ممكن تساعدوني بمشكلة بنتي عمرها 7 شهور

[ام مشعل المطيري]

:yaaaaaarb::yaaaaaarb::yaaaaaarb:اللة يعطيكم العافية بنتي ولدتها قيصرية وصار معاها نقص اكسجين ونزيف بالمخ وقعدت بالعناية 10 ايام وعطونا مراجعات البنك الوطني والبحر والعلاج الطبيعي العيون شبكيتها سليمة والعصب سليم الحمدللة والبنك الوطني سوولها تخطيط عالمخ وقالوا في تأثير بنقص الاكسجين ومع الايام يبين وبالعلاج الطبيعي قالوا في شد برجولها وايدها اليسار انا مو فاهمة معنى الشد واحنا معاهم من عمرها شهر لي سبع شهور وبعدها بؤرة العين تهتز وراجعت البحر قالوا فيها انحراف وبعد نظر ولبسوها نظارة والبنت للحين ماتقعد ووديناها لسعاد البصيري قالت البنت فيها رخاوة وناقصها فيتامين د ولازم تاخذ كورس مادري مو عارفة وين اروح اهي للحين ماقعدت مادري وضعها طبيعي والالا ولما اقعدها تشد شوي ايدها اليسار وبالنسبة للنظارة مادري طول عمرها راح تلبس جاوبو علي وانصحوني جزاكم اللة الف خير ودلوني على عيادات او اشياء تنفها بعمرها

 

[ام مشعل المطيري]

شدعوة خمس مشاهدات

 

[الحلا^^مبتليني]

انا بنت خالتي جابتها بالسابع وصار فيها نقص اكسجين وصابها شلل دماغي وماتتكلم
هذا اللي اعرفه عن نقص الاكسجين

 

[ام مشعل المطيري]

بعد عمري
مشكورة عالرد
بس انا بنتي مكملة التاسع مو ناقصة بس اقصد ولدتها قيصرية لان حاولت طبيعي وماقدرت واهي الحين عمرها سبع شهور عرفتي

 

[modern]

الله يشفيلك بنتك و يطمن قلبك
حاولي على قجر استطاعتك وديها دكاترة شاطرة ولو خارج الكويت يكون افضل عشان اذا عندها مشكلة كبيرة ممكن تتقلص و هي بعمر صغير.
الله يشافيها

 

[ورود11]

مرحبا اختي ابي اسئلج بنتج تقعد؟ولا تقلب؟شنو وضعها؟


يعني انتي تحسينها طبيعيه ولا تحسين فيها شي؟؟

 

[cute manar]

ماعندي فكرة بس رفع لعيونج وعيون بنتج الحلوة

 

[ام مشعل المطيري]

الحمدللة انا احس انها طبيعية اهي تقعد شوي وتطيح وتقلب عادي وانا اشوفها زينة بس انها للحين ماتقعد بروحها وايدها شوي شادة ومشكورين عالرد وجزاكم اللة االف خير

 

[سمسومه الحبوبه]

عادي ياعمري هذي اعراض نقص الأكسجين شد باطراف او رخاوه
وتأخر بالقدرات الحركيه أو العقليه أو الأثنين على حسب تأثر بنتك بالنقص
بس بنتك يبيلها علاج طبيعي مكثف عشان الشد
وبالنسبه للعيون نفس بنتي تابعي عند الدكتور ولاتخلينها واي شي تبينه انا حاضره
الله يشفيها وبنيتي ويطمن قلبي وقلبك

 

[loloالحلوة]

ما عندي فكرة
الله يخليلج بنتج

 

[HearT ChocolaTe]

الله يعافيج حبوبه .. وحياج الله بين امهات التحدي
بالنسبه لبنتج كم عمرها الحين ؟


حالات نقص الأكسجين لحد الحين الدكاتره ما قدروا
يصنفونهم لان يختلف من حاله الى حاله

انا ولدي ولدته ولاده طبيعيه .. لكن التفاف الحبل والخطا الطبي وقت الولاده سبب له
اختناق ونقص بالاكسجين .. والنتيجه ضعف شامل بالعضلات يحتاج علاج طبيعي عاى طول لتقوية الجسم

لاتهدين المراجعات الطبيه ومع الوقت بتصيرين انتي الطبيبه .. وبالاخص العلاج الطبيعي

 

[الباحثات عن الجمال]

ألف سلامه عليها ادهني جسمها بزيت الزيتون مع التدليك كل يوم وهتشوفي الفرق وبالعافية.

 

[وجدان بولعبد]

انا عندي بنتي عمرها سنه الحين
مستشفى الراشد بوقت الولاده اكتشف انه حبل السري ملفوف علي الالرقبه والجتف
والبنت الحمدالله من فضل ربي طبيعيه
وكلي امرج لله يابنت العم ومااااااالج شغل لا تحاتين ولا توسوسين هذا الشيطان ومايسوي
والحمدالله والحمدالله والحمدالله

 

[فوشيه عجيبه]

والله ما عندي فكره :gr4uu::gr4uu:

 

[miss mama]

سبحان الله نفس حالة ولد اختي تعسرت ولادته وصار نقص اكسجين- مع العلاج الطبيعي صار احسن وعنده انحراف بالنظر ولبسوة نظارة والحين يمشي بس شوي يعرررج وايده عاوجها شوووي -- عمره خمس سنين يمشي ويطيح -- المهم لا تحاتيييين الله يشافيييي بنووتج وان شاءالله ماعليها شر

 

[cute manar]

ماعندي فكرة حبيبتي
رفع لعيون بنتج

 

[اوووفه]

نصيحه اهم شي العلاج الطبيعي واعرضيه علي دكتور اعصاب وتابعي معاه وعطيه دواء اسمه تاناكان للعصاب تلاقينه في مصر
هذا الدواء ممتاز ينشط خلايا المخ اذا تعرفين احد بمصر خل يجيبه لك بكميات

 

[الصابرة المحتسبة]

رد : ممكن تساعدوني بمشكلة بنتي عمرها 7 شهور

رفع

 

[شمعه الجلااس]

رد : ممكن تساعدوني بمشكلة بنتي عمرها 7 شهور

السلاام انا بنت عمتي عيوونها نفس عيوون بنتج وسفرتهاا الماانيا وقاالواا الحااله الي جذي مايقدروون ايسوولها شي الا لما يكوون العمر 17 سنه


الله ايشاافيهم

 

[Great-Chef]

رد : ممكن تساعدوني بمشكلة بنتي عمرها 7 شهور

نصيحة لكل أم عندها ولد أو بنت عندهم تلف بالأعصاب او شد أو تشنجات يودونها للبرفسور أزهر داوود بالأردن والله العظيم هو الوحيد اللي ريحني ووقف تشنجات بنتي بعد ما مستشفيات الكويت لعبو في بنتي و10 شهور وانا اعاني من تشنجات بنتي وقت نومها الفضل لله ثم للبرفسور ازهر واعرف وحدة همن ولدها كان عنده نقص بالاوكسجين وتاخر ولدها عن القعدة ومسك الرضاعة وماخلت ديرة الا ودته والحين الحمدلله والله ولدها ماشاءالله عمره سنتين ويركض ويلعب مع اليهال بعد ماراجعت عند هالدكتور والحمدلله اللي دلتني عليه ... راح اكتب موضوع للبنات عن هالدكتور ان شاءالله