ملابس الروضه

[بشابيشي]

سلام عليكم :68_asmilies-com:
لحقونه يا ابلات
انه بنتي يوم الاحد بتروح الروضه وللحين ماشريت ولا شي
ولاني عارفه شنو لازم اشتري لانه خبري بالروضه قبل 20سنه تقريبا:dddds:
لو ممكن تقولون لنا شنو اللي لازم نشتري من الملابس لي الدفاتر والاقلام وكل اللي يحتاجونه بالروضهوشنو الالوان_03BA:
اليوم رحت السوق كلهم يقولون مخلصين ملابس الروضه ومن وين اروح اشتري تكككككككككككككككككفون دلوني حدددددددي متوهقه
وشكرا:tek:

 

[بشورة الأمورة]

روحي مجمع الايوب
وبالنسبة للأغراض لا تستعيلين بتيلج الطلبات الخير وايد هههههه
اهم شي دفي الياهل حرام بررررد الصبح

 

[الهناء2009]

هلا
حبيباتي
بالنسبه للطلبات نطلب مبلغ رمزي 5 او 10 والمعلمه تشتري عشان مايتكرر الاغراض
وسلامتكم
ابله روضه

 

[زلابيا]

بالنسبه للملايس

راح تلبسينها شتوي :

نفنوف رمادي او بنطرون رمادي مع قميص ابيض وجاكيت احمر


شوفي مجمع الايوب - محل مؤيد المير موجود اب جمعية بيان اليديده فوق - سيتي سنتر السوق الاحمر اللي بالسالميه - سنتربوينت .. هذي الاماكن اللي اعرف انهم يبيعون ملابس الروضه


وبالنسبه للأغراض نطري لما تداوم وشوفي شنو طريقة روضتهم .. يمكن يطلبون منكم فلوس واهمه يوفرون للطفل الاغراض او ان يعطونكم ورقه وفيها الطلبات وانتوا تشترونها

 

[kajool_80]

اشتري لها ملابس الروضة والطلبات لاحقه عليها يعطونها لج الأبلات بعدين بس روحي لحقي واشتري الملابس وانشالله الله يوفقها وتستانس بالروضة

 

[أم@الحلوين]

بس اخذي لها ملابس والاغراض لاحقه عليها

 

[kokah]

روحي الايوب محل اسمه منتهى عنده نفانيف حدها عجيبه انا مت قهر لان ماعندهم حك صبيان

 

[*قفشة عسل *]

اهم شئ اللبس الاغراض ملحووووق عليهاا
وماقصرو البنات قالو شكثر اماكن يبيعون فيها ملاابس

 

[dnyay_mll]

انا افتريييت وايد ولاعت جبدي ماكو موديلات حلوه
والحمدلله امس رحت الايوب وخذيت لها موديلاتهم تهبل

 

[احلى الاسامي]

البنات ماقصروا