ملابس الحوامل

[Om !L3$l]

السلام شلونكم شخباركم .....
بسألكم من وين تشترون ملابس حق الطلعه ينيت و انا افتر ما لقيت و قلت ماكو الا اخيط
انا بالرابع و مو لاقيه شي يعجبني :lkmnkl:
انا ببنتي كانت حالتي حاله فما كنت افكر بهالشياء بس الحمدلله الحين احسن ودوام و لوعة جبد !
وو الستيانات من وين تشترونهم لا تقولون مذركير كلش ماعجبوني الي عندهم !!

و بس سلامتكم

 

[tho tho]

رد : ملابس الحوامل

حبيبتي بكل مكان في ملابس حوامل عندج بالافنيوز و بسسوق شرق حتى 360 في محل مال حوامل
و بالنسبه حق الملابس الداخليه اخذي العادييين بس مقاس كبير انا جذي اسوي

 

[Om !L3$l]

افتريت بالافنيو وشرق ومرينا و طاح حيلي و ماعجبني شي !!!
عطيج العافيه حبيبيتي

 

[كويتيه مذهله 87]

روحي المهلب
محل أوكسجين
عندهم تصاميم للحوامل ويصلح بعد الولاده بعد روعه احب نفانيفهم

 

[أحب الصدق وأعمل به]

انا نفس حالتج اليوم فرة بالافنيوز مالقيت شي في خير لاعت جبدي حتي لبس الحوامل جنه لبس هنديات ومالي خلق اخيط وعبالة الخياط

 

[مدمنة ككاو]

الحال من بعضو مادري ليش جذي السوق صاير لوعه وماكو شي حلو

تدرون وين افكر اروح !! سوق السالميه المعلم والله شفت بلايز وقمصان طويله واسعه وحلوه نعومه اقطان ولنن بس ركبي عليهم بنطرونات

بجرب اشوف هناك انا نوعيتي احب الساده والوان معينه وعندهم هالسوالف وايد وبصراحه شغلهم مرتب ونظيف مو مثل قبل

لاني اذا رحت المحلات الغاليه ماااااااااااكو حق متحجبات البلايز يا قصار يا مرصرصين ضيجين ما احب جذي انا احب الطويل والواسع وخصوصا ان البطن راح يكبر وتبين شي يمشي معاج لي جدام مو كل شوي شارية لج مقاس

وصاجه ماحب الخياط والتفصيل يبي له حوسه بالبلوكات وتعالي دوري خياط يضبط ونظيف

 

[& الذاهبه &]

انا خذيتلي من اج ام منزل شغلات نعومه للحوامل
وحاطينها بركن برروووح
اخذتلي بدلتين

 

[om al ghaleen]

عندج مونتانا و شويس بشرق ودبنهامبز
ترا فيه مويلات واسعه بكل محل يعني مو شرط حوامل "

وبالنسبه للملابس الداخليه اكثر شي ارتاح للقطن السوري اهو الوحيد المريح
ماعجبني لا مذكير ولا دبنهامز ولا حتى انور والطاهر يضايقوٌن

\\

 

[الصعيريه]

رد : ملابس الحوامل

انا لاطلعت البس عبايه وكلهم قصات حوامل
اما نفانيفي اللي اشتريهم عشان بيت اهلي كلهم من سوق المعلم بالسالميه

 

[Om !L3$l]

مشكورين حياتي و ماقصرتو على الردود ....
ان شاء الله بروح ادور على الاماكن الي قلتو عنهم و ان شاءالله القى....
و حتى لو الملابس وسيعه مرات قصتهم كلش مو حلوه و ماتركب علي !!
بس ان شاء الله راح اروح واشوف