مكياج غالي ومكياج رخيص

[zargona99]

السلام عليكم بنات


شلونكم عساكم بخيررر


المهم بنات وانا اشوف فيديوات بال you tube لاحظت ان في وايد بنات يقارنون بين ماركات غاليه وماركات رخيصه من ناحيه الفاونديشن او الشدو بس اكثر شي لاحظته من ناحيه الفاونديشن


يعني مثلا وحده قارنت بين فاونديشن من ريفلون وفاونديشن من ماك وقالت انهم نفس الشي واثنينهم نفس التغطيه بس الفرق ان ماك غالي وريفلون رخيص وماك اسمه عالي اكثر من ريفلون

وبجذي اهم نفس الشي فالاحسن نشتري من ريفلون بدل ماك عشان نوفر فلوس هذا اللي قالته البنت وغيرها وغيرها...


هذا على سبيل المثال وانا صج اللي لاحظته من الفيديو ان ريفلون كان احلى من ماك



انا الحين ابي اعرف من خبرتكم اكيد استعملتو المكياج الغالي والرخيص فبغيت اعرف رايكم


وابيكم تقارنون بين الماركات الغاليه والرخيصه

وشلون بعض الماركات الرخيصه تكون احلى من الغاليه

عشان كلنا نعرف ونستفيد؟؟؟


وركزو على الفاونديشن لان احلى شي بالميك اب واهو اللي يحلي الويه


واكييييد اغلب البنات يشترون الغالي وما يطيح على ويهم وبنات يستخدمون الرخيص ويطيح على ويهم



يلا بنات همتكم:hjy5jewf:

 

[zargona99]

وشرايكم بفاونديشن من نيفيا وبوبا وبيكسي وقوش وغيرهم وغيرهم؟؟

 

[Mrs_Orchidia]

السلام عليكم



حبيبتي .. هالفيديوات صح تشوووق حدها و مفيدة

بس المشكة وين اللي يقتنع

يعني انا مثلا مهما شريت من حمر انواع و اشكال .. ما القى مثل حمر ماركة مكياج اللي يصي معاها قلوس و مثبت
و اللي يميزها ان المثبت نفس لون الحمرة و يصير مطفي اذا حطيته فوق الحمرة .. و يخلي الحمره تصير ثاااااااااابته جنها تاتو عالشفايف .. و القلوس الليي معاها ولا مرة استخدمته .. ما احب القلوسات وايد

لكن صج صج هالحمرة هذه عجيييبة و دايمًا اقارنها بحمر ماك اللي يصيرون نوعهم Amplified او نوعية Matte .. ملوت ماك اخذهم ب6 دنانير و مالت مكياج ب1 و نص او دينار اذا اللي يبيع خوش واحد

صج صج جربوهم بنات .. مو كاراجا و كارازا .. لا مكياج و بس

لان اللون يثبت و يطوووول .. و الله العظيم عندي وحدة مرة حطيتها حق الكلية الصبح و نسيتها بالبيت .. رديت البيت الظهر و للا اهي ثاابته و لا تغيرت! مع اني شربت قهوة و سولفت وااايد


و بعد بالنسبة الاساس .. عندي اساس من انجلوت ب9 دنانير .. حلو و يغطي لكن الفترة الاخيرة مادري ليش صاير يقلب رمادي على ويهي و عندي من ماكس فاكتور سعر من غير خصم ب4 و 700 << يا بلاش و الله ماكس فاكتور خلص و شريت يديده توه لان صج صج صلح لي و الحمدلله


و بعد .. الماسكارات .. ليش ديور؟ لانكوم .. و غيرلان؟؟ اللي كل وحدة 8 دنانير و طالع؟؟

و احنا عندنا ريميل .. اللي كل ماسكاراتهم و بدون مبالغة حلوين << اللهم اللي ووتر بروف يصير مو شي جنهم ماي

اخذوها مني كلمة (((((((كل ماسكارات ريميل حلوين)))))))) كلهم .. و اسعارهم روووعة .. مستحيل تلقين لج وحدة تزيد عن 4 او 5 دنانير



الكريم المرطب .. شكو تقطين 10 دنانير على كريم مرطب؟؟ روحي المستوصف و قولي ابي كريم حق ويهي .. راح يوصفون لج واحد اببلاش!!!! انا صارلي سنييييييييييييين استعمله .. مو لاني أدور الرخص بس لان بشرتي ما يصلح لها شي بس سبحان الله .. رب ضارة نافعة




وووو بس .. هذا اللي عندي و ببالي ليلحين و مشكوووووووووووووووووووورة حياتي عالموضوع

 

[zargona99]

السلام عليكم



حبيبتي .. هالفيديوات صح تشوووق حدها و مفيدة

بس المشكة وين اللي يقتنع

يعني انا مثلا مهما شريت من حمر انواع و اشكال .. ما القى مثل حمر ماركة مكياج اللي يصي معاها قلوس و مثبت
و اللي يميزها ان المثبت نفس لون الحمرة و يصير مطفي اذا حطيته فوق الحمرة .. و يخلي الحمره تصير ثاااااااااابته جنها تاتو عالشفايف .. و القلوس الليي معاها ولا مرة استخدمته .. ما احب القلوسات وايد

لكن صج صج هالحمرة هذه عجيييبة و دايمًا اقارنها بحمر ماك اللي يصيرون نوعهم Amplified او نوعية Matte .. ملوت ماك اخذهم ب6 دنانير و مالت مكياج ب1 و نص او دينار اذا اللي يبيع خوش واحد

صج صج جربوهم بنات .. مو كاراجا و كارازا .. لا مكياج و بس

لان اللون يثبت و يطوووول .. و الله العظيم عندي وحدة مرة حطيتها حق الكلية الصبح و نسيتها بالبيت .. رديت البيت الظهر و للا اهي ثاابته و لا تغيرت! مع اني شربت قهوة و سولفت وااايد


و بعد بالنسبة الاساس .. عندي اساس من انجلوت ب9 دنانير .. حلو و يغطي لكن الفترة الاخيرة مادري ليش صاير يقلب رمادي على ويهي و عندي من ماكس فاكتور سعر من غير خصم ب4 و 700 << يا بلاش و الله ماكس فاكتور خلص و شريت يديده توه لان صج صج صلح لي و الحمدلله


و بعد .. الماسكارات .. ليش ديور؟ لانكوم .. و غيرلان؟؟ اللي كل وحدة 8 دنانير و طالع؟؟

و احنا عندنا ريميل .. اللي كل ماسكاراتهم و بدون مبالغة حلوين << اللهم اللي ووتر بروف يصير مو شي جنهم ماي

اخذوها مني كلمة (((((((كل ماسكارات ريميل حلوين)))))))) كلهم .. و اسعارهم روووعة .. مستحيل تلقين لج وحدة تزيد عن 4 او 5 دنانير



الكريم المرطب .. شكو تقطين 10 دنانير على كريم مرطب؟؟ روحي المستوصف و قولي ابي كريم حق ويهي .. راح يوصفون لج واحد اببلاش!!!! انا صارلي سنييييييييييييين استعمله .. مو لاني أدور الرخص بس لان بشرتي ما يصلح لها شي بس سبحان الله .. رب ضارة نافعة




وووو بس .. هذا اللي عندي و ببالي ليلحين و مشكوووووووووووووووووووورة حياتي عالموضوع

صج معاج حق انا جربت حمر مكياج روووووووعه وصج ثابته لو تاكلين وتشوبين تظل الحمره مثل ما اهي


وفاونديشن ماكس فاكتور روووووووعه ويغطي

وماسكراااااات ريميل احلى ماسكرات بالنسبه لي يطولون ويكثفوووون وحتى حمرهم حلوووووه وكل الدرجات فيها هالماركه تلقين المطفي والعادي واللماع

روووووعه



وانا وايد يعجبني فاونديشن نيفيا اللي اسمه على اماعتقد stay lift هذا يشد البشره

وحيل حيل حلو يغطي عدل ويصلح حق المناسبات ويعطي لمعه بالويه عجييييييب جنج حاطه فاونديشن وماي


وتسلمين على مرورج

 

[Mrs_Orchidia]

يا قلبي .. ما سويت شي .. يا ليت نشووف مشاركات أكثر من البنات .. لان صج مفيد الموضوع

 

[شـيخة الـزين]

أهوا الفاونديشن مو بسعره المهم ماركة معروفة عشان ما يحسس ويهج و الأهم ان يناسب و يطيح على بشرتج
والشي اللي يمشي معاي يمكن ما يمشي معاج أو العكس
في ماركات رخيصة وحلوة واستعماله سهل يومي مثل:
مايبيلين ، ماكس فاكتور <-- هذول اللي استخدمتهم
احب ديور و فورايفر اهما اللي يناسبون ويهي

 

[شـيخة الـزين]

يعني بشكل عاد اللي تحبينه ويناسبج ليش أشوف سعره
انا كحلي من برستييج عجيب وثابت ورخيص وعندي سانلوران وماك و اليزابث اردن و هلينا
بس احب احط برستييييج اكثر احسه ثابت
الحمر الأغلب ماك حمرهم اسعارها مناسبة 6 مو واايد و ديووور وشانيل عجيبين
الخ الخ الخ
يعطيج العافية موضوعج عجييييب مثلج

 

[حرم راشد الماجد]

احلى باودر اساس بالنسبة لي وماااااااااااااااااااااا استغنى عنه وخفيف عالويه ويغطي بنفس الوقت
maybe line ورخييص روووووووووووووووووووووووووووووووووعه شويه عليه اما كريم الاساس فانا ماخذه دورة بلبنان لانكوم ميك اب فاستخدم اللي يكون كذا لون اخذه من ميك اب فور ايفر ارخص من لانكوم واحلى
الماسكرا اهم شي عندي واحب اخذ اكثر من نوع لان اذا كانت نوع واحد ماراح تعطيج نتيجة مرضية
فاستخدم لوريال انشالله بحط لكم صور وبكتب موضوع خااااااااااص عن المسكارا وطرق اختيارها
وتقبلو مروري

 

[مس فاشن]

انا بقولكم عن تجرتي اول شي انا مكياجي للايام العاديه الويك اند طبعا الايام الوحيده اللي احط فيها ميك اب والسبب اني اتضايق من شي اسمه فاونديشن ياربي من احطه ويهي يحكني والسبب الثاني ماحب شي ثقيل يكون على ويهي ( جني قلت قصه حياتي ههههههههه) المهم خل اقولكم انا جربت كريم اساس ريفلون استي لودر القديم المربع وغطاه قولد نيفيا جفنشي ماكس فاكتر برجوا امممممم نسيت والله بعد شنو وايد بس اللي كان يعجبني والكل يسألني عنه ماكس فاكتر لان لونه مو طبيعي كان
شكلي برد عليه هاليومين انا ماك وهالسوالف ماجربت والله لان احس كريمهم يكون ثقيل
وعلى طاري السعر انا اشوف يمكن تلاقين عند الهنادوه شغلات
بس ياربي تخافين لان المكياج اساسا يضر بالبشره فما بالج اللي يكون مصنوع من مواد ممكن تكون تضر البشره انا اتكلم عن مكياج اللي يكون من الهنادوه على ان عندهم شغلات تشوق بس اخاف اجرب لان رفيجتي كانت دايما تستخدم منهم لين والله العظيم بشرتها اتعبت ويوم عالج قالها الدكتور لاتشترين هالاشياء لان ماتدرين شنو مكوناتهم
وانا اشوف ان ماك ولا ysl ولا ديور مايفرق عن ماكس فاكتر او برجوا كلهم حلوين

 

[التفاحة الحمرة]

اهم شي الفاونديشن للبشرة مو بس عشان شكله .. عشان ما تتحسس البشرة

بالنسبة للشدوات و الكحل و الحمر و كل هالاشياء .. في اشياء زينة من الماركات و الهنود بس الفنانة اللي تعرف شلون تحط و تستغل الشي اللي عندها

 

[zargona99]

تسلمووووووون حبايبي على مروركم


وصج في اشياء حلوه بالماركات الغاليه والماركات الرخيصه


ومكياج الهنادوه قبل كنت استخدم منهم بس الحين قطيتهم لاني اخاف فقلت اقط فلوسي على شي يسوى وما يخرب

بس هم عندهم اشياء تشوق واتردد اشتري ولا لا

ما ادري؟؟؟؟؟؟؟


المشكله ان مو اي فاونديشن يطيح على ويهي غير فاونديشن من نيفيا وفورايفر ومكياجي

اما الباجي ما عجبوني لما اجرب على ايديي يطلع حلو بس على ويهي لا


وخصوصا فاونديشن من بودي شوووب استغفر الله مو حلوووووو

 

[pink Flamingo]

انا مثلكم بالضبط استخدمت شدوااااات اللوان و اشكال احسن شدو الهنووود بدون منازع ثابت و ما يتكسر على العين
و هم افتريت الدنيا على كحل حلو ما خل شي ما شريته و كلهم يسيحون اخر شي تررررررررررررااااااااان كحل ليرا الدهبي عجيييييييييييييييب ما يسيح و لونه اسود سخنيه اشويا بالولاعه وشوفي اشلون السواد
واحب استعمل الكحل الملون من برجواه و من الهنود
و سلامتكم
تحياتي

 

[zargona99]

اهم شي الفاونديشن للبشرة مو بس عشان شكله .. عشان ما تتحسس البشرة

بالنسبة للشدوات و الكحل و الحمر و كل هالاشياء .. في اشياء زينة من الماركات و الهنود بس الفنانة اللي تعرف شلون تحط و تستغل الشي اللي عندها

عدل كلامج والله

تسلمييين

 

[دره80]

هلا حبيباتي


بنات منتدانا الغالي:hjy5jewf:


شوفو بنات الفاندويشن لازم ماركه عشان البشره انا استعمل ماك حلو حيل جنه طبيعي


وانا هالايام توني مجربه الروج الماركه اول كنت اشتري من المنصور



بنات نصيحه ترا الروج اللي مو ماركه يقطع الشفايف وموشي

انا جربت الروج ماركه ماك وسانلوران وديور وشانيل كلهم روعه



واسفه على الاطاله

 

[روحي تحبه!]

بماني ماحب االفانديشن مره قررت اشتري ونصحوني بحق بوودي شووب عجبببني لانه طبيييعي مررره خذت اللي على بيج وانصحكم بالروج البرتقالي على بيج من بوودي شووب عجيب عجيب خاصه للصبح كلن يسالني عنه يهببببل
والكحل عجييييييييييب خيااااااااااال بدووون ماتحطين مرتين من اول مره يصير اسود اللي اهوبرستيييج من سنتر بوينت يهههبل والماسكار الصفره من سنتر بوينت بعد شنو
طبعا البلاشرغير برجوا مااحب عجيبيين الخوخي والوردي
وووبعد من الهنوووود حمرررهم عجيييبييين
ورسم الحواجب العصره اللي من الهنوود احسن من اللي من ماك بوواجد
ووووبس

 

[Zeshtoo]

ميبيلين قلوساتعم روعه و نيفيا خوش فاونديشن الصراحه بس هم ما استغني عن ماك

 

[zargona99]

تسلموووووووووووووووووووووووووووووووووووووووووووووووووووووووووووووون


يلا بعد نبي نستفيد كلنا


كثرو كثروووو


فدييييتكم

 

[monmonaa]

انا جربت فاونديشن ريفلون color stay عجـــــــــــــــــــــيب , قبل كنت استخدم ماك ويعد ماجربت ريفلون ما قدرت ارد على ماك بس ريفلون عيبهم شي واحد ما عندهم درجات وايد ,تقريبا 7 الوان وسعره حدا زين 5,250 , بس نصيحه جربوه تغطيته تغنيج عن الكونسيلر

الماسكرات جربت ماكس فاكتور السوده والذهبيه شي خيـــال حطيهم مع بعض , ولوريال الفضيه وايــد حلوه وسوادها عجيب
بس نصيحه قبل الماسكرا استخدموا قاصعة( مادري عاقصة) الرموش , والله تحلي العين , انا شاريتها من مكياجي رخيصه

وحمر مكياج ما عليها خلاف , مطفيه واللون ثابت

تاتو الحواجب من كارازا وبلشراتهم عجيبه , اكو واحد اسمه magic blushion طريقتهم مثل benefit عندي رقم 10 جنه dalas وفي 11 على برونز , بس حطيهم بصبعج ابينون اوضح لان فيهم لمعه هاديه ما تبين الا مع الشمس

آيلاينر rimmel وايد حلو ومايحر مثل بودي شوب

وسلاماتكم

 

[zargona99]

انا جربت فاونديشن ريفلون color stay عجـــــــــــــــــــــيب , قبل كنت استخدم ماك ويعد ماجربت ريفلون ما قدرت ارد على ماك
ريفلون عيبهم شي واحد ما عندهم درجات وايد ,تقريبا 7 الوان وسعره حدا زين 5,250 , بس نصيحه جربوه تغطيته تغنيج عن الكونسيلر

الماسكرات جربت ماكس فاكتور السوده والذهبيه شي خيـــال حطيهم مع بعض , ولوريال الفضيه وايــد حلوه وسوادها عجيب
بس نصيحه قبل الماسكرا استخدموا قاصعة( مادرس عاقصة) الرموش , والله تحلي العين , انا شاريتها من مكياجي رخيصه

وحمر مكياج ما عليها خلاف , مطفيه واللون ثابت

تاتو الحواجب من كارازا وبلشراتهم عجيبه , اكو واحد اسمه magic blushion طريقتهم مثل benefit عندي رقم 10 جنه dalas وفي 11 على برونز , بس حطيهم بصبعج ابينون اوضح لان فيهم لمعه هاديه ما تبين الا مع الشمس

آيلاينر rimmel وايد حلو ومايحر مثل بودي شوب

وسلاماتكم

تسلمين حبيبتي على ردج


ودي اجرب ريفلون عقب ما شفت الفيديوات اللي باليوتيوب بصراحه ويوهم عجيييييبه


والعلبه مالتهم نفس ماك بالضبط

 

[شاذن!]

نصيحه الفوندشان إياج تاخذينه من ماركه رخيصه ومومعروفه
لانه الاهم في الميك اب واللي يوضع على بشرة الوجه ونفس الشي ينطبق على البودره و الكونسيلر
والكحل بعد اللي ينحط داخل العين شقد نسمع انواع سحبوها من السوق
الماسكرا احس عادي اشتري لوريال او مايبيلين او ريفلون او ريميل او ماكس فاكتور احس عادي مابيصير لرموشش شي خطير
الارواج بعد عادي لو اخذتي شي رخيص لأن حتى لو ماتثبت بتحطينها مره ثانيه مايبيلها تعب ولا بيخترب مكياجج
الايشادو ادا كان رديء بيتعبج لين مايظهر اللون وادا مايثبت مشكله لان صعب تقعدين و تسوين رتوش على مكياج العين من اول وجديد
وبس هاذا رايي