مليتي من سريرج ؟؟ تعالي نغيره وفاجئيهم

[mi corazon]

مسالخير

شفت هالصور والطريقة عجيبه بالنت وحبيت اشاركم فيها لأني مفكره اطبقها

تحتاجين :

- خشب تقصينه عالشكل اللي تبينه عند النجار

- استفنج تحصلينه عند ملوت التنجيد او يمكن البنات يفيدونا عن اماكنهم

- بخاخ فوم لزاق ... او اي لزاق تحبين تستخدمينه دبل فيس او مسدس شمع

- قماش اللي تبينه اهني مستخدمين اعتقد جاكار .. تقدرين تستخدمين جلد او مخمل

- ازرار .. اهني اهما يايبينها وملبسينها من الاساس .. تقدرين تيبين اي زراير كبيره ملبسه وانتي تلبسينه من خامتج .. عادي

- ديباج .. هم اللي اعرفه انهم من البلوكات او المنجد

- دباسة خشب وخيوط


الطريقه ما تحتاج شرح .. الصور تتكلم واي خطوه ما فهمتيها ما يردج الا الكيبووووورد :eh_s(7):

باسم الله مع الطريقه :

اخذي مقاس عرض سريرج بورق او جرايد

عطيها للريال مال الخشب يقص عليها

وخليه يقضض لكم اياه بخطوط متعارضه يعني كل خط طولي فيه 3 قضوض حق الزراير

الحين حطي اللزاق الدبل فيس او البخاخ وهو الافضل

الحين يبي الاسفتج ... ( لج حرية اختيار سمكه) .... وقصيه على حجم الراس الخشب ... بس خلي الاطراف مايله نفس الصوره

جذي قصدي

الحين تعالي للخشبه من ورا .. الجهه الخلفيه اللي مو ملزوق عليها الاسفنج .. ودخلي عود اسنان او عود شوي خشب علشان تسوين قضوض بالاسفنجه بعد

وحطي علامه لأن الاسفنج يضيع مكان الفتحه لي شلتي العود

يتبع....

 

[mi corazon]

الحين كبري الفتحه اللي بالاسفنج بالموس او اي اله حاده

الحين حطي الديباج فوقه علشان يعطيله طراوه وشكل منتفخ :rerrerek:

الحين فوقه القماشه

بعدين تحسسي مكان الفتحات علشان الزراير

شكل الزراير النهائي

الحين دخلي خيط متين بالزر ودخليه بالفتحات من جدام ( شلون تعرفين مكانهم؟ اقول لج تحسسي اماكنهم من ورا القماشه )

الحين بتتسائلين شلون نثبت الخييييييط من ورا؟

شوفي الصوره وبتعرفين

دباسة الخشب بخطوط متعارضه علشان يثبت

يتبع ...

 

[mi corazon]

الحين خلصنا؟

الحين خلصنا من الشكل الامامي .. نيي للتثبيت الخلفي

بدباسة الخشب نشد الخام وندبس

شرايكم ؟

 

[رتبه دبلوماسيه]

مشكوورة

 

[دلوعة صلوح]

مشكورة حبيبتى صراحة خوووش شغل

 

[احلى ريما]

صح فكره حلوه ياحياتي

 

[إماراتية طر]

واااو روعه
بس ما احس لو سويته بضبطه

 

[the-angel]

حلووووه الفكره بس ما ادري بيضبط معاااي ولا لا

 

[الاميره نوسه]

بارك الله فيك

طرح مميز

لاهنتي​

 

[FDET NFSY]

يبييله ششششغل

 

[حجيه هيونه]

بصراحه مالي خلق هههههههههه


تسلم ايدج بصراحه فكرته حلوه بس احنا كسولين

 

[فاقده حنان ابوه]

وناااسه

 

[دلوعه ناعمه]

وااااايد حلو واذا ودام عرفنا الطريقه كل فتره نغير القماش يعني كل يومين لون بس بصراحه
يبيله خلق من قللللب << ناطرين تطبيقج ومشكوووره

 

[غيدآء]

حبيت الفكره والطريقه

مشكووره

 

[^fajoOra]

فكره حلوه و سهله تسلم ايدينج على النقل و نبي نشوف تطبيقج علشان نتشجع

 

[mi corazon]

يسلموووووو بنات حياكم


انا ناويه اطبق بس ريلي تطنز علي يقول المعاريس لازم سريرهم مطروق ومادري شنو

فا شكلي بطبق بعد ما يمل من السرير .. عن نفسي بمل من اول اسبوع ادري


اللي حابه تسبقني وتطبق بليز تصوور وتراوينا فديتكم

 

[!witcha!]

مشكوووره حبيبتي

 

[نوره البحرينيه]

نشوووف ونقول سهل بس من نطبق يطلع مب سهل


يعطيج العافيه عالموضوع الحلووو

 

[DaLoo3t BaBaTii]

آنآ سريري اصلا جذي

بس لون بيج ..

مشكورة

 

[Maybe_87]

يعطيج العااااافية حبوبة
فكرة وااااايد حلوة وممتعة