مما رآق لي من عذب الابيات >> متجدد وعلى المود

[أنفاسي دخون]

السلاااااااااام عليكم ورحمة الله وبركاااااااااااتهـ

اول شي انا مالي بالمقدمات وصفصفة الحكي :tomato2:

اللي بقولهـ وبوصلهـ بهالصفحهـ كل ما يجول بخاطري وكل ما امر فيهـ من حالات فرح / زعل / حزن >> بعيد الشر
وغيرهـ وغيرهـ وغيرهـ

يعني هالصفحهـ لي بلحالي واللي بتفضفض وتطلع اللي بخاطرها حياها الله العين اوسع من المكان

للعلم :: القصيد اللي بحطه بيكون مرفق باسم الشاعر >> حفظ لحقوقه

ودمتم سالمين

 

[أنفاسي دخون]

أنـا كـــذا

لـ : رشيد الدهام

يابعد من قلبك عشقت وعشقنـي
أقول لك لو قلت: (( صدقت) (؟(( صدقت))
واقول لوماقلت : ((واللي خلقني..
اشتقت لك))..((واللي خلقني لك اشتقت))
انت اضمنك والشك بك مالحقنـي
لاشك لو كنت اضمنك مااضمـن الوقـت
حبل الرجا لو ماقطعتـه شنقنـي
وحبـل الوصـل لـو ماعقدتـه تطلقـت
مدري وش اللي في كلامك خنقني
كنّـك بكـل حْبـال صـوتـي تعلّـقـت!
كتمت صوتي لين صمتي نطقنـي
وعتّمـت شوفـي ليـن بالقلـب برقّـت
في حزني اللي لو ملكته عتقنـي
وفي طبعـي اللـي لـو فشلتـه تفوّقـت
أنا كذا من يـوم ربـي خلقنـي
مااعـرف اوسّـع خاطـري لاتضايقـت

 

[أنفاسي دخون]

يا عظيمــه

لـ: ضيدان بن قضعان

ياعظيمه كل شئ له حدود وله نهايه
لكن انتي ماوقفتي عند حدك ياعظيمه
استلذتي بطعناتي واخذتيها هوايه
كن مالك حرة توجع وطعنات ٍ اليمه
آه ليتك ماتماديت بطعنات البدايه
لين صار لكل طعنه في الحشى معني وقيمه
الله يبيحك ولكن كيف في اغرب روايه
تكتبين الحب كذبه والهوى دقه قديمه
وانتي الي كل مالدة عيونك في المرايه
مالحمتي لليتم الي خذت قلبه يتيمه
واليتيمه في اليتامي ماهل حق الوصايه
الوصيه عودها الغض وناياها السليمه
لكن انتي صار لك حق الوصايه والولايه
واستبديتي واضحو البدو واضحيتي مقيمه
مارحلتي لين حطمتي بمافيه الكفايه
عاقل حب الجنون وصوت ناره في هشيمه
استبحتي حرمة المجنون بإدراك وعنايه
والتفيتي له بعقلك وارتكزتي في صميمه
امتلكتي غايته لو ماكان لك غايه
وانتصرتي في عيونه واعترف لك بالهزيمه
من كثر مايعشقك ماقال لك بالحب رايه
خايف الايام لاتطلع عواقبها وخيمه

 

[أنفاسي دخون]

سولفــوا

لـ: محمد بن فطيس

سولفوا تكفون لا عاد تسكتون ..
. . قبل لا أهوجس وياتيني بلاي
السكات يزود طعوني طعون ..
.. وتنكسر لا جا على راسي عصاي
سولفوا لو ما بغيتوا اتسولفون ..
.. قبل لا اقعد في الحزن رايح .. وجاي
واضحكوا لو بالعماله تضحكون ..
.. وجاملوني لو يضايقكم حكاي
لي وليفٍ راح جعله ما يهون ..
.. هو دواي وداي .. أو داي ودواي
راح لكن طيف زوله في العيون ..
. . مرةٍ قدامي ومرة وراي
وإن سكتوا جا وهو طيفه يمون ..
. . رحت أهوجس له وأبين له ولاي
مكسب عيوني من الفرقا مزووون ..
. . تمطر لطاريه .. والبرق ؟ أصدقاي
كل ما طروه لو هم يمزحون ..
.. احرموني من غداي ومن عشاي
أدري إنه ما تناسى الود كون ..
.. تسمع إذنه في قفاي اللسن عداي
وكانهم قالوا نسيته يكذبون ..
. . وإلا أنا فيه أمتلك نظرة وراي
كان حبه لي على خبري مصون ..
. . والله ان كني بقدري .. وبغلاي
ذي بقايا الحب وأطلال الجنون ..
. . والله أعلم في ضميره وش بقاي
غير طيعوني ولا عاد تسكتون ..
. . ولا والله إن أسمعكم بكاااي

 

[أنفاسي دخون]

عين تشربكـ شوف

لـ : مساعد الرشيدي

بـين فـرحة لـقاك وهم iiفرقاك"
" لاتـذكرت جـرح ولا iiنسيتك
حـي هـالشوف ماتنمل iiدنياك"
" شـف سـواة العيون ليا iiلقيتك
عين تشربك شوف وعين تظماك"
" لاذبـحني ظـماك ولا iiرويتك
قـمت اخيلك هنا وهناك iiوهناك"
" وين ترحل بي النظره iiنصيتك
ان تـبسمت قلت الموعد iiشفاك"
" وان تـمنعت بـانفاسي iiدعيتك
وان طلبت الغلا قلت الغلا iiجاك"
" وان سكنت الخفوق البيت iiبيتك
وان نثرت القصيد بدرب iiلاماك"
" ذاع صيت القصيد وذاع iiصيتك
يـارجا العمر لو حفتك iiالاشواك"
" لـيتك اول طـريق القلب iiليتك
ودع الـبرد كـف ضـم iiيمناك"
" صـافح الـود قلبي يوم iiجيتك
حي هالشوف رغم هموم iiفرقاك"
" لـو تـناسيت جرحي iiمانسيتك

 

[أنفاسي دخون]

الحــانــة

لـ : ياسر التويجري

على حد الأمل يبقى بوجه الوقت لمحـة نـور
وعلى حد الجهل يبقى به الهوجاس واخوانـه
مثل ماللعزيمه سيف وتكسر به رماح الشـور
أنا لي من ردى حظي عذابٍ عشـت بألحانـه
يعيش بداخلي(نَصٍ) تكسر به ثـلاث شطـور
واعيش بداخل أبيـاتٍ سخيفـه مالهـا خانـه
يجيني وقت واتخيل أكون المبـدع المشهـور
تصفق له جميع الناس على شانه..على شانه
صدوقٍ ماصدقت الا يكون الصدق بالمحضـور
كذوبٍ ماكذبت إلا على اللـي كـذب اعيانـه
أهيم بصمت واتخيل يكون الزور مثل الـزور
ويوضع فرق بين اللي يخون وبيـن خوانـه
وتسمع كلمة الآمر وتسمـع كلمـة المأمـور
وتنسى كلمة الآمـر وينسـى كلمـة لسانـه
ويصدق متعبٍ حالي بوعدٍ قبل خمس شهـور
ويصدق بس في ظني وأهذري بـس بلعانـه
ويرجع نفس ماجانـي ويرجـع للأمانـي دور
وافكـر مالقيـت الا تـكـون فلانه..فـلانـه
عظيمه كنهـا قصـرٍ تعلـى نايفـات السـور
رقيقـه كنهـا وردٍ تفتـح وسـط بستـانـه
بعيده كنها عنـي مثـل بكـرى لبعـد دهـور
تكافؤ كـن هالدنيـا تعيـش بوسـط ميزانـه
تجيني تلتجي بحماي مادام أن الظـلام الجـور
تقول أرجوك ساعدني فديتـك أنطـق الهانـه
وأقول أنتي..!؟هلابك يابعد مي وعفاف ونـور
هنيا لاعدمت الوقت عسـاه بمدخـل إحسانـه
وأخذت شوي وأستلهمت خيالٍ مامضى له طور
ولا كن الخيال أكبر مـن اللـي ذاق خذلانـه
وجاني حس واتخيلـت بإنـي بالنبيـذ افـور
سكرت إلين هددنـي خيالـي يطعـن اطعانـه
ومشيت وقبل لا أقعدبه لقيت الداير المحفـور
ونويت ألبسه لكنه طردنـي صاحـب الحانـه
حرمني من خيالاتي وكسر لي ثـلاث كسـور؟
أكون الحر والشاعر وأحـب أيـات إنسانـه

 

[أنفاسي دخون]

كذبة بيضا

لـ : سعود بن عبدالله

احبك كذبة بيضه عشقتك عشق بعد وقرب
وغنت صوت قلبي لك شفاه تجهل اسبابه
اموت بنظرة منك وينبت في دروبي عشب
الا منه شربني صوتك الفتان واحيا به
عظيمة هالقلوب الي تحب وخافق ماحب
حياته وش حياته لو يموت فراقه اولابه
ادور لك كلام ولااجمل من كلام القلب
وعمر القلب مايكذب نهار يحدث احبابه
اطير لك حمام البال وافقد كل ليله سرب
يمسيه الورق في حضنه الدافي ويدفا به
شعوري لو نثرته للهبايب كل جرح هب
وعنيت الهوا واهل الهوا والحب متشابه
حنين وشوق واحلام كثيره والحقيقه عذب
حلاته في عذابه من دخل دنياه يشقا به
عظيم الحب وانت اعظم وانا اعظم من جرحه الحب
حياتي عطرها نفس الشعور الي من اسبابه

 

[أنفاسي دخون]

معقوله ينسآني

لـ :عطاالله فرحان

الجرح يكبر معي والناس مشغوله
واللى ابيهم مشوا..واحد ورا الثانى..!

الليلة ياطولها..والدرب ياطوله
واللى ورايه..احس انه تعدانى..!

الوقت لامن تغير..هذه فعوله
اما لعب لعبته..والا تحدانى..!

ابواب مقفله..ودروب مجهوله
واذا تبى كل حاجه..لازم تعانى

كلام بقوله..لكن ماقدر اقوله
اشياء فى خاطرى توقف على لسانى

غلطه..ومن صاحبى..واقول مقبوله
مره علشانه..ومره علشانى

والمشكلة لو تطول شوى..محلوله
عشان ما يشمت القاصى..ولا الدانى

تكفون وانتم اليا جيتوه..قولوله
انى اعزه..كثر معزه اخوانى

معقولة ينسانى؟!لا ماهى معقوله
حتى الشعر وقتها ماراح ينسانى

فله حجاج..وقصيد..وصوله وجوله
يعنى متى ماتذكر شى..يلقانى

ماشلت هم الشكوك الدايرة حوله
والاالخوى لا تردى..قلت\يفدانى

مرات احس انى حاكم..تنقصه دوله
ومرات مدرى من اللى ينقص الثانى..!!!!!!!!

يا ويح قلبي ويحاااااااااااه :eh_s(11):

 

[أنفاسي دخون]

يا جميلــه

لـ: سعد بن جدلان

كــل دارٍ ارجـعـت وانــا سـنــاوي
عزتـي للـي سـواتـي عـزتـي لــه

زادت الحـمـى ورحـنـا لـلـمـداوي
والـمـداوي زود الـحـمـى ملـيـلـه

ياجميله قام يطوي الحـال طـاوي
والله ان كبدي على شوفك غليله

والله ان قلبي على الاما شفـاوي
غيـر مافـي يـدي ولا فيـدك حيلـه

سجلينـي فـي علـم حـبـك فــداوي
انـا مجنونـك عقـب مجنـون ليلـى

يارقبت الخشـف ياعيـن النـداوي
ياسراجـيـف الـذلـول المستحيـلـه

يامـنـاةٍ تنقـصـر عنـهـا الـمـنـاوي
ياخـيـار الـدهـم يالـقـب الاصـيـلـه

لعنبوك انتي مكاسر عـود جـاوي
ملبسك سندس شرابـك سلسبيلـه

لو تمرين الشيـوخ اهـل الفتـاوي
عــودو مثـلـي يـجـرون الطويـلـه

من عشق شرواك والا لايهـاوي
التقيد من بعض الاشيـاء فضيلـه

 

[أنفاسي دخون]

ناوين ترجع

لـ: فيصل بن خالد بن سلطان

نــاوي تـرجـــع حبــيبـــي تعـــتـذر عــن كـــل شــــي
بــس أنـــا خــايـــف تجـــينـي مــاتــلاقــــي فـينـــي شـــي
لا إديـــن تمـسـهـــا ولا دمــــوع تحـسـهـــا
لا تـحـــاول يـاحبـيبـــي عـنــدي كــل شـــي إنتـهــــى

إنســــى إنــي كـــنت أحــــبك
وكــل حـاجـــه بالمـحــــبه وكــل لـحــــظه عـشـتهـــا
كـــنت فـرحـــه بــس راحــــت
ولــك أنـــا قـدمـــت روحــــي وإنــت رحـــت وخـنتـهــــا

لا تـفــــكر إنــي بـجــيــك أعـــتـــذر لــك مــا أبيــــك
شـــوف نفـســــك يــاحبـيبـــي إنــت مــن كـرهــــني فـــــيك

 

[أنفاسي دخون]

سوار المقبرة

لـ : محمد بن فطيس

قد عطيتك وانـت ماضنـك لئيـم
والنصيـحـه لليـالـي تـذكـره
لاتحرك جرحي الماضـي الاليـم
ولاتحسب ان طول بعدك طهـره
كل جرح يهون يالجـرح القديـم
وكل شي قد مضا معـك اذكـره
جرحي وذكـراك والليـل البهيـم
حـزت فـوادي بمثـل المنشـره
العذول غراب وانا اكبـر غشيـم
والجروح الماء وطاريـك حجـره
والزمان اكرم من الحـظ الكريـم
لانفتح لي بـاب صوبـك سكـره
وحبك اللي لاطرى لي رحت اهيم
قمت احسب اصغر كلامك واكبره
ليتنـي عـاد الهـوا تـوه فطيـم
انعذلـت لعاذلـي بـس خـيـره
مالقيت من الوفـاء يـااول نديـم
كون صدق الحزن وجهه وظهـره
عقب رمح الشوق في وجه الصميم
سيف هجرك في قفاه وشف ثـره
وانت شكلك تحسبنـي فـي نعيـم
لنـي اخبـي صوابـي واستـره
لايغـرك حلـم رجـال حلـيـم
مهون اللي مـن سكوتـه فجـره
ولاتحسب الجفن من دمعه عقيـم
يستحي منك والى اقفيـت انثـره
ولايغرك وان بدا جسمـي سليـم
والله انـه مثـل سـور المقبـره
والله ان امر من ضحك الخصيـم
شوف حقي بيـن اياديـه اشكـره
والله ان احـر مـن دمـع اليتيـم
دمعة الرجـال مـن فرقـا مـره