مكياج السفر

[ام فهوودد]

مرحبا للي موجودين كلهم حبيت اشارك واستفسر بنفس الوقت لكل وحده ناويه علي السفر اشلون بتحطين مكياجج اقصد بعلبه او شنطه لاني متوهقه قبل كنت اخذ علب المكياج معاي بوسط الملابس بس علي ما اوصل الدوله الي رايحتلها القا كل شي معفوس فهالمره قاعده افكر احطهم بكس ومنها يكون ارتب لما اوصل احط البوكس كله علي التواليت عشان الترتيب والا شرايكم شاركوني الراي

 

[اللوحة الناقصة]

هلا حبيبتي

انا اقول احسن شي واخف شي انج ما تاخذين علب مكياج كبيرة ووايده ،،، يعني اخذي مثلا باليت شدو صغير فيه ثلاث الوان

اساسية تمشي مع كل بدلج ونفس الشي الحمر اخذي حمرتين او ثلاث محايده تمشي مع كل شي ونفس الشي بالنسبة لباجي

المكياج الاساس والبيس وجذي وحطيهم بجنطة صغيرة تكون داخل جنطه ايدج وراح ترتاحين واايد صدقيني


موفقة حبييتي​

 

[شندوخه]

انا ما اخذ معاي مكياج الا خفايف السفر فرصه عشان ترتاح البشره
بس في جنطه المكياج الخاصه اللي تصير جنها مقلمه
احط الفاونديشن والبودره المضغوطه وزبده شفايف اللابيلو وقلوس شفاف وكحل اسود لداخل العين ومسكرا ولون شادو فاتح وبلاشر نعوم
اعتكد ستايل النوميكب
ولاتحطينهم بجنطه ايدج ترى بالطياره يتصادرون بعدين

 

[بعثرة محبره]

انا اخذ الاساسيات البسيطه واحطهم بشنطه صغيره كأنها مقلمه ..

 

[زلابيا]

مثل شوشو

فرصه البشره ترتاح وقت السفر

 

[ام فهوودد]

مشكورين علي الردوووووووود بس انا بروح مصر وبقعد شهر انشالله ومصر تدرون تحلا بسهرات لا بد بالسهر لازم ميكاب اشوي يعني لازوم الطلعه والسهره

 

[سلايل*عبس]

سوي مثل ماقالوا البنات انا بعد بروح مصر وقاعده 45 يوم وهمن خذيت الاساسيات واساسا لانج رايحه مصر رح تشترين منهم مكياج مكياج وشدوات لونا واماندا شيييييييييي فوفري على نفسج وكملي شغلج مناك لانج شاريه شاريه

 

[هنـــد]

اي أختي اخذيهم بجنطه صغيره اللي تكون مقسمه

انا اذا سافرت كله اسوي جذي

والحمدالله مكياجي مايخرب

 

[الزرعونية]

هلا عزيزتي

أنا جهزت شنطتي حق الكويت وحطيت مكياجي في شنطة صغيرة مثل المقلمة

ماخذة وياي مكياج خفيف بالوان وردية خفيفة لاني احطهم بس بالفندق حق ريلي بس وبالطلعه اشلهم

 

[رووقه]

حطيهم بقلمه واذا مكياجج واجد
حطيهم بمقلمتين

 

[شيهانه20211]

بصراحه انا بسمع نصيحه اخت و حبيبه على قلبي بالمنتدى عسى الله يوفقها وين ما راحت انصحتني بعلبه مكياج مقسمه من دايسون
و حبيت افيدكم مثل ما انا استفدت

 

[78MariMar78]

حطيهم بمقلمة وخليهم بشنطة اليد

 

[أم عزيـز]

انا صراحه ما اخذ معاي حوسه مكياج
اخذ معاي الحمر اللي تمشي مع ملابسي
وهم الشدو ما احب احط بس كحل قلم وماسكره وجم قلم حمره واذا بحط شدو اخذ البرونز او الذهبي الفاتح عشان يلوق على كل شي
وطبعا الفونديشن والبودره مالته احطهم في جنطه خاصه حق المكياج شاريتها من دبنهامس بس من 3 سنين لين الحين عندي
صغيره وملموه وارتب فيها كل شي

 

[تمنيتك]

ووي

انا مكياجي اهني او بره بس

كريم اساس وبودره
بودره ورديه
كحل .. مسكرا
حمره وردي فاتح

بس

 

[om_3azoz]

انا مااخذ وايد اشياء واسوي حووسه لا .. بس جنطه صغيره مالت المكياج احط فيهاا علبه شدوو صغيره فيهاا الوان اللي تمشي مع كل شي ومسكرا وحمره وقولس وبوده برونز بس ..

 

[eLzain]

ام فهود انا نفسج بعد بسافر مصر فااهمتج شووفي حبيبتي اخذي جنطه اللي مقسمه او مالت المكياج بس اللي شوي عوده حطي فيها اغرااضج ومسكيها بااييدج والشدو وماشدو حطيه بين الهدوم وبجنطه الهدوم بس الحمر لاا عشان تسيح والعدسات ووغيره وغيره ولاتاخذين وياج جنطه ايد بالمطار اخذي بوكج ونظارتج وديتولج وحطيهم بجنطه المكياج ووو بس ولاا وصلتي بالسلامه فضي الجنطه وو طلعيلج من هالجناط الكشخه ووكشخي واستانسي
تروحين بالسلامه يارب

 

[الزين 83]

شالسالفه كلنا بنرووووح مصر
انا بصراحه مكياجي احطه بالجنطه معاي الهاند باق بس اخاف يصادرونهم فبحطهم بمقلمه وبحطهم بالجنطه
انا مكياجي
قلوس- ايلاينر -ماسكرا - تاتو حواجب - بلاشر - ونادر ماحط فاونديشن بالسفر احس يضايقني
الا بقولكم توني شاريه فاونديشن جربته عجييييب يهبل يهبل حق الصيف ماتحسين بقل على الوجه من ميبيلين حق اللي يحبون البرونز انااا بيضه ولامره حطيت برونز وشريته بصراحه لونه راااقي لا يطوفكم

 

[ام فهوودد]

مشكورين وايد علي الردود وفعلا اليوم كنت رايحه مجمع السندس الي بحولي ولقيت عند محل يبيع مكياج جنطه بس وايد حلوه مقاسها معقول واهم شي مقسمه حتي فيها مكان للحمر نفس السير يحفظهم وشكلها صاير نص دائره حسافه ما اعرف انزل صور جان صورتها ونزلتها لكم وهي في منها 3 قياسات فقلت باخذها بس ولدي كان معاي الله يهديه مخلاني اقدر اشتريها من كثر ما يحوس بس انشالله باجر بروح اخذها

 

[سحااايب]

ليش يصادرون المكياج داخل الجنطه؟؟

انا كنت حاطتها بمثل المقلمه داخل جنطتي عادي كذا مطار مريته مشوني عادي


وبعدين حلاته تحطينه داخل جنطه ايدج لان بالطيارة اذا بتحطينها مع اغراظج احس بيخرب ويسيح مكياجج كله من حرارة الطيارة ماايد بعدين حلات السفرة نظام مكياج نوميكاب مومال مكياج فل

 

[الغاليه للابد]

انا اخذ نص مكياجى ..اتفنن بالالوان
بالاخير احط حمايه وامشى اسرع