ملتقى هــاويات الزراعة وتجميل الحدائق - شاركينا بصورة حديقتكم

[[ n o u f ]]

بسم الله الرحمن الرحيم
والصلاة والسلام على سيدنا محمد واله وصحبه أجمعين
السلام عليكم ورحمة الله وبركاتة

قال تعالى:
((وهو الذي أنزل من السماء ماء فأخرجنا به نبات كل شيء
فأخرجنا منه خضرا نخرج منه حبا متراكبا ومن النخل من طلعها قنوان دانية
وجنات من أعناب والزيتون والرمان مشتبها وغير متشابه
انظروا إلى ثمره إذا أثمر وينعه إن في ذلكم لآيات لقوم يؤمنون .))


وقال الرسول صلى الله عليه وسلم قال :
(( سبع يجري للعبد أجرهن وهو في قبره بعد موته :من عَلّم علماً, أو أجرى نهراً , أو حفر بئراً , أو غرس نخلاً , أو بنى مسجداً , أو ورّث مصحفاً , أو ترك ولداً يستغفر له بعد موته ))

دعاء عند رؤية باكورة الثمر

( اللهم بارك لنا في ثمرنا ، وبارك لنا في مدينتنا وبارك لنا في صاعنا وبارك لنا في مدّنا )) مسلم


:eh_s(17)::eh_s(17)::eh_s(17)::eh_s(17):


خواتي هاويات الزراعه المنزلية حبيت يكون لنا ملتقى نتبادل فيه الخبرات عن الزراعه :eh_s(22):
وطرق العناية بالزهور

انا راح ابد معاكم بانواع الزهور الي زارعتها
بعضها اعرف اساميها وبعضها اتمنى اعرف اسمها

زارعه محبوبتي bougainvilla الجهنمية المجنووونة
عندي منها لونيين الوردي والفوشي


http://forum.zira3a.net/attachment.php?attachmentid=4147&d=1307373689

هذي النوع عندي منه بنسفجي وابيض ماعرف اسمه

زارعة الفراولة وبدت وردتها تتفتح والله يطعمني ثمرها:eh_s(22):

ونعناع صاير جاينا يوميا منه نعناع فريششش

وزارعة
الياسمين
وماري كولد
والبيتونيا
والليليوم زهرة ليلى

وعندي اشكال وانواع من الزهور اخذها من المشاتل وبذور اشتريها من كارفور وجمعية الفيحاء

هالنوع من الزهور غرامي
بس ابي بذور هذي الزهور وين احصلها لان الي عندنا بالكويت محدودة





:eh_s(22):هذي مشاركتي اليوم واتمنى تفاعلكم بصور حدائقكم
او تذكرون لنا اسماء الزهور الي تفضلونها:eh_s(17):


...
​

 

[[ n o u f ]]

انا ابي اعرف وين اشتري اشجار العنب وتوت والكرز ..؟؟

وابي الاحواض المخصصه للفراوله وين احصلها ..؟


و انصح البنات الي حابين يشترون البذور ياخذون من كارفور خلال اربع ايام تظهر النبته
والاحواض عندهم جدا رخيصه واحجامها كبيره وارخص من المشاتل

 

[[ n o u f ]]

هذي الزهور الجميله احنا نسميها ام كلثووم<< على كيفنا كوكب الشرق في بيتنا
واعتبرها شجرة عايلتنا احنا كنا نزرعها من الطفوله
اسمها Lantana camara لانتانا كامارا

 

[[ n o u f ]]

 

[L e d i a]

صباحج بلون هالورود الحلوة ، والله يعطيج العافية على هالجمال بصراحة حيل انفتحت نفسي بمجرد ما شفت الصور
للأسف احنا ما عندنا حديقة، مرة اشتريت ثلاث أنواع من الورد وحطيتهم بالحوش، الله وكيلج بأول زيارة لعيال خواتي واخوي
ما تبقّى شي منهم ، وأكثر وحدة حبيتها كسروا ساقها نصّين ):
أطفالنا ما ينفع تحطين شي حلو عندهم،
اممم ممكن أستشيرج بشغلة ؟ أحس إن اهتمامج واضح بهالناحية وأتوقع عندج خبرة
الحين آنا بحط رف خارجي على دريشة غرفتي، وناوية أختار أنواع من الورد، لكن للأسف ما عندي فكرة عن الأنواع اللي ممكن تتحمل جونا المتقلب، ولا اللي تصبر وبنفس الوقت يكون شكلها حلو وألوانها ، ممكن اقتراحج ؟
ومشكورة في كل الحالات ​

 

[james546613]

ماشاء الله وتبارك الرحمن ..تسألين " انا ابي اعرف وين اشتري اشجار العنب وتوت والكرز ..؟؟ "في بالمشاتل في الري في مشتل اسمة شي النسيجية اول محل عند الدخلة عندة نباتات عجيبة ويزرعهم في العبدلي والوفرة ...بس طبعا تحتاج الى عناية خاصة من تربة وسماد وفترة الري ..بالنسبة للزهور ممكن ترقدين الفرع الي فية برعم وتطلع لك شجرة ثانية وجذيه تكاثرين زهورك واذا كانت من الابصال تطلعين البصلة وتخشينها في مكان بارد الى السنة القادمة وتزعينها مرة اخرى ..وازرعي وردة الجاردينا وايد حلوة وفي منها بالمشاتل ..وازرعي شجرة الاس خضراء دائمة وريحتها حلوة وبالنسبة للبتونيا اتركيها عند موتها في شهر يونيو في الاصيص وراح تتساقط بذورها وتنبت مرة اخرى وحياج

 

[[ n o u f ]]

صباحج بلون هالورود الحلوة ، والله يعطيج العافية على هالجمال بصراحة حيل انفتحت نفسي بمجرد ما شفت الصور
للأسف احنا ما عندنا حديقة، مرة اشتريت ثلاث أنواع من الورد وحطيتهم بالحوش، الله وكيلج بأول زيارة لعيال خواتي واخوي
ما تبقّى شي منهم ، وأكثر وحدة حبيتها كسروا ساقها نصّين ):
أطفالنا ما ينفع تحطين شي حلو عندهم،

​

صباحج زهر وفل :eh_s(22):
يعافيج ويسلمج
عاد احنا عندنا حديقه بس زراعتي كلها بالحوش :rerrerek:
قاعده اساحل امي ابيها تسكر الحديقه عشان اخذ راحتي :eh_s(2):
وان شالله توافق ولا بخلي حوشنا مشتل
الاطفال مشكلتي الازليه بس مسيطره عليهم الا بناتي نبتاتي مايحوشونهم.

اممم ممكن أستشيرج بشغلة ؟ أحس إن اهتمامج واضح بهالناحية وأتوقع عندج خبرة
الحين آنا بحط رف خارجي على دريشة غرفتي، وناوية أختار أنواع من الورد، لكن للأسف ما عندي فكرة عن الأنواع اللي ممكن تتحمل جونا المتقلب، ولا اللي تصبر وبنفس الوقت يكون شكلها حلو وألوانها ، ممكن اقتراحج ؟
ومشكورة في كل الحالات

هلا فيج الموضوع للجميع حياج بكل وقت
عاد انا احب الرفوف ومن يومين اسولف لامي عنهم وامي قالت لي اشتري رفوف حق مدخل بيتنا
وانا بخاطري شكل معين وان شالله احصله بسووق

لو دريشتي جذي ياسلااااااااااام

انواع الورد الي راح ارشحها لج هذي الانواع بصور

البيتونيا
عندي منها الوان واهيا الي تتحمل وتتكاثر ومعمره
ودليل ان جميع دورات وشوارع الكويت مايستخدمون الا هالنوع من الورد
لانه يتحمل جونا الجميل
وهذا النوع الي ارشحه لج لان بصيف راح تكرهين تفتحين الدريشه من اللهوب:eh_s(11):

وعندي اليسم ومتوفر منه الوان
ما شالله انساه اسبوع احصله جاف اسقيه ارد ثاني يوم احصله متنعش وصاير احلى
هالورد على صغر حجمه الا انه يوونس :rerrerek: ارشحه لج ويتحمل درجات الحراره

بغيت انسى
الريحان ثم الريحاااااااااااااااان
هذي غير راح تفتح نفسيتج لكل شي ريحتهاااا تهبل

وبكتب لج اسامي زهور معروفه ينصحون فيها
أزهارا تصلح للزراعة في حدائق الشرفات مثل الفلوكس، والبلارجونيم،
وأخرى تصلح للزراعة في الأصص
مثل القرنفل، الانترهينم، السلفيا

 

[[ n o u f ]]

حكمه قديمه قالها العالم الفرنسي الكبير لينوتر
" أنه ما من مسطح أرضي مهما كبر أو صغر في المساحة إلا ويصلح لإنشاء حديقة "

 

[[ n o u f ]]

ماشاء الله وتبارك الرحمن ..تسألين " انا ابي اعرف وين اشتري اشجار العنب وتوت والكرز ..؟؟ "في بالمشاتل في الري في مشتل اسمة شي النسيجية اول محل عند الدخلة عندة نباتات عجيبة ويزرعهم في العبدلي والوفرة ...بس طبعا تحتاج الى عناية خاصة من تربة وسماد وفترة الري

:eh_s(17)::eh_s(17)::eh_s(17)::eh_s(22)::eh_s(17)::eh_s(17)::eh_s(17):
تشكرات يالغاليه بمرهم باجر ان الله كتب لي ان شالله

..بالنسبة للزهور ممكن ترقدين الفرع الي فية برعم وتطلع لك شجرة ثانية وجذيه تكاثرين زهورك واذا كانت من الابصال تطلعين البصلة وتخشينها في مكان بارد الى السنة القادمة وتزعينها مرة اخرى ..وازرعي وردة الجاردينا وايد حلوة وفي منها بالمشاتل ..

:eh_s(2): قريت عن الزهور امس بس ان شالله اني اقدر على زراعتهم
بعض الزهور وخاصة الجوري يبيببهم صبر

وازرعي شجرة الاس خضراء دائمة وريحتها حلوة وبالنسبة للبتونيا اتركيها عند موتها في شهر يونيو في الاصيص وراح تتساقط بذورها وتنبت مرة اخرى وحياج

الله يجزاج خير ماقصرتي يالغاليه

:eh_s(17):

 

[الماسة3]

احب الزرع بس يمووووت ليه مدري

 

[[ n o u f ]]

احب الزرع بس يمووووت ليه مدري

لا تياأسي انا بالبداية كانت هذي مشكلتي
وسبب اني اتركها في مكان اغلب وقته مشمس وما سيقها ماي
ولا انظفها من الاوراق الصفرا والمريضة


:eh_s(7):

 

[نـــوفـــا]

حبيت اشارك بصورة من شجــرة في منزلنـــا ...


لكن مع الاسف بتره والدي....

بس حبيت بنات اسئل حابة اسوي على دريشة غرفتي (( زهور با الوان متعددة ليت تطرحون اسمها ...


والي من الرياض تقول لي با اي مشتل ..
​

 

[حمام شاقني فنه]

ئيه ولله مشكلة كل ماشتريت شجرة تموت استغفر الله جونا مجرم ههههه




اب اب

 

[[ n o u f ]]

حبيت اشارك بصورة من شجــرة في منزلنـــا ...


لكن مع الاسف بتره والدي....

بس حبيت بنات اسئل حابة اسوي على دريشة غرفتي (( زهور با الوان متعددة ليت تطرحون اسمها ...


والي من الرياض تقول لي با اي مشتل ..
​

هلا والله نوفا
عاد الجهنمية اتينن شجرتي الغالية:eh_s(22):

الزهور لدريشه ارشح لج
البيتونيا +اليسم+ام كلثوم(لانتانا كامارا  )+الريحان +القطيفة+الورد القرمزي

:eh_s(22): انا احط صور مع ردودي عشان احمسكم ابي اشوف شوارعنا تصك على اجمل شارع بالعالم Lombard Street

:eh_s(11):يارب اشووف شوارعنا جذي:eh_s(11):
متاهات من الزهووور

اتمنى اشوف درايشنا ووبيوتنا بهالمناظر الخلابه:eh_s(22)::eh_s(2):

 

[[ n o u f ]]

ئيه ولله مشكلة كل ماشتريت شجرة تموت استغفر الله جونا مجرم ههههه




اب اب

جونا يساعدج على انتاج بذور و وورد مجفف متعدد الاستخدام :rerrerek:
زرعي سدرة بالبيت وبعد ماتكبر زرعي تحتها جميع انواع الورد الي بخاطرج
وتذكري ان فيها اجر وصدقه جاريه مدى الحياه

جوله في هالشارع الجميل:eh_s(22):

 

[[ n o u f ]]

مشاركتي لكم اليوم
مجموعة صور عن البوتينا

أنواع متدلية تناسب الأصص والسلال الخاصة
بالبلكونات والأسطح المرتفعة والنوافذ


-

أنواع تناسب الحواف للحدائق والأحواض وهي أربع
أصناف تعتمد على طبيعة الزهرة ونموها .

 

[_كلي دلع_]

مـآشاء الله ..

شكلج تمووتين ع الورد هع ..

بس انا كلشش مالي بالوورد ..^

 

[عزة وكبرياء]

أنا غرامي الزرع والورود كان بيت أهلي بسوريا بيت عربي يعني من البيوت القديمة وفيه كل أنواع الزرع والورد وكنت كل يوم أسقي الزرع واهتم فيه والقعدة الصبح ياسلااااااااااام شي رائع وسويت هني حديقة بحوشنا وتعبت عليها وطلعت حلوة بس للاسف سافرنا ولمارجعنالقيت كل الزرع ميت من الحرارة المرتفعة مع اني سويتله مظلة وتنقيط بس حسافة مات كله :eh_s(17)::eh_s(17)::eh_s(17)::eh_s(17)::eh_s(17)::eh_s(17)::eh_s(17)::eh_s(17)::eh_s(17)::eh_s(17)::eh_s(7): ​

 

[نـــوفـــا]

هلا والله نوفا
عاد الجهنمية اتينن شجرتي الغالية:eh_s(22):

الزهور لدريشه ارشح لج
البيتونيا +اليسم+ام كلثوم(لانتانا كامارا  )+الريحان +القطيفة+الورد القرمزي

:eh_s(22): انا احط صور مع ردودي عشان احمسكم ابي اشوف شوارعنا تصك على اجمل شارع بالعالم lombard street

:eh_s(11):يارب اشووف شوارعنا جذي:eh_s(11):
متاهات من الزهووور

اتمنى اشوف درايشنا ووبيوتنا بهالمناظر الخلابه:eh_s(22)::eh_s(2):

حبيبتي تعبتج معي ....


اي الجهنمية حلووووة بس لما تكون متعددة الوان تطلع احلى ...



مشكورة حبيبتي على المساعدة ...ويعطيج العافية ....

 

[Mednight Rain]

يعطيج العافية
نفس هواياتي بس للاسف يموتون انسى اسقيهم
جربت المتسلقة وجاردينيا والصبار من غ شوك خضراء واخل البيت .
وجربت محكمة خارجية وناوية اشتري ورد خارجي .
بس اللي عايش عندي للحين البامبوا عصي خضراء وشحلاتها