ممكن تفسير للي قاعد يصير

[رواية]

السلام عليم ورحمة الله وبركاته
خواتي الغاليات .
مدري كيف ابدا ولا من وين .. انا اعاني من مشلكة صارت متعبه تعذبني كثير

بس فسرر لي تصرفات زوجي طبعا بالملكه

تغير علي .. صار يغيب ايام مااسمع صوته مثل البداية كان باليوم مرتين
احنا لنا سنة كاتبين كتابنا بس لظروف ما اجلو الزواج ..

من سبع اشهر تغير صار يكلم بدون نفس واذا دزيت مسج يرد بعد ساعه ساعتين بعده بيوم

يقولي مرة انا مقصر في حقك مااستاهلك .. ويرجع يغيب

اقوله انت خاش عني يرد لو عندي شي كبير قلته بس انا مدري وشفيني شي ماعرفت له
ولاهو انتي الي وحدك تشتكين حتى اهلي اقعد عنهم بالايام .. <<<مادري هو صادق وياي ولا يكذب
مع انه ماعودني على الكذب .

بعدها سافر شهر ونص مع ابوه علاج برى وماقطعني بالمسجات بس مايرسل لين ادز له واسأل

اكتشفت انه مبلكني بايميله وسكتت ماوجهته

رجع من السفر لينه راد حبيبي الاولي يكلم شبه يوميا ويدز ويحب ومشتاق وفجأة يقطع وادق مايرد يومين ويدز انا مريض
ويقعد اسبوع وبعد اتصالات ومسجات مني يتصل ويكلم بدون نفس ورجعت ريمه لعادتها القديمه مدري شصاير
اول ماسمعت صوته بكيت قلت انت شفيك انا شمسويه لك مقصره معاك بشي
قال لا والله ماقصرتي بشي
قلت اذا ماتبيني قول قال ابشري اذا ماابيك بقول
وصار شوي كلام انا اعاتبه وهو مايتحمل وسكر بسرعه
وصار لي الحين اسبوع ويومين ماسمعت صوته وادز ولا يرد

ماعاد اقدر افكر اخاف في حياته وحده تجي وتروح اخاف خاش عني شي
مشكلته غااامض ومايتكلم الا ذا هو يبي يتكلم ولا اموت ماعرف اطلع منه حرف واحد .

انا الحين مدري شسوي اتصل على امه اسأل عنه ؟اخاف فيه شي

مادري عن اخبارهم لانهم ساكنين بمنطقة ثانية

ساعدوني خواتي ذبحني التفكير
هل هذي حالة طبيعيه تجي كل الناس باول زواجهم ولا لا؟؟؟؟؟

 

[الغلا الصعب]

اي عادي حاله طبيعيه مو يعني ما يبيج بس اكيد يمر بضغوط نفسيه او ظروف يخليه شوي يبتعد
وشي ثاني الرجال عكس المره ما يحب القرقه بالتلفون وبالمسجات كثرنا ومو يعني اذا طول كارهج او شي من هالقبيل
وبعدين اذا طول وما رد عالمسج الا بعد وقت طويل ؟شنو يعني ترا عادي !!
وانتي الله يهديج بعد لا تحنين عليه كل شوي اتدقين وادزين مسج ثقلي لا تخلينه يمل منج
وطبيعي ترا اتخف اتصالاته ومسجاته بعد فتره طويله وترا انتي غلطتي لما قلتي اذا ما تبيني قول لو معصب بيقول اي ما ابيج شبتسوين حزتها
لو ما يبيج حبيبتي الحين يطلقج اسرع شي النحشه لووووووول خبره بهالموضوع الشباب
انتي خليه فتره بروحه لا تتصلين عليه ولا ادزين مسجات ليما اهو يدز حتى لو طول شهر شهرين صبري
وما حطلج بلوك الا انه يبي يبعد شوي عنج ليش السبب عنده

 

[المغفره يالله]

رد : ممكن تفسير للي قاعد يصير

انصحج تحقرينه عامليه مثل ما يعاملج ورح يشتاق لج

رح يحس ع نفسه ويرد

موفقه

 

[هيزار*]

الرياييل يمرون بفتره نفسيه يحتاجون فيها يكونون بخلوه
مثل الحريم بفتره الدوره
فلاتحاتين خليه على راحته وبين عندج كل شي
ولا تضغطين عليه وتدقين وايد خلي كل شي رسمي وعادي
وان شاءلله مافي الا العافيه

 

[ڕۆۆحــي ڣــڍااگ]

ما ادري والله ما ادري

 

[زهراء الركابي]

رد : ممكن تفسير للي قاعد يصير

يمكن قاعد يمر بظرررررررررررروف

تحمليه لين اهو يرسيج على بررررررررررر

لا تكبرين الموضوع وتقولين لامه عشان لا يلاقيهااا حجه عليج ويزعل اكثر

الله يهديه لج ويجمعكم على خيررررر