ملتقى الأمهات - مدارس الخاص + فهرس المدارس الخاصهܓܨ@

[Queen-q8]

رد: ملتقي الامهات - مدارس خاصه

هلا حلم

اي انا غلطانة لاني شفت وحدة تقول زادوا الاسعار 5% وسالتها وقالت انها 3000 وشي والظاهر ما كان الرد لي لانها تقصد البيان لاني شفتلها رد بموضوع ثاني تقول هالشيء

بس تصدقين مادري الابداع مو عن شيء بس لأني اكتشفت ان عطلهم مع الحكومة وهالشيء راح يلخبطنا لان الثانية عطلتها مع المدارس الانجليزية فما يصير كل وحدة عطلتها غير

وهمن اعتقد انهم ما يدخلونها بيير 4 لان لازم تكون كاملة 9 سنوات اخر السنة فما دري تعقدت

قاعدة افكر بمدرسة تصير عطلها متوافقة مع عطلة المدرسة الثانية وهمن السعر والمنطقة وهمن قاعد افكر جديا في الانتجليزية للبنات بس اعرف ناس ما مدحوها ومادري حدييييي متوهقة

 

[حلم الطفولة]

رد: ملتقي الامهات - مدارس خاصه

هلا حلم

اي انا غلطانة لاني شفت وحدة تقول زادوا الاسعار 5% وسالتها وقالت انها 3000 وشي والظاهر ما كان الرد لي لانها تقصد البيان لاني شفتلها رد بموضوع ثاني تقول هالشيء

بس تصدقين مادري الابداع مو عن شيء بس لأني اكتشفت ان عطلهم مع الحكومة وهالشيء راح يلخبطنا لان الثانية عطلتها مع المدارس الانجليزية فما يصير كل وحدة عطلتها غير

وهمن اعتقد انهم ما يدخلونها بيير 4 لان لازم تكون كاملة 9 سنوات اخر السنة فما دري تعقدت

قاعدة افكر بمدرسة تصير عطلها متوافقة مع عطلة المدرسة الثانية وهمن السعر والمنطقة وهمن قاعد افكر جديا في الانتجليزية للبنات بس اعرف ناس ما مدحوها ومادري حدييييي متوهقة

الله يسهل أمرج .. ترى الله المدبر لأمر عباده وماراح يصير شي إللا وفيه الخير ان شالله حتى لو مادريتي .. لا تحاتين ..
اتصدقين لما تفكرت بيني وبين نفسي .. آنا كنت من عشر سنين رايحه الإبداع بدخل بنتي ماقبلوها صغير وايد ..
حطيتها بمدرسه ثانيه .. والله لما أفكر ألاقي تدابير ربي على مدى ست سبع سنوات شلون مترتبه الأمور .. حتى الشي اللي كنت أعتقد انه مو زين وللا ماعجبني .. الحين لقيت وعرفت شني الخيره فيه ..
والله ياجماعه .. كوين واي اسم وكل خواتي الغاليات اللي بحيره .. ترى توكلو على الله وماراح تندمون ,, ثقوا ان أي شي بيصير فيه خيره حقيقيه بتعرفينها عاجلا أو آجلا ..

 

[رفرف]

رد: ملتقي الامهات - مدارس خاصه

كوين اول حددي نوع النظام اللي تبينه امريكي او انجليزي تالي حددي المدرسة لأنهم يختلفون

 

[al7noona]

رد: سايتات المدارس الخاصة في الكويت

مشكوووووره

 

[rawona]

رد: ملتقي الامهات - مدارس خاصه

هلا حلم

اي انا غلطانة لاني شفت وحدة تقول زادوا الاسعار 5% وسالتها وقالت انها 3000 وشي والظاهر ما كان الرد لي لانها تقصد البيان لاني شفتلها رد بموضوع ثاني تقول هالشيء

بس تصدقين مادري الابداع مو عن شيء بس لأني اكتشفت ان عطلهم مع الحكومة وهالشيء راح يلخبطنا لان الثانية عطلتها مع المدارس الانجليزية فما يصير كل وحدة عطلتها غير

وهمن اعتقد انهم ما يدخلونها بيير 4 لان لازم تكون كاملة 9 سنوات اخر السنة فما دري تعقدت

قاعدة افكر بمدرسة تصير عطلها متوافقة مع عطلة المدرسة الثانية وهمن السعر والمنطقة وهمن قاعد افكر جديا في الانتجليزية للبنات بس اعرف ناس ما مدحوها ومادري حدييييي متوهقة

هلا كوين شلونج؟؟ الابداع زينه بس مثل ماقلتي عطلتهم مع الحكومه وانا بالنسبه لي بنتي الحين 2 روضه ودقيت على المدارس الامريكيه كلهم بينزلونها سنه!! فقلت البريطاني افضل فكرت بالانجليزيه بنات وخذيت موعد منهم علشان الامتحان بس بخاطري الغلف الانجليزيه يمدحونها اكثر وباخليها لين الابتدائي تالي اوديها الانجليزيه بنات

التكامل زينه بعد بس ترى عطلهم مع الحكومه مو نفس المدارس الاجنبيه ومنهجهم بريطاني الغلف نفس الشركة مالت التكامل بس هذي نظام بريطاني والتكامل نظام امريكي

وشوفي اللي يناسب بنتج اكثر .. موفقه ​

 

[DooNy]

رد: ملتقي الامهات - مدارس خاصه

سلام دوني
انا ان شا الله بقدم لولدي على الابداع كي جي 1 - احنا تقديمنا وراكم لان ما عنده اخوان بالابداع فأبي منج خدمة بليييييييز :wqedqw:واهي انج تغششينا امتحان الروضة انت والخوات اللي عندهم فكرة عنه او راح يقدمونه عيالهم هالسنه بالابداع كي جي 1
بلييز بس تمتحن بنتج عطيني فكرة عن الامتحان وجزاج الله كل خير وميرسي مقدما :e3:

الله يخليلج وليدج ان شاءالله
ولا يهمج ما طلبتي شي حبيبتي

 

[DooNy]

رد: ملتقي الامهات - مدارس خاصه

دوني رحتي سجلتي العيال ؟ .. آنا باقي بنتي الصغيره محتاسه فيها الله يسهل أمرنا ..

اي سجلتهم الله يصلحهم وباقي الجعده خلصت ملفها الصحي وبوديه ان شاءالله الأحد

الله يسهل أمرج بنيتج بس ليش بتدخلينها قبل عمرها خليها لين تكمل

 

[*نور الكويت*]

رد: ملتقي الامهات - مدارس خاصه

السلام عليكم بنات

الإبداع الى متى التسجيل فيها ؟

رفيجتي تسأل

 

[اي اسم]

رد: ملتقي الامهات - مدارس خاصه

سبام يا امهات
احد عنده فكرة عن الزحمة وتوفر المصافط عند اكاديمية الابداع للبنين؟
بليز افيدوني وجزاكم الله خير

 

[manarah]

رد: ملتقي الامهات - مدارس خاصه

اشلونكم بنات .. بنتي اخلصت مقابلتها بالتكامل والحمدلله نجحت وقبلوها واخترنا التيشر عند مس سارا بعد .. عشتوا تبي مس جاكي ومصممه عليها .. وهم سجلت ولدي بقريد 1 بس اللي يعرف اكثر عن مدرسات قريد 1 يفيدنا ويزاكم الله خير .

 

[حلم الطفولة]

رد: ملتقي الامهات - مدارس خاصه

سبام يا امهات
احد عنده فكرة عن الزحمة وتوفر المصافط عند اكاديمية الابداع للبنين؟
بليز افيدوني وجزاكم الله خير

يمكن 18/3 ... خل تتصل وتسأل أحسن.

اشلونكم بنات .. بنتي اخلصت مقابلتها بالتكامل والحمدلله نجحت وقبلوها واخترنا التيشر عند مس سارا بعد .. عشتوا تبي مس جاكي ومصممه عليها .. وهم سجلت ولدي بقريد 1 بس اللي يعرف اكثر عن مدرسات قريد 1 يفيدنا ويزاكم الله خير .

مبروك مبروك مبرووك .. بالتوفيق ان شالله مناره .. ,, آنا أحبها التكامل مدرسه جيده ماشالله عالبركه ... :ggdw:

 

[اي اسم]

رد: ملتقي الامهات - مدارس خاصه

سلام امهات
شلونكم مع العيد الوطني
شرايكم كل وحدة تقولنا شلون كان احتفال مدرسة عيالها بالعيد الوطني؟:q8:

 

[حلم الطفولة]

رد: ملتقي الامهات - مدارس خاصه

والله الشكر واجب ..
مشكوره Dancing^Queen على الوسام يالغاليه ...
:q8: :eh_s(6): :q8: :eh_s(6): :q8: :eh_s(6): :q8:

 

[Queen-q8]

رد: ملتقي الامهات - مدارس خاصه

الله يسهل أمرج .. ترى الله المدبر لأمر عباده وماراح يصير شي إللا وفيه الخير ان شالله حتى لو مادريتي .. لا تحاتين ..
اتصدقين لما تفكرت بيني وبين نفسي .. آنا كنت من عشر سنين رايحه الإبداع بدخل بنتي ماقبلوها صغير وايد ..
حطيتها بمدرسه ثانيه .. والله لما أفكر ألاقي تدابير ربي على مدى ست سبع سنوات شلون مترتبه الأمور .. حتى الشي اللي كنت أعتقد انه مو زين وللا ماعجبني .. الحين لقيت وعرفت شني الخيره فيه ..
والله ياجماعه .. كوين واي اسم وكل خواتي الغاليات اللي بحيره .. ترى توكلو على الله وماراح تندمون ,, ثقوا ان أي شي بيصير فيه خيره حقيقيه بتعرفينها عاجلا أو آجلا ..

الحمد لله على كل حال

المشكلة ان محتارة انا عندي ثنتين وما اقدر انقلهم كلهم يعني عاجبتني مدرستهم وترى الرك الاكثر على الطالب اكثر من المدرسة بس انا ابي منفصلة وما ودي اغري النظام بس ماكو وايد خيارات للبنات او الفصل يعني اغلب المدارس مختلطة والثنائية وحدة ولها عيوبها

باشوف وعلى قولة الخيرة في ما اختاره الله

مشكورة حلم وما قصرتي

 

[اي اسم]

رد: ملتقي الامهات - مدارس خاصه

انا بقولكم عن مدرسة الحياة العالمية ثنائية اللغة
الادارة اتفقت مع شركة لتنظيم الحفلات عشان ترتب حفلة العيد الوطني وطلبوا من كل طفل انه يشتري دفتر تذاكر ب 5 دنانير وكل ما يلعب لعبة او يشتري اكل يختمون على تذكرة لحد ما يخلص الدفتر والتذاكر الغير مستعملة يرسلون قيمتها مع الطفل
الحمدلله ولدي استانس يقول كان في نقازية ومسابقات وساحر واراجوز وبوب كورن وذرة ورسم على الوجوه
والصبح بالطابور قدم كل صف فقرة عن العيد الوطني :q8:
وطبعا لبسوا الزي الوطني مع تصوير فيديو وفوتغرافي والحفلة كانت للطلبة بس
ودرسوا بس انجليزي حسب كلام ولدي

يالله بانتظار سوالفكم :gathering:

 

[Queen-q8]

رد: ملتقي الامهات - مدارس خاصه

كوين اول حددي نوع النظام اللي تبينه امريكي او انجليزي تالي حددي المدرسة لأنهم يختلفون

رفرف

انا بكيفي احدد النظام

خوو ما كو خيارات للبنات يعني حتى لو عاجبني الانجليزي اكثر خاصة للسنوات التأسيسية ماكو خيارات

ماكو غير الانجليزية للبنات

اما الامريكي وايد مدارس الابداع والتكامل وهمن اغلب الثنائية القوايا بالاصل نظام امريكي

يعني الخيارات مو متوفرة عشان احدد انا ابي مدرسة قوية واسعارها مناسبة اقدر اكمل بعدين فيها وتدرين الاسعار كل مالا وزيادة وهمن عندج عيال ثانين يعني لازم نفكر بباجر وما نهمله

البنات ماكو وايد خيارات وطبعا انا شايلة الامريكية للبنات لان اللي اعرفه بالاخلاق مو زود وانا تهمني الاخلاق واااايييد

وخوفي تطلع الانجليزية للبنات نفس المستوى وخصوصا اني اعرف وحدة ما تمدحها بس ما ابي اعتمد على كلامها لازم اسمع اكثر من راي

اللي يحصل ويناسبني راح ادخلها فيه انجليزي والا امريكي بس اهم شيء ان يكون بالمواصفات اللي ابيها :0bee2e8d89:
والخيرة في ما اختاره الله

 

[حلم الطفولة]

رد: ملتقي الامهات - مدارس خاصه

بالنسبه للإبداع : من اسبوع دزوا مع عيالنا ورقه حق اللي يحب يحجز وجبته يوم الحفله وهي شاورما وصحن تبوله وعصير وبيتزا ,, وطلبو دينارين للي يبي واللي مايبي مايدفع ,,

ويابو نطاطيات وستاربكس وهالسوالف .. وكان فيه حركات وعروض ومسرحيات قدموها البنات على مدار اليوم



ورسم على الوجه ( ماحبه) واستانسو وردو الضحكه من اليمين لي الشمال ..

 

[Queen-q8]

رد: ملتقي الامهات - مدارس خاصه

هلا كوين شلونج؟؟ الابداع زينه بس مثل ماقلتي عطلتهم مع الحكومه وانا بالنسبه لي بنتي الحين 2 روضه ودقيت على المدارس الامريكيه كلهم بينزلونها سنه!! فقلت البريطاني افضل فكرت بالانجليزيه بنات وخذيت موعد منهم علشان الامتحان بس بخاطري الغلف الانجليزيه يمدحونها اكثر وباخليها لين الابتدائي تالي اوديها الانجليزيه بنات

التكامل زينه بعد بس ترى عطلهم مع الحكومه مو نفس المدارس الاجنبيه ومنهجهم بريطاني الغلف نفس الشركة مالت التكامل بس هذي نظام بريطاني والتكامل نظام امريكي

وشوفي اللي يناسب بنتج اكثر .. موفقه ​

هلا راوونا

الحمدلله بخير انتي شلونكم وشلون الحلوات

الابداع ما عندي مشكلة بس ما اقدر حاليا انقل عيالي كلهم بصراحة وااايييد وودي اخلي الصغيرة بمدرستها وانقل الكبيرة والابداع تناسبني عشان مكانها وهمن قوية بس اغلب الظن راح ينزلونها سنه وبعد ماراح تكون عطلهم مع بعض وهالشي كلش مو شيء يعني احنا نكون شغالين طول السنة واحنا اللي نودي وانييب يعني وايد صعبة

اذا الانجليزية للبنات اوكي اودي الكبيرة هالسنة وبعدني الحقها الثانية على الاقل نفس العطل

بس مادري اذا زينة والا لا قوية والا لأا ادراها والتيشر زينين والا لا ما عندي الا معلومات بسيطة ومن وحدة بناتها فيها من الروضة واول تمدحها والحين كله تقول ما انصحج وانها بتطلعهم

مادري حاسة ان المعلومات ناقصة فاإذا تعرفين احد فيها امانة سأليلي عن مميزاتها وعيوبها وعن قوة المنهج فيها ودزيلي على الخاص

 

[Queen-q8]

رد: ملتقي الامهات - مدارس خاصه

سبام يا امهات
احد عنده فكرة عن الزحمة وتوفر المصافط عند اكاديمية الابداع للبنين؟
بليز افيدوني وجزاكم الله خير

ما عندي فكرة واضحة بس دايما امر من عندها ووايد زحمة واهيا اللي تعطل طلعتنا من حولي وبصراحة الشارع دايما الصبح والطلعة واقف

يعني زحمة زحمة بس مصافط جنه مافي اشوف وايد امهات وابهات وسوواويق يصفطون بالمواقف مالت العماير او يسكرون الدوار او يسوون صف ثالني ويصغرون الشارع يعني مسببين ازمة وزحمة بس ما الومهم بعد وين يروحون

الله يعينهم

 

[اي اسم]

رد: ملتقي الامهات - مدارس خاصه

ما عندي فكرة واضحة بس دايما امر من عندها ووايد زحمة واهيا اللي تعطل طلعتنا من حولي وبصراحة الشارع دايما الصبح والطلعة واقف

يعني زحمة زحمة بس مصافط جنه مافي اشوف وايد امهات وابهات وسوواويق يصفطون بالمواقف مالت العماير او يسكرون الدوار او يسوون صف ثالني ويصغرون الشارع يعني مسببين ازمة وزحمة بس ما الومهم بعد وين يروحون

الله يعينهم

مشكورة بعد عمري
بس ضيقت خلقي
مع اني كنت متوقعة هالاجابة