ممكن اعرف شسالفة موضوع سينسكب قاعد يختفي !!! ليش تحذفونه

[om MaRyooM]

السلاااااام




يعني معصبة :rgewrg:

ههههههه




اذكر قبل كان موضوع مثبت وجدا حلو كان مرجع للكل حق افلام سينسكيب

لما اختفى البنات قامو يتسالون

جان انا اتبرع واسوي واحد new لووول


والحين مادري وينه !!


ممكن تعطونا الاسباب
يامشرفة القسم:eh_s(17):

 

[قطوة@@]

و عليكم السلام

بنت الكويت حاطه موضوع مثبت بقسم السياحه بالكويت بخصوص سينسكب

http://www.q8yat.com/t1007313.html

 

[om MaRyooM]

وي شدعوا عليهم صراحة

شنو المخالف بالموضوع !@@@


عشان دعاية
الله ماكثر الدعايات اللي تنحط من العضوااات بالمنتدى

جان زين يكتبولنا السبب @@

 

[Om_Ksha]

اي والله حده منقثه قبل كنت اروح السينما بسبه هالموضوع الحيييييين صارلي فترررره ماطبيتها ،، ماحب اروح فيلم ماخذ راي احد فيه قبل !!
مادري شالقوانين اللي طلعت فجأه صارله كذا سنه مثبت !!!


المنتدى صار مليق صار النهج اهني امدح بس لا تذم ،، كذا قسم لاحظت هالشغله ،، مثلا قسم الولاده ممنوع وحده تذم دكتور معين يا تمدحه يا خلاص ،، اي ليييش ،، احنا لي قلنا تجربتنا نكتبها بكل صدق سواء كانت ايجابيه ام سلبيه ،، وشكثر استفدت من البنات من هالشغله مو القصد انه نطيح حظ احد كثر ماهو نبتعد عن الشبهات وناخذ حذرنا ،، ونستفيد من بعض ،،

هذا رايي وادري ماراح يعجب البعض بس هذا الصج ،، قبل احس في موضوعيه بالمنتدا الحين صاير غريب ،، يعني هالمكان اللي ناخذ راحتنا فيه ونسولف ونستفيد من بعض صار مو نفس قبل ،،

بصراحه قل تواجدي بكثره بسبه هالشي احس المكان ماصارله مصداقيه وهالشي حيل مضيق خلقي. انه كنت اعتبر هالمكان بيتي بس للاسف تغير *

 

[om MaRyooM]

ام كشة

عدل كلامج والله

الواحد لازم ينقل تجربته بامانة
وهالشي كان ينفعنا بوااايد اشيا صراحة كنا نساعد بعض وايد
الحين مايمدينا نقول شي انحذف !!!!


وبالنسبة للسينما نفس الشي كنت احب اطلطل قبل لا احجز !!
كلش مو منطق

 

[أم روعة]

ليش شنو المخالف بالموضوع موفاهمه !!
كان وايد حلو الموضوع وفايدنا

 

[ام خدود ورديه]

اي والله كان خوش موضوع ونعرف تقييم الفيلم بعرف دعايه حق شنو ولا اصحاب المنتدى يبون يستفيدون من كل شي ؟ المنتدى صار وايد قوانين وقام يصير بايخ موضوع سينما شكو ينحذف ويع ويع

 

[نياره]

نبي مواضيع عن السينما عشان نتشجع للفيلم قبل لاندش مايصير ينحذف

 

[ام خدود ورديه]

اي والله جان زين احد يكلم المديره
وايد سخافه صراحه

 

[حبيبي مشعل]

ام كشه صاااجه وانا معاج بكل شي المنتدي صار مليييق وكله خناق والمولضيع اغلبها بيع ودعايات ياليتهم يهتمون نفس اول لان بجذي بروح منتدى ثاني


*

 

[جلكسيه اس 3]

لوول بنات انا معاكم اسجل اعتراضي

اي والله عالاقل لما وحده مجربته و قالت لج عن الفلم انه زين تتشجعين و تروحين له