ممكن تشاركوني همي حيييييل مجروحه

[اغراب عشنا]

السلام عليكم ورحمه الله وبركاته
اسعد الله اوقاتكن اخياتي بكل خيييييييييييييييير:eh_s(7):
كنت بدخل من معرف ثاني واكتب قصتي بس ماحبيت هالحركه
اناا حيل متضايقه ومهموهه بكتب قصتي لعلي اجد سلوى وشي يخفف مابي نفسي من هم

انا عمري22 مطلقه لي 7شهور انخطبت من شهر ونص تقريبا
من قريبي اللي احبه موت ويحبني هو كمان كلنا نفس العمر في بدايه الخطبه ترددت لاكن الحمدالله الاستخاره تريح الواحد
امس يابنات قالي كلام اللي فهمت منه انو يبي يفسخ الخطبه يقول مابي اضلمك معي اناتوني لسى ومابي اضلمك والبنات اللي فعمرك يتزوجو وانتي جالسه تنتظريني بنـــــــــــات:eh_s(2):انا انكسرت من داخل كيف يقول هالحكي وهو عارف اني احبه ومالي حياه الامعه وانا قلتله مستعده انتظرك طول العمــــــر ماني مستعجله ع الزواج انا اقول في نفسي يمكن لقى من اجمل واحلى مع انو الحمدالله جميله وقلت يمكن سمع كلمات تجريح من اللي حوله كيف تتزوج مطلقه وشفيهم المطلقات مو ادميات ولهم وقلب ويحسون
بناااااااااات ادعولي الله يفرج همي انا قاربت للانهيار ومو نايمه من يوم قال السالفه تعبت تعبت:eh_s(2):



اختكم

اغررررررررررررررراب عشنا

 

[what's up]

الله يفرج همج
الله يهداج ليش قلتي له انا انطرك طول العمر جذي تبينين له انج قاطه روحج عليه
اثقلي

 

[the white heart]

الله يفرج همج .. اذا تحبينه تمسكي فيه بطريقة غير مباشرة علشان لا يوصله إحساس إنج قاطة عمرج ومية عليه بعدين يشوفها نقطة ضعف فيج وكل شوي بيعور راسج بيقول أنا بخليج .. واذا تبين الصج يمكن ما فيه خير لج ولو عزم الله ان شالله بيعوضج خير وأحسن منه مرات كون اخياراتنا مو بصالحنا والله يكتب لنا شي أحسن منه .. الله يريح قلبج ويشرح صدرك

 

[last-moon]

صلي استخارة ودعي ربج يفرج عليج

 

[مستغانميـة]

من خلال اللي اشووفه تعلمت شي واحد " حقري الريال اييلج " عزي نفسج ولا اتييله ولا تدقين ولا تكلمينه قطعي عنه ووخري واهو بيفقدج وبيحن وبيرجع

 

[اغراب عشنا]

الله لايحرمني اياكن
مشكورات حبيباتي
الله يحرم اجسادكن عن النار

 

[الشيخة@]

الله يفرج همش
اللهم امين والله مادري شقولش
انا امي كانت مطلقه من ولد عمها وجابت بنت بعدين تطلق
بعدين جاها النصيب من ابوي والحمدالله عندها 7عيال والله الحمد

 

[يــ عذآبيئ ــآ]

قوليله اذا تبي تنفصل براحتك .. بس من حقي أعرف السبب .. عرفي منه شنو سبب الانفصال .. وناقشيه بالسبب بس بطريقه انج انتي تخلينه يقول لنفسه اذا كان هالسبب يسوى انكم تنفصلون أو لأ .. وخليه لاتعاتبينه بس خليه يراجع نفسه بقراره واذا شاف ان غلطان بيرجع لج .

الله يكتبلج اللي فيه الخير

 

[pearls_q8]

الله يفرج همج

 

[Tom ♥ Jerry]

,،


حياتي ليش مأزمه الوضع ؟ آدري تحبينه
بس الي نساج آنسيه والي مآ يبيج خلي عندج كرامه و لا تبينه !
الدنيا مآ توقف على شخص يلعب بمشآعرج .،
قولي الحمد لله صدقيني خيره من ربج (=
و عسى آن تكرهوآ شيئا و هو خيرآ لكمـ .، آدعي ربج
يرزقج الزوج الصالح الي تحبينه و يحبج
الحب ايي بعد الزوآج يا قلبي ؛*
و آنتي توج صغيره و الحياه جدآمج
الهي عمرج بآشياء ثانيه .، مو تحطين ايدج على خدج و تقعدين !
الدنيا صدقيني مآ توقف على ريال !
و كل شي قسمه و نصيب .،

 

[sul6ana]

مادام قالها من البدااايه هذا شي زييييييييييييييييين لج ...لانه لو صار الزواج وبعدين يمكن غير رايه وطلقج

شنو الاحسن مطلقه مره وحده والا مرتييييييييييين

بس هم بعد صلي واستخيري واستغفري الله واقرا سورة البقره وياسين يوميااا وربي يفرجهاا يارب

واخر الاحزان ياااااااااااارب

 

[غنآآآتي]

احمدي الله انها جت منه الحين ولا بعدين !!
وقولي الحمدالله على كل حال والله يعوضج بلي احسن منه ماتدرين والله خيره
صح بتضايقين في البدايه بس ان شاء الله الي جاي احلى واحسن
دوووووم احمدي الله وادعي الله يرزقج بلي احسن منه اللهم امين يارب العالمين
ولا تقولين هم قولي ان شاء الله فرج والجاي احلى يارب ..
والحمدالله على حال

 

[مرا دلع]

الله يفرج هممك ياارب
حبيبتي حاولي تتكلمين معاه قوليله اذا فيه سبب ثاني غير اللي قلته لي
واذا ما عنده سبب ثاني قوليله انك متمسكه فيه ومستعده تنتظرينه

 

[كويتيه مذهله 87]

قوليله شنو السبب الي تفصخ الخطبه يمكن سامع شي وظالمج لازم احد يتدخل

 

[نور مغليها]

اذا يحبج ما يخليج .. ولا يقول بهالبسسَآطه ابي اتركج
يمكن احد مكلمه او مأثر علييه \ بس لو يحبج من كل قلبه ما يقول هالكلآم
إنتي حَآولي تكلمينه مرآ ثآنيه وشوفي اذا صج يتكلم او متردد او في شي ما شيات
ترا كثر الدق يفك اللحآم وفي نااس حيل نظرتها × للمطلقه ..
شوفي ققبل تتصرفين بأي شي وحآولي تقنعيينه .. اذا مو مقتنع فيج ...
تفترقون بالبدآيه أحسن من تتطلقين مرآ ثانيه

 

[الغلا كله لبوي]

الله يريح قلبج ويعوضج بالي احسن منه حبيتي اكثري من الاستغفار والدعاء والله يوفقج

 

[اغراب عشنا]

الله يجزاكن خير حبيباتي والله يبعد عنكن الهم وويسر امركم مثل ماشرحتم صدري
الله ينولكم اللي فبااااااااااااااااااالكم كل وحده رده علي

 

[عظيمة الشان]

هلا حبيبتي

اول شي اذا يحبج وشاريج مابيتركج بسهوله مهما كانت الاسباب

واذا على قولته مايبي يظلمج قولي له انه راضيه بهالظلم اذا اعتبرته ظلم اصلا

وسأليه عن الاسباب وناقشيه بهدووووء وبعقل خلي قلبج شوي على صوب بلييز ها

وفكري وحكمي لان الي يبييعج بسهوله احين شبيسوي عقب

وطبعا انتي اتعرفينه اكثر منا هني

وصلي استخارة يا قلبي وجوفي شيصير

اتمنى لج التوووفيق وحياة سعيدة ولتكدرين خاطرج ابد

عسى ان تكرهوا شيء لعلها صلاح حبيبتي

لو علمتم كيف يدبر الرب اموركم لذابت قلوبكم من محبته

تحياتي حبيبتي​

 

[الدانه-]

الله يفرج همج وكل بنت

 

[عاشقة الاسلام]

صدقيني عيشي حياتج ونسيه