ملتقى الأمهات - مدارس الخاص + فهرس المدارس الخاصهܓܨ@

[miss fabulosity]

رد: ملتقي الامهات - مدارس خاصه

الحياه اذا ماخاب ظنى اهى الى ورا الجامعه الامريكيه بالسالميه

حق الزحمه خخخخخخخ

الامريكيه الثائيه وين صايره

 

[رفرف]

رد: ملتقي الامهات - مدارس خاصه

مناره كل عام وعزوووز بخير ..

اليوم اقول حق صبوية عيد ميلاد منو .. تقولي مو عيد ميلاد احد ..
عيل شنو هالهدايا ؟؟ تقول عزوز عطاني ..
اقولها يعني عيد ميلاده ؟ تقول لا اهوه عطاني هديه ..
بنتي مضيعه ..

بس حلو بزل الزرافة من وين ؟ عجبني مشكورييين ع الهدايا


والرؤية عدل قريد 1 و2 و3 ياخذون الماث عربي تالي يقلبون انجلش من قريد 4 ..


وسومه
الرؤية فيها عيال بنت خالتي وكانت تمدحهم بس اليوم تقول شكلها بتنقلهم حكومة كلش ماكو اهتمام ومتابعة منهم
بالنسبة لي .. كافي تعاملهم علشان احط عليهم اكس ..
عبالهم مدرستهم ماصارت ولا استوت واحنا نطر منهم ونترجاهم علشان يتكرمون ويتعطفون ويرأفون بحال عيالنا ويقبلونهم بس علشان لا يضيع مستقبلهم ..

 

[تم مشاري]

رد: ملتقي الامهات - مدارس خاصه

السلام عليكم
الله يعافيكم صوتي راح وانا ادور احد يعرف امتحان القبول ل فريد 2 مدرسة انجليزية يسلمكم ما بفى شي على تقديم الطلبات وانا بنقل بنتي انشاء الله

 

[حلم الطفولة]

رد: ملتقي الامهات - مدارس خاصه

السلام عليكم
الله يعافيكم صوتي راح وانا ادور احد يعرف امتحان القبول ل فريد 2 مدرسة انجليزية يسلمكم ما بفى شي على تقديم الطلبات وانا بنقل بنتي انشاء الله

كل مدرسه غير ... بس الغالبيه : يعطونها ماث .. زائد وناقص وأكبر وأصغر .... وحتى ضرب وتقسيم .. بس اهيه مو لازم تحل كل شي , هي لازم توصل بالحل للي تقدر عليه وهذا يحدد المستوى .. يعني يقولون لج ماسالله حلت الى مستوى رابع أو الحمدلله مستواها زين مناسب لثاني ...
والانجليزي يعطونها كلمه يقولون لها حطيها بجمل مفيدهع .. مثلا .:
stars >>>
i like to see the stars.
i am a star

ويقولون لها كلمات شفوي ويطلبون منها التهجئه ..:
log: l>>o>>g
dream??d - r-a-m

:
:
واحتمال يعطونها قصه صغيره بسيطه .. من كم سطر بس .. ويعطونه عليها شؤالين .
وبس .. الله يوفقها يارب ..

 

[تم مشاري]

رد: ملتقي الامهات - مدارس خاصه

السلام عليكم
يعطيك الف الف عافية حلم الطفولة الوحيدة بردتي قلبي لانه بنتي الحين عندها شهر اجازة ومن الحين ناسية كل شي ودخلتها تقوية الانجليزي بس شاطرة بالماث بس قراء وتكون جمل مااعتقد بدرسها عدل انشاء بركزعلى هالاشياء
يعطيك العافية

 

[طيبة الكويتية]

رد: ملتقي الامهات - مدارس خاصه

السلام عليكم
يعطيك الف الف عافية حلم الطفولة الوحيدة بردتي قلبي لانه بنتي الحين عندها شهر اجازة ومن الحين ناسية كل شي ودخلتها تقوية الانجليزي بس شاطرة بالماث بس قراء وتكون جمل مااعتقد بدرسها عدل انشاء بركزعلى هالاشياء
يعطيك العافية

الله يوفق بنتج يارب و الحمدلله لقيتي اللي تساعدج.
و نصيحه روحي المكتبة اللي بالمثنى بالسرداب عندهم مجموعة كتب للانجليزي وايد زينه.

 

[تم مشاري]

رد: ملتقي الامهات - مدارس خاصه

السلام عليكم
مشكورة حبيبتي طيبة انا عندي كتب ومواقع ومدخلتها تقوية والحين انا ناطرتها تقعد من النوم تدرين عطلة وبدرسها وبسالها عشان تتقوى وما تنسى لانه مدرسة اكاديمية الخليج البريطانية مااعتقد يدرسونها عدل والا اشلون حتى الاحرف ما تعرفهم والحين باذن الله بنقلها مدرسة الكويت الانجليزية لاني اضطريت ادخلها الاكاديمية لاني قررت شهر 8 اني ادخلها خاص مالقيت غير هالمدرسة حرام اقط فلوس بلاش لا وابلتها تقول اذا تبين تقوية حق بنتك انا اييها البيت من زينهم انتي درسيها بالمدرسة عدل عشان اييبك احس انها ما تدرسهم عدل عشان الدروس الخصوصية
وتدرين باطين جبدي قالو بنتك ياية من حكومي لازم نسوي لها سبورت يعني تقوية بالحصص ما شفت شي لي الحين كل ما سالتهم قالو احنا ناخذ 5 طلاب كل شوي وعطلت وما شفت شي مع ان بنت خالتي عيالها في كمبرج تقول ياخذونها من حصص الالعاب والرسم ويقوونهم
والحين احس اني ظلمت بنتي يوم وديتها عندهم عيالي اسم الله عليهم كلهم حكومة وامتياز بس بناتي الصغار 7و4 سنوات وديتهمخاص لانه التعليم تغير الحين واحسهم وعلية لمن يشوفون التلفزيون او نسافرتطقهم البوهة لمن احد يكلمهم انجليزي الحين حرام يتكلمون انجليزي بس بنتي 7 سنوات ما تعرف تقرا اما باقي المواد ممتازة بالماث والساينس

ادري طولت عليك بس من الحرة ادعي لي انه تنقبل في مدرسة زينة والا اني يا انقلها حكومه يا اخليها نفس المدرسة واقط فلوس بلاش
وماابي انقلها حكومة عشان زوجي ما يتشمت فيني لانه اهو معارض فكرة الخاص
ومشكورين حسن الاستماع طلعت الي بخاطري

 

[<Miss ROoSe >]

رد: ملتقي الامهات - مدارس خاصه

مرحبا.....
أنا عيالي الحين بمدرسة الغانم الثنائية
بنتي الكبيرة اسم الله عليها دخلتها حضانة من كان عمرها سنة و3 شهور حبيبتي كانت توها تمشي وحضانتها كانت تهبل بس حسافة سكروها اسمها رينبو بسلوى - ظلت عندهم سنتين بعدين تسكرت وبعدين وديتها بلاي قروب هم حضانة اول السنة كانت وايد عاجبتني والصراحة بنتي تعلمت وايد اشياء منهم وكنت ناوية اخليها الروضة عندهم بس معاملتهم مع الاهل زفت وحاطين كله فلبينيات بالاستقبال وما يعطونج ويه
وبعدين يوم راحت كي جي ون وديتها الغانم واهيا للحين فيها ويوم الخميس اللي طاف كانت حفلة تخرجها من قريد 5 بس حسافة السنة الياية راح اوديها حكومة وقلبي معورني عليها

وولدي اسم الله عليه دخل حضانة بس شهر يوم كان عمرة 3 سنين واهي حضانة دار الفرح وكان كل يوم يبجي وما استانس فيها وما كملت لان وقتها كانت خدامتي وايد زينة فخليته بالبيت عند الخدامة واولى روضة دخلته المدرسة الذكية وكانت غلطت عمري لانها تلوع الجبد بس ولدي كان وايد مستانس ويحب ابلاته وبعدين كي جي تو دخلته الغانم مع اخته واهو للحين فيها وانشاالله السنة الياية يروح جريد 3

واي استفسار عن الغانم انا حاضرة

حبيبتى ممكن تعطينى بعض المعلومات عن الغانم لانها قريبة على وحابة اعرف مستواها لان احتمال كبير انقل ولدى لها السنة الياية
ولدى هالسنة ثانية روضة فى انجليز بلاى قروب واااااايد متخوفة منها​

 

[حلم الطفولة]

رد: ملتقي الامهات - مدارس خاصه

العفو أم مشاري .... (تم مشاري )..... ,, دخلي مقع هاركورت .. وايد حلو وفيه انشطه وتعليم ..
وبعد .. بعطيج طريقه .. : لازم تعرف الشورت فاولز واللونغ فاولز .. التهجئه بالمدارس الامريكيه من الحضانه والروضه بهالطريقه ....
c ك ... u أ ... t ت ... : cut
n ن ... u أ .. t ت ... : nut
وهذي الأصوات ما تنشمل معاها كلمة ( put) لأن مو نفس الصوت ..

وبعد ماتتقنأصوات ال شورت u.. تنتقلين معاها بالشورت a
bب... a آ ..t ت ..: bat
mat
cat
sat rat fat hat<< .. مجموعة ال آت .. ثم مجموعة ال آن مثلا .... man.. fan .. can

ثم شورت e > .. مثل : net .. wet .. jet .. >> men .. hen .. <<< ,
وانصح تشوفين لها مدرسه أمريكيه بالبيت تعطيها دروس ثلالث مرات بالاسبوع تتأسس دام عندها عطله ..

الاصوات الطويله للفاولز (A+E+U+O+I ).. تلفظ مثل ما هي بالابجدي .. شلون نقول :
A .. B .. C .. D .. E .. F ..G
وتكون لها ظروف : 1- حرف ساكن بين متحرك و e.صامته : مثال : date.. هنيه : a حرف متحرك طويل ينطق مثل ماهو بالأحرف الأبجديه .. دايت مد ألف مخفف مع ميلان بمد ياء مخفف .. ( شكلي بنزل موضوع .. ) يبي شرح وماراح أبخل فيه للحبيبات .. الامهات ..

 

[manarah]

رد: ملتقي الامهات - مدارس خاصه

رفرف بالنسبه للبزل من شارع الالعاب اللي بشرق اللي اهو خالد بن الوليد واحب اعطي اليهال هديه تعليميه (ام معقده ماكو فايده فيني ) واهو عيد ميلاده كان 18/11 بس ماصارت فرصه اسويه الا الحين وعليه نشف ريجه ياللا صار هالعيد ميلاد .. وبالنسبه للرؤيه ماسمعت عنها حجي يسر عشان جذي انا شايلتها من بالي من الاساس .

 

[حلم الطفولة]

رد: ملتقي الامهات - مدارس خاصه

رفرف بالنسبه للبزل من شارع الالعاب اللي بشرق اللي اهو خالد بن الوليد واحب اعطي اليهال هديه تعليميه (ام معقده ماكو فايده فيني ) واهو عيد ميلاده كان 18/11 بس ماصارت فرصه اسويه الا الحين وعليه نشف ريجه ياللا صار هالعيد ميلاد .. وبالنسبه للرؤيه ماسمعت عنها حجي يسر عشان جذي انا شايلتها من بالي من الاساس .

مناره ....... ولدج يصير حق بنتي ... هي بعد 18\11

 

[تم مشاري]

رد: ملتقي الامهات - مدارس خاصه

السلام عليكم
حلم الطفولة كفيتي ووفيتي بس انا الحين مدخلتها تقوية انجليزي وانا بدخلها منهج انجليزي مو امريكي
وبشوف الطريقة وبحاول اشد عليها شوي

 

[تم مشاري]

رد: ملتقي الامهات - مدارس خاصه

حلم الطفولة ماشاء الله عليك فاهمة اشرايك اييب لك بنتي تفهمينها وتكسبين فيني اجر خخخخخ

 

[manarah]

رد: ملتقي الامهات - مدارس خاصه

مناره ....... ولدج يصير حق بنتي ... هي بعد 18\11

عيل كل عام واهي بخير وتفرحين فيها اننشالله بس جم عمرها عشان نعرف اذا توأم والا لا :eh_s(6):

 

[Miss_Tiger79]

رد: ملتقي الامهات - مدارس خاصه

ماشالله عليج حلم الطفولة شرحج وايد حلو

ومناره انتي زين شهر 11 انا ولدي شهر 9 وليلحين يحن ويقولي كل الي بكلاسنا سوو عيد ميلاد وانا متى تسوسلي

وكل عام واهوه بخير انشالله

 

[حلم الطفولة]

رد: ملتقي الامهات - مدارس خاصه

حلم الطفولة ماشاء الله عليك فاهمة اشرايك اييب لك بنتي تفهمينها وتكسبين فيني اجر خخخخخ

من عيوني ماعندي مانع ...

 

[حلم الطفولة]

رد: ملتقي الامهات - مدارس خاصه

عيل كل عام واهي بخير وتفرحين فيها اننشالله بس جم عمرها عشان نعرف اذا توأم والا لا :eh_s(6):

عمرها ثمان ... ها .. بشري .. توأم وللا لأ ؟؟ هههه

 

[sOkOnOnO]

رد: ملتقي الامهات - مدارس خاصه

سلام حبايبي
آنا و لدي مدخلته مدرسة abs اللي بخيطان بس ليلحين مو شايفه شي يديد
أهو ب kg1
إشرايكم فيها ؟

 

[تم مشاري]

رد: ملتقي الامهات - مدارس خاصه

السلام عليكم
حبيبتي حلم الطفولة والله انا الحين الحمد الله قاعدة اشوف في بنتي تقدم مع الموقع ستارفول www.starfall.com بصراحة وايدقاعد تتعلم كل شي بس بعد شوي يبيلها
وحبيبتي ادري ماراح تقصرين بس انا الي مالي خلق حيل ادرس عقب اسم الله عليهم عيالي الكبار بس مافيني ادرس عشان جذيه هالثنتين دختلهم خاص عشان افتك بس هم شكلي بدرس بس اذا كانت المدرسة قوية ما اظن تحتاج ادرسهم بس حل واجبات

 

[manarah]

رد: ملتقي الامهات - مدارس خاصه

عمرها ثمان ... ها .. بشري .. توأم وللا لأ ؟؟ هههه

لا مو توأم ولدي عمره 5 سنين .. الله يخليها لج ويصلحها .
Sokonono مدرستكم اللي سالتي عنها اللي بخيطان اللي اعرفه انه وايد زينه ومستواها قوي رفيجتي ولدها فيها من كي جي 1 والحين اهو قريد 1 .. اللي عاجبني فيهم ان مدرستهم على طول وياهم اون لاين يعني يعرفون الهوم وورك مال اعيالهم وشنو جدولهم هالاسبوع كله بالانترنت ويشوفون صور اعيالهم اول باول هم على السايت لكل انشطتهم ( احب الصور ) .. وحتى الحين ولدها تعرف نتايج امتحاناته .. الطريقه هذي وايد حلوه وتوفر وقتج ووقت المدرسه وما اتخليج تحاتين .