(((@@ ملتقي أمهات مدارس حكوميه لمناقشة أمور أبنائكم: الأول ابتدائي وغيره:** هنا ** ))

[نونه كيوت]

وانا بعد عطوا عيالي اوراق عن النشاطات للساعه 2
ونومت عيالي الساعه 6 عشان مايدوخون باجر هههههه
الله يعينهم

 

[joooly]

رد : (((@@ ملتقي أمهات مدارس حكوميه لمناقشة أمور أبنائكم: الأول ابتدائي وغيره:** هنا

مو يقولون أجلوا القرار هذا لي الشهر الجاي...؟؟

 

[كويتية منسية]

صباح الورد

من اليوم جميع المدرس وجميع المراحل الدراسية ما عدا الروضة طبعا راح يأخذون نشاط
ويطلعون من المدرسة الساعة 2 بعد الظهر
يعني بعدها بشوي بيأذن أذان العصر

الله المستعان

 

[fife4ever]

رد : رد: (((@@ ملتقي أمهات مدارس حكوميه لمناقشة أمور أبنائكم: الأول ابتدائي وغيره:**

السلام عليكم
انه بناتي باولى ابتدائي
اليوم معطينهم اوراق عن الدوام الرسمي انه يوم الثلاثه راح يطلعون الساعه 2 الظهر عشان النشاط
وبعد معطينهم ورقه انه اذا نبي خدمه ال sms عشان يدزون لنا شنو اكو شنو ماكو ومواعيد الامتحانات والجداول وغيره كل شي بدال اوراق مسجات بصراحه خدمه وايد حلوه

فنانة بنتج اي منطقة انا ولدي جذه عندهم خدمة رسائل

انا اطه جبدي مدرسة الانجليزي حياتي ولدي مزينه له دفتر وحاطه كم شغله
يقول الابله لما شافته صرخت علي شنو هذا الا حاطه اعيون وحلج

شكو الولد تحرجينه عند الصيان الثانين اكيد الام هي السبب مفرض تكلمني ترسل لي رساله خو انا مشتركة في الخدمة


ولا ابلة العربي رايحع فاجه دفتر جديد لولدي للعربي وخليه يكتب الدرس طيب شوفي عدل الدفتر فاضي مو مال الصف


وابلة الرياضيات من اول صفحة مالت الدفتر اكتبي الرقام وخططي بينه بطريقة بشعه طيب شلون ارتب الدفتر
ولا مخليته يكتب رقم 6 كتابتا ليش اولى ابتدائي

 

[اطياب طيبه.أم عبدالله]

السلام عليكم

اليوم الصبح طرشوا لي مسج

يقولون الدوام الين الساعه 2 !!!!

اوووووووووف وايد عليهم ترا

خصوصا ان ولدي اللى بثانيه روضه يخلص الساعه 12 ونص وابوهم يحوس بالشمس الله يعينه

بس ليش هالقرار المفاجي ؟؟ في حصه اضافيه ؟؟

 

[اطياب طيبه.أم عبدالله]

لا معطونا

ان شاء الله بيعطونكم كلكم

حتي مكتوب فيها اذا الياهل عنده حساسيه من اكله معينه تكتبون اسمها
وان الشهر الياي بيبلشون بالوجبه المجانيه

عاد عندي رفيجه بالوزاره تقول الوجبه مدروسه هالسنه ومو اي شي

احس بطيييييييييييييخ بيكون نفس اكل المستشفيات لوووول

 

[نورالقمر24]

والله شكله جذي ابننطر ونشوف

 

[joooly]

رد : (((@@ ملتقي أمهات مدارس حكوميه لمناقشة أمور أبنائكم: الأول ابتدائي وغيره:** هنا

شكلهم السنه الجاية راح يكون الدوام لي الساعة 2 الظهر

لان كل هذا تمهيد حق السنوات الجايه

 

[أغلى حبيبه]

رد : (((@@ ملتقي أمهات مدارس حكوميه لمناقشة أمور أبنائكم: الأول ابتدائي وغيره:** هنا

بنات ابله العربي بااااطه جبدي

تخيلو اسبوعين بس على امل

واول امس فراشه

وامس بيضاء

والخميس املاااااء


بنتي بالقصب تمسك القلم والكلمات طويله موقادره تستوعب البنت ماادري شسوي

 

[Om Hayoon]

رد : (((@@ ملتقي أمهات مدارس حكوميه لمناقشة أمور أبنائكم: الأول ابتدائي وغيره:** هنا

الشكوى لله مو للخلق

انا بنتي عمرها بعد ما اكملت 6 سنين و اهي باولى ابتدائي المسكينه مخترعه تقولي ماما شنو هذا وايد
اهي يالله يالله تكتب الارقام و ترسم الخطوط و المنحنيات والله ضايعه مهي عارفه شي و كاسرة خاطري والله
والابلات في اجتماع اولياء الامور يتعززون لها لانها اصغر وحده بمستوى اولى ابتدائي
وماني عارفه شسوي
بدال لا يطولون وقت الدوام على نشاط لا يودي و لا اييب
خل يطلعونهم مبجر عشان نقدر نجابلهم و ندرسهم بالبيت
والله مافي وقت حرام عليهم والله

:0bee2e8d89::0bee2e8d89::0bee2e8d89:
​

 

[joooly]

رد : (((@@ ملتقي أمهات مدارس حكوميه لمناقشة أمور أبنائكم: الأول ابتدائي وغيره:** هنا

بنات بستشيركم
ابلة بنتي اول شي ..كله تقولها خطج موحلو والبنت مسكينه تقول ماما صح خطي موحلو تعقدت

وتقول كله تعطي البنات هدايا وانا لا تقول لي خطج موحلو... موقهر والله حرام عليها تفرق بين البنات المفروض

تشجعها .. مو تحبطها

وثانيا هالابله التعيسه... بنتي تكرمون بغت الحمام ومنعتها اخر حصتين..

تخيلوا حصتين واهي حصرانه تبي الحمام وهذي مانعتها

وبالهده ابوها شافها قاعده وتبجي تبي الحمام

والله حرام عليها

واخرتها تطرشها تنادي بنات طالعين من حصتها بهالحر تفتر بالمدرسه

البنت شعرفها اولى ابتدائي يعني يالله تدل صفها

ولما تأخرت طقتها تقول ليش تتأخرين
وبنتي تقول ماما حر ومادليت صفي

قولولي هالنوعيه من الابلات شنسوي معاهم

واللهانها ماتخاف الله

وبنتي والله مؤدبه وهاديه وشاطره وعلى فكره خطها حلو ..

يعني مادري شفيها هالابله على بنتي..

حسبي الله ونعم الوكيل فيها..

احنا اشتكينا عليها عند الناظره

تدرون شقالت..

يمكن الحصه كانت مهمه.........!!!!

اولى ابتدائي ومهمه..!!؟

والحين بنتي مريضهوعندها مشاكل في البول تكرمون والسبب الحصر

الحين شنسوي؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

نشتكي عليها ... اول انقل بنتي من صفها؟؟​

 

[نورالقمر24]

اذا تقدرين غيري صفها احسن

 

[أمواج البحر]

امبي من صجها تقول حق بنتج خطها مو حلو؟؟؟

اصلا الياهل ما يتعدل خطه الا بالمتوسط؟

امممم انزين كلمي الابله وشوفيها شتقول

اغلى حبيبه ... الله يعينج صج اصعب مرحلة بالنسبة لي اولى ابتدائي

خليها تنسخ الكلمه 20 مره وان شاء الله تتعود على مسكة القلم

بس امبجر املاء الحين حق اولى

 

[أمواج البحر]

لحظه لحظه لحظه طقت بنتج؟؟

من صجج؟؟

لا لا مو حقها تطق البنت لو شنو مسويه

شنو هالابله الله يهداها

ياهل تطقه؟؟؟ والله اذا اشتكيتي ومانفع نقليها احسن

 

[joooly]

رد : (((@@ ملتقي أمهات مدارس حكوميه لمناقشة أمور أبنائكم: الأول ابتدائي وغيره:** هنا

اشتكينا عليها ..

مو اقولج الناظره قالت يمكن الحصه مهمه علشان جذيه المدرسه موراضيه انها تروح الحمام

علشان مايطوفها الدرس المهم ...

اولى ابتدائي ومهم..!!!

عقدوا بنتي من اول السنه حسبي الله عليها هالمدرسه

 

[أمواج البحر]

قصدي تشتكين ان شكو تطق البنت

اصلا قانونا ممنوع الابله تطق اليهال

الله يهديهم بعض المدرسات صج صج يعقدون الطلبه

 

[اطياب طيبه.أم عبدالله]

اغلي حبيبه

اصلا ياحظكم

بنتي يوم على امل ويوم على فراشه ويوم على بيضاء واليوم الرابع املاء

وامس بلشت اسراء وباجر ملونه
وعقبه املاء

خررررررررطي البنت للحين مو عارفه تكتب فراشه عدل

 

[همس الجــليــد]

رد : (((@@ ملتقي أمهات مدارس حكوميه لمناقشة أمور أبنائكم: الأول ابتدائي وغيره:** هنا

مرحبا بنات خوووش تجمع
طحت عليكم

 

[همس الجــليــد]

رد : (((@@ ملتقي أمهات مدارس حكوميه لمناقشة أمور أبنائكم: الأول ابتدائي وغيره:** هنا

جولي اذا انتي بنتج الله يحفظها باولي انا ولدي بثانيه الين الحين خطه ينرفز تخيلووووووو السطر فيه كلمتين بس واذا عطا مجال اشوي بس حق كلمه و او من ويخلص السطر ماادري والله شسوي فيه صراحه قبل كنت اهاوشه ومسح السطر وخليه يعيده الحين لا ولله كيفه يالله عساني الحق علي واجباته

لا ابشركم طايحين بطبع مدارس الحكومه بحصه العربي تقول الابله انقل اللي علي السبوره كله والله حرام ولدي يرجع نص الاحرف بالعهم خخخ يقول ماما وايد ابسرعه تمسح الابله مااقدر اكتب ابسرعه .... وحضرتها تكتب بدفتر اين بـــــــــــــــــــــــــــاقي الدرس ؟؟؟؟؟؟؟؟؟

اقوول ياخواتنا الابلات اشوي اشوي موتمسحون اللي في السبوره تر بعدهم ثانيه ابتدائي مو امتوسطه ؟؟؟؟؟؟؟؟؟

 

[dob106]

آآآآآآآآآآآآآآآآآآآه من بعض واقول واكرر بعض المدرسات اللى ما يخافون الله اذا ما طقت اتصيح بوجهم او تخزهم او تمنعهم من الحمام او شرب الماى او تفشلهم قدام الطلبه وما اقول الا حسبي الله ونعم الوكيل