مرحبا مب عارفه من وين ابدا لكن سلكوا يعني الموضوع له فتره افكر فيه وعاد اليوم عزمت انزلهموضوعي اليوم بتكلم فيه ع الميك اب اللي استخدمه وريفيو بسيطه عن هالماركه وبعض المستحضرات اللي استخدامها حاليا ولا اخفيكم علما كم كريم اساس دورت وما ناسب لي وكم شدو وكم روج كلهن يطلعن خراابيط واللهبس مع هالماركه وربي اني اكون واثقه من نفسي ووالله كلهن يسالن عن نوع مكياجي وهو يصلح للعزايم للدوامات للجمعات البسيطه اممممم وشو بعد..وان شالله عجبكم بنزل مواضيع ثانيه تخص الشعر وريفيو ثانيه لانواع ثانيه للميك اب
بسم الله نبدا بتنظيف البشره باي غسول يناسب بشرتك لازم تكون البشره نظيفه ومستعده للميك اب
بعدها نبدا بمسح البشره بالتونر انا اللي عندي نوعين واكثر واحد استخدمه الثاني... الوردي من لانكوم والثاني نتروجينا الازرق فايدته انه ينظف البشره ويسكر المسامات
بعدها بدقيتين نبدا ب الكريم او المرطب اللي يناسب بشرتك انا استخدم مرطب
AVEENO مره عاجبني ومناسب لي
بعدها نخلي البشره تمتص الكريم وبكذا خلصنا من تهيئة البشره للميك اب
1-البيس: نبدا بوضع البيس تبع ماك مره حلوه يا بنات وخفيفه ومافيه لمعه وانا ما استغني عنه ابد يثبت الميك اب
2-الكونسيلر:بعدها نبدا بالكونسيلر تبع ماك مره يا بنات لايفوتكم تغطية وااو مرره بيرفكت احطه من تحت العيون وبجنب الانف وبجنب الشفايف
3-الكريم الاساس نبدا بتوزيع الكريم الاساس معروف كريم اساس ماك وربي شي خيال تغطيته وايد حلوه وخفيف وثابت
4- المضغوطه اسمهاSTUDIO MAC TECH NC30
انا وحده ابدا ما اتخيل نفسي من دونها والله تغطيتها بيرفكت ويعطيج لون بشره موحده انصحكم فيها مشكلتها ما تدوم معج لايك كريم الاساس5-بودره ماك :وبعدها نبدا البودره تبع ماك اممم حلوه وخفيفه مره ما يبين انج حاط بودره حبيتها مرره بديلها البودره تبع ريفلون وفور ايفر مره مرتاحه معهم كثيير
نبدا ف الحواجب بنات مشكلة البنات اللي طايحات برسمة حواجب ما تناسبهم ابد ولا اعمم لان فيه بنات فنانات برسم الحواجب بطريقه حلوه ومتقنه كثيرر...وبراي كل ما رسمتي حواجبك ع طبيعتهم وعبيتهم يطلع احلي بنظري
6-قلم رسم الحواجب من ماك مررره حلوه وانا وحده ما استغني عنه اللي
7-قلم من فور ايفر بعده حلوه بس اعطيه 5 من 10 والسائل اللي ع اليسار حلو بعد من فور ايفر لكن واضح بشكل ساطع<<ابوك يا الوصف
طريقيتي ف رسم الحواجب لازم تكون حواجبك نظيفه او مشقر ..نحدد الحواجب بالقلم بشكل خفيف ونعبيهم بشدو بني من ماك
8-الشدو :نرجع للميك اب العيون امممم شوف شدو تبع ماك مرره حلووه وخفيفه حبيت الوان وخاصة السلفر والزيتوني
9-الاي لاينر تبع لانكوم مستحيل استغني عنه ووااايد حلو لرسمات العين وثابت وولونه حلووه
10- الاي لاينر من شانيل ما عجبني صراحه
البلشر :نبدا ب البلشر عندي اربع.. مرره حلوين من ماك الفوشي والوردي الغامق بس اللي استخدامها اكثر شي بلشر من NYCالوردي و البرونزي استخدمه [FONT=Times New Roman (Arabic)]الكنتورينق او النحـت[/FONT]
[FONT=Times New Roman (Arabic)]واللي ع يسار اضاءه حلوه مرره من ريفلون تعطيك زي اللمعه[/FONT]
[FONT=Times New Roman (Arabic)]واللي ع يسار اضاءه حلوه مرره من ريفلون تعطيك زي اللمعه[/FONT]
الماسكار تبع ماك وربي خيااال مرره تعطيك كثافه ولون مرره يجنن فيه 2 وحده خفيفه ووحده ثقيييييل
Yves Saint Laurent مسكره لا باس بها مب لين هنااك
الصفرا من مابيليين تصلح للدومات الصباحيه والبرتقاليه والرماديه منCOVERGIRL
حلوه للاستخدام اليومي
خلصنا من العيون وننزل للشفايف
11-البرايمر :اهم شي تكوني شفايفك رطبه وصحيه هههه قبل الروج نحط مرطب ومسحه خفيفه من كريم اساس وعن نفسي استخدم برايمر خاص قبل وضع الروج من ماك وايد حلو بنات ويثبت الروج وما تستوي بلاوي عقب الروج
الارواج عندي من كل لون وكلهن حلوات واللي يزيدهن حلااا الغلوس تبعهم وواااااااي يهببببل
12-الفكس بخاخ ماك:واخر شي فكس تبع ماك تبخينه مره وحده ع ويهج ومن بعيد يثبت المكياج ويعطيج بشره متالق وفرررش
واخير هذا اللي ضبط معاي ومو شرط يضبط معك كل بشره تختلف عن الثانيه
وان عجبكم ان شالله الله ف الردود السنعه والتقايييم الحلوه وتراني تعبت اكتب واصور واشرح
جميع الحقوق محفوظه لدي
معرفي SHAMOOS
التعديل الأخير:
