ملابس المدرسة

[KittyCat]

قوة بنات اشلونكم...بغيت استفسر وين احسن ملابس لمدرسة حكومى ينات و هم اولاد...ابى شى حلو و ذرب و كيوت حق البنات و مرتب لاولاد... و منكم نستفيد و نفيد انشاءالله

 

[ســمــوالمـشاعر]

الايوب لا يعلى عليه
مرتب وحلو ومميز ويكد صراحه احلى شي
وفي محلات كثيره تقدرين تختارين الي تبينه

 

[toyo]

حبيبتي الحين ماراح تلقين شي بالسوق بس وقت المدارس يعني تقريبا برمضان راح تلاقين بكل مكان


بس افضلهم الايوب - فاميلي كير - مؤيد المير

 

[طيبة الكويتية]

حق الصبان جربت من عند مارك اند سبنسر, البنطلولات الرماديه , ماشاءالله وايد يهبلون و غسبل و ليس و وايد مرتبين

 

[كويتيه ذربه]

كنت بقول عن نفس الاماكن اللي قالوها
الايوب
ماركس سبنسر
فاميلي كير

 

[local]

مؤيد المير

 

[KittyCat]

مشكورين بنات بس انا ابى حق البنات اكونون حلوين و مرتبين نازكين اقصد
انا ما اخذ الا من ماركس اند سبنسر حق الصبيان و محل الى بالبستان بس ابى حق البنوتات مابى اشياء عاديه او مهتمله
ابى لبس بسيط ناعم وين؟؟؟ اكيد فى محلات مختصه او مشاغل
اذكلر قبل ايام المدارس كنا جذى هاهاهاها

 

[حلم الطفولة]

برمضان روحي الأيوب ,, وفاميلي كير

وقوليلنا شلقيتي موتنسين

 

[bedour18]

ماشالله هالموضوع انحط بوقته

توني قاعده افكر من وين الاقي ملابس مدرسة مرتبة

انا السوق ما اطبه كلشششششششششش في رمضان و مثل ما تعرفون اليهال دوامهم بعد العيد مباشرة

 

[!..القبله..!]

اتوقع من شهر سبعه بينزلووون ملابس المدارس لانه راح يكون ضغط ع السوق طول الصيف لكثرة المناسبات

 

[KittyCat]

الله يعين عالميزانية مدارس و رمضان و قرقيعان و عيد!

 

[أم حمودي]

أنا ناوية من معاش شهر 7 أجهز حق المدارس

 

[بنت الوفا]

الايوب وياي مكان

 

[أمانيQ8]

وااااااااااااي حرام عليجتونا ما افتكينا وانتي تسئلين عن اليديد لوووووووووووووووووووول

عندج بيت البصير بالعديليه بس اخترب لا اتروحين له ومعرض دلال الام تابع لهم ...اول صيته لي وين يوصل اخياط وقماش جودتهم عجب بس الحين مادري اشصار فيهم تصوري من قبل الغزو طايحين فيه كان روعه حتى انا لبست منهم...الزبده

عندج الايوب رااااقي
وعندج ارض المعارض بعدين

وعندج المباركيه فوووووق حلوين
هذول احسن شي

 

[KittyCat]

مشكوووووووووووووووووووووووورة امانى ما قصرتى

 

[dяέἆᶆ qûếếἦ]

الايووب وماركس اسنسر

ومؤيد المير بعد بالعثمان
وتحديدا محل المنتهى بالايوب انا قبل البس منه <<<<شخباري

حتى غالي بالنسبه لملابس المدرسه
واذا تبين شي مميز انتي اشتري خاام وفصلي اذا عندج موديل فستان كخه وذرب سوي نفسه للمدرسه لان دايم اشوف فساتني رووعه بزارا

ومحلات الاطفال حلووين بس اشتري الخام ووديه لاي خيااط

 

[KittyCat]

رفيلو مشكورة بس مالى خلق اخيط عباله هاهاها