مكتبة المستشفى

[هوية غريب]

السلام عليكم ورحمة الله ..

كان عندي مراجعة بمستشفى حسين مكي جمعة بأواخر شهر 5 .. ودتني أختي لأني ما كنت قادرة أسوق وتركتني عشان تييب عيالها من المدرسة ..

صعدت فوق لمركز فيصل بن عيسى التابع للمستشفى عشان آخذ موعد للأشعة والسونار .. ولفت انتباهي وجود مكتبة بهالمبنى الجميل الراقي .. وانفرجت أساريري :ggdw: وخاصة إني ناطرة أختي تيي يعني قلت أقعد اقرا على ما تيي :eh_s(9):

دخلت المكتبة وانشرح صدري .. مكتبة كبيرة ومرتبة وكل رف مكتوب عليه التصنيف .. الأول تمريض والثاني أمراض السرطان عافاكم الله .. وقفت عند هالرف وسألت السيكيوريتي .. أقدر أقرا هني .. قاللي .. أوكي :rerrerek:

خذيت كتاب اسمه Cancer Management .. وقعدت أمشي بتثاقل لأني كنت من 4 أيام مخلصة عملية ورحت للطاولة وسحبت كرسي ..

ولا أشوف واحد هندي واقفلي بالمرصاد:
It's not allowed غير مسموح .. نعم؟؟ ليش؟؟؟

كان يرد علي حضرته ويقول: بس الأطباء والممرضين مسموح لهم يقرون بهالكتب .. :eh_s(14):

حاولت فيه .. أقرا شوي وأطلع .. قال: نووو .. نت ألاود not allowed .. بس حق الأطبة والممرضين ..

قلتله بيأس ليش انا شبسوي بالمكتبة؟؟ قاللي بكل ثقة: هذي مو مكتبة عامة .. هذي مكتبة تخصصية .. قلتله: شي يرجعلي إذا كنت راح أفهم اللي بقراه أو لأ

والله كان خاطري أحط الكتاب على الطاولة وأخليه هو يرجعه .. بس مرات أتحسف أن امي مربيتني عدل ..

رجعت الكتاب مكانه وطلعت .. نزلت للإدارة

لو سمحتي اختي انا دخلت المكتبة اللي بمركز فيصل بن عيسى والهندي طلعني .. قالت: إيه .. ممنوع

ليش ؟؟؟ قالت بعد ما عصرت مخها وتفتق ذكاءها عن السبب المنطقي للمنع: لأن في كتب سرية للأطبة هههههه :eh_s(6):
والله كان خاطري أرد عليها .. كاتبين فيها عملياتهم مثلاً؟؟ انزين شلون نشروها في كتب إذا كانت سرية؟؟؟ خاف صج دكاترة المستشفى مألفين الكتب وحاطينها بالمكتبة "سرية" !!!!

قلتلها انزين بنطر اختي وقلت اقرا على ما تيي .. قالتلي قعدي على الكراسي اللي برا نطريها OH MY GOD

فعلاً قعدت على الكراسي اللي برا وطلعت من جنطتي كتاب وقعدت أقرا .. وألعن التخلف اللي خلا مجتمعنا يمنع دخول المكتبات ويقصر القراءة على شريحة معينة في المجتمع

المضحك :ggdw: .. اني رجعت للمستشفى بأول شهر 6 لأمر طارئ حصل لي .. ورجعت صعدت فوق للمركز المذكور عشان آخذ موعد أشعة .. وشتتوقعون لقيت؟؟؟

هههه لقيت المكتبة مسكرينها وحاطين جدام بابها لوحة متنقلة عريضة على طول البابين عشان محد يدخل :ggdw: يعني انا تسببت في إغلاق مكتبة حسين مكي جمعة _03BA:

وعاش مجتمعنا عاصمة للثقافة العربية :eh_s(8):


غدير

 

[أنثى اليمامة]

هههه ، خايفين على الكتب ، وتلاقين محد يقرأ فيها أصلاً .. ضحكتني كتب سريه للأطباء .. يعني لو قايله ممنوع وخلاص كان اهون من هالعذر الي ما ادري وين طلعته ... ههههههههه



​

 

[رحيل المرافيء]

دام كتابج معاج ليش ماطلعتيه من اول ضيعتي وقتج يابنية :eh_s(4):
وزين جذيه سكرتي المكتبة كنت بروح لها شسوي فيج الحين:eh_s(14):
وتمنياتي لج بالشفاء العاجل

 

[هوية غريب]

يمامتي .. صدقتي ياختي مبين أن الكتب محد لامسهم .. ياربي واضح من الترتيب والتنظيم العجيب اللي شفت فيه المكتبة .. وأكبر دليل على انها مهجورة انهم سكروها :eh_s(6):
تسلمين حبيبتي على المرور


رحيل .. الله يهديج كله تزفين كله تزفين :eh_s(2)::eh_s(2):

شسوي القط ما بيبحبش إلا خناقه تسلمين حبيبتي الله يحفظج

 

[بنوتة طموحة]

غير مسموح

ضحكني

الله يهدي ربعنا دايما يفكرووون بطريقة غريبة

وحبيبتي غدير ديري بالج ع نفسج ولا تنفعلين

أهم شي صحتج الله يسهل علاجج وتقومين لنا بالسلامة

 

[نونة حبيبها]

شدعووووه
احنا مكتبة المستشفى الي اشتغل فيها عادي تدخلين وتقراين
بس الاستعارة لازم تطلعي الاي دي تبعك ..

 

[وهج الحب]

السلام:
اذا انتي تحترمين الكتب وتقدرينها فيه ناس تخرب اكثر منها تبني ..وكثيرين لا يحترمون الكتب وعندهم مجرد ورق اذا عجبهم شئ منه مزقوه ..
وكنت اشوف بالجامعة اشلون البنات يرسمون ويشقون صفحات من الكتب والمجلات ..
وهذه مكتبة متخصصة للاطباء ..
وكل مستشفى فيه كتب تخصصيه للاطباء ومن حقهم ما يخلون احد ان يدخل مكتبتهم ..حتى يحافظون على الكتب ..
هذا الامر ماله دخل بعاصمة الثقافة ولا الثقافة بالعالم العربي حتى بدول الغرب لا تستطعون دخول مكتبة الاطباء او المحامين او غيره ..

 

[رحيل المرافيء]

لوووول هوية
وكنت بقول نفس كلام وهووجة بس نسيت صح مايخلون احد يدخل
كلها كتب طبية بحتة ويمكن مايبون احد يزاحم الاطبااااااء
لانه اذا كل من هب ودب دخل بتصير فوضى والاطباء ماياخذون راحتهم
ياالله ان شاء الله تفتكين من المستشفيات

 

[هوية غريب]

غير مسموح

ضحكني

الله يهدي ربعنا دايما يفكرووون بطريقة غريبة

وحبيبتي غدير ديري بالج ع نفسج ولا تنفعلين

أهم شي صحتج الله يسهل علاجج وتقومين لنا بالسلامة

هلا والله حبيبتي ..

ههههههه إي والله صدقتي مبين شكلي منفعلة ..

تسلمين يا قلبي على الدعوة الطيبة :eh_s(17):

 

[هوية غريب]

شدعووووه
احنا مكتبة المستشفى الي اشتغل فيها عادي تدخلين وتقراين
بس الاستعارة لازم تطلعي الاي دي تبعك ..

أكيد مستشفى خاص .. صح؟؟

بالعافية عليكم

 

[هوية غريب]

السلام:
اذا انتي تحترمين الكتب وتقدرينها فيه ناس تخرب اكثر منها تبني ..وكثيرين لا يحترمون الكتب وعندهم مجرد ورق اذا عجبهم شئ منه مزقوه ..
وكنت اشوف بالجامعة اشلون البنات يرسمون ويشقون صفحات من الكتب والمجلات ..
وهذه مكتبة متخصصة للاطباء ..
وكل مستشفى فيه كتب تخصصيه للاطباء ومن حقهم ما يخلون احد ان يدخل مكتبتهم ..حتى يحافظون على الكتب ..
هذا الامر ماله دخل بعاصمة الثقافة ولا الثقافة بالعالم العربي حتى بدول الغرب لا تستطعون دخول مكتبة الاطباء او المحامين او غيره ..

وعليكم السلام :

فكرت بنفس تفكيرج لما كنت بالمكتبة وتخيلت دخول امرأة معاها أطفال أو شباب صغار مبين عليهم الطيش .. إذاً المسألة تكون مسؤولية الأمن اللي بالمكتبة للحفاظ عليها وليس المنع هو السبيل للحفاظ على الكتب ..

يعني يقدرون يمنعون دخول الأطفال .. أما الكبار فهل تتوقعين أي شخص بعمر ناضح يدخل مكتبة مستشفى يشقق كتب مثلاً؟؟؟

المقارنة بين طلاب في مكتبة الجامعة ومرتادي مستشفى وسط كومة من كتب طبية مقارنة غير موفقة ..

أما بالنسبة لكلامج عن الدول الغربية فلا أملك أدنى فكرة عن النظام عندهم ..


واضح أن أطباءنا وممرضينا يقرون بدليل إنهم سكروا المكتبة .. الله يعطيهم العافية

 

[هوية غريب]

لوووول هوية
وكنت بقول نفس كلام وهووجة بس نسيت صح مايخلون احد يدخل
كلها كتب طبية بحتة ويمكن مايبون احد يزاحم الاطبااااااء
لانه اذا كل من هب ودب دخل بتصير فوضى والاطباء ماياخذون راحتهم
ياالله ان شاء الله تفتكين من المستشفيات

ضحكتيني الله يضحكج .. كل من هب ودب يدخل .. ليش وين قاعدين بنيويورك؟؟؟ وبعدين منو يزاحم منو؟؟ تقصدين نزاحم الينانوة اللي بالمكتبة .. يقوللج المكان الفاضي يكثر فيه الجن :dddds:

وبعدين ليش ماخذين فكرة عن الكتب انها تخصصية بحتة ومحد راح يفهمها غير الأطباء؟؟؟

نقطة اعتراض :eh_s(4):