مكياجي .... من جديد بالشرح والصور ..

[رفرف]

سلام بنوتات شلونكم ؟

بما ان الصور بالموضوع القديم راحت والله يرحمها ..
قلت انزل لكم موضوع يديد وفيه مكياجي اليديد بعد ..
بس عذروني يمكن اكون بطيئة شوي ..
الصور وايد وتحتاج تفرغ بس راح احاول انزل اللي اقدر عليه أول باول ومع الشرح..
ولا تبخلون علي برايكم ..

ملاحظة : الموضوع متجدد ... جيكو على الصفحات اللي ورا علشان تشوفون الشغلات اليديدة اللي نزلتها

بسم الله بدينا ..



اول صورة ..

شدوات من سوق السالمية .. العلبة اللي فيها درحات البني والزيتي نوعية الشدو تختلف (مخملي) ... والباقي شدو عادي .. العلبة اللي شدواتها بيضا هاذي كلها آي شيمرز .. لمعات بدرجات مختلفة (الذهبي - الاخضر - الازرق)

الصورة الثانية علبتين شدو من نيبو واااايد حلوين ..

الصورة الثالثة علبة جافيكو شدو المثلثات يمكن اغلبكم يعرفونه ...

 

[رفرف]

مشاركة: مكياجي .... من جديد بالشرح والصور .. حياكم

انكمل الصور ... وبعدنا في علب الشدو ...

اول صورة علبة ريد ستار بعد من الهنود الوانها حلوة ونوعية الشدو احلى ...

ثاني صورة مو مبينه ماركتها ممسوحة .. الوانها حلوة بس تبي حككككك علشان يطلع اللون الصراحة نوعيتها مو توب بس زوينة ..

ثالث صورة شدوات بودي شوب المربعات .. حلوين بس ما يثبتون
بروحهم .. انا احطهم فوق الشدو العادي يطلع اللون حلو وفيه لمعة ..

 

[رفرف]

مشاركة: مكياجي .... من جديد بالشرح والصور .. حياكم

انكمل ...


اول صورة .. شدوات منوعة ... كلها مخملية ماعدا اللي بالنص درجات البني عادي ..
ولا تخترعون من الالوان .. انا ماستعمل الشدو المخملي بروحه لأنه ما يثبت على جفني ..
بس احط لون هادي مثل البني .. وفوقه أحط البرتقالي المخملي .. يطلع لونه بني على ذهبي وماله أي علاقة بالبرتقالي .. ويطلع فيه لمعة حلوة .. ويثبت اكثر ...
والازرق نفس الشي .. احط شدو بنفسجي او كحلي .. وفوقه الشدو المخملي السماوي .. يطلع لونه وايد وايد حلو ..
اما الذهبي استعمله حق تحت الحاجب يهبل وفيه لمعة.. ويثبت عادي

الصورة الثانية ..
كلها شدوات لووس .. الاثنين المدورين الكبار من بوبا .. والغرشة الوردية من بورجوا .. الدوائر اللي ورا من المنصور ..
والزيتي المدور الصغير اللي جدام هذا بالذات من صنع ايديا ..
كان عندي شدو زيتي من بودي شوب مطفي وايد احبه وبنتي كسرته .. طحنته خليته بودر كلش .. وضفت عليه آي شيمر ذهبي من غولدن ليدي كمية حلوة .. وصار أحلى شدو زيتي .. احطه فوق اي شدو مطفي زيتي ..

اخر صورة ..
العلبة السودا اللي فيها دوائر تحت هذا شدو كريمي من ريفلون (انا استعمله مثل الكحل تحت العين خاصة الازرق) ..
اللي فوق عاليمين شدو اسود من الهنود بس اسوووووود من قلب ..
اللي بالنص آي شيمر من بودي شوب (حلو ... بس نفس مستوى الي من الهنود بسعر اغلى وكمية اقل) ..
اللي عاليسار العلبة ماذكر ماركتها بس اهيه درجات الرمادي من زمان ماخذتها وحلوة احبها ..

 

[رفرف]

مشاركة: مكياجي .... من جديد بالشرح والصور .. حياكم

اخر مجموعة لليوم ...

الصورة الأولى بلشراتي ..
الاثنين المربعات الكبار من بودي شوب .. درجات الوردي ودرجات البرونز ..
اللي جدام عاليمين لونه وردي على بنفسجي على ذهبي مادري شنو مو مبين بالصورة حده غريب من لوريال ...
المدور اللي بالنص لونه ذهبي على نحاسي من فلورمار من الهنود وروووعة مو بس حلو ..
الاثنين اللي فوق بعض سمايلينغ من الهنود درجات الوردي واحد منهم سحكته من كثر ماحبه ...

الصورة الاخيرة قلوسات .. الوردي من ريد ايرث بسوق شرق ..
والبيج من مكياجي ..

بس تعبت ....
اكمل وقت ثاني انشالله ..
وناطرة ردودكم وتشجيعكم

 

[ملكة زماني]

مشاركة: مكياجي .... من جديد بالشرح والصور .. حياكم

مكياااااجج ايهبل ماشالله
عليج بالف
عااااااااافية رفروفة

بس بسألج

هذا من اي صوب بلالضبط من سوق السالميه
بمحل ليلى هارموني والا من عند الهنود؟

 

[السفيرة عزيزة]

مشاركة: مكياجي .... من جديد بالشرح والصور .. حياكم

ما شاء الله عليج

يهبلون

بس بسالج من وين تشترون مكياجي

اكو منه بالكويت؟؟

 

[FOZQ8]

مشاركة: مكياجي .... من جديد بالشرح والصور .. حياكم

تدرين فيني احب هالمواضيع
لا توقفين
يعطيج العافيه

 

[شكليطه]

مشاركة: مكياجي .... من جديد بالشرح والصور .. حياكم

يعطييييييييج العافيه

تتهنين فيهم ان شاءالله وتخلصينهم بالعافيه





ننطر باجي الصور عشان نسأل بكل ذمه وضمير

 

[سمسميه]

مشاركة: مكياجي .... من جديد بالشرح والصور .. حياكم

ما شاءالله عليج بالعافيه يا رفرف

 

[لموية العسولة]

مشاركة: مكياجي .... من جديد بالشرح والصور .. حياكم

تسلمين ماقصرتي على روحج الطيبة ونطمع بالمزيد

 

[شهدQ]

مشاركة: مكياجي .... من جديد بالشرح والصور .. حياكم

ماشاء الله شغلك نفس الشغل الي استخدمه موفقه

بس بسالج من وين تشترون مكياجي

اكو منه بالكويت؟؟

في محل عروس البحر بالفروانيه عندهم ستاند من ماركة مكياجي

وهم السالميه الجديده فوق المحاميد في محل يبيع ماركة مكياجي

وهذا واحد اسمه سلمان اعتقد هندي يقولون يبيع ماركة مكياجي بس للامانه ماشفت شغله بس مخزنه رقمه9253471 ويوصل للبيت

 

[شادية]

مشاركة: مكياجي .... من جديد بالشرح والصور .. حياكم

واااااااااااااااو

جنج داريه عني قبل جم يوم قاعده اطالع موضوعج القديم ومحتره انه الصور مو طالعه لي

خيلي ممنون

 

[ام خالد33]

مشاركة: مكياجي .... من جديد بالشرح والصور .. حياكم

مشكوررررررررررررررررررررررررررررررررررررررررررررررررررررررررررررررررره

 

[معكرونه أسبكتى يم يم]

مشاركة: مكياجي .... من جديد بالشرح والصور .. حياكم

هالحين لقلوسات هى اللمعه اللى تنحط على الحمره صح ولا انا غلطانه ............

 

[رفرف]

مشاركة: مكياجي .... من جديد بالشرح والصور .. حياكم

حياكم الله بنات نورتو الموضوع ماهقيت بتردون علي بسرعة جذي

ملكة زماني الشدوات من الهنود ولا يطوفونج يهبلون وبدينارين بس ..

والعلبة اللي من مكياجي والله ناس يايبينها لي هدية من السعودية ...

والقلوسات عدل تنحط فوق الحمرة او انا استعملها بدال الحمرة خاصة اللحمي والبيجيات ...

وحياكم الله أقين

 

[mrmr mrmora]

مشاركة: مكياجي .... من جديد بالشرح والصور .. حياكم

ما شاء الله

الله يعطيج العافيه رفرف خوش موضوع

 

[ذكريات]

مشاركة: مكياجي .... من جديد بالشرح والصور .. حياكم

واااااااااااااااو

جنج داريه عني قبل جم يوم قاعده اطالع موضوعج القديم ومحتره انه الصور مو طالعه لي

خيلي ممنون

نفس حالتي امس قاعدة اطالع الموضوع و متحسفة على الصور

مشكووووووووووورة على هالموضوع الحلو

الله يعطيج العافية

 

[jolie_q8]

مشاركة: مكياجي .... من جديد بالشرح والصور .. حياكم

روعه روعه

يونسون

عليج بالعافيه

وناطرين باجي الصور

 

[sosoo]

مشاركة: مكياجي .... من جديد بالشرح والصور .. حياكم

موضوعج يشوق

بنيتي اشتري مكياج من ماركة مكياجي الكل يمدحه كحله وشدوه

مشكوووووووووووورة على الموضوع

 

[الملكيييية]

مشاركة: مكياجي .... من جديد بالشرح والصور .. حياكم

شكورة رفرف على الموضوع
تقريبا نفسي
كل دروووووووووووج التسريحة شدوووووووووووووووووو