مكنسة رينبو rainbow

[rtooj2008]

قوة حبايبي
منو عندها مكنسنة رينبو
واذا عندج ما تحسفتي انج شريتيها 860 دينار
وسولفي عن تجربتج؟

 

[paraka]

ابصراحة أنا ما عندي بس رفيجتي من اسبوعين شرتها تمدحها وايد وهي اتعرفها من قبل لأن أمها ورفيجتها عندهم تقريباً من 3 سنوات ، وحسب وصفها أنها ممتازة تنضف وتعقم واتعطر البيت ، تغسل القنفات والستاير وتغسل السيراميك واتنظفه ، والمندوب قالها انا راح اعلم الخدامة على استخدامها وغذا سافرت ويبتي وحدة ثانية اتصلي وايي واعلمها يعني خدمة مابعد البيع ممتازة وإلي شروها يمدحونها .. وأنا ودي أشتريها بس بصراحة سعرها غالي

 

[التجارة شطارة]

الصراحة امس جانا المندوب وورانا المكنسة الصراحة روعة كلمة روعة قليلة بحقها

ما راح تحسون بقيمتها الا لما تجربونها

يس الصراحة غالية حيل حيل بس يصير تشترونها بالاقساط

انفكر نجيبها

 

[rtooj2008]

مشكورين حبايبي على الرد
انا ودي فيها وايد لأني اعشق النظافة ودي اشتريها بس اهي غاليه حييييييييييل
وانا قاعده بشقه احس تنفع حق بيت العمر موشقه ولا اشرايكم ؟

 

[كويتية1]

انه عندي اياها من سنتين اتهبل مشالله ما تحسفت واهيا تقدرين تستخدمينها كمنقي للهوا ويعطونج فلتر هوا هديه
لا تترددين تنفع حتى حق الفراش

 

[bnt_7waa]

اييي اذكر من قبل جم سنه كان عندنا وحده نفسها بس ماسوينا فيها شي

لان توهقنا باستخدامها يعني كلش مو حق تحطينها بيد الخدامه

 

[كرستال 2008]

هي من ناحية تنظف .. تنظف
بس حدها غاليه كنت بشتريها بس غيرت رايي على آخر لحظه
بغى يزنطني المندوب ساعه وهو يشرح فيها ويخم وحالته حاله
وآخر شي قلت مابيها خخخخخخخخخخخخخخخخخ

 

[Dloool_q8]

انا ريلي شاريها من قبل لا اتزوج بس كانت ب500 جنه حلوه بس تبط جبدي بتنظيفها لازم على طول وواايد قويه يعني احس تمجع الزل بس تنظف وتعطر وتسحب اذ مثلا في دخان اانا مرات تصير دخنه من المطبخ فاحطها وانظف فيها القنفات بعد و السيراميك

 

[شاليمار]

انا شفت رينبو وكيربى
واخترت
7
7
7
7 كيربى

بصراحة خفت من تجربة الماى والكهرباا
اقصد الرينبو

اشلون تبدلين كل مره الماى وتشغلينها

بس الكيربى وااايد مريحتنى وما تحسفت على فلوسى
صج تسوى

 

[DKNY]

خوش غساله يقولون عنها بس ماجربناها

 

[saratee]

بنات شلون طريقة الاستخدام

 

[العاذرية]

كيربي بجم؟؟؟


اب للافاده

 

[P!NKia]

احنا عندنا .... صج صج تستاهل ال 800 دينار
بس مايبيلها خدامه تمسكها ... لكن تنظيفها 100%
يعني شي مو طبيعي

 

[تعبت من الكلام]

انا شريتها كانت ب720 وارتفع سعرها لأن سوقها ماشي حيل
وفعلا هي عجيبة وتحسين بالنظافة بالفعل وخدمتهم حلوة كل ما احتاج شي ادق عليهم يدزون لي المندوب
واعرف موظفة عسل هناك بعد
صراحة تهبل وكفالتها 15 سنة وكنت اخذها معاي لبنان شقتي هناك ولهم فرع بعد بدول وايد

 

[قلـــ نوني ـــب]

بقولكم شي مابتصدقون

امس اتصل علي واحد وانا راقده
وقالي انج ربحتي هالمنتج ومعااه هديه بس انتي عطينا عنوانج الصراحه خفت
وكنت وايد نعسانه
وقلت له مابي هديتك وطااااااااااااااااااااااخ في الويهه

ولما صحيت من النوم يلست اتذكر واهئ اهئ

وعلى بالي حلم ولما شفت الاتصالات الوارده طلع مب حلم خخخخخخخخخخخ
يالله خيرها في غيرهااا

 

[ام فجر3]

بصراحه اكبر غلطه سويتها بحياتي اني شريتها

يبغيلها مجهودعلشان تنضف الفرش تصدقون اني ماستخدمت قطع الغسيل حقت الفرش

الفايده الوحيده تنقيه وتعقيم الهوا من الغبار يعني لاتحطين فلوسك عليهاتحسفت على فلوسي

للحين مقهوره من المندوب غصبني الا اخذها يعني اذا في احد يبي يشترها مني بنص المبلغ لايرده الا كيبورده

بعد هالهذره مااحد يبيها

 

[q8ya كوول]

بصراحه اكبر غلطه سويتها بحياتي اني شريتها

يبغيلها مجهودعلشان تنضف الفرش تصدقون اني ماستخدمت قطع الغسيل حقت الفرش

الفايده الوحيده تنقيه وتعقيم الهوا من الغبار يعني لاتحطين فلوسك عليهاتحسفت على فلوسي

للحين مقهوره من المندوب غصبني الا اخذها يعني اذا في احد يبي يشترها مني بنص المبلغ لايرده الا كيبورده

بعد هالهذره مااحد يبيها

نفس الحجي اللي يبي يشتري انا ناطرة

 

[nona moda]

نفس الحجي انا بعد حدي تحسفت مادرررررررررررري اشلون المندوب اشلون قص على رايلي وخلاه ياخذهاااااا وكاااهي بالكرتونه وتسلم عليكم حدي اكرررررررررررررررررررررررررررررررررررررررررررررهااااااااا وكل ماشوووفها ودي اكسرها على راس المندوب و هم لانها مو عمليه ولاتنفع حق خدامه ولاتنفع حق شقه ومره عن الحلال والحرام رايلي حب ايرقع موقفه فشغلها ونظف الجووسحب التراب وانا كنت موموجوده بالبيت بس اول مارديت البيت حسيت نفسي موقادره اتنفس لانهاا اشفطت كل شي فصار الهوى حده نظيف ومافي فيروسات ماراح اعرف اوصف شعووري من كثر التعاااسه :_(
لانه احنا متعودين انه الجو ايكون اشويه فيه ميكروبات وفيروسات وحتاجه الجسم اصلا لازم هه هه بس الحين انا عندي مشروع اشتري فلتر اللي يصفي الماي بس هالمره رايلي اللي موراضي يبي يعاندني )))))))) لا والمشكله انه ابوي هم اتورط وشراها وامي حدهااا معصبه والله احنا مقصه )

 

[فراولة حمرة]

بالعكس اتينن ومو متحسفه اني شريتها وما اتخيل حياتي بدونها خخخخخ

 

[ورد الصبا]

أنا شاريتها من زمان بس بصراحه للحين مو عارفه استخدم الجهاز تبع غسيل الرخام احترت في تركيبه واستخدامه؟؟