ممكن تدلوني مكان - يثرب للاجنحة الفندقية -

[منول 2]

بسم الله الرحمن الرحيم

شلونكم ؟ شخباركم ؟؟

انا جديدة عالمنتدى وهذي اول مشاركة لي ياليت تتفاعلون معي وماتحبطوني ..

انا من الرياض وبكرا ان شاء الله بروح للكويت ثلاث ايام مع اهلي سياحة

وحجزنا عند (يثرب للاجنحة الفندقية ) والي تقع بشرق الكويت اظن

بس ابي اعرف الوصف بالظبط من اول مادخل للكويت لين ماوصل ياليت تفيدوني الله يجزاكم خير :eh_s(22):


بانتظاركم ،

 

[<miss botamba>]

حياج الله بالكويت

اول شي ابي منج دعوه حلوه ان الله يوفقني بحياتي ودراستي (ماتصدقين شكثر احتاجها) و نسافر ونرجع بالسلامه

لنج ان شاء الله على سفر و دعاء المسافر مستجاب


اول ماتدخلون من الحدود الطريج كله سيده (طريق الملك فهد) من بعد منطقه جليعه تقريبا بعد نص ساعه تاخذون يمين (طريق فحيحيل)

بعدين كله سيده كل طريج فحيحيل لين توصلون سلوى تقريبا ياخذ منكم الطريج ساعه الا او ساعه اذا في زحمه

بعدين هم سيده بس جنه الشارع يتغير اسمه يصير اسمه عبدالعزيز بن عبدالرحمن بس هم جنه اسمه فحيحيل تمشون فيه لين اخره توصلون جسر فيه اشاره ويمينكم فندق انتركونتنانتال

اذا وصلتوا لفوا يمين تروحون الدائري الاول

تمشون في الدائري الاول لين تلاقون اشاره و من بعد الاشاره تلاقون ماكدونالدز و ستاربكس امشوا بالشارع هذا اسممه جنه السور

وعقب اييكم دوار دسمان تلفونه يسار وتلاقون جدامكم فندق ال هوليدي ان على طول بعد الدوار اييكم يمين تاخذونه واول ماتدخلون في بعد دوار صغير تاخذونه يسار الفندق يكون يساركم




شوي و انزلج لج الخرايط

 

[<miss botamba>]

اول ماتدخلين الحدود (نويصيب)



لمن توصلين جليعه وبعدها اذا خذيتي فحيحيل يصير يمينج منطقه مينا عبدالله و بتشوفون يمينكم محطات البترول




بعد جليعه و مينا عبد الله يصير يمينكم وانتوا بخط فحيحل ( فحيحيل و ابو حليفه و المنقف و المهبوله و الفنطاس)




وتكملون كله سيده






شوفي هني يمين سلوى نفس ماقلت لج يمكن ينقلب اسم الشارع عبدالعزيز بن عبدالرحمن





وتكملون سيده لين يصير يساركم الجابريه و بعدها حولي






بعدها يلف الشارع شوي فتصير يساركم الشعب




وبعدها على طول اييكم جسر ويمينكم انتركونتينانتال نفس ماقلت لج هني تلفون اشاره الجسر يمين فتصيرون بطريق الدائري الاول




تكملونه سيده للاشاره وتكملون نفس السهم لان الاشاره فيها منحنى لليمين انتوا خليكم جنكم سيده






وانتوا بالاشاره بتشوفون ماكدونالدز و ستاربكس ومكان العاب اسمه كارتون نيت وورك


بالخريطه مكان الاشاره اسفل الصوره





واخر شي تكملين سيده لدوار دسمان

يكون قصر دسمان يمينكم تلفون الدوار وتلاقون الهوليدي ان تاخذون يمين والدوار الداخلي يسار






واذا طريجكم من السالمي


تاخذون الدائري السادس لين طريج فحيحيل تقريبا يقطكم عند سلوى و البدع يعني الطريج من الخريطه الخامسه

 

[منول 2]

الله يوفقك في حياتك ودراستك يارب :eh_s(7):


والف شكر عالوصف بصراحه الشرح وافي ومفيد بدعيلك طول ما انا عالدرب ...

مشككوره مره ثانية

 

[منول 2]

بس اختي انا ماراح اجي من حدود نويصيب

بنجي من السالمي
ياليت تعطيني وصف مفصل من السالمي
واسفه ان كنت طولتها معاك