ملف حلويات منوعة سهلة وسريعة (كيكات -تشيز كيك وغيرها) متجدد مع فهرس بأرقام الصفحات

[ام سلومd]

رد: ملف حلويات منوعة سهلة وسريعة (كيكات -تشيز كيك وغيرها)متجدد @@

ماشالله عيني عليج بارده كيكتج تهبل والسينابون احلا من الجاهز يهبل مداخيل العافيه يارب وام سلوم لازم انتي والهمبه تفتحون محل حلو وانا اسوي لكم دعايه

هههههههههههههههه و الله افكر من زمان بس ما ادري ودي و ماودي لاني ماعندي وقت كلش و اقول الهمبة اشرايج انا وياج نبيع يعني نسوي بالبيت طلبيات :tomato2: شكلي بنطق انا هههههههههههه :dddds:

 

[أحلى همبه كويتية]

رد: ملف حلويات منوعة سهلة وسريعة (كيكات -تشيز كيك وغيرها)متجدد @@

روووووووووووووووعه

تبارك الرحمن


تسلم ايدج

اشكرك على التشجيع والمتابعة
خليك على طول يمي لا تروحين بعيييييييييييييييد :tek:

 

[أحلى همبه كويتية]

رد: ملف حلويات منوعة سهلة وسريعة (كيكات -تشيز كيك وغيرها)متجدد @@

ماشالله عيني عليج بارده كيكتج تهبل والسينابون احلا من الجاهز يهبل مداخيل العافيه يارب وام سلوم لازم انتي والهمبه تفتحون محل حلو وانا اسوي لكم دعايه

والله الفكرة موجودة من زمان
وخواتي وايد يحنون علي
بس صراحة مترددة
الله يسهل الأمور وتصير _03BA:
اشكرك على المرور والتشجيع :tek:

 

[أحلى همبه كويتية]

رد: ملف حلويات منوعة سهلة وسريعة (كيكات -تشيز كيك وغيرها)متجدد @@

* البسبوسة التركية *

المقادير

1 وربع كوب سميد
1 كوب مسحوق جوز الهند
1 علبة قشطة
4/3 كوب سكر
نص كوب زيت
2 بيضة
1 ملعقة طعام بكينج باودر
خيوط من الزعفران وهيل ناعم
مكسرات لوز وبندق مدقوق للتزيين
فستوق ناعم

الطريقة

تخلط جميع المقادير خلطا جيدا بالمضرب الكهربائي ثم تسكب في قالب مدهون بالهردة ( الطحينية ) ويرش الوجه بالهيل الناعم والمكسرات وتدخل الفرن على درجة 150 الى ان تستوي من اسفل ثم من اعلى


مقادير صلصة التوفي:
1 مكعب زبدة50 صغير جرام
1 علبة قشطة
1 كوب سكر


لعمل خلطه التوفي:

- نضع السكر على النار الى ان نحصل على سائل بني فاتح وليس محروق
- تضاف لة الزبدة وتخلط معة ثم تضاف القشطة وتحرك سريعا بملعقة خشبية حتى يصبح لدينا صلصة توفي

عندما تخرج البسبوسة من الفرن تبرد قليلا ثم تزين بالتوفي


صورة بالأبيض والأسود

انا زينتها بالآتي :

1/4 علبة حليب مركز + خففته بشيرة وشوية ماي
ورشيت عليه فستق حلبي ناعم

لان التوفي وايد حالي وانا بخفف الحلا شوي
جربوها حلوة
عوافي
:tek:

 

[<< أزيان >>]

رد: ملف حلويات منوعة سهلة وسريعة (كيكات -تشيز كيك وغيرها)متجدد @@

تسلم ايدج الهمبه

شيشتيني عالبسبوسه

شايفتها بموضوع ثاني ومتردده اسويها عاد يوم شفتها بملفج تشجعت لووول

بس حسافه رحت بحطها بالاطباق المجربه مارضت تنزل الصوره

انطر ريلي يرد من السفر ويشوف شسالفته واوريج تطبيقي

 

[Snow angel]

رد: ملف حلويات منوعة سهلة وسريعة (كيكات -تشيز كيك وغيرها)متجدد @@

يسلموووووووووووو حبيباتي على هالاكلات العجيبه والتطبيقات الخطيره ماشاء الله تبارك الرحمن الله يعطيكم العافيه

بس همبا ايش مسحوق جوز الهند لا يكون البودر .....؟؟؟؟!!!!!!!!!

 

[فينيسيا]

رد: ملف حلويات منوعة سهلة وسريعة (كيكات -تشيز كيك وغيرها)متجدد @@

روووووووووووووووووووووووووووووووووووووووووووعه

 

[جوري الكويت]

رد: ملف حلويات منوعة سهلة وسريعة (كيكات -تشيز كيك وغيرها)متجدد @@

يعطيج العافيه

 

[Dare to challenge]

رد: ملف حلويات منوعة سهلة وسريعة (كيكات -تشيز كيك وغيرها)متجدد @@

بعد قلبي مشكوووووووووووره يا السنعه الله لا يحرمنا منج يا أحلا كيكه

 

[أحلى همبه كويتية]

رد: ملف حلويات منوعة سهلة وسريعة (كيكات -تشيز كيك وغيرها)متجدد @@

++ كيكة الزعفران ++

المقادير :

بيضتين
كوبين طحين
كوب زيت نباتي
كوب سكر
كوب حليب طازج سائل ( المراعي او اي نوع )
نصف كوب حليب نيدو بودره
زعفران مقدار بسيط
¼ كوب ماي ورد
ملعقة اكل بكينج بودر

طريقة التحضير :

- يسخن الفرن على حرارة متوسطه قبل البدء باعداد الخليط
- ننقع الزعفران في ربع كوب ماي ورد

- في البلندر ( خلاط الطماط ) نضع ( البيض + حليب النيدو + حليب الطازج + السكر + الزيت ) و نخلط على سرعه عالية 5 دقايق

- بعدها نضيف الزعفران و الماي ورد للخليط و نستمر بالخلط .

- ينخل الطحين مرتين و بعدها ونضيف له البكينج بودر ويوضع في طاسة ثم نضيف عليه خليط البيض السابق خلطه ويخفق بالسلك المعدني او خلاط الكيك

- نصب الخليط في قالب مدهون ومرشوش بالطحين يدخل الفرن على حرارة متوسطه لفترة 40 دقيقه تقريباً

 

[أحلى همبه كويتية]

رد: ملف حلويات منوعة سهلة وسريعة (كيكات -تشيز كيك وغيرها)متجدد @@

تسلم ايدج الهمبه

شيشتيني عالبسبوسه

شايفتها بموضوع ثاني ومتردده اسويها عاد يوم شفتها بملفج تشجعت لووول

بس حسافه رحت بحطها بالاطباق المجربه مارضت تنزل الصوره

انطر ريلي يرد من السفر ويشوف شسالفته واوريج تطبيقي

بالعافية ، يرد بالسلامة :tek:
بصراحة عندي هالبسبوسة احلى من العادية
طرية وهشة وطعمها روعة

 

[أحلى همبه كويتية]

رد: ملف حلويات منوعة سهلة وسريعة (كيكات -تشيز كيك وغيرها)متجدد @@

يسلموووووووووووو حبيباتي على هالاكلات العجيبه والتطبيقات الخطيره ماشاء الله تبارك الرحمن الله يعطيكم العافيه

بس همبا ايش مسحوق جوز الهند لا يكون البودر .....؟؟؟؟!!!!!!!!!

الله يعافيك
اشكرك على المرور والمتابعة

هو نفسه جوز الهند العادي بس مكشخينه :dddds:

 

[أحلى همبه كويتية]

رد: ملف حلويات منوعة سهلة وسريعة (كيكات -تشيز كيك وغيرها)متجدد @@

يعطيج العافيه

الله يعافيج
اشكرك على المرور :tek:

 

[أحلى همبه كويتية]

رد: ملف حلويات منوعة سهلة وسريعة (كيكات -تشيز كيك وغيرها)متجدد @@

بعد قلبي مشكوووووووووووره يا السنعه الله لا يحرمنا منج يا أحلا كيكه

مشكورة
اسعدتني مشاركتك
انت الأحلى
مانبي غير دعائكم لي بالخير والصحة والعافية

 

[أحلى همبه كويتية]

رد: ملف حلويات منوعة سهلة وسريعة (كيكات -تشيز كيك وغيرها)متجدد @@

روووووووووووووووووووووووووووووووووووووووووووعه

هلا وغلا
مشكورة على التشجيع

 

[أحلى همبه كويتية]

رد: ملف حلويات منوعة سهلة وسريعة (كيكات -تشيز كيك وغيرها)متجدد @@

تذكرون المكعب اللي فيه الوان مثل التركيب وكنا نلعب فيه هذه الكيكة تشبهه بنسميها

++ كيكة المكعبات ++

المقادير : تسوين أي كيكة تضبط معاك سواء العلب الجاهزة او من صنع البيت

- تسوينها بقوالب مربعة بالحجم نفس الحجم توزعينها على ثلاث قوالب حتى نحصل على 3 طبقت من الكيكة

- نجهز كريمة عادية بالطريقة المعتادة ونضع كل طبقة وندهنها بالكريمة وفوقها الطبقة الثانية وهكذا .

- باقي الكريمة نقسمه على 3 اطباق
كل طبق نخلط معاه قليل من ملون الطعام مثلا اصفر - ازرق - اخضر - احمر ( حسب الرغبة )

- نرسم مربعات باستخدام كيس الكريمة حى نحصل على خطوط رفيعة مثل الصورة ( بدون اضافة لون للكريمة )

- ونبدأ بالتلوين حتى يتم ملئ كل المربعات بالألوان

وعوافي تصلح للأطفال

 

[<< أزيان >>]

رد: ملف حلويات منوعة سهلة وسريعة (كيكات -تشيز كيك وغيرها)متجدد @@

الله يعافيج ويسلمج حبيبتي

بس عندي ملاحظه بما ان ضيفه سعوديه عطتني معلومه عن مسحوق جوز الهند انه دسم وفي سعرات حراريه كبيره

فا انا بسبوستي جوز الهند اقل بوايد ماخذتها من موقع ثاني للفايده لأني ملاحظتج تخافين على وزنج لووول ذبحنا هالوزن

شوفي المقادير اللي طبقتها وطلعت متماسكه ومرتبه بالتقصص

ا ونص كوب سميد + نص كوب مسحوق جوز الهند + نص كوب زيت + ملعقه ك بيكنج باودر + ا قشطه + 2 بيض + ثلاث ارباع سكر

يعني الفرق بس ان انا السميد اكثر وجوز الهند اقل وعلى فكره تدرين بصاحبتج حدها دايخه ههههههههاهه توني اليوم الاحظ الفرق




كيكتج اليديده شكلها لذيذ مع الشاي هم بجربها ان شاء الله يعطيج العافيه

 

[AwradAli]

رد: ملف حلويات منوعة سهلة وسريعة (كيكات -تشيز كيك وغيرها)متجدد @@

ماشالله عليج .. مشكووووووره همبووووووووش​

 

[أحلى همبه كويتية]

رد: ملف حلويات منوعة سهلة وسريعة (كيكات -تشيز كيك وغيرها)متجدد @@

الله يعافيج ويسلمج حبيبتي

بس عندي ملاحظه بما ان ضيفه سعوديه عطتني معلومه عن مسحوق جوز الهند انه دسم وفي سعرات حراريه كبيره

فا انا بسبوستي جوز الهند اقل بوايد ماخذتها من موقع ثاني للفايده لأني ملاحظتج تخافين على وزنج لووول ذبحنا هالوزن

شوفي المقادير اللي طبقتها وطلعت متماسكه ومرتبه بالتقصص

ا ونص كوب سميد + نص كوب مسحوق جوز الهند + نص كوب زيت + ملعقه ك بيكنج باودر + ا قشطه + 2 بيض + ثلاث ارباع سكر

يعني الفرق بس ان انا السميد اكثر وجوز الهند اقل وعلى فكره تدرين بصاحبتج حدها دايخه ههههههههاهه توني اليوم الاحظ الفرق




كيكتج اليديده شكلها لذيذ مع الشاي هم بجربها ان شاء الله يعطيج العافيه

هلا
احنا مع بعض عشان نستفيد من تجاربنا
بجرب انقص جوز الهند وازيد السميد

ولعلمك حتى البسبوسة اللي سويتها سهلة وتحتفظ بشكلها لما قطعتها بس عقب ما تبرد وتصبين عليها التوفي او الحليب المركز

عوافي

 

[أحلى همبه كويتية]

رد: ملف حلويات منوعة سهلة وسريعة (كيكات -تشيز كيك وغيرها)متجدد @@

ماشالله عليج .. مشكووووووره همبووووووووش​

نور الموضوع اكثر واكثر :68_asmilies-com:
مشكورة على التشجيع