ممكن تساعدوني

[*انفاس نجد*]

السلام عليكم اخواتي كيف حالكم
انا جايه الاسبوع الجاي باذن الله لديرتي الثانيه الكويت وهذي اول زيارة لي مدة اقامتي 4 ايام شني المجمعات اللي تنصحوني بزيارتها محسبوتكم مجنونة شوبينق:eh_s(9): مابي ماركات ابي محلات اسعارها معقولة وحلوة وبما ان مدة اقامتي قصيرة والكويت ماشالله مليانه مجمعات ابيكم تقترحون علي بالمجمعات اللي ازورها وفيه شي ثاني ابي محلات تبيع الميني دراعه الكويتية وتكون ناعمه وحلوة وسعرها معقول مو غالي :eh_s(10): وابي محلات لتجهيز المواليد غير مذركير وزارا عندنا بالرياض ومشكورين خواتي وادري انكم ماتقصرون

 

[avector]

روحي مجمع الافنيوز
ومجمع 360
ومجمع الراية ( ماركات بس راقية )
مجمع الكوت ( بعييد )

 

[زمن الرويبضه]

ماعندي خبره ​

 

[*انفاس نجد*]

مشكورين خواتي يالله وين الباقين

 

[منو انت]

شوفي حبوبه اول شي حيااج الله بالكويت وان شاءالله تستانسين وتكررين الزياره

اذا تبي قطع قصير وحلوه وبعد تحصلين دراريع قصيره روحي بيت ديفا تحصلين اشياء حلوه واسعارها مناسبه بجد في اشياء حلو وبيت ديفا مقابل مستشفى الاميري يعني اي تاكسي تقولين ابي الاميري يوديج وبعد تجهيز المواليد ممكن تروحين محل كل لحظه بالمهلب حلوو وفي معارض ان شاءالله يناسبج ممكن تروحين معرض الروضان واذا ذكرت شي اقولج

 

[ابك ابيك]

حيآآآج الله حبيبتي

للموآليد روحي عيد النصآر حلو للموآلييد

اما الدرآريع الميني روححي البيرق فيه محل حلو واسعآره معقوله

والمجمعات عندج
الافنيوز
مول 360
البيرق
الفنار
المرينآ
المهلب
الكوت
ستي سنتر
52degrees
واماكن بعد وآجد

اتمنى اني فدتج

 

[*انفاس نجد*]

مشكورين خواتي ماتقصرون

 

[:: Diva ::]

حبيبتي الميني دراعه لو عندج وقت للتفصيل و ممكن تلاقين جاهز عندهم
روحي البلوكات ( سوق الصفاة ) بعد بلوك 2


او روحي الفروانيه عند العربيد