ملتق العضوات

[al-doja]

ارجو المساعدة
معلماتي العزيزات أنا معلمة صارلي خمسة عشر سنة
ولا يوم جاني ترشيح للامتياز مو قلة فيني ولا نقص بمهاراتي بالعكس نهاية كل سنة انا الوحيدة الي تتكرم من الناظرة والموجة والمشرفات :friends:
بس الترشيح للامتياز عندنا نظام فيتامين واو
والناظرة تقولي انا مالاقي احسن منك ولا اشطر منك بس نهاية العام اشوف غيري يترشح وانا مكانك سر
انصحوني خواتي شنو اسوي ترا وصلت حالة من الضيق ما لها حد

 

[طيرشلوا]

يوووووووووة انا نفسج 14 سنة حبس رياض اطفال اقصد خدمة

ولاشفنا شئ من الموجهات والناظرات بس حسبى اللة ونعم الوكيل عليهم

هالناظرات بس شاطرات لاصارعندهن مناسبة ولاتجمع نادن فلانة انتى الى بتمسكين الشغلة الفلانية لان انتى كفو وقادرة على تولى

الامروكل الكراف والتعب وفوق هذا نحضر دروسنا كاملة والاصفى يحضرون ودربى فى وقت الفراغ باللة وين وقت الفراغ بالروضة

واخر السنة لاشكرا ولاحمدا والتقدير وكتب الشكر من المنطقة لفئة معينة معروفة وتكريم المعلم لربعهم

هذا الى صاير عندنا بالجهرا للاسف واخيس نظام واظلم واصعب توجية فى الكويت بالجهراء

انا عندى موجهتين ما احللهن لادنيا ولااخرة وحسبى اللة ونعم الوكيل عليهن وحدة تقاعدت والثانية على راس عملها للحين وكلن يعرفن عندنا[/u]
وخلاص الحمد للة مانبى منتهن الاجر عند رب كريم اكرم منهن وارحمن منهن بكثير وهو الى اتوجهلة لما تضيق فينى منهن وسبحانة

عندة حقى مايروح وقربنا على التقاعد ابرك من شوفتهن والتوتر النفسى والعصبى الى ماخذينة من الروضة

 

[طيرشلوا]

يووة يابنت وين قلبتى مواجعى

صار لى اسبوع تعبانة مادخلت النت ويوم دخلت والاموضوعج بوجهى

يسلمو على هالموضوع فرغت فية طاقتى احسن من الصراخ واللعلة والازعاج بالروضة

على الاقل كلة ملتزمة جانب الصمت بالروضة واشتغل بصمت وهنية ارتاح لما اتكلم لان هناك محد يسمعنا

 

[عهود الحب]

صباح الخير
الناس يوم الاجازة تنام وانا افز من نومي مع الفجر بوطبيع مايخلي طبعه

التميز للي عندهم علاقات اجتماعية
اخوها العضو الفلاني ابوها فلان العلاني
او للي عندها كرم مادي موطبيعي
وكل شوي زاخه للادارة زخ مانقدر له احنا
او الي عندهم مكتب افراح وكل شوي جايبة مدرجات للحفلات للادارة
او عندها احد يسوي لوحات وشعارات ببلاش للروضة


او للي ابوها لسانه مترين وشكاي



اما الي يشتغلون ويكرفون ويسنعون
مادري ماتوقع احد يدري عنهم
غلطانه انتي ليش من الاول مادرستي حالة مديرتج النفسية وعرفتي شنو مزاجها بالضبط
وبعدين ضبطتي روحج على مقاس طلباتها


والموجهات ترى مجرد عصا للناظرة تضرب بهم المعلمات الي ماتحبهم



يالله صباح خير
لاتتضايقين اختي مافاتج خير صدقيني
اشلونج طير شلوا عساج طيبة بس
لاترفعين ضغطج
آمني بهالمقولة ترتاحين { اعلم ان مافاتك شيء فيه خير لك }

 

[*أبلة*]

آمني بهالمقولة ترتاحين { اعلم ان مافاتك شيء فيه خير لك }
كنت ابي ارد
بس ما لقيت احسن من كلمة أختي عهود الحب​

 

[طيرشلوا]

هلا عهود شلونج واللة انا ماعاد يهمنى لانى اساسا تعبت من كثر الاحباطات
بس الى يرفع الضغط ان ناس ماتشتغل الاحزة لما تجى الموجهة والاالناظرة لا ويبلغونها بندخل وتلقينها صارت شعلة وتاخذ من فلانة وعلانة
وتحطة بدرسها والاتاخذ درس رفيجتها كامل وتحطة مو حرام
وتلقين هذولى طلعو اشراف وبعدين نظارة ويصيرون شديدات ونسو نفسهم لما كانو مدرسات شنو كانو
انا عندى قاعدة المشرفة او الناظرة او الوكيلة الى تعامل باسلوب راقى وتستخدم اسلوب الشدة واللين مع المدرسات اهى الى كانت مبدعة
اما الى تجيج شديدة ونفسية فاعرفى انها كانت فاشلة ومتسيبة فيصير عندها حب سيطرة (هالحالة جتنا مشرفة سنة من السنين كلن كان يقول اف متى تخلص السنة حيل حيل فوق الوصف شدتها وكلامها زفر ومرة كنا نشوف تدريب الموسيقى فقالت انا كلة كنت اخذ تدريب الموسيقى علشان مالى خلق ادرس )وعلى فكرة الحين هى ناظرة وشديدة موحرام

وفعلا اعلم ان مافاتك شئ فية خير لك

وفعلا الخير كلة من رب العباد وهذا الى نبية ابرك مليون مرة منهن ومن تقديرهن اصلا هن ناسيات ان من ظلم يظلم ولو بعد حين
بس الحين المركز غارهن بس لابد يجى يوم ودعوة المظلوم تستجاب

 

[عهود الحب]

هونيها وتهون
هونيها وتهون

والله الاشراف مسؤولية مو شي سهل
وذمم وضماير

ان كنتي صاحبة ضمير حي وتحبين تبرين ذمتج بتتعبين
تصدقين فعلا انا في ناس كانوا ياخذون مني الدرس كامل من الى
الحين وين اهمه وانا وين
والي يحز بالخاطر يوم احتجتهم لقيتها تكلمني من طرف خشمها


الدنيا دين ورد الدين واجب
صدقيني اذا انتي مرتاحة بحياتج ومحلله معاشج ومبرية ذمتج وتدرسين
بضمير حي
لابد بيوم توصلين لهدفج
انا هدفي بحياتي
اشوف تعبي بعيالي
اشوفهم متفوقين بدراستهم واتمنى يكون ضميرهم حي مثلي ويحبون الشغل
والاشراف والوكالة والنظارة
والسوالف هذي



دنيا زائلة !
ولاخير بتابع الدنيا ولا الي يركض وراها
خلي الدنيا لهم
وانا واياج والي مثلنا نبيها من الله مانبيها من عباده
نبي حقنا من الله
انا سنييييييييييييييييييييييين ماشفت الامتياز والله ثم والله ظلم ويدرووووووون
والله سنين ما ذقته ويدرووووووووووون
ملفي الوظيفي اسود لو تقرينه بتقولين يمة شنو هذي مجرمة حشا

سود الله وجه من سعت بمضرتي يوم لاينفع لامال ولابنون
صدقيني ربي ممهلهم الى حين غرة
فلاتشيلين هم ياطيرشلوى
وانسي الدنيا وخلي توكلج على الله

 

[عبق الورد]

الله يعينكم .. الله لايضيع الاجر عليكم . . احتسبوا الاجر
اهم شيء انكم مريحين ضميركم
شفايده مشرفه واهي قلبها اسود وتغار من المدرسات وربي تلقيتها مو مرتاحه
وشفايده ناظره واهي ظالمه والكل يدعي عليها

 

[كبرت وراحت على]

الدوجه حالى من حالك

الله ينتقم من من ظلمنا

انا صالى 10 سنوات وما شفت الا الكرف

والترشيح لى

واللى ياخذها غيري هذى 4 سنه يتكرر هالامر

بس هالسنه مراااااااااااااااااااااااااااح اسكت طفح الكيل

 

[المستغفرة 74]

عندنا وعندكم خير انا صارلي 11 سنة بس اخر سنتين جاني اعمال ممتازة
الحمدلله مايضيع عن الله

 

[التحدى والاصرار]

حسبى الله عالظالم