ملابس الحوامل للعيد

[الفريدة1]

السلام عليكم شلونكم بنات ؟
انا حامل بالشهر السابع و قت العيد اكون باول التاسع ابي ملابس تكون حلوة وراقية للعيد ومالي خلق اخيط اي شي لان مو دايما يضبط الخياط و مابي اتوهق بليييز :yaaaaaarb:اي وحدة عندها خبرة بهالشغلات تفيدني تكفون :eh_s(11):اذا كنتوا تعرفون محل راقي او وحدة تبيع اشياء حلوة قولولي :eh_s(2):لان مالي خلق افتر وايد بالسوق ومابي اشيء عملية قمصان وجينزات ابي بدل راقية تكفون بنات:krkrkr:

 

[Om_Ksha]

هههههههههههههه نفس الحال !!
الله يسهل علينا انشالله

حتى دراريع رمضان ماشريت !! عندج فكره من وين القى شي يصلح للحوامل !!

الله يعين

 

[بخـــارى]

فصليلج احسن
انا اخذتلي من لندن وافتكيت

 

[الفريدة1]

ههههه الله يسهل عليج وعلينا ولا انا لا دراعة ولا عباة ولا بدله باختصار ولاشي ومابقي شي على رمضان وانا ماحب السوق برمضان ..عالعموم الله كريم ومشكورة على الرد حبيبتي

 

[فرح79]

اختى ممكن ب زارا او اتش اند ام

 

[الفريدة1]

حبيبتي زارا او اتش اند ام عملي مو حق عيد عالعموم مشكورة على الرد

 

[عبث طفله]

شوفي انوتا وريفا .. يمكن تحصلين لج قطع حلوه

المهلب متروووس .. دايما اشوف فساتين قصات حوامل حلووه وكشخه ..

تصدقين كنت مفكره بالخياط بس شكلي بروح ادور جاهز مالي خلق على الخياط

انا بالعيد بكون بأخر السابع

 

[noo7a]

ماكو شي حلو
اصلا حق المو حمل يالله تحصلين
هالمره حمل ماكو كله عملي
انا بفصل

 

[عبث طفله]

نوحا صاجه ماكووو شي يسوى بدون حمال الحين كروشنا متر قدام ما راح نحصل

بس بروح اجيك ع المهلب والله كذا مره اروح احصل فساتين حلووه بمحلات العاديه ..

انا كل مره افصل زهقت مالي خلق ع التفصال بروح افتر في المجمعات يمكن احصل اذا ما حصلت امري لله بفصل

 

[الخزامه]

نفس المعاناة نبي شي حلو للعيد

 

[المسكـ]

شوفي جويس ملابسه راقيه بصراحه ولحظه من فضلك بعد الشغل الهندي وايد عجيب وعندج مشغل زوغه عالبحرر اينن شغلهم طبعا الاسعار نار بس الملابس راقيه ومو مكرره وعندها تفصال وجاهز سواء حق رمضان او العيد

 

[(*ام عهــــد *)]

حياج الله في عندي كم بدله للحوامل
من الريشه وريميه والحويله بدلات قصيره
وفي غيرهم موديلات طويله
والله يسهل على الجميع ان شاءالله​

 

[miss_Ba6oOo6a]

الله يعافي المعارض متروسين مشاغل وسوالف
ولا خياييط البلوكات
والافينيو مترووس نفانيف كل المحلات فيها فرفري عليهم *

 

[سكرة هانم]

متابعه الردود

انا احتمال افصل او افتر عالحريم جود القى شي

 

[بتبوتااا]

بحكم انه نص اهلي مسافرين فبشتري لي بدلات من مذر هود او انوتاا وهالسوالف ,

 

[رتبه دبلوماسيه]

اب اب

 

[zntoosha]

احنا عندنا بالعيد نلبس بدل سهره بسيطه حق بيت يدي وانا رحت كوست شفت جم شغله تنفع حق الحوامل و وااايد ؤاققين
وفي محل الحوامل شي مترنتي في ب360 وفي بالافنيوز عنده نفانيف ناعمه مالت سهره حق الحوامل روحوو شووفو وان شاءالله يعجبكم شي

 

[ام الشوامس]

كنت فكرة انزل موضوع نفسج ؛)

زين سبقتيني ؛)

اي والله الله يعيينا على حووسة الملابس حق العيد

مع اني راح اكون بالثالث بس ما ينفع الترصرص و البدل العاديه ؛q
و الصراحه ما احب المعارض احس نصب على الفاضي و يدبلون الاسعار

الله كريم و يعينا على الفراره

ان شاء الله بشتري جاهز بفتر بالافنيوو و الله يسرلي و ييسر لكم يارب

 

[انثى الكويت]

انا ابي بعد جاهز للعيد

وابي بدله حق استقبال مستشفى اختي بتولد وللحين ما سويت لها ولا شريت لها بدله شسوي

ومابي غالي لاني حامل وبكون بالسابع ابي شي ناعم وذرب وكشخه بالوقت نفسه سعره زين

ولازم اشوفه قبل

 

[q8 83]

شوفي البنات الي يشاركون بمعارض الي يسون موديلات فناتق