ممكن تدخلون ابي مساعده ضروري اليوم قبل بكره ...

[غلباء]

السلام عليكم ورحمه الله وبركاته

بنات ابدخل في الموضوع مباشره انا بكره ان شاء الله جايه للكويت اول مره اجيها بصراحه ومتحمسه مره

ابي مساعده منكم عندي كم سؤال

وش افضل المجمعات عندكم وتكون اسعارها مناسبه يعني تكون فيها ماركات وفيها محلات عاديه

وش تنصحوني اسكن بأي منطقه اللي تكون قريبه جدا من الاسواق والمجمعات والمدن الترفيهيه

لاني ابي اجلس فيها تقريبا 7 ايام ابي استغلها ماابيها تضيع وانا ادور على المجمعات الزينه

ياليت تجاوبوني اليوم ضروري خواتي لاني مسافرة بأذن الله بكره

الله يجزاكم خير يارب

اختكم غلباء
​

 

[m.9 xa]

افاااااا عليج أنا الحين اضبطج بس شوي خليني اطلع لج المجمعات كلها ...واهلا وسهلا حبوبة

 

[احب المدرسة]

حياج الله حبيبتي

شوفي في اكثر من مجمع راسليني على الخاص وانا اضبطج بكل المجمعات << دليلة مجمعات

 

[m.9 xa]

شوفي بالنسبة حق المجمعات اذا تبين ماركات أصلية تلاقينهم بمجمع ٣٦٠ و مطاعمهم تهبل صراحة والديكور والألعاب الي بالطابق الثالث حده رووووعة وعندهم صالة بولينغ بعد
اما اذا تبين تتسوقين ملابس و حتى تبين اثاث حق البيت او شغلات البيت تلاقينهم بمجمع الافنيوز ~>>>> اكبر مجمع بالكويت بس انصحج تروحين له بأيام الاسبوع لانه بيوم الخميس والجمعة زحمة ...وعندهم مطاعم وألعاب magic planet

واذا تبين سينما >>>> مجمع الافنيوز + 360 + مجمع المهلب + مجمع الكوت + مجمع الفنار ( حتى في ملابس راقية بهالمجمع خصوصا الملابس الي له طابع اجنبي وناعم بس غالي ) ومجمع البيرق هذا مجمع يديد (عادي )


واهم من هذول كله اذا بتشوفين سوالف يديدة وبي بي و وناسة >>>>> انصحج بالمرينا مول ( احب هالمجمع وايد )
واذا بتروحين مكان قديم ويعبر عن الكويت قديما ...روحي جزيرة فيلجا (يودونكم رحلة بعبارة يوم واحد وتردون بس مغامرة )

 

[m.9 xa]

واذا تبين فندق قريب من المجمعات وقريب من السالمية ومقابل البحر <<<< فندق المرينا
والأماكن الترفيهية >>>> اذا معاج يهال عندج المركز العلمي ...يعني بيلعبون ويستفيدون ؛)

 

[غلباء]

خواتي الي يبوني اراسلهم على الخاص للأسف مشاركاتي ماتسمح

حاولت اراسلكم لكن للاسف مايقبل

يعطيكم العافيه

 

[حلاها كويتي]

مجمعات الي تبين مثلا افنييو شرق جذي