ممكن تصممون معاي غرفتي؟!

[Om eLkakawiya]

السلام عليكم
مساء الخير ^_^

يعطيكم العافيه..

أنا على وشك إن شاء الله أروح لغرفة ثانيه ابيتنا أوسع من غرفتي
بس مو بروحي


أنا وبنتي الله يحفظها


اهي غرفه وحده وأبي أخلي فيها نظام ثلاث غرف
اللي اقصده أبي غرفة نوم وقعده اللي فيها تلفزيون وغرفة ملابس و ركن حق ألعاب بنتي بعد

وبنفس الوقت مابيها ضِيج ومغموته ومابي احط حق بنتي شي ثابت وباجر لما تكبر الله يحفظها مانقدر نغيره
والغرفه فيها جم زاويه وجم مساحه صغيره اقدر أستغلها استغلال صح لو صممتها عدل
ووايد شغلات يبيلها..ومحتاجه خبرتكم ومساعدتكم بتصميم الغرفه..إلى أن أخلصها..لإنه ماشاء الله قاعده اشوف غرفكم واختياراتكم حق الشغلات اللي فيها والتصاميم مبدعين


ياريت تعطوني من أفكاركم ولا تبخلون علي لإني محتاجه خبرتكم وأدري بنات منتدى كويتيات ما يقصرون فديتكم ^_^
قاعده اساحلكم ههههه


مادري بشنو ابدي اوضح لكم..وكان ودي احطلكم صور الغرفه بس فيها اغراض وان شاء الله اذا شالوهم اصورها لكم..بحاول اوضح لكم بالتفصيل
هذي صورة رسمه رسمتها بصبعي بالايفون هههه بس عشان توضح الصوره عندكم..لا تضحكون علي هههه


والله حلو تحميل الصور مال كويتيات كوبي وبست حركتات:rerrerek:..اول مره اجربها ههه..انزين هذي الغرفه من فوق..
اللي باللون الاحمر هذولا الدرايش والدريشه اللي يم رقم اربعه راح اشيلها ومفكره احط مكانها منظره كبيره
المربع الازرق هذا الباب
1) المكان اللي قلت احط فيه الفراش
2) زاوية بنتي الله يحفظها
3) قعده ارضيه وتلفزيون..وترا الباب مو جذي كبير بس ما عرفت ارسمه عدل..المساحه اللي يمه اكبر اللي قلت مالت القعده
4) الكبت..اللي الحين مطبخ تحضير..قلت من داخل يصير كبتي ومن برا جبال رقم واحد كبت بنتي
و ترا هم الرسمه مبينه انه الغرفه كبيره بس مو كبيره وااايد ابيها شرحه خايفه احط فاصل بين رقم واحد ..وثلاثه واثنين وتصغر الغرفه؟
***


ودي اقولكم عن غرفتي اللي انا فيها حاليا صغيره..وفيها تلفزيون والفراش طبعا والكبت ماخذ طوفه كامله مع التخزين وكرسي حقي وحق بنتي..والارضيه لزق لونها خشب برتقالي و زوليه قطعتين على ورد بألوان الغرفه..وحاطه ورق جدران
طوفه مشمشي وطوفه مشمشي عليه ورد وردي واصفر وبنفسجي..وطوفه مخطط تحت وفوق ورد

انا قلت غرفتي هذي حاليا عشان مابي نظامها او عشان تعرفون الوانها مابي اكرر.. وصراحه الورق جدران حيل مليت منه ولما قلت بغيره ولا يقول لازم يصبغونه عاد تكيسلت وين يودون الفراش ولويه.


المهم نيي حق الغرفه اللي بروح لها ان شا ءالله .. مادري جم حجمها بس ان شاء الله مصورتلكم اياها اذا بتساعدوني يعني ^_^
اهي قبل كانت حق اخواني بس ماكو احد فيها الحين
ومشكله فيها وحدات مو سنترال بس عادي..فيها وحدتين
يبيلها صبغ او ورق جدران..وبردات وقطع زوليه وكلشي :/


بنات عفيه ساعدوني احس لويه بس ابيها تطلع حلوه ومريحه وعمليه شايله كل اغراضنا لاني كله احب اقعد بغرفتي وبنتي هم ابي لها مكان


ههههه..انزين بعد ما كسرت خاطركم..الحين الاساسيات اللي ابيها اول شي ..وانتو قولولي صح تنسيقي ولا لا..
.كبت تفصال
.فاصل القعده والفراش
.الصبغ او الورق جدران
.اقطع السجاد
.البردات
***

كبت تفصال
ابي استغله استغلال حلو وخاصه العلاق يمكن اقلل الارفف لاني مابي غير البجايم اسفطهم ولا بتصير حوسه مثل كبتي الحين واليرارات لازم بس مو كبار وايد او كبيره وحده..ومكان حق الجناط والاكسسوارات (او مادري احط تسريحه برا حق الاكسسوارات)ومكان حق كريماتي ومكياجي وعطوري والسشوار..وتكرمون الجواتي احطهم برا ولا مع الكبت !

انا بديت معاكم بالكبت عشان يبدون يسوونه وعلى ما انقل اغراضي.


عفيه ماعليكم أمر رايكم بتنسيقي وافكاركم؟؟!!.. عشان اقدر اكمل شنو مخططه له بعد؟

　
ومشكورين مقدما :eh_s(7):​

 

[Om eLkakawiya]

وهذي الالوان اللي اعجبتني.. و ودي احط بطوفه فراشي ورق جدران بس تحديد الفراش..هذي الصور بايقتهم من موسوعة ام فارس ^_^..ذوقها حلو ماشاء الله..













شرايكم ؟

 

[Om eLkakawiya]

هذا فاصل مره شفته جنه ابميداس بس ما لاحظت شلون معلق..الفاصل مال الفراش..وانا اللي اقصدها مثل البرده ام خيوط



شرايكم يصلح .. بدال لا احط فاصل خشبي بين الفراش والقعده؟؟!

 

[Om eLkakawiya]

و هم ابالي حق الكبت..علاق ايكيا مال الجناط اللي اعلق عليه الجناط وينسحب..عملي وما ياخذ مكان..



وشرايكم احط كبت العلاليق بالمساحه الاوسع والجناط بالمساحه اللي على يمين رقم اربعه ؟

 

[dob106]

السلام انت على هالصور يبيلج شقه اولا يا عزيزتى الغرفه كم مساحتها ولا تنسين بنتج تحتاج مساحه للنوم واللعب والدراسه واختيارج للالوان جميل وطريقة الفاصل هم حلو واعتمدى على حسج فى اخيارج للاثاث والالوان والكبت افضل يكون للسقف للتخزين من ملابس شتويه وشراشف ولا تنسين السرير يكون تحته يكون جرارات لتخزيين العاب بنتج او احذيتها ويريت تأخذين جوله فى الاثاث التركى استقبال والتخزيين داخل السرير واخذى جوله فى ايكيا وارجوا انى اكون افدتج

 

[Om eLkakawiya]

هههه..فديتج مشكوره ع الرد..اهي تقريبا شقه صغيره..حتى طاولة اكل مفكره احط فيها..لانه نعتبر اسره بس ناقصه ههههه.
بنتي الله يحفظها عمرها ثلاث سنوات..وللحين ما عودتها تنام بروحها.

الالوان ابيها فاتحه حيل لاني ابي الغرفه تكون شَرحه..وعجبني تدرجات لون واحد..يعني مو لون غامج وفاتح..ما عطيتيني اقتراح ع اللون؟
ايه صح الكبت لي فوق عشان التخزين..
بس وايد تأذيت بغرفتي هذي من تحت السرير تدش العاب بنتي ويصير مخزن تحت بروحه..والتنظيف تحته صعب لانه حيل صغير لازم كل مره تدز السرير الخدامه وتخم وتطلع البلاوي :/ .. ودي اسكر تحت الفراش مابي شي تحته .. شرايج؟

رحت ايكيا و هم بروح مره ثانيه اذا عطيتوني افكاركم..حتى لو افكار بسيطه تساعدني..وبشوف التركي بعد

يعطيج العافيه ^_^

 

[صخر جلمود]

up


up

 

[Om eLkakawiya]

مشكوره حبيبتي ^_^

up
up

 

[Om eLkakawiya]

شدعوه بنات لو رايكم مو لازم خبيره .. بس فكره لو وحده عادي .. !

: (

 

[Om eLkakawiya]

اب
اب
اب

^_^

 

[قسي قلبك تعيش]

اخذي السرير اللي يكون تحته مثل الدرج تسحبين يكون سرير ثاني واذا رديته يكون سرير واحد في سنتربوينت اشكال وفي نوعيه سرير وكنبه حلةو شكل

 

[Om eLkakawiya]

امبيه حدي شديت حيلي
وعبالي انه البنات هني صج بساعدوني..بس صج ضاق خلقي

 

[Om eLkakawiya]

ايه شكلي باخذ اللي معاه سرير ثاني تحت..
مشكوره حبيبتي..

 

[bnt_kwt]

حبيبتي طولي بالج
ان شاء الله بيساعدونج وبيردون عليج

عندي سؤال غرفتج اللي الحين
شنو راح يصير فيها اذا نقلتي عالغرفه اليديده ؟

 

[Om eLkakawiya]

ايه ان شاء الله حبيبتي.. سوري بس لانه قاعد يشتغلون بالغرفه وانا الحين قاعده اصمم الكبت وللحين مو عارفه كلساع اغير فيه ..وودي احد يساعدني من اللي مصممين كبتاتهم..اعتقد لازم ادش موقع خاص حق المصممين

تصير غرفه حق اخواني.
ليش حبوبه هالسؤال ^_^ ؟