(((@@ ملتقي أمهات مدارس حكوميه لمناقشة أمور أبنائكم: الأول ابتدائي وغيره:** هنا ** ))

[Dancing^Queen]

السلام عليكم ورحمه الله وبركاته

خواتي الكريمات
هذا الموضوع مخصص لالتقاء الامهات اللي عيالهم يدرسون بمدارس حكوميه باختلاف مراحلها

لتبادل الخبرات
والتجارب المفيده
كل وحده تذكر عيالها باي مرحله
واي صف
وشنو طرق الفعاله في التدريس
اذا تستخدم طريقه معينه لتحفيظ والتدريس
اذا في نماذج امتحانات او مذكرات معينه مفيده تستخدمها بالتدريس

تقسيمج للوقت لدراسه الاطفال

اذا في حصص تقويه مناسبه


من وين تشتري المعدات المكتبيه والتجهيزات
افضل اماكن لعمل الوسائل التعلميه
واي معلومه تراها مناسبه وممكن تفيدها اختها

وربع تعانو ماذلو :tek:

 

[بدر البدور.]

رد: ملتقي الامهات - مدارس حكوميه

يعطيج العااااااااااااااااااااااااافيه حبيبتي


مشكووووووووووره على الموضوع صج نحتاج وحده تساعد الثانيه بأفكارها وطريقتها ..


بنتي بالصف الرابع خلصت مدرسه ولله الحمد وأنطر النتيجه :ggdw:

وولدي بالروضه بعد تخرج ولله الحمد

والدور والباجي على ولدي العور في الصف السابع

هذا اللي صج امتعبني ويبيله اجااااااااابل أكثر من اخوانه

قسمت وقته وخليته يدرس المواد قبل الامتحانات الحمدلله بس تعبت لانه متعب .. بس يدرس يقول يوعان حصران .. عطشان .. :0bee2e8d89:

تعبت من دراسته

حطيت موضوع حق مدرسات الحاسوب محد رد علي يقولي بس يحفظ التقويم ...

وابي أتأكد .. اللي يشوفني يقول انا عندي امتحان ...


الله يعينا ياااااااااارب ويفتح لهم فتوح العارفين ..



:tek: يعطيج العافيه مشرفتنا


:eh_s(8):


يالله نبي ردود ومساعدات خاصه بهالوقت نبي كل يوم مواضيعنا تتجدد ونعرف اخبار بعض وننفع بعض ​

 

[¤§ زيتونة §¤]

رد: ملتقي الامهات - مدارس حكوميه

الله يوفق عيالكم يا رب
ويخليهم لكم


ومشكورة حبيبتي دانسنج كوين

وان شاءالله الكل برسم الخدمة للجميع

 

[Dancing^Queen]

رد: ملتقي الامهات - مدارس حكوميه

يعطيج العااااااااااااااااااااااااافيه حبيبتي


مشكووووووووووره على الموضوع صج نحتاج وحده تساعد الثانيه بأفكارها وطريقتها ..


بنتي بالصف الرابع خلصت مدرسه ولله الحمد وأنطر النتيجه :ggdw:

وولدي بالروضه بعد تخرج ولله الحمد

والدور والباجي على ولدي العور في الصف السابع

هذا اللي صج امتعبني ويبيله اجااااااااابل أكثر من اخوانه

قسمت وقته وخليته يدرس المواد قبل الامتحانات الحمدلله بس تعبت لانه متعب .. بس يدرس يقول يوعان حصران .. عطشان .. :0bee2e8d89:

تعبت من دراسته

حطيت موضوع حق مدرسات الحاسوب محد رد علي يقولي بس يحفظ التقويم ...

وابي أتأكد .. اللي يشوفني يقول انا عندي امتحان ...


الله يعينا ياااااااااارب ويفتح لهم فتوح العارفين ..



:tek: يعطيج العافيه مشرفتنا


:eh_s(8):


يالله نبي ردود ومساعدات خاصه بهالوقت نبي كل يوم مواضيعنا تتجدد ونعرف اخبار بعض وننفع بعض ​

الف مبروك تخرج المحروس حبيبتي
تفرحين فيه معرس امين
وعئبال ماتبلغينا بنتايج العروسه اللي برابع

وعلي ولدج االي بسابع
شفتي السايت اللي حطيته بموضوع سابق فيه نماذج امتحانات تقدرين تاخين منه حاسوب

 

[Dancing^Queen]

رد: ملتقي الامهات - مدارس حكوميه

الله يوفق عيالكم يا رب
ويخليهم لكم


ومشكورة حبيبتي دانسنج كوين

وان شاءالله الكل برسم الخدمة للجميع

العفو حبيبتي ماسوينا شي
:tek:

 

[maryam_q8]

رد: ملتقي الامهات - مدارس حكوميه

شلون مدرسة عمرة بنت حزم الابتدائية للبنات بالفيحا

 

[Forever & Ever]

رد: ملتقي الامهات - مدارس حكوميه

مدرسة عمره بنت حزم خوش مدرسه ناظرتها فوزيه الشطي

خوش ناظره بس شديده وماتغشمر مع البنات اللي تتكرر مشاكلهم

وتنقل على طول ومايهمها اول السنه ولا اخرها .....

 

[om_naseer]

رد: ملتقي الامهات - مدارس حكوميه

اي والله حبيبتي الموضوع وايد حلو انا ولدي بروح الروضه وايد خايفه لان كان ودي مدارس خاصه بس الضروف ماسمحت وياريت اتفيدوني بمدارس الحكومه

 

[أمووونه]

رد: ملتقي الامهات - مدارس حكوميه

السلام عليكم شلونكم يا امهات ان شاء الله بخير
الصراحه هذا الموضوع حلو ومفيد للجميع مشكوره حبيبتي

انا بنتي العوده بتروح أولى ابتدائي مدرسه ام القرى برميثيه والصراحه وايد احاتيها لانها خجوووووله وماتتكلم وهاااادية ودايما افكر اقول انها راح تقعد بالصف ورا وماراح تشوف شي ودايما اوصيها حلي الدرج الاول << سوالفنا قبل ههههههه
بس صج وايد احاتيها 00

واللي بناتهم عدو الصف الاول خل يعلموني شلون النظام بالمدرسه الابتدائيه يعني عن اول يوم دراسه عن الكتب عن الغياب 000الخ

وبنتي الثانيه بتروح ثانية روضه ( روضة الخليج العربي ) هم برميثية الحمدالله هذي مطمنه منها ماشاءالله عليها اجتماعيه ما احاتيها

يالله امهات فيدونا وناطره ردودكم

 

[أمووونه]

رد: ملتقي الامهات - مدارس حكوميه

؟؟؟؟؟؟؟؟؟؟؟؟؟؟؟؟
للرفع

 

[omneyaty]

رد: ملتقي الامهات - مدارس حكوميه

كل عام وانتم بخير


بدينا الاستعداد للمدارس


الله يوفق عيالنا نبدي افكار ارشادات شلون يكتبون الواجبات شايله الهم

 

[أمووونه]

رد: ملتقي الامهات - مدارس حكوميه

متى يداومون اولى ابتدائي والروضه ؟

 

[جنـاين بـنت حنـاين]

رد: ملتقي الامهات - مدارس حكوميه

هلا و الله ..

اشرايكم بمدرسة الشاميه المشتركه للبنات ؟

 

[toyo]

رد: ملتقي الامهات - مدارس حكوميه

انا ولدي بروح ثانية ابتدائي وبنتي ثانية روضة

الحين تونا بدينا التجهيز للمدارس من ملابس وادوات مدرسية وبعد بعض التمارين على الناهج

وساعات اعطيهم اوراق عمل من السنة الي طافت واحلها معاهم



وبالنسبة للدوام

راح يكون انشالله اولى ابتدائي 9\9 والباقي 10\9
والروضة نفس الشي

هذا الي مكتوب على الشهادة

 

[حبووبة 76]

رد: ملتقي الامهات - مدارس حكوميه




أحلى تحية لأحلى الأمهااااات ........

 

[malekatsabaa]

رد: ملتقي الامهات - مدارس حكوميه

هــــــــــــاي
اشلونكم امهات..

ابصراحه انا مع بداية كل سنه دراسيه اتازم جنه انا الي بداوم مو اليهال
يوم كنت بالمدرسه كنت وايد احبها
بس الحين اكره المدرسه
عيالي كلشش ما يحبون يروحون المدرسه..مع انهم متفوقين والكل يمدح باخلاقهم وادبهم؟؟
كل يوم الصبح في صراخ عشان يقومون وبعد شوي يصير بجي..وكل يوم رادين منطقين ولا بايقين اكلهم ولا الابله مخرعتهم!!
والصراحه ما ينلامون ..ووايد اليوم الدراسي طويل على طفل الابتدائي بلا داعي
اشدعوه عاد من حلات المناهج..قديمه ومتخلفه مالت العصر الحجري
اعتقد انا وولدي درسنا نفس الكتاب مال العلوم !!!
والله طرطره...عيالنا يلعبون بالكمبيوترات وهذيله يعلمونهم السمكه تسبح والطير يطير..لووول
الياهل في المدارس الخاصه يطلع فاهم ومطلع وعيالنا مساكين ما يدرون عن هوا دارهم.
والله متحسفه اني ماقدرت ادلهم خاص

 

[& فوفو &]

رد: ملتقي الامهات - مدارس حكوميه

أنا مشتركة جديدة - يعطيج العافية على الموضوع وتبادل الأفكار وخصوصا احنا على وجه مدارس

 

[مزون الكويت]

رد: ملتقي الامهات - مدارس حكوميه

حبايبي بغيت اسال مدارس الزهراء ابتدائي بنين متي راح يبطلونها

 

[توني مترقيه]

رد: ملتقي الامهات - مدارس حكوميه

للرفع

 

[ديرتي الغاليه]

رد: ملتقي الامهات - مدارس حكوميه

مشكوووووووووره علي الموووووضوع اللي يهمنا ويهم كل ام .........

ياليت تفيدوني بما ان بنتي العوده هذي اول سنه لها .............عن عدد الدفتر جم 40 ورقه ولا ابو 60 ..........ناويه اجهز لها من الحين واخلص ...........................

ومن وين شريتوا اغراض المدرسه كل وحده تذكر لنا ..؟؟؟؟؟.........علشان يكون في تفاعل