ملتقى عرايس شهر اكتوبر /2009 - بشروط !!!

[حلوه مره]

عرسي على اساس انه شهر 10 بس مالقوا حجز وصار 5/11
ليمالحين طالبه ولاعت جبدي من الداسه متى اخلص وافتك
وبخصوص التجهيز قاعده اشتري تناتيف يعني مابلشت دراريع ولا بدل استقبال والنفنوف مادري وين اسويه واحس اني ضااااااااااااااااااايعه وامي من النوع اللي قلبها بارد وليمالحين تشوفني صغيره وتقولي من صجج تبين تلبسين دراريه لا خلج جنزات وبدل عاديه ومادري شسوي

 

[" أضـــــوى "]

شوووفي ياقلبي تبين اقووولج لو انا مكانج شنوو راح اسوي بخصووص التفصال والدراريع والبدل ؟؟

بس بعرف شنو ستايلج

يعني انا بدويه فديت البدو بس استايلي ناعم مااحب الخبه والتطاريز والدراريع الثقيله كلللللللللللللللللللللللللللللللللللللللللللللللش

 

[حلوه مره]

ومسأله المشاغل غسلت ايديني منها بديتوول على قولتج هههههههههههههههههه
لانها تحس ان شغلهم دفش ومو ناعم وغالييين عالفاضي

 

[" أضـــــوى "]

حلووله تدرين احسج حيييييييييييييييييييييييييييييل نفس ذووووقي مادري ليش بس احس ذوووقج نفسي

مااحب سوالف الخبه والدفاشه

احب ستايل الناعم الكيوووت

 

[حلوه مره]

يااااااااااااااااااااليت قوليلي بسرعه انا ماحب اللبس الدفش بس بنفس الوقت ماحب اللبس العادي ابي شغلات ناعمه وحلوه

 

[" أضـــــوى "]

شوووفي بالنسبه لمشاغل الدراريع نطري علي ..بفر عشان رمضان واسال اهلي واقوولج عاللي يعجبني

بس لو انا مكانج

افصل 10 دراريع ناعمه اذا بتنزلين للحموله ..يكوونوون ناعمين وذرابه وكيوووت
واشتري ملافع شيفونات اسود والوان ..والبسهم مع صنادل وشحاطات ناعمه خاصه الصنادل للي يصير من تحت قش

وافصل 7 او 8 بنجابيات ناعمه حق الحموله اذا بنزل عشان التغيير موكل يوم دراعه.. بس تصير طويله لان هذي المووضه ..وتحتهم ليقنزطويل..تكون بنجابيات الوانها فرايحيه وهاديه وخاماتها مريحه والشغل عالكمووم والصدر ..واسوي بعضهم قصات الحوامل اللي من فوق ضيق ومن تحت كلوووش يجننون
وهمن البنجابيات تقدرين تلبسينهم اذا احد من جيرانهم من اهلهم القراب زاروكم العصاري


راح اكمل

 

[حلوه مره]

تدرين شنو المشكله
ان ماعندي موديلات بالمره واللي بالمنتدى يمكن عجبوني وحده ولا ثنتين بخاطري اسوي دراعه زيبرا بأحمر بس شلون اسويها مادري

 

[" أضـــــوى "]

وافصل 5 دراريع بين الناعم والفخم ..بعني وسط ..فيها حركه وشغل بس على نعومه طبعا
عشان اذا احد زارهم ..او مالج خلق تلبسين بدله

وافصل دراعتين فخمين حق رمضان حق عزيمه ..لاتكثرين لان تونا صغار عالدراريع ومو حلوه كل مره لابستلهم دراعه


وباقي لبسي ..

اخذ بدل استقبال من (كنزو الصالحيه ) (لايم لايت ) (كريستيان لاكروا ) (نورامينا ) (الاسطوره )

والبدل الناعمه حق جمعاتهم وزوات الحريم ..أفصل النفانيف القصار اللي طريقه دراعه نفس ستايل المصممه عاليه الهاجري شووفي موديلاتها بقسم الازياء ..وعندج ريفا شغلهم ناعم وحلو وهالفتره هابين بنفانيف الماكسي زوووووغه ..
واقدر اخذ من زارا بعد

 

[" أضـــــوى "]

شوووفي الزيبرا راااااااااااااااااحت موووووووووووضته ...

دشي قسم الازياء وشووي استايل عاليه الهاجري هذا استايلي اذا بسوي شي فخم

 

[حلوه مره]

الدراعات الفخمه باخذهم جاهزين ماني مفصله بس بفصل الناعمين لان الحين مافي ناعمين بالسوق يعجبوني حتى اللي بساره والمحلات العاديه صاير شغلهم اوفر وغير هذا تاخذين الدراعه لارج تغسلينها تصير سمووووووووووول
مادري اروح افصل بالعربيد ولا اشتري انا خامات وافصلهم؟؟

 

[" أضـــــوى "]

حلووله انا مضطره اطلع الحين ..اشووفج باجر ياقلبي انتي

 

[حلوه مره]

ماشي حياتي مع السلامه

 

[تــوت]

باك

تسبحت وجيتكم

اضوى صج دعوتي ونستج <استحت ههه

انا سويت جلسه وحده ليزر عند سلطان العتيبي

ماسمعتي عنه؟؟

،

 

[تــوت]

اوووبس
خلاص اضويه اشوفج باجر ان شاءالله

حلوووه
صباحج حلو مثلج

،

 

[شادن المطيري]

بااااااااااااااااااااااااااااااااااااااااااك ياحلوين

شدووووووووووووووونه شخبارج وصباحج ورد


انتى من صجج الجلسه الوحده 390 غااااااااااااالى

انا بسوى انشاءالله بس عقب عرسى لان الحين مايمدى

بس سعرهم فيهم صراحه .. من اول جلسه شفت نتيجه


صح انتي عرسج مابقى عليه شي بس لو كنتي مسويه من زمان كان ارتحتي :tomato2:



\\

شادن سويتي حق ويهج بعد ولا لأ
ودي اسوي حق ويهي بس مو عارفه وين اروح

سويت بس الشوارب والزلوف


وجهي الحمدلله مافيه شعر واجد .. بس شواربي عشان برتاح من الخيط

وزلوفي بعد بفتك منهم ابي يبين عرض وجهي عدل :dddds:

 

[شادن المطيري]

وعن جديدي واخيرا تزحزحت من مكاني


حطيت مهري بالبنك طبعا .. بس مقسمه ميزانيتي عالاكسل


ورحت سنتر بوينت شريت بجايم تجننننننننننن قمة بالنعومه والدلع

والوانهم روعه وحراير وستن جذي

بس يبيلي روب فوقهم ابي تنصحوني بارواب حلوه وناعمه للبجايم المشخلعه :dddds:

خذيت 5 بجايم .. و4 بدل بيت نظام شورتات جينز وبديات

علاق وهالحركات << هذي طبعا بعدين مو اول شي بس عجبوني وماقدرت اقاومهم

وياليت لو اي شي تعرفونه عن سيلز او نيو كولكشن او معارض تبلغونا هني بالموضوع

 

[غلاوي الديره]

صبااااااااااااااحكم ورد
شخباااااااااااااااااااااركم؟
شنو جديييييييييييدكم؟
سوسو فديتج انا عال العال انتي شخبارج؟
رجاوي فديتج شخبارج؟
اضوي مبين ذوقج حلو...
شدوووووووووووووون علييييج بالعافية وتقطعينهم بالعافية
بس ماقلتي لنا جم مهرج وشنو تقسيمتج؟
لموس بدبد عنوشة انثى حلا عروس رزان حلوة مرة دنيتي وعروسة عروسة مشتاقتلكم شخباركم؟
الموقع صارلة جم يوم معلق مايبطل معاي
ادعولي عندي فاينل اليوم بعد قليل<<انزين ليش شابكه وعندج امتحان

 

[انثى الكويت]

انثى اي نادي دخلتي انا ودي ادش نادي ابي جسمي يشد بس مااعرف بسوالف النوادي انتي اي نادي؟؟؟

هلا والله دشيت نادي جامبيونز الي بالجابريه اشتركت 3 شهور ب 300 دينار مع توقيف مده شهر لو تعبت ولا شي اقدر اوقف شهر يوم اي وقت ولي 3 جلسات مسجات لان انا صراحه هاذي رابعه مره ادش النادي واحب تمارينهم تحت الماي تشد الجسم صصصصصصصصصصصصصصصصح ورقص شرقي عندهم

لووووووووول حق الريل من الحين تدريبات دشو بنات والله احسن لكم

 

[انثى الكويت]

مسااااااااااااء الخييييييييييير

شلونكممم حبوبااااااااات

انثى الكويت اي نادي مشتركه ؟؟؟

اشتركت بجامبيونز الجابريه 3 شهور ب 300 دينار واذا كنتي مشتركه من قبل يصير 250 وتوقفين لمده شهر وتعليم سباحه ورقص شرقي وكلاسات وشغل عدل صراحه دشي معاي

 

[*^*مــــزيــــانــــا*^*]

صباح الخيـــر

يا صبـــايـــا

شلووونكم موفقيــــن يا قلبي

و ان شـــاء الله تتهنــــون باللي شريـــتوا

وملبـــوس العـــافيه

وتحيـــه خـــاصه للعـــرايس اليدد اللي انضمـــوا لنــــا

عســـى الله يوفق الجميــــع يا ربي

انـــا غـــالبــا أيـــام الاسبـــوع

مــا أطلع .. لاني أرد من الدوام هلكـــانه :0bee2e8d89: أنـــام ومـا أقعد اللي بعد المغرب

يرووح علي اليوم يادووب أرووح مشــاوير قريـــبه

ان شــاء الله بحـــاول أنجـــز بالويك أند

باجيـــلي بدل استقبـــال

وجم دراعـــه بيــت

نفنوووف الابيـــض

بدل حق الطلعات

وعبــايات

وااااي باجيــلي وايد ... :0bee2e8d89:

ان شــاء الله يمدي


بنـــات منو تمــــر بنفــس حــالتي

أول ماتحط راسهااا بالفراش: :gr4uu:

يبدا المخ يشتغل امس بس افكر شنو باجي وشنو بسوي بالويك اند

وااااي والله وارووح دوام سهراااانه ومالي خلللق