ملفي الخاص للأطباق الرئيسية المميزة ..

[جوري وبنفسج]

السلام عليكم

الغالية athora ... فديتج حبيبتي حتى أنا أشقت لج :hjy5jewf: الحين تبلت السمج وبعد المغرب بشويه وأول ما اخلص أحطه لكم


الغالية جهراوية ... حياج الله يا قلبي وتسلمين على المرور الحلو :hjy5jewf:

ترقبوا طبقي اليوم بإذن الله _03BA:​

 

[DANA AL AJMI]

مشكوووووره

 

[ابلة غزالة]

يعطيج العافية

:e3:

 

[Oba3deen]

شكرا لج

 

[بحرينية محرقية]

وووين السمج ههههههه مستعيلة ابي اشوفه

تسلمين يا الجوري على اطباقج الحلوة وربي يعطيج العافية ..

وننتظر باقي اطباقج ...

 

[جوري وبنفسج]

السلام عليكم

الغاليات DANA AL AJMI + ابلة غزالة + Oba3deen ... حياكم الله يا قلبي ومنورين الملف :tek:

والحين مع طبق اليوم

* شرائح السلمون المشوية *

تحتاجون

شرائح سلمون >> أنا شريتها فرش من اللولو هايبر ماركت >> طبعاً تغسلونها وتنشفونها من الماي




والحين نجي لمكونات التتبيلة

ليمون مخلل مصري + قطعة زنجبيل + ثوم + ريحان مجفف + روزماري مجفف + تتبيلة الأعشاب الأيطالية




ونحتاج بعد زيت زيتون + صلصة صويا




+ شوية ملح الثوم بالأعشاب



نحطهم مكونات التتبيلة بالخلاط



وبعدين نصبهم فوق شرايح السلمون من فوق وتحت لحد ما تتشرب التتبيلة وبعدها نخليها بالثلاجة مدة ساعتين بس لأن شرايح السلمون ما تتحمل أكثر من هالوقت وتذوب




وبعدين نشغل الشواية الكهرباء على أعلى درجة ونشوي السلمون >> ما يطول وايد تقريباً 10 دقايق لكل جهة




وهذا الشكل النهائي




وطبعاً أنا قدمت مع شرائح السلمون أقراص البطاط




شوفوا وصفتها بملفي للسلطات ... وأتمنى تجربونهم وتعطوني رأيكم

** وممكن تستبدلون السلمون بالجنعد أو الهامور

وصحتين على قلبكم ​

 

[Love \ Hate]

وااااو واااو واااو

ولكم باك حبيبتي

شوقتيني ابي الحييين ميته يووع والكسل ذابحني مع الحمل مادري شنو اكل

بس عندي استفسار شنو شوايتج ؟؟ انا ماعندي شوايه لازم اشتري صح ؟؟ ولا عادي بالفرن ؟؟

 

[ABEER FLOWER]

تسلم إيدج جوووووري
أحب السمك
يمي يمي

 

[جوري وبنفسج]

السلام عليكم

هلا والله بالغالية Love \ Hate ... وشهوةٍ فيها العافية والله يعينج على الحمل وثقله ومشكلة عاد تتشهوين علينا بعدين يصير في ولدج الوحام لووول

الشواية زوجي أشتراها من محل بس ناسية أسمها .. اللي يبيع بالمحل مدح الشواية وايد وفعلاً لما أستخدمانها وايد حلوة لشوي الدجاج والسمج واللحم والربيان والخضرا وسعرها مو غالي تقريبا 11 أو 12 ... باجر لرحت بيت أهلي بصور كرتونها لأن اللي عندي كرتونها مو موجود

نطريني باجر بإذن الله بحط وصفة ربيان مشوي كليته بمطعم أشاز بحاول أجرب وأضبط النكهة وأن شاء الله تضبط معاي ​

 

[جوري وبنفسج]

السلام عليكم

هلا وغلا بالغالية ABEER FLOWER ... طيب مادام تحبين السمج بكثر لكم وصفات السمج لأني ناوية أطيح له سمج هاليومين لأني صار لي فترة طويلة ما آكله فبطلع حرتي هاليومين لووول :dddds:

ونصيحة جربي الجنعد ترى حده لذيذ أنا طبقت نفس التتبيلة عليه بس الفرق أني قطعت الجنعد مكعبات وشكيته بأسياخ خشب مع فلفل أخضر وبصل والحلو بالجنعد أنه ما فيه عظام وايد ​

 

[Love \ Hate]

السلام عليكم

هلا والله بالغالية Love \ Hate ... وشهوةٍ فيها العافية والله يعينج على الحمل وثقله ومشكلة عاد تتشهوين علينا بعدين يصير في ولدج الوحام لووول

الشواية زوجي أشتراها من محل بس ناسية أسمها .. اللي يبيع بالمحل مدح الشواية وايد وفعلاً لما أستخدمانها وايد حلوة لشوي الدجاج والسمج واللحم والربيان والخضرا وسعرها مو غالي تقريبا 11 أو 12 ... باجر لرحت بيت أهلي بصور كرتونها لأن اللي عندي كرتونها مو موجود

نطريني باجر بإذن الله بحط وصفة ربيان مشوي كليته بمطعم أشاز بحاول أجرب وأضبط النكهة وأن شاء الله تضبط معاي ​

هلاااا وغلااا فييييج
ابيه من صجج ؟؟ هالشهر الجمعيه بدال 100 دينار بتصير 200 _03BA: كل مااشوف وصفاتج حطيت باللسته عشان

اييب الاغراض !! .. شوقتيني بس مشكلتي عيااازه والشوايه شكلها حلوه مشالله عليج بالعافيه .. وجان زين تقولين لي

من وين اذا عرفتي .. وكيييفج لاتسوين شي حلو ولا طرشيلي دليفري ولا ترى يطلع في البيبي :eh_s(6):

هيهيهيهي لا اتغشمر معاج حبوبه وعليكم بالعافيه

 

[Love \ Hate]

نطريني باجر بإذن الله بحط وصفة ربيان مشوي كليته بمطعم أشاز بحاول أجرب وأضبط النكهة وأن شاء الله تضبط معاي


انشالله ناطرتج افا عليييج دليت الموضوع كل يوم اطل اذا في تحديث ولا لأ لاتوصين حريييص

 

[جوري وبنفسج]

السلام عليكم

منورة يا الغالية Love \ Hate ... والشواية تلقينها بلوازم العائلة بالجمعيات أنا شاريتها لبيت أهلي من جمعية خيطان فرع لوازم العائلة

وبعدين ترى وصفاتي سهلة وما فيها شغل وايد وأحلى شيء الشوي بس تتبيل وشوي وأذا مالج خلق وصي الخادمة أنا معلمة خدامتي كل أطباقي علشان في رمضان تريحني شوي ​

 

[بحرينية محرقية]

ماشالله شكل السمج حلو وايد والخلطة غريبة واحسها حلوة ..

بس بغيت اسالج شلون طعم السلمون وااايد اشوف له اطباق..
يعني هو لما يستوي طري من داخل والا شوي ناشف وشنو تفضلين الجنعد احسن والا السلمون
واذا فالسلمون ميزة حلوة فطعمه قوليها خاطري اجربه ؟؟؟

 

[جوري وبنفسج]

السلام عليكم

الغالية بحرينية محرقية حياج الله يا قلبي وفديت أهل البحرين

السلمون حلو وحتى لونه حلو بعد لما ينطبخ يظل لونه وردي بس شوي أدسم من الجنعد يعني الجنعد شوي أخف . والسلمون ما يكون ناشف لما تطبخينه بالعكس طري ويذوب مثل الزبدة لما تأكلينه أنتي جربيه مرة ويعتمد على ذوقج في الأكل أنا عن نفسي جربت السلمون ني في السوتشي وعجبني وجربته مشوي بعد عجبني وبعدين الدهون الموجودة بالسلمون وايد مفيدة للجسم لأنها دهون مشبعة ​

 

[حور الحلوة]

ويني انا عن هالموضع انا اطلب تثبيته جنه مو مثبت ؟؟

المهم ..

الله يعطيج الف ومليون ومليار عافيه يالغاليه

ماشاء الله تبارك الرحمن

الشوايه قلتي بلوازم العائله بنطر لي الصبح وبروح اشتريها ههههههههههههههههه

فدييييييييييييييييييييييييت اناملج وتسلم هالديات ان شاء الله وبعد اقولج

لايوقف

لايوقف

لايوقف


طمعت ترى ديري بالج

 

[غلا جابر]

حلوه

 

[Love \ Hate]

لووووووووول جنه بيصير مخامط على الشوايه ؟؟

عيل انا ماراح انام بواصل واروح اشتريها

عليج بالعافيه حبيبتي

 

[جوري وبنفسج]

السلام عليكم

الغالية حور الحلوة ... منورة يا قلبي الموضوع كان مثبت وشالوا التثبيت لأني ما جددت الموضوع بس هم بيشوفون أذا صار فيه نشاط أكيد بيردون يثبتونه لوووول يا حلو تشجيعج .... فديتج

الغالية غلا جابر ... منورة يا قلبي ومروج الأحلى

الغالية Love \ Hate لوووووول :dddds: بروح أطالبهم بنسبة من مبيعات الشواية :dddds: بس تدرين شنو الحلو بالشواية غير سعرها المناسب . طريقة تنظيفها وايد سهلة وراح تلاحظين هالشيء لما تجربينها ​

 

[Love \ Hate]

تصدقين .. جنى عرفتها ..؟؟ لانه حماتي سافرت خدامتها فترة وشرت شوايه وعلى قولتها واااايد حلوه وسهله حتى طريقة تنظيفها ..

على قولتها تخلي اليهال يحطون عليها البطاط ويشوونه من كثر ماانها سيفتي ..

لا لا مايبيله كلام باجر انشالله اشتريها .. مو مكتوب عليها ماركه معينه ؟؟