ملييييت ... كل الناس يبون يضعفون بس انا ابي امتن

[lolya1]

انا اختي وزنها 37 ... و عمرها 20 ... اهيا واايد ضعييفة تبي تمتن .. خواتي اذا تقدروون تفيدونها .. راح تدعيلكم واايد .. تعبت كلت كلشي بس ما كو فايدة بس اهيا ما تبي حبوب صينية او .. تبي شي طبيعي و مجرب % وشكرا

 

[ريـمـا]

حبيبتي حبوب صينيه خطرررررررره حيل ومن تهدينها تضعفين اكثر من قبل وتتلف الكبد والكلى وحذرو منها الاطباء حتى العطاريين يبيعونها بالخش والدس ديري بالج حبوبه استخدمي اشياء طبيعيه افضل لج .

 

[english muffin]

حبيبتي انا ماعرف شلون تمتن
بس ليش ماتاكل اشياء فيها سعرات وايد ؟؟
اكلات دسمة

 

[روحي تحب]

حبوبه آنا بنت خالتي كانت جذيه وديناها قبل عشر سنين عند دكتور تغذيه حاليا موموجود بالكويت راح امريكا لوكان اهنيه جان قلتلج روحيله بس بقولج شنو سوا حق بنت خالتي خلاها بشهر تفرق وصارت كأنها ورده مفتحه بصراحه صج طلع المتن حلو على بعض الناس وجم كيلو يفرقون يعني انترست

اول شئ خلاها دايما تشرب شوربة عدس بالكوب بين الوجبات وبذات الصبح اذا تقدرين

وخلاها تشتري ذره محمصه من مطحنة الرفاعي وقالها تمزمزين كثر ماتقدرين وعليج بالمكسرات تفيد وتعطي دهون مفيده

وقالها لو شنو يصير ماتقومين من وجبتج وتروحين اتييبين شئ لا احد يطرشج وانتي تاكلين لاتقومين لاوانتي مخلصه اكلج

كثري اكل بين الوجبات مرات في ناس ماتشتهي على الوجبه الرئيسيه / واكلي لقيمات كان يدور كل اكل تحبه ويضغط عليها فيه او اكله معروفه وتخلي الواحد مايوقف منها

واسألها وارد بعد مره اخاف نسيت شئ والله يخليج ادعيلي اني اضعف بصحه وعافيه وياربي تمتن اختج وتنترس وتصير ملكة جمال وهم بصحه وعافيه

 

[القوة العاشرة]

عزيزتي امر انك تمتني امر بسيط جدا واللي يقول لازم تاكلين دسم هذا غلط في غلط
شوفي اختي خذي لك بودرة زيادة وزن وتقيدي باللي مكتوب عليها او استبدليها بعلبة تركية حق مكسرات بالعسل طبعاً
في البداية مااراح تعجبك بس بعدين راح تحبيها
وفي وقت فراغك كلي من هالعلبة وراح تشوفي الفرق بإذن الله

 

[_ظل الياسمين _]

اختى كان وزنها 42 وطولها 172 وكانت متعقده..
قامت تشرب قلاص حلبه الصبح وقلااااص قبل لا تناااام وتبارك الله صار وزنهاا 60
مع طولهااا حيل تمام ولا يقولولك ريحه وماادرى شنو الحمدلله ماكو الا العااافيه.

 

[حنوشه الحلوه]

انا اعرف صديقت اختي كانت عصله يمكن وزنها 40
والله وصار ونها الحين 60 ما شاء الله عليها

شنو كانت تسوي
كانت تشرب حلبه 4 مرات باليوم
و تشرب ماي ورد قفشتين على بطل ماي علشان الريحه بس ويها صار ما شاء الله تبارك الرحمن
روعه شويه عليه مورد
و تشرب نعناع هم علشان الريحه
انتفخت ب3 اشهر

 

[اكسر الخاطر]

هلا اختي انا عن تجربتي الشخصية

كنت حيل ضعييفة وطويله يعني مو لايق المهم اكلت عسل مع غذاء ملكات النحل من عسل العويد بس بطيييييء وانا صبرت عليه وياب نتيجة وتغير جسمي ويخليج يوعانه ومفجوعة على الاكل :eh_s(6): بس بعدين مليت وصار اكلي خفيف وقطعته رحت اشتريت من فتره جذي حبوب الخميرة وقعد اكل فيهم حاليا وبعد البنات ما قصرو قولي حق اختج تجرب الحلبة مع اني ما اواطن ريحتها والعسل والمكسرات هم تفيد واذا تبين دشي معانا تجمع العصالة البنات كل يوم يحطون لنا اشيا مفيده ونمشي عليها وانا معاهم حياج الله

 

[ريانه الخالدي]

انتبهى من الحبووووب الصييييينه وعليييييج بالمكسرات والبطاط والحمص والذرره

 

[miss angel]

اي صح كلام البنات الحلبة وااايد زينه

و راح احطلج تجربه وحده كااان وزنها 54 وصااار 60 ب 10 ايام بس

بنات انا اليوم واعوذ بالله من كلمة انا جيب لكم وصفة ونا الي ماكان يخطر على بالي اني انا اكون صاحبة هالموضوع بعد ما كنت ادور واحوص في هالمنتديات ادور لي وصفه عشان تمتني وماخليت مستوصف ولا عطار ماخذيت منه ادوية واعشاب عشان امتن وبدون فايده........

انا مارح اطول عليك وايد بس راح اذكر لكم بعض النقاط
اولا هاذي الوصفه طيبعية ميه المية يعني راح تمتني بس مب بين يوم وليلة ونتي اول وحده راح تلاحظين الفرق يعني راح تلاحظين عن طريق الميزان يعني لاتنطرين احد يقولج مشاء الله متنتي لا راح يكون الزيادة في الوزن مش في العرض للجسم .... ونا عن نفسي كان وزني اربع وخمسين وكل مايجية وينزل تحت المهم كنت مرة اطالع قناة الدار وكانت فيها وصفات مبارك الاشقر الي ترسلين مسج وتوصلج الوصفة الي تبينها المهم انا خذيت الوصفة وزت عليها شوي من عندي والحمد الله خلال عشر ايام وصل وزني ل61 ك ج وانا وزني صار مناسب لطولي وبعدها تركتها لني ما ابي امتن على حساب صحتي فقالي الممرض الي عندنا في الدوام انه وزني مثالي ولازم ما ازيد عن كذا بس الصراحه انا ابي انفخ بعض المناطق طبعا اكيد تعرفونها رغم اني الحمد الله احس انها احسن عن قبل وهذا بالاضافة الى بعض الرياضة الي اتخذتها وبعض الاغذية الي كنت اتناولها بعد ماسويت جدول لي استمريت فيه خلال هالفترة .......................... اعرف تكلمت وهذرت واااايد تبون الزبدة تعالوا


جدول غذائي لزيادة الوزن:

1- الخلطة لمبارك الاشقر مع اضافة بعض المواد من عندي.
• عسل
• تمر منزوع النوى مدلوك
• جوز
• لوز
• وحلبة من عندي
• وكاجو من عندي
وطبعا كلهم يكونون مطحونين وتخلطيهم مع بعض ويا التمر والعسل وتكورينهم على هيئة كور صغار تتناولي على الريق كل صباح ثلاث حبات اول شي ماراح تستصيغوا الطعم بس انا كنت اكل حبة واسوي رياضة وامضغ ببطء وماكنت افكر في الطعم واشغل بالي في الراياضة وبعدين الثانية واكمل رياضة والثالة واكمل رياضة لين اخلص.
.
2- بعد ماتكلين التمر تشربين لج كوب عصير برتقال ومايكون مخفف ونا عن نفسي اشرب العصير واتوكل لدوام ومجرد ما اوصل الدوام اخذ لي كرواسون او سندويش وحده وطبعا ما اعتبره فطور واكلها وبعدين اروح لشغلي
3- على الساعه عشر تقريبا اروح انا ويا البنات ونفطر فاسوي لي كوب حليب مع كاكاو وافطر فطور دسم يعني ما اخلي اخظر ولا يابس واركز اكثر شي على الفول والحمص رغم اني ماكنت احبة بس اجبرت نفسي.
4- من بعد الفطور لين الغدا اسلي نفسي بين الحين والاخر بمكسرات مشكلة

اوصل البيت اشرب شاي نعناع وهذا موجود في وصفة مبارك الاشقر تابعة للخلطة التمر وهيه انج لازم تشربين كوبين شاي نعناع

وبعدين يجي وقت العشا وطبعا انا صرت اكل العشا مرتين مرة بيت اهلي ومره ويا زوجي فاحاول اني اعجل في الوجبة الاولى عشان احس باليوع واكل الوجبة الثانية متاخر بس الوجبة الاولى تكون ادسم عن الثانية وكذا انا سويت هالجدول وخلال عشر ايام زاد .. نسيت بعد اقولكم اني اكل في اليوم تفاحة

مهم: اذا تبين فعلا ماتحسين بالملل فهمي نفسج في انه هالجدول شي روتيني في حياتج ونه مو عشان المتن بس هو انتي متعوده عليم من يوم اصغيرة يعني برمجي نفسج يعني بالعامية إكذبي على نفسج ووحيلها هالشي وتحياتي لكم ودعواتكم لي انه الله يرزقني الخير ويبعد عني الحاقدين....

 

[lolya1]

مشكوورين على الافادة

 

[mal0oka]

بنات بس في بنات نفس حالتي يعني لو تعطينهم هالوصفه واكلي جذي واكلي جذي اشلون واهمه ما يشتهون الاكل ؟؟
انا ما اشتهي الاكل ما اقدر اكل حتى غداي ما اكمله ما اكل وايد واقدر اضرب رقم قياسي اقعد يومين او 3 ما اكل شي بس كاكاو
ما اشتهي الاكل انا شنو حلي :/ ما ابي اخذ حبوب لانه ادري ماراح اتركهم بعدين وكل شي يزيد عن حده ينقلب ضده :/​