ملابس رياضيه ساعدوني

[شموخ الجبال]

بنات انا مشكلتي وزني يفشل حيل ومشتركه بنادي


بس الوهقه ماكو ع مقاسي انا حتى اكس اكس لارج مايجي


فيدوني بمحلات سبورت للمتان انا شكله متني بطني والي ورا

وابي المحل حلو وسعره زين:eh_s(2):

 

[مس استي لودر]

حبيبتي انا امس كنت عند النصر وشايفه اربعه x

 

[زهره الجلنار]

اب اب

 

[شموخ الجبال]

رحت النصر الرياضي الي بالجهرا ماحصلت ع مقاسي

ياربي متفشله من جسمي

 

[عسل مرت قيمر]

روحي قوو سبورت كل شي عندهم

 

[شموخ الجبال]

اي وينه قو سبورت

 

[انصاريه قمره]

قو سبورت بالافنيوز فوق يم محل ماكس

 

[Ghadeer_Lit]

شموخ حبيبتي لا تستحين و لا شي
انتي داخلة النادي عشان تضعفين و (سوري يعني) بالطقاق راي أي أحد لا يهمج

قو سبورت مافي حتى اكس لارج - انا البس اكس لارج و ما القي
و بصراحة ما شفت النصر

بس اللي اعرفه و شايفته : سنتر بوينت عندهم بنطرونات رياضه تهبل و مسوين عليها سيل بعد ب 2 و نص او شي جذي
و قياساتهم لي 28
بس مو كل سنتر بوينت - لأ - كل قسم مكتوب عليه اسم ماركة (او اسم القسم نفسه) صح؟ واحد youth و واحد Bossini و هالاشياء .. انتي روحي دايركت للي مكتوب عليه Women
شحلات خاماتهم تهبل - بنطرونات و تي شيرتات و حتي عندهم كارديقانات شحلانها

و طبعا عندج ايفانز بس يعتبر غالي (مو واجد يعني 15-20 و جذي) بس فرق عن سنتر بوينت


و قود لك يا شموخ و لا تفشلين و لا شي

 

[exanon]

ابببببببببب

 

[angel94bloushya]

حبيبتي هالشي مفروض ماتستحين منه انتي عندج دافع تضعفين وقوه اراده غيرج يستحي يدش نادي لان ماكو ثقه غلط هالشي
لا تخلين سالفه الوزن تفشلج جم شهر وتضعفين فديتج
عل طاري الملابس جربي محلات شباب ترى مقاساتهم اكبر من بنات شكلهم مايوحي ان حق شباب
عندج بالافنيو سبلاش في وايد كذا محل بالافنيو صوب الشباب
ههههههه انا احب ملابسهم صراحه خصوصا الشورتات

 

[برونزية رشيقة]

روحي أشتري لج تريننغ سوت (رجالي) بس لون ما أبين إن رجالي أخضر مثلا أو رمادي أو أحمر أو أسود ..

وتلقين في إيفانز أنا كنت شايفة عندهم مقاسات كبيييييييييييييييييرة وااااااااااااااااااااااااااااااااااااايد ..


وبالتوفيق يا الغالية !

 

[@ الرسامة @]

عادي حبيبتي لاتستحين
اخذي من النصر وسبلاش عنده بعد
واذا ماحصلتي اخذي رجالي بنطرونات سود واي تيشيرت