ملتقى الأمهات - مدارس الخاص + فهرس المدارس الخاصهܓܨ@

[ReeMaN]

رد: ملتقي الامهات - مدارس خاصه

@@ اى اسم شهالاسعار شابة ناااااااااااااااااااااااااااار بيي يوم الحضانه ب 6 الاف دينار

 

[Miss_Tiger79]

رد: ملتقي الامهات - مدارس خاصه

اي اسم
اشدعوه 3000 الابتدائي عيل الثانويه ب5000
واااايد رافعين الاسعار

وصاجه ريمان بيي يوم ندفع حق الحضانه 6000
عاد بهالوقت ناخذ الكتب وندرسهم بالبيت ارخص واحسن ههههه

 

[jolie_q8]

رد: ملتقي الامهات - مدارس خاصه

عاد البيان لو ابلاش ما ادخلهم << داشه بقوه

انا ماخذه منهم ومن اليهال موقف ...

الموقف باختصار .. كنت مسويه جوله على المدارس اللي مادحينها لي

ومن بينهم البيان (بالجابريه) المهم وقفت سيارتي ونزلت والا سور المدرسه نازل واليهال اللي بالابتدائي واقفين على دجه صغيره

وياخذون تراب ويقطون على السيارات (سيارات المدرسات والاداره) واي واحد يمر يسبونه(حجي وصخ وصخ)

وزفيتهم << ماحب قله الأدب

مشيت شويه .. والا اليهال يلعبون كره بالفرصه وطاحت الكره بره السور وواحد مار بالشارع وعطاهم الكره بكل سهوله (ايد بإيد)

يعني باجر اللي بره ممكن يدخلون اي شي المدرسه << شي يخرع

غير انه كل داعوس واقفين مجموعه .. ماحب المدرسه اللي فيها دواعيس

المهم دشيت الرسبشن .. طريقه ترحيبهم ما عجبتني كلش !! << وهالشي وايد مهم عندي

المهم سالت جان تقول احنا مكتفين .. قلت لها شلون انتو اصلا ما نزلتو اعلان للحين قالولي الشهر الياي

قالت مكتفين من الاخوان << عشتوووووووووووو

جان اقولها وبصوت مسموع .. ترى في يهال قاطين يقطون تراب على السيايير ويقولون كلام وصخ .. لا رقيب ولا حسيب

ترى هذيل مسؤوليتكم

جان اطلع لول .. لما رديت والا سيارتي كلها ترااااااااااااب

ادفع 3 الاف علشان عيالي يصيرون قليلين أدب .. عنهم ما تعلموا

اف تذكرت وعصبت مره ثانيه

 

[حلم الطفولة]

رد: ملتقي الامهات - مدارس خاصه

امتحان أولى روضه بأغلب المدارس الخاصه : .. يسألون الولد جم سؤال يشوفون تجاوبه , يركد وللا يحوس ,.. يستجيب وللا يبجي ويخاف ؟؟
ويسألون مثلا عن الألوان والاشكال .. وبعضهم يسألونه عن قصه يشوفونه يستوعب وللا لأ ..
احتمال يمسكونه قلم يمرره فوق خط أو دائره .. بس ماعتقد أكثر من جذيه ..يمكن يطلبون منه يعد من 1-10 .. وسوي تركيبات معينه : بازل ..
هذا أغلب المدارس جذيه ...
دوني رحتي سجلتي العيال ؟ .. آنا باقي بنتي الصغيره محتاسه فيها الله يسهل أمرنا ..

 

[اي اسم]

رد: ملتقي الامهات - مدارس خاصه

@@ اى اسم شهالاسعار شابة ناااااااااااااااااااااااااااار بيي يوم الحضانه ب 6 الاف دينار

اي والله البيان اسعارها حريقة
يمكن يبون يخلون المدرسة لشريحة معينه من المجتمع

ويقولون مدرسة غير ربحية

 

[اي اسم]

رد: ملتقي الامهات - مدارس خاصه

اي اسم
اشدعوه 3000 الابتدائي عيل الثانويه ب5000
واااايد رافعين الاسعار

وصاجه ريمان بيي يوم ندفع حق الحضانه 6000
عاد بهالوقت ناخذ الكتب وندرسهم بالبيت ارخص واحسن ههههه

هذي باجي الاسعار اللي تغث
الحضانة 1738
كي جي 1 1868
كي جي 2 2033
الابتدائي 3135
المتوسط 3305
الثانوي 3457
وطبعا ما في شي اسمه خصم للاخوان

انا مرة سمعت ان طالب الابتدائي يكلف الحكومة مبلغ وقدره 1800 سنويا
انزين ليش ما يعطونا هالفلوس لكل طفل واحنا نختار المدرسة اللي نبيها لعيالنا

ليش؟؟؟؟؟؟؟؟؟؟

المدرسة الوحيدة اللي اذا قالوا احنا غير ربحية اصدقها اهي الرؤية
لان فعلا رسومها غير ربحية ويقولون بعد انهم مدرسة وقفيه
يعني اي فائض بالمدخول عندهم يروح للصدقات

بس عيبهم الانجليزي
والفوضى بالهدة
لما اخذ ولدي من المدرسة
ساحة المدرسة تتحول الى ساحة رعب ادخلها وانا خايفة لا تطقني كرة
صبيان هني يلعبون كرة قدم وهناك يلعبون سلة وهناك صيدة مصيدة والاستاذ يصفر ويلاحق الطلبة يمين ويسار
لان هدة كل المراحل (عدا الروضة) نفس الوقت ونفس المخرج
بس طبعا مخرج البنات بروح
والصبيان بروح

 

[اي اسم]

رد: ملتقي الامهات - مدارس خاصه

امتحان أولى روضه بأغلب المدارس الخاصه : .. يسألون الولد جم سؤال يشوفون تجاوبه , يركد وللا يحوس ,.. يستجيب وللا يبجي ويخاف ؟؟
ويسألون مثلا عن الألوان والاشكال .. وبعضهم يسألونه عن قصه يشوفونه يستوعب وللا لأ ..
احتمال يمسكونه قلم يمرره فوق خط أو دائره .. بس ماعتقد أكثر من جذيه ..يمكن يطلبون منه يعد من 1-10 .. وسوي تركيبات معينه : بازل ..
هذا أغلب المدارس جذيه ...
دوني رحتي سجلتي العيال ؟ .. آنا باقي بنتي الصغيره محتاسه فيها الله يسهل أمرنا ..

اهلين حلم الطفولة
شلونج يالغالية
انا ولدي هالعنونو خايفة عليه لانه مو اجتماعي ولزقة فيني وعنده بعض الاحرف ما ينطقها عدل للحين
فاخاف كل هالاشياء مجتمعة تؤثر عليه بامتحان القبول
بس ودي اعرف هل النطق واذا الطفل عنده مشاكل ببعض الاحرف يحاسبون علي ويدققون عليه وايد بالابداع والا لأ
لان البيان ما يهمهم
اهم شي عندهم مستوى ذكاء الطفل وتفاعله مع المس بالاختبار
وانا دوني خرعتني قالت لي ان الابداع الحين ما يدخلون الام مع ولدها باختبار القبول مال كي جي 1

المهم الله يسهل ويكتب اللي فيه الخير
وانت بشرينا عن بنتج لما ترسي لج على بر وتنقبل بمدرسة
ونصيحة لا تاخرينها سنه حرام
انا ولدي ما اخرته
طلعته من البيان عشان هالسبب
وموفقه يالحبيبة

 

[اي اسم]

رد: ملتقي الامهات - مدارس خاصه

عاد البيان لو ابلاش ما ادخلهم << داشه بقوه

انا ماخذه منهم ومن اليهال موقف ...

الموقف باختصار .. كنت مسويه جوله على المدارس اللي مادحينها لي

ومن بينهم البيان (بالجابريه) المهم وقفت سيارتي ونزلت والا سور المدرسه نازل واليهال اللي بالابتدائي واقفين على دجه صغيره

وياخذون تراب ويقطون على السيارات (سيارات المدرسات والاداره) واي واحد يمر يسبونه(حجي وصخ وصخ)

وزفيتهم << ماحب قله الأدب

مشيت شويه .. والا اليهال يلعبون كره بالفرصه وطاحت الكره بره السور وواحد مار بالشارع وعطاهم الكره بكل سهوله (ايد بإيد)

يعني باجر اللي بره ممكن يدخلون اي شي المدرسه << شي يخرع

غير انه كل داعوس واقفين مجموعه .. ماحب المدرسه اللي فيها دواعيس

المهم دشيت الرسبشن .. طريقه ترحيبهم ما عجبتني كلش !! << وهالشي وايد مهم عندي

المهم سالت جان تقول احنا مكتفين .. قلت لها شلون انتو اصلا ما نزلتو اعلان للحين قالولي الشهر الياي

قالت مكتفين من الاخوان << عشتوووووووووووو

جان اقولها وبصوت مسموع .. ترى في يهال قاطين يقطون تراب على السيايير ويقولون كلام وصخ .. لا رقيب ولا حسيب

ترى هذيل مسؤوليتكم

جان اطلع لول .. لما رديت والا سيارتي كلها ترااااااااااااب

ادفع 3 الاف علشان عيالي يصيرون قليلين أدب .. عنهم ما تعلموا

اف تذكرت وعصبت مره ثانيه

حبيبتي هدي ولا تعصبين
ان شا الله خيرة لج ولعيالج
ومرات الله يرسل علامات تصير في طريج الانسان عشان تهديه يروح بهالطريج والا يوخر عنه وينحاش

بس ما قلت عيالج وين الحين؟

 

[حلم الطفولة]

رد: ملتقي الامهات - مدارس خاصه

اهلين حلم الطفولة
شلونج يالغالية
انا ولدي هالعنونو خايفة عليه لانه مو اجتماعي ولزقة فيني وعنده بعض الاحرف ما ينطقها عدل للحين
فاخاف كل هالاشياء مجتمعة تؤثر عليه بامتحان القبول
بس ودي اعرف هل النطق واذا الطفل عنده مشاكل ببعض الاحرف يحاسبون علي ويدققون عليه وايد بالابداع والا لأ
لان البيان ما يهمهم
اهم شي عندهم مستوى ذكاء الطفل وتفاعله مع المس بالاختبار
وانا دوني خرعتني قالت لي ان الابداع الحين ما يدخلون الام مع ولدها باختبار القبول مال كي جي 1

المهم الله يسهل ويكتب اللي فيه الخير
وانت بشرينا عن بنتج لما ترسي لج على بر وتنقبل بمدرسة
ونصيحة لا تاخرينها سنه حرام
انا ولدي ما اخرته
طلعته من البيان عشان هالسبب
وموفقه يالحبيبة

تبشرينا بالخير ان شالله .. والله مادري شلون طريقتهم ولا مره دخلت عندهم روضه ..
العام صديقتي سوت لولدها اختبار وكان مو زود يتكلم ونجح..
بس اليوم وحده تقول ان ولد قعد يبجي جان يقولون مرفوض ( قبل ما يدش غرفة الاختبار !!) !! .. يقولون دام يبجي ماعنده جاهزيه .. ماناخذه !.... الله يسهل يارب ...,,

 

[اي اسم]

رد: ملتقي الامهات - مدارس خاصه

تبشرينا بالخير ان شالله .. والله مادري شلون طريقتهم ولا مره دخلت عندهم روضه ..
العام صديقتي سوت لولدها اختبار وكان مو زود يتكلم ونجح..
بس اليوم وحده تقول ان ولد قعد يبجي جان يقولون مرفوض ( قبل ما يدش غرفة الاختبار !!) !! .. يقولون دام يبجي ماعنده جاهزيه .. ماناخذه !.... الله يسهل يارب ...,,

ليش يسوون جذي
ما عندهم سالفة
حرام ظلموا الولد يمكن شاطر بس البيئة غريبة علية فبجى

الله يستر علينا ويهدي ولدي بالامتحان وما يسوي هالحركات

 

[jolie_q8]

رد: ملتقي الامهات - مدارس خاصه

حبيبتي هدي ولا تعصبين
ان شا الله خيرة لج ولعيالج
ومرات الله يرسل علامات تصير في طريج الانسان عشان تهديه يروح بهالطريج والا يوخر عنه وينحاش

بس ما قلت عيالج وين الحين؟

لا اشدعوه مو معصبه هالحجي من سنتين:eh_s(4):

وانا عيالي الحين بالتكامل العالمية (بصباح السالم) نظام امريكي والحمدلله الحين مرتاحه فيها

وعلى سالفه انها خيرة .. تصدقين هالمدرسة ماكانت بالحسبه كلش

واصلا كنت مقرره على الامريكيه العالمية بحولي وخاصه انه المبنى يديد والمدرسة قديمه ولها خبره بهالمجال

وخذيت الابلكيشن وخلاص بس باقي الاختبار .. بعدين مادري شلون . قلت خل اشوف التكامل

ووايد ارتحت وخذيت موعد لاختبار القبول والحمدلله ..

 

[rawona]

رد: ملتقي الامهات - مدارس خاصه

السلام بنات .. شلونكم

انا الحين بودي بنتي مدرسه خاصه اهي كانت بالروضه حكومه ومفكره بالخليج الانجليزيه اللي ورا ليلى غاليري اهي نفس شركة التكامل اللي بصباح الساله بس التكامل منهج امريكي والخليج بريطاني منو تعرفها؟؟

انا بصراحه عجبتني المدرسه وسألت ناس مدخلين عيالهم وايد يمدحونها بس انا خايفه من الاختبار.. منو جرب اختبارهم مال الابتدائي؟؟

بنتي تتكلم انجليزي ممتاز بالنسبه لسنها وتعرف الالوان والكلمات والاعداد والارقام بس مشكلتها الكتابه تكتب الاحرف بالمقلوووووووووووب وانا الحين مدخلتها اقويها بالكتابه علشان الاختبار

اخاااف يرفضونها؟؟ منو جرب امتحانهم بليز اتفيدني؟
​

 

[حلم الطفولة]

رد: ملتقي الامهات - مدارس خاصه

السلام بنات .. شلونكم

انا الحين بودي بنتي مدرسه خاصه اهي كانت بالروضه حكومه ومفكره بالخليج الانجليزيه اللي ورا ليلى غاليري اهي نفس شركة التكامل اللي بصباح الساله بس التكامل منهج امريكي والخليج بريطاني منو تعرفها؟؟

انا بصراحه عجبتني المدرسه وسألت ناس مدخلين عيالهم وايد يمدحونها بس انا خايفه من الاختبار.. منو جرب اختبارهم مال الابتدائي؟؟

بنتي تتكلم انجليزي ممتاز بالنسبه لسنها وتعرف الالوان والكلمات والاعداد والارقام بس مشكلتها الكتابه تكتب الاحرف بالمقلوووووووووووب وانا الحين مدخلتها اقويها بالكتابه علشان الاختبار

اخاااف يرفضونها؟؟ منو جرب امتحانهم بليز اتفيدني؟
​

أتوقع تنقبل ان شالله .. دام اسم الله عليها تعرف تقراهم .. الكتابه يعتبرونها مسألة وقت خصوصا انها توها روضه ..

 

[حلم الطفولة]

رد: ملتقي الامهات - مدارس خاصه

ليش يسوون جذي
ما عندهم سالفة
حرام ظلموا الولد يمكن شاطر بس البيئة غريبة علية فبجى

الله يستر علينا ويهدي ولدي بالامتحان وما يسوي هالحركات

يارب
ياهادي

 

[حلم الطفولة]

رد: ملتقي الامهات - مدارس خاصه

لا اشدعوه مو معصبه هالحجي من سنتين:eh_s(4):

وانا عيالي الحين بالتكامل العالمية (بصباح السالم) نظام امريكي والحمدلله الحين مرتاحه فيها

وعلى سالفه انها خيرة .. تصدقين هالمدرسة ماكانت بالحسبه كلش

واصلا كنت مقرره على الامريكيه العالمية بحولي وخاصه انه المبنى يديد والمدرسة قديمه ولها خبره بهالمجال

وخذيت الابلكيشن وخلاص بس باقي الاختبار .. بعدين مادري شلون . قلت خل اشوف التكامل

ووايد ارتحت وخذيت موعد لاختبار القبول والحمدلله ..

آنا بعد كنت بنقلهم التكامل من مدرستهم القديمه .. بس صارت الخيره للإبداع .. والحمدلله مرتاحين.
و ماشالله وايد يمدحونها التكامل وكنت آنا بعد حابتها ,, موفقين ان شالله

 

[رفرف]

رد: ملتقي الامهات - مدارس خاصه

جولي انا بعد ماكنت امفكرة بالتكامل بس خيره ..

كنت ابي الرؤية وريلي يبي التكامل ورحنا الرؤية اول يوم تسجيل ودينا اوراقها ..
والتعامل لا تعليق ..
جنج ياية تاخذين منهم زكاة ..
النفس شينة وجنه انطر منهم وترا عندنا اكتفاء وماراح نقبل احد ومن هالحجي ..
قلتلهم اوكي بس لو بتقبلون ياهل واحد بتكون بنتي لأن ماظن احد سجل قبلي يايتهم اول وحدة بأول يوم ..

المهم لا حس ولا خبر ونحن عليهم كل يوم رايحين وانا كنت موصلة بولد وريلي كل ماراح لهم يرد معصب يقول الا هالمدرسة يعني ؟؟ جنه نطر منهم يولون خاصة ان عيال ربعه فيها وما يمدحونها وانا اقوله لا انا ابيها عفية ..

اخر شي مصخت يعني جان اقوله يبا لا يروح عليها التسجيل يالله التكامل التكامل اوكيه .. ورحنا سجلناها بالتكامل وفرق السما عن الارض ..
تعامل رااااقي .الصراحة ومن دشيت ارتحت وشفت المدرسة ..
وسوولها اختبار قبول وقبلوها .. (عقب هالحجي بيومين ولدت) .. 31-3 يعني تسجيل المدارس خلاص سكر ..
ولما ولدت قلتله خلاص روح اسحب اوراقها من الرؤية لاحظوا ليلحين محد رد علينا ..
لما راح يسحب اوراقها قالوله ليييييييييييييييش ؟؟ احنا قابلينها !!
والله ؟؟ ومتى انشالله ناوين تبلغونا ؟؟ واحنا كل يومين رازين ويوهنا ويايين نسألكم وانتو اتمنون علينا الحين صرتوا قابلينها ؟؟
عاد ريلي خربها معاهم وقال كل اللي بخاطره ..

والحين احمد ربي الف مرة على هالخيره اني دخلتها التكامل ..

 

[rawona]

رد: ملتقي الامهات - مدارس خاصه

جولي انا بعد ماكنت امفكرة بالتكامل بس خيره ..

كنت ابي الرؤية وريلي يبي التكامل ورحنا الرؤية اول يوم تسجيل ودينا اوراقها ..
والتعامل لا تعليق ..
جنج ياية تاخذين منهم زكاة ..
النفس شينة وجنه انطر منهم وترا عندنا اكتفاء وماراح نقبل احد ومن هالحجي ..
قلتلهم اوكي بس لو بتقبلون ياهل واحد بتكون بنتي لأن ماظن احد سجل قبلي يايتهم اول وحدة بأول يوم ..

المهم لا حس ولا خبر ونحن عليهم كل يوم رايحين وانا كنت موصلة بولد وريلي كل ماراح لهم يرد معصب يقول الا هالمدرسة يعني ؟؟ جنه نطر منهم يولون خاصة ان عيال ربعه فيها وما يمدحونها وانا اقوله لا انا ابيها عفية ..

اخر شي مصخت يعني جان اقوله يبا لا يروح عليها التسجيل يالله التكامل التكامل اوكيه .. ورحنا سجلناها بالتكامل وفرق السما عن الارض ..
تعامل رااااقي .الصراحة ومن دشيت ارتحت وشفت المدرسة ..
وسوولها اختبار قبول وقبلوها .. (عقب هالحجي بيومين ولدت) .. 31-3 يعني تسجيل المدارس خلاص سكر ..
ولما ولدت قلتله خلاص روح اسحب اوراقها من الرؤية لاحظوا ليلحين محد رد علينا ..
لما راح يسحب اوراقها قالوله ليييييييييييييييش ؟؟ احنا قابلينها !!
والله ؟؟ ومتى انشالله ناوين تبلغونا ؟؟ واحنا كل يومين رازين ويوهنا ويايين نسألكم وانتو اتمنون علينا الحين صرتوا قابلينها ؟؟
عاد ريلي خربها معاهم وقال كل اللي بخاطره ..

والحين احمد ربي الف مرة على هالخيره اني دخلتها التكامل ..

اتصدقين عاد انا شفت هالمعامله من الكويت البريطانيه "جني اطر منهم" وماحبيت معاملتهم كلش فهونت عنها
ولد رفيجتي بالتكامل وايد تمدحها وانا محتاره بينها وبين الغلف ادري كلهم شركة وحده بس ريلي يبي التأسيس بالمنهج البريطاني يقول اقوى!! وللحين ناطره 15/3 علشان اسجلها ​

 

[Queen-q8]

رد: ملتقي الامهات - مدارس خاصه

بنات

انا كنت ناوية ادخلها الابداع

بس وايد زادة اسعارها يعني الابتدائي كان 2273 والحين 3000 وزود وايد فرق بصراحة ووايد على الابداع

بنات شرايكم الانجليزية للبنات والا التكامل ؟؟

المشكلة اني ابي ادخل بناتي الثنتين يعني بانقلهم اثنينهم من مدرستهم ولازم تكون فصل عشان الكبيرة


قولولي الحين الانجليزية للبنات والا التكامل اهم شيء عندي المنهج والتعامل والنوعية الموجودة يعني الاخلاق مهمة جدا هذيل بنات


شرايكم انا حدي محتارة واللي تريحني بالاختيار الله يرحيها دنيا وآخرة

فعلا متوهقة

كنت ناوية على الابداع للكبيرة بس الحين هونت واااايد صراحة واذا باتقلهم مابي مناطق متفرقة وهمن عطل متفرقة

التكامل قبل ما يمدحونا يقولون مو قويه شرايكم ؟؟ وشرايكم بالانجليزية للبنات

عفية بنات وااااايييد محتارة :gr4uu::0bee2e8d89::gr4uu:

 

[حلم الطفولة]

رد: ملتقي الامهات - مدارس خاصه

وي !! لا منو قال كوين q8 الابتدائي مو 3000 !!
ولا المتوسط ماوصل 2800 حتى !!
اتصلي فيهم وتأكدي .. آنا حسافه الورقه كانت عندي وبالغلط راحت مع أوراق تسجيل بناتي .
بس متأكده ماوصل 3000 ..,,

 

[حلم الطفولة]

رد: ملتقي الامهات - مدارس خاصه

هالو !!!! طق طق طق !! فيه أحد ؟؟
استغفروا ربكم انه كان غفارا ...........