ملفي للسلطات المبتكرة والسندويشات المميزة ...

[thenutybee]

يسلموا علي الترويقة

 

[حناينq8]

فنانه ماشاء الله عليج

ويعطيج العافيه على هالمجهود الرائع

 

[صدى الأفراح]

لك شوووووووووووو هيدا بجنن كل هاااااد وين كان مخبى ويييييييييييييييييييين؟؟؟؟؟؟؟؟؟؟؟؟؟؟؟؟ لا تعليق فعلاااااااا أبدعتي الله يحميكي بجد راااااااائعه وكنز للمنتدى إنتي والله
يعني الحلبه قصدك حبوب الحلبه ؟ ههههههههه اللي بعمل فيها حضرتي صينية بسبوسة الحلبه؟؟؟؟؟؟؟؟؟ شايفه الأكل الصحي هههههههههه

 

[جوري وبنفسج]

السلام عليكم

الغالية thenutybee حياج الله يا قلبي وتسلمين على المرور الحلو :hjy5jewf:

الغالية حناينq8 تسلمين يا قلبي من ذوقج الحلو يا حلوة :hjy5jewf:

الغالية على قلبي صدى الأفراح تسلمين يا قلبي :hjy5jewf: أصلاً أنتي ماشاء الله عليج عسل ويا بخته زوجج فيج على نفسج الحلوة الله يحفظج ويسلمج من كل شر نعم وأقصد بالحلبة حبوب الحلبة ويا سلام على البسبوسة أحبها وايد _03BA: وبخصوص الحبوب المستنبتة كانت هواية قديمة لي وتركتها مع الأيام بس الحين استرجعتها لأني أبي شيء يرجع لي الصحة والحيوية مثل قبل وحالياً قاعدة أصور لكم الأستنبات خطوة بخطوة وراح أحطه لكم بموضوع منفصل :tek: ​

 

[امل الوجدان]

روعه

 

[GaZoZiYa]

عندي استقبال يوم الاربعا وخذيت كل وصفات السندويش ملوتج وبسويهم انشالله لانه البوفيه مالي كله موالح

حدج إنقااااااااااااذ
مشكورة

 

[جوري وبنفسج]

السلام عليكم

الغالية امل الوجدان حياج الله يا قلبي وتسلمين على المرور الحلو :tek:

الغالية GaZoZiYa حياج الله يا قلبي وتسلمين على المرور الحلو وإذا تبين بعد سوالف وفناتق ساندويشات عندج المواقع الأجنبية ادخليها وراح تلقين أفكار وايد للسندويشات وللتزيين وعلى فكرة وصفة سلطة التورتيلا اللي حاطتها وايد عجبت خواتي وسهلة وايد تقدرين تنفذينها لإستقبالكم :tek:​

 

[جوري وبنفسج]

السلام عليكم

أختي الغالية GaZoZiYa

وهذي وصفة التورتيلا اللي أقصدها

السلام عليكم

والحين مع الطبق الثاني اللي صج صج واو عجب خواتي وايد



* طبق التورتيلا المميز والخفيف *


نحتاج إلى

خبز التورتيلا ( أنا أستخدمت الحجم الصغير ) تلقونه بمركز سلطان



لحم دجاج المفروم ( أنا حمست اللحم مع ثوم وبصل مجفف وشوية صلصة صويا إلى أن أستوى ) تقدرين تستخدمين لحم غنم مفروم أو لحم عجل مفروم على حسب ذوقكم


طماطم مفروم صغار نحمسه مع شوية ثوم مجفف حتى يصير نفس صلصة



تتبيلة التاكو



ونحتاج ذرو معلبة وجبن تشدر مبشور

نفرش خبزة التورتيلا بصحن ونحط فيها الدجاج وصلصة طماط والذرة وشوية تتبيلة التاكو وجبن تشدر ونلفها ونحطها بطبق الفرن ولما نخلص من كل الخبز نحطه تحت شواية الفرن لمدة دقايق بس

وبعدين نطلعه ونحط على وجه الطبق جرجير مفروم وباقي صلصة الطماط وصلصة حامضة ( أنا أستخدمت بديل الصلصة الحامضة شوية لبنة حامضة مع روب وشوية ملح بالثوم والأعشاب ) وبعدين نرش شوية جبن تشدر وهذا الشكل النهائي


وأتمنى تجربون الأطباق وتعطوني رأيكم وأقتراحاتكم _03BA:​

​

 

[شوشو الحلوة]

اشلونج اختي عز الاسلام خوش سلطة سويت لفائف الباذنجان بالجبن وصلصة الطماط الحارة بس زت علها فلفل بارد طلع اتينن يعطيج الف الف عافية و الصراحة صارت لخبة على الف فا ماقدرت اصورها:dddds:

 

[جوري وبنفسج]

السلام عليكم

الغالية شوشو الحلوة عليج بالعافية يا قلبي ووايد أستانس لما أشوف تطبيق عملي للأطباق :ggdw: وما عليه المرة الجاية حاولي تصورين


والحين بحط لكم ساندويش جربته اليوم لريوقي وطلع حلو كنت مآخذة طريقته من موقع أجنبي

* ساندويش الأفوكادو بنكهة الجتني *

أول شيء نعد صلصة الجتني وأنا حطيت كمية بسيطة تناسب الساندويش بس أذتني شوي بالخلاط بالغصب أنخلطت

نحتاج للجتني : كزبرة + شريحة زنجبيل +عصير ربع ليمونه + شوية فلفل أخضر


نحطهم بالخلاط الصغير ونخلطهم مع أضافة شوية ملح ( أنا حطيت ملح بالثوم )



والحين مقادير الساندويش : شرايح أفوكادو + طماط + بصل + جبن سويسري + صلصة الجتني



نجيب توست أسمر ونحط أول شيء صلصة الجتني بعدين الطماط والبصل والأفوكادو والجبن




نحطهم بالشواية لين يذوب الجبن




وهذا الشكل النهائي



ولمزيد من الطعم اللذيذ نضيف مسترد


ملاحظة / تقدرين تستغنين عن صلصة الجتني بالمسترد .​

 

[ABEER FLOWER]

عليج بالعافيه عز الإسلام
و الوصفه رووووووووووووعة


دمتي بخير

 

[صدى الأفراح]

واااااااااااااااااااااااااااااو لك انا بحياتي ما حبيت الافوكادو حبيتوووووووووو منك لك انتي السم من ايديك عسسسسسسسل
لك انتي ايمت رح تعمليلي حلوياااااااااات ايمت؟؟؟؟؟؟؟؟؟؟

 

[اسراء205]

الله يعطيج العافيه اخني عز الاسلام

بروح الوفره ومحتاره شنو اسويلهم سندويشات للعشاء :gr4uu:

 

[جوري وبنفسج]

السلام عليكم

الغالية ABEER FLOWER الله يعافيج يا قلبي ومرورج هو الأروع

الغالية على قلبي صدى الأفراح تسلمين لي يا عسل وأبشري بسوي طبق حلو أخذت وصفته من موقع نستله وقريباً راح أنفذه وعلى فكرة أنا مو شاطرة كثير بالحلويات خصوصاً اللي تدخل الفرن ههه من الفرن ألى الزبالة بس أعرف أسوي حلو بارد اللي نخلط المواد مع بعضها ونبردها :dddds:

الغالية اسراء205 السندويشات مافي أسهل منها وراح أعطيج الحين وصفات سهلة _03BA:



1) توست + جبن سلايس + تركي أو مرتاديلا + خس + مخلل + مايونيز + مسترد



2) لبنة + خيار + نعناع + شوية سماق



3) باذنجان مقلي + كوسا مقلية + فلفل بارد مقلي أو ممكن تشوينهم وتحطين معاهم شوية مايونيز + لبنة حامضة وجرجير




4) أذا عندج طماط مجفف + جبن موزاريلا + جرجير أو ريحان وشوية خل بلسمك



5) جبن حلوم + طماط + زيتون شرايح أخضر + زعتر حطيهم بصمون فرنسي كبير وقطعيه



6) أذا عندج صدور دجاج قطعيه صغار وتبيله وبعدين أما تشوينه بالشواية أو تقلينه وحطي معاه شوية مايونيز ولبنة حامضة وثوم وأي تتبيلة تحبينها ​

 

[lolwah]

تسلم ايدج
اكللاتج عجيييبه

 

[اسراء205]

مشكوره اختي عزالاسلام

انقذتيني وايد كنت محتاره

 

[العصيمية]

عز الاسلام ربي يعطيج الف عافيه
يارب لالالالالالالالالالايوقف

 

[صدى الأفراح]

اصلاااااااااااااااا انا بدي حلويااااااااااات باااااااارده يلا يلا يلا حطي

 

[الخلوقة]

وايد حلوه عساك على القوه

 

[جوري وبنفسج]

السلام عليكم


الغالية lolwah تسلمين يا قلبي على المرور الحلو :hjy5jewf:

الغالية اسراء205 تسلمين يا قلبي وحاضرين لأي أستفسار :hjy5jewf:

الغالية العصيمية الله يعافيج يا قلبي وترقبي المزيد من الوصفات الفنتوقية :hjy5jewf:

الغالية صدى الأفراح لك يسلم لي مرورك الحلو يا قلبي وقربياً بإذن الله :hjy5jewf:

الغالية الخلوقة حياج الله يا قلبي وتسلمين على المرور الحلو :hjy5jewf:​