ملف حلويات منوعة سهلة وسريعة (كيكات -تشيز كيك وغيرها) متجدد مع فهرس بأرقام الصفحات

[روروو]

الله يسلمك ياعسل
ان شاء الله بشتري العجينه واسويها وااوريك تجربتي بالصور:eh_s(6):​

 

[أحلى همبه كويتية]

ناطرتك
عليكم بالعافية مقدما

 

[شيخة الغراشيب]

زنود الست بطريقة الهمبة

بناءا على طلب الأخت روررو :hjy5jewf:



عجينة السمبوسة اي نوع ( سويتنز بالجمعيات ) او من اللي يبيع السمبوسة
بس عندي السوتنز احلى بوايد


مقادير الحشوة
6 ملاعق حليب بودرة
3 قلاصات ماء
3 ملاعق سكر
3 ملاعق نشا
ملعقة طحين
ملعقة صغيرة من ماء الورد او الزهر


طريقة تحضيرها ( هذه طريقتي ) :

- نضع جميع المواد في قدر على النار ونحرك جيدا حتى لا يتكتل الخليط ونفضل نحرك لحتى يجمد الخليط ونسكبه في صحن لحتى يبرد

- نضيف عليه علبة قيمر كاملة او نص حسب الرغبة



طريقة ثانية : القشطة المطبوخة

. تمزج 3 أكواب من الحليب البودرة المحضّر مع 4/1 كوب دقيق أبيض

. يوضع المزيج على نار هادئة مع التحريك المستمر

. عندما يغلي المزيج، يترك على نار هادئة لمدة 5 دقائق ثم يسكب وهو ساخن في طبق حتى يبرد

. تمزج 3 علب (وزن 170غ ) قشطة مع الخليط السابق لتصبح جاهزة للاستعمال

وتحشي بها العجينة .


- تاخذين طبقة من العجينة ( هي جاهزة مقطعة ما تحتاجين تقطيع )


- تحطين الحشوة بالنص بدون لا توصل للأطراف في بداية العجينة وتلفين الأطراف من الجنبين عشان من تطلع الحشوة بالقلي وتكملين لف لما تصير مثل الرول وتسكرينها بالصمغ

هذه صورة لتوضيح طريقة اللف





- تسوين صمغ للعجين وطريقته :

شوية ماي بارد مع طحين وتخلطين - الخليط يكون ثقيل نوعا ما

- عقب ما تخلصين اللف دخليهم الفريزر يمسكون ليه يوم ثاني

- تطلعينها من الفريزر وتقلينها في زيت بس ما تكون النار حارة وايد - وسط عشان تذوب شوي الحشوة وما تكون مثلجة

- تحطينها على ورق نشاف عشان تنشف

- تغمرينها بالشيرة وتصفينها بطبق التقديم وترشينها بالفستق الناعم


وطريقة الشيرة موجودة بصفحة 66



ولازم تكون الشيرة باردة والزنود دافيه عشان ما تعجن






او ترشينها بالسكر البودرة ( حلوة وخفيفة )




:eh_s(9):

غناتي حلوه شكلها بسويها حق يوم الملجه بخلي يحلي هع هع
بس حبيت اسألج غناتي لازم احطها بالفريزر والا عادي من اخلص منها اقليها

 

[أحلى همبه كويتية]

هلا بشيوخة

لازم بالفريز عشان تمسك ولا تنفتح عليج وتطلع الحشوة

عليكم بالعافية مقدما

 

[jours]

تسلم ادينج همبوشة على هالملف القيم والحلو
ملف عجييييييييب ما شاء الله

 

[أحلى همبه كويتية]

الله يعافيك
زارتنا البركة
منورة الملف


خليك على طول متابعة وياي

 

[بطه فيها نطه]

منقول لعيون هبوش والحلوين ... الصور منقوله والمقادير والتعليق مني لووول


مربعات الكنافة


المقادير :


1 باكيت كنافة

250 جرام زبده

شيره

القشطه : 1حليب بارد صغير + 1 كريمه سائله + قيمر علبه + 1م فانيلا + ماي ورد او زهر + 1 كوب سكر = كلهم على النار وطبعا المقادير

على حسب كمية الطبق اللي عندك ... تطبخينهم على النار وتثقلينها بالنشا





تاخذين العجينه وتضيفين لها الزبده والصبغه اذا تحبين تعطينها لون ( صبغة الزعفران 1م صغيره )

وفركيها ... بعدين تحطينها بالقالب مال الكب كيك وبالنص القشطه ... طبع بعد ماابردت

وامسكت شوي ...





بعد ماحطينا القشطه نرد نسكرها بالكنافه ... وندخلها الفرن ... نشب الحراره من تحت بالاول

وبعدين نحمر الويه ... ونسقيها عقب بالشيره ونزينها بالفستق






وهذا الشكل النهائي لها ... ان شاء الله تعجبكم

 

[بطه فيها نطه]

جيز كيك الفراوله



المقادير




الطبقه الاولى

بسكوت دايجيستيف 200 جرام او اي بسكوت او اي كيكه ((اختياري))
زبده 25 جرام





الطبقه الثانيه



جبنة فيلادلفيا 200 جرام

حليب نستل المحلى 190 جرام ((تقريبا نص من العلبه الكبيره))

1 كريمه سائله

1 قشطه عاديه او قيمر

ظرف 1 دريم ويب


2 ونص م ك جيلاتين بدون لون ونكهه مذوبه في ماء ساخن


حليب سائل 50 ملي


ربع م ص ملون الطعام اللون وردي((اذا تبون لونه اغمق تقدرون تزيدون بس الفاتح احلى ))


7 حبات فراوله طازجه




الطبقه الثالثه



نص ظرف جيلي فراوله


فراوله طازجه









الارضيه او القاعده للطبق ...

الطريقه

أولا نطحن البسكوت ونذوب الزبده ونخلطه مع بعض جيدا ونصفه بشكل متساوي في الصينيه تشيز كيك الي تفتح
وندخلها الفرن لمدة دقيقه من فوق وتحت ونحطه على جنب ... واذا كيك ماله داعي فرن





في خلاطه العصير نصب الحليب و 7 حبات الفراوله ونخلطه مو واايد ... حق اللي يحب تكون بالجيز كيك قطع فراوله






ونصب الخليط في خلاطه الخفق ونحط ظرف دريم ويب ونخلطه لين يصير مثل الكريمه
وبعدها نحط الكريمه السائله ولحليب المحلى ولقشطه العاديه وجبنة فيلادلفيا ولجيلاتين
ونخفقه لين يصير عندنا مزيج من الكريمه + اللون




اهني خلاص صبينا الخليط الوردي .. ندخلها الثلاجه لمده ساعه وشوي علشان نقدر نزينها بالفراوله











الطبقة الأخيرة :

نص علبة جلي تسوينها عادي وتبردينها شوي وتصبينها شوي شوي

الافضل بالقفشه .. وبعدين ندخلها الثلاجه ...

وهذا الشكل النهائي للطبق ... وعليكم بالعافيه

 

[أحلى همبه كويتية]

بطة
حياااااااااااااااتي فديتك
مشكورة وتسلم ايدج على النقل الحلو مثل صاحبته

شخبارك بالغربة الله يردكم بالسلامة يارب

 

[أحلى همبه كويتية]

بطة
حياااااااااااااااتي فديتك
مشكورة وتسلم ايدج على النقل الحلو مثل صاحبته

شخبارك بالغربة الله يردكم بالسلامة يارب

 

[بطه فيها نطه]

بطة
حياااااااااااااااتي فديتك
مشكورة وتسلم ايدج على النقل الحلو مثل صاحبته

شخبارك بالغربة الله يردكم بالسلامة يارب

الله يسلمك حبيبتي ... والله ماشي الحال

الحمدالله الجو بدا يتعدل ... والربيع على الابواب

 

[أحلى همبه كويتية]

بطة

طبقة الجلي الأخيرة الظاهر نسيتي تكتبيها

يعني نسوي نص علبة جلي بماي حار ونصبه على الفراولة صح ؟؟

 

[أحلى همبه كويتية]

بطة

طبقة الجلي الأخيرة الظاهر نسيتي تكتبيها

يعني نسوي نص علبة جلي بماي حار ونصبه على الفراولة صح ؟؟

 

[بطه فيها نطه]

بطة

طبقة الجلي الأخيرة الظاهر نسيتي تكتبيها

يعني نسوي نص علبة جلي بماي حار ونصبه على الفراولة صح ؟؟

هو ده ههههههههههه حسبي الله على اللي معلقنا

اي هبوش مثل ماقلتي .. نص علبة جلي تسوينها عادي وتبردينها شوي وتصبينها شوي شوي

الافضل بالقفشه .. وبعدين ندخلها الثلاجه ... سوري هبوش المنتدى يعلق عندي وايد من جذي ماكتبت

اخر جمله ..

 

[صدى الأفراح]

ممممممممممممممممممممممممممممممممممممممممممممممممم يسعد صباحك لك كل شي أحلى من التاااااني احترت شو أختار عندي عزيمه

 

[jours]

رد: ملف حلويات منوعة سهلة وسريعة (كيكات -تشيز كيك وغيرها)متجدد @@

$$ كيكة الكاستر بالجلي والفراولة $$




نحتاج الى قالب داخله معقر حين نقلبه كي نستطيع ان نحشي الكيكة بعد ان تنضج




المقادير هي نفس مقادير اي كيكة عادية

3 بيض
1 كوب سكر
ثلاثة ارباع كوب زيت
نصف كوب حليب سائل
و كوبين طحين
½ 1 ملعقة ص بكنج باودر
فانيلا
بشر ليمون او برتقال ( اضافاتي الشخصية يعطي الكيكة ريحة حلوة )

الطريقة :
- نخفق البيض مع السكر بالخفاقة الكهربائية اولا ثم تضفا باقي السوائل

- ثم نضيف باقي المواد على الطحين والباكنج باودر المنخول ونخلط بمشبك يدوي باتجاه واحد عشان الهواء ما يطلع

- نصبها في القالب المدهون بالزيت ومرشوش بالطحين وتدخل الفرن على درجة حراره 180 الى ان تنضج

- نقلب القالب بعد ما تستوي ونتركها تبرد

- سوي كمية من الكاسترد بطريقتك المعتادة وضعيه على الكيكة (يمكن وضع كريمة بدل الكاسترد ) ونزينها بفواكه حسب الرغبة ( فراولة مثلا)

- جهزي علبة جلي فراولة بالطريقة العادية مع تقليل كمية الماء حتى يتماسك بشكل اسرع واتركيه بالثلاجة قليلا وما ان يشتد قوام الجلي نصبه شوي شوي فوق الفواكه

ملاحظة : لو صبيناه قبل ان يشتد قوامه ستتشرب الكيكة منه و لا يبقى هناك جلي على الفواكه !!!

نترك الكيكة في الثلاجة لحين التقديم


ملاحظة: الاناناس يجعل الجلي يبقى سائلا فالافضل عدم استعماله لهذه الكيكة

همبوشة حبيبتي انا ملاحظة بالصورة ان مافي اثر للجيلي الاحمر شكله بس الكستر اللي واضح يعني ما في حتى لون احمر يدل على الجيلي بس شي شفاف اخاف يكون جيلاتين مو جيلي
اذا انتي طبقتي هالوصفة حبوبة ولا عليج امر حطي لنا الصورة
مشكورة

 

[أحلى همبه كويتية]

رد: ملف حلويات منوعة سهلة وسريعة (كيكات -تشيز كيك وغيرها)متجدد @@

ممممممممممممممممممممممممممممممممممممممممممممممممم يسعد صباحك لك كل شي أحلى من التاااااني احترت شو أختار عندي عزيمه

اهلين وسهلين ام البنوتة الحلوة

شخبار عروستنا
الله يخليها

عيونك الحلوة ، تدرين سوي كل شي وتكون سفرة عامرة بأصحابها
عليكم بالعافية مقدما :sfg:

همبوشة حبيبتي انا ملاحظة بالصورة ان مافي اثر للجيلي الاحمر شكله بس الكستر اللي واضح يعني ما في حتى لون احمر يدل على الجيلي بس شي شفاف اخاف يكون جيلاتين مو جيلي
اذا انتي طبقتي هالوصفة حبوبة ولا عليج امر حطي لنا الصورة
مشكورة

اعتقد ان صاحبة الصوفة بالصورة حاطة جيلاتين او الجيلي على الفراولة بس ومو وايد عشان كدا مو مبين
جربيها انتي وشوفي
انا هاليومين مشغولة حيل
بس اسويها ادزها لج عالخاص
:fun:

 

[78MariMar78]

تسلم دياتك بطة على النقل الحلو

واحنا من عشاق الكنافة والتشيز كيك

 

[ام سلومd]

قوة هبوووون شخبارج يا وحشنيييي


سويت كيكه الموز بس الهارد ديسك نسيته بالبيت انزله بالليل بس انشاء الله مايفصل و ينني

 

[أحلى همبه كويتية]

:23_asmilies-com::23_asmilies-com:
ام سلوم
ياويلج مني

ناطرة اشوف الكيكة