبتج داخل الكمبيوتر .. أعرفج .. لا وتقول ما عندي مكتبة :eh_s(14):


حياج يالغالية .. صج شوقتيني

 

[هوية غريب]

RowTow

جدار ونص .. ما شاء الله تبارك الرحمن

الله يزيدج وينعم عليج بالخير :eh_s(7):


صوريها لنا .. خليني اغار منج وأشلع مكتبي وسريري واحط بدالهم مكتبتين :ggdw:

 

[هوية غريب]

وهج الحب

تبارك الرحمن يا وهج .. الله يزيدج ويبارك لج بوقتج وبكتبج :eh_s(15):

عفية صوري اللي تقدرين عليه .. انا بالانتظار

 

[هوية غريب]

عادت ذكرياتي

نفسي حبيبتي .. فصلت مكتبتي عن مكتبة البيت عشان أخليها بغرفتي وأجابلها كل ما ضاق خلقي

نبي صور .. بليييز

 

[هوية غريب]

Diva

عشان عيون البيبي كل شي يهون ههههه
انتي حطي الصور وما عليج .. احنا فاهمين السالفة .. لعب فيها البيبي وخربها

 

[RowTow]

ما شاء الله شحلات مكتبتج
مجكنمه و مرتبه

آنا فوضويه لأبعد درجه, و أرتب شي عندي المكتبه, و هم مو مرتبه ههه

طبعا هاذي صور مكتبتي, بس على فكرة أماكن واجد فيها فاضيه لأن تقريبا نص كتبي لا زالت ببيت أهلي, بعدي قاعده أنقلهم حق هالمكتبه

و الزوبعه اللي تحت زوبعة المدرسه و وسائل البنات, توني أسوي أدراج حق أغراض المدرسه و ما نقلت كل الوسائل :eh_s(11):
مو جني قلت قصة حياتي :bbbiu:

يالله بسم الله

هاذي نظره شامله للمكتبه

اللي فوق الكتب الدينيه, الصوب هذا فقه و عقيده.
تحته من اليسارقصص أغاثا كريست, عشقي الأبدي
أما من اليمين القصص العالمية المترجمه

هاذي روايات و قص الجيب.
نديمة طفولتي و نشأتي, و لا زالت

الكتب اللي فوق كتب السيره النبويه الشريفه.
اللي تحت عاليمين الروايات الأجنبيه و عاليسار الروايات و المؤلفات العربية.
الكتب النايمه هاذي الجديده اللي بعدي ما قرأتها
قلت لكم فوضويه

نظره أشمل لكتب الفقه, قصص أغاثا, و موسوعاتي العلميه. بس ناقصه موسوعاتي ما حملتهم كلهم

شكبر صوري ههه
و شكثرهم

 

[هوية غريب]

روتو
الله .. شكلي بيي أسكن عندج هههههه
كتبج متنوعة ما شاء الله وشكلج تحتفظين بالكتب القديمة ..
أنا ما احتفظت للأسف بالكتب القديمة .. لعبت فيهم وانا ياهل ومادري وينهم عقب ما كبرت
أول ما شفت الصور قلت - بعد ما شاء الله طبعاً - قلت ودي أرتبها لها .. متعتي ترتيب الكتب

تتهنين فيها حياتي .. بس والله خاطري أرتبها هههه

موفقة حبوبة

 

[RowTow]

روتو
الله .. شكلي بيي أسكن عندج هههههه
كتبج متنوعة ما شاء الله وشكلج تحتفظين بالكتب القديمة ..
أنا ما احتفظت للأسف بالكتب القديمة .. لعبت فيهم وانا ياهل ومادري وينهم عقب ما كبرت
أول ما شفت الصور قلت - بعد ما شاء الله طبعاً - قلت ودي أرتبها لها .. متعتي ترتيب الكتب

تتهنين فيها حياتي .. بس والله خاطري أرتبها هههه

موفقة حبوبة

ههه حياج تعالي رتبيها.
أقولج آنا فوضويه لأبعد درجه, إنسانه مو مرتبه, عجزت بنفسي ما أتعلم ههه

كتبي من بعد الـ98 محتفظه فيهم, اللي قبلهم كنت صغيره و ضيعتهم وزعتهم على بنات العايله. و أصلا ما كانوا بمكتبه كانوا بكرتونين ماي و هم راس مالي ههه

بس تذكرين قصص المكتبه الخضراء و دار الفراشه و السنابل؟
رحت خميت مجموعه منهم من مكتبة المثنى و استعدت أيام الطفوله, بس ما صورتهم, اهم اللي طالعين بقعه خضرا و اللي يمها ههه

 

[هوية غريب]

والله فكرة .. انج تروحين تشترين الكتب اللي قريتيهم وانتي صغيرة .. شكلي بسويها بس تهقين راح ألقى شي؟؟ انا طفولتي أيام القراءة كانت بمنتصف الثمانينات يعني كل شي انقرض هههههه

طفولتي كانت مع مجلة ماجد ومجلة سعد ومجلة العربي الصغير ... ياربي ما أروع العربي الصغير
وكنت أقرا مجلدات سوبرمان وباتمان وأجاثا كريستي .. بس أجاثا كريستي اللي خاطري أشتري كتبها الحين عشان على قولتج أستعيد ذكريات الطفولة

حدي طلعت عن الموضوع رجعتيلي حنين الماضي ..

بس صج مكتبتج وايد حلوة ألف عافية الله يهنيج ويبارك لج فيها :stars: