ممكن الكل يدخل بلييييييييز

[CUTE__MAMY]

قوه خواتي شخباركم بس عندي استفسار اناحامل وبجر وبعد ٣ايام موعدي وابي اولد طبيعي وسمعت انه الهيل يجيب الطلق صج والي تعرف شنو طريقته
واذا في اي شي ثاني يساعد يجيب الطلق لاتبخلون علي بردكم
وعسى الله :yaaaaaarb::yaaaaaarb::yaaaaaarb::yaaaaaarb:يوفق ويرزق كل من ترد وشكرااااااااا

 

[* ملكني الخوف *]

لاتلعبين بنفسج حرام راح تتعذبين انا نفسج موعدي بعد اربع ايام سألت البنات اهني قالولي كثر تمر وامشي ساعه باليوم عن تجربه وحتى السستر اللي بالمستشفى قالتلي كثري تمر وفعلا اكلها قبل ما انا يعني خمس حبات والحين احس بعوارت رحت المستشفى وقالولي فيج طلق خفيف عاد الحين بشرب دارسين وبسوي تمارين تسهيل والولاده واحس ان قاعد ينزل مني مااي خفيف دايم الاندر وير احسها متبلله حييل اللي تدش تقولي هذا شنو؟ يعني مفتوحه ماي البيبي ؟؟ وبعدين حبيبتي وانا اختج لاتشربين شي الا اذا حسيتي بطلق بس والله تعبنا الله ياجرنا ان شالله

 

[داناتا]

لا تسوين شي لان راح ضرين نفسج خلي كل شي ايي بوقته ويمكن الدكتوره تسويلج فحص يفتح عندج الرحم بس توكلي على الله والله يسهل عليج الولاده

 

[iLLuMinaTion]

الله يسهل عليج

 

[ice box]

الله يقومج بالسلامه
دعواتج لي بالذريه الصالحه

 

[CUTE__MAMY]

يسلمووو على الردوود فديتكم والله يسهل على كل والده ويقومها بالسلامه وبوكس الله يرزق بالحمل المعافى يارب

 

[om la6ofa]

لا تلعبين ابنفسك سويتها اب حملتي الي طافت و انبط الماي و ذبحني الطلق ولا تبطل الرحم و اخر شي قيصري

 

[أأأميرة الورد]

الله يسهل على كل حامل وتولد بالسلامة
ياااااااااااااااااااارب

 

[.:lady bug :.]

ملكني الخوف فيج ولادة انبط الماي
الله يسهل عليج
جد والله روحي المستشفى الحين
اما عن الاشياء الي تساعد اكل التمر
وشربي حليب وزعتر
ومتى ماحسيتي بالطلق شربي خروع او دارسين
انا سمعت وحدة تقول دكتور معاي طلق خفيف
شنو اشرب قال شربي خروع
والله يسهل عليكم

 

[أم عبود 2011]

خليها على الله ولا تستعيلين نصيحة والله
والبيبي له ساعة الله كاتبها له بينولد فيها بالسلامة

 

[كوتيه مغتربه00]

والله ياعمري ودي افيدج
بس ماسمعت عن هالشي ابد

 

[زين ودلال]

امشي

 

[ghadeeeer]

عليج بالمشي والجماع ولو إن مو وقته هههههههههههههههههه

 

[Q.8.h.2]

اذا عطوج موعد مو معناته ماراح تولدين طبيعي انا اختي اول ثلاث حمالات لها تروح بريولها المستشفى لان خلاص خلصت شهرها وزياده فتروح وبلشون معاها تحاميل وجذي ويبدا الطلق وتولد الحمد لله

انا عن نفسي كلللش ماحب اخذ شي الا التمر سبحان الله مذكور بالقرآن ووحده من بنات تجمعنا من كثر ما تاكل تمر قالت ان صار لها تقلصات وقالولها ماتاكله او تقلل منه شي جذي فاكلي تمر
والله يسهل عليج يارب وعلى كل حامل